新忠記打冷小菜館

打冷配啤酒，夏天必備 麻甩2人組Soy Egg 🥚同9 Flag 🏳️就去到紅磡食一間潮式打冷小菜館啤一啤是但總結: 好食 夠風味是但食評🌟💬✰環境 嘈但自由🙉傳統舊式裝修 一入到去完成俾D人聲浸住一家大細👨‍👩‍👧‍👦又有 一大班frd聚舊又有 幾個人小聚又有💬熱熱鬧鬧 開幾支啤酒🍺 一路飲 一路食 一路大大聲吹水💦都無人話你 依種自由既感覺絕對係依D餐館先搵到😋✰濃湯胡椒豬肚浸大花蛤 ($178) 🐷🐚 胡椒味大爆發😋個湯好足料 撈極都仲有野筆到出黎第一啖飲落去 嘩 D胡椒味爆晒出黎 超級夠味之後芹菜 肉味 鮮味 陸陸續續湧出黎飲完全身暖笠笠🔥但係略嫌個酸菜唔夠出味🥬食落個豬肚係冧身，唔係爽果隻，睇個人口味，我自己就幾鍾意冧既同埋完全無異味 抵讚👍花蛤🐚都好鮮甜，好大隻又無沙，但有小小overcook，有dd韌整體係好味既😋✰韭菜豬紅 ($55) 🥬🐷超入味😋韭菜豬紅🐷最緊要夠入味，依到完全做到食粒唔會有內臟味 豆瓣醬同蒜味超濃 亦夠冧滑 送啤油一流🍺但韭菜🥬就有小小老✰鹽焗元朗楊氏黃油烏頭 ($228) 🐟 油香十足😋一夾開塊皮，已經見到好正既魚油🐟夠厚肉但又冇過老，魚味濃郁同埋一定要點佢個黃豆醬🌱一齊食獨有既咸香味將個鮮味double再double✰金牌滷水拼盤 ($138) 🍽️  淡左D😟睇個樣已經好似唔夠上色食落唔夠咸 唔夠香 唔夠入味😟有小小失望 😟但有樣野讚，就係內臟處理得幾好，無臭內臟味🙂✰酥炸潮州蠔餅 ($128) 🦪 酥脆 一流😍份量超大同埋炸得好好一咬落起好酥脆💥，但唔會刮口又唔會淨係食到粉漿，脆同軟既比例岩岩好蠔🦪完全冇腥味，洗得好乾淨，粒粒都好飽滿可以係貼堂作品😍…查看更多

爸爸路過見到想試下嘅打冷小菜館，味道都唔錯喎🤓🦪酥炸潮州蠔餅(例牌) $88蠔餅好大份，外皮炸得很香脆，裡面啲蠔仔冇腥味，頗新鮮。蠔仔份量都正常，唔會話只得幾粒蠔仔。🪿潮州大鵝肝拼鵝片 $288鵝肝切成薄片，沒有腥味，入口即化。鵝肉片滷得入味，滷水汁嘅調味亦都恰到好處，唔會太咸。墊底嘅滷水豆腐就普通。🌶️豉椒炒蜆 $108個汁好好味，啲洋蔥炒到半熟嘅狀態，唔會生洋蔥嘅辛辣味，蜆肉正常，有鮮味。🪿豉椒炒鵝腸 $138個醬汁冇豉椒炒蜆個汁咁好食🤔不過都唔錯。鵝腸口感爽脆冇腥味，份量都好多，好大碟👍🏻…查看更多

-{黃埔私心最愛打冷🫖}終於出post俾依間😋由細到大都好鐘意食打冷 連畢業冊嘅最喜愛食物都係蠔仔粥🤓🤤鵝片🤤 ($138)啖啖鵝肉 小小鞋但好多滷水味好重😚底嘅豆腐都滷得好入味又夠滑😜👖褲評: 8/10🤤脆薯燒汁牛柳粒🤤 ($118)薯仔好食過牛柳粒😚炸到外層有層脆衣有啲焦糖香🤩😍似係脆嘅蜜糖咁🥳牛粒夠牛味亦炒得好香☺️👖褲評: 9.3/10🤤蠔仔肉碎粥🤤 ($108)蠔仔份量極多😂😂😂😂勁多芫茜聞落已經好香口😙蠔仔好夠鮮😋每次都食兩碗😎👖褲評: 8.3/10🤤酥炸潮州蠔餅🤤 ($88)脆到！！！炸得黎又係唔油😝蠔味夠重 又係勁多芫茜😚👖褲評: 8/10🤤椒鹽鮮魷配九肚魚🤤 ($158)魷魚好彈口🤓不過椒鹽味唔夠~九肚魚普通啲 兩個嘅炸皮都好高質😆👖褲評: 7.8/10依間食超過5次 以上嘅菜式都好推薦🥰有咩打冷嘅推介就話我知啦🤣性價比: 8.3/10服務: 8/10環境: 7/10🚩新忠記打冷小菜館🚩地址: 紅磡湖光街1-7號聯成大廈龍圖閣地下17A號舖 #fuudjai #fuudjai港式 #fuudjai中菜 #fuudjai黃埔…查看更多