米線樂•麻辣豬骨濃湯 (已結業)

🌸長沙灣美食🌸米線樂•麻辣豬骨濃湯🌶長沙灣一帶為充斥著各式各樣親民美食，當中不乏惹火川菜小店美食，今天想吃麻辣米線，因此今天就到了一間主打小鍋米線的小店-「米線樂•麻辣豬骨濃湯」品嚐晚餐！小店裝修精緻簡約而且五臟俱全，小店內有特色霓虹燈佈置及時尚磚牆，而小店的服務員態度十分友善，他們都非常之清楚了解餐廳提供的食物❗️能夠向客人詳盡地介紹餐點❗️我們一行2人共惠顧了以下餐點：小店的米線及涼皮均設有不同辣度給客人自行選擇：BB辣·微辣·小辣·中辣·大辣·特辣1️⃣🌟（微辣）麻酸辣豬骨濃湯米線配韮菜豬肉餃及酥炸墨魚豆卜 $55小店主打招牌的麻酸辣豬骨濃湯米線，米線質地彈牙，小店的配料會分開另上，保持配料的新鮮質感，今次自選了皮薄多餡的韮菜豬肉餃及黃金香脆的時間酥炸墨魚豆卜，份量十足，而麻酸辣豬骨濃湯為小店秘製的米線湯底，既麻辣又帶十分開胃的酸酸辣辣的味道，配搭新穎❗️美味指數：⭕⭕⭕⭕️⭕️賣相指數：⭕⭕⭕⭕️❌抵食指數：⭕⭕⭕⭕️❌2️⃣🌟（小辣）招牌涼拌涼皮配蝦膠腐皮卷及孜然炸雞翼 $57招牌涼拌涼皮麻辣十足，涼皮配有香炸花生、芫茜、秘製辣油等，撈起來吃味道辣而不燥，而涼皮則爽口彈牙，冰涼感十足，十分消暑❗️今

同個米線控嘅朋友出街就當然係食米線啦😂佢話喺米線關注組睇到呢間唔錯好想試下喎，咁咪試下究竟好唔好味啦泡椒鳯爪 $32我最鍾意就係食鳯爪，所以係必點呢間都整得唔錯喎，啲鳯爪咬落去係爽口嘅，泡椒味都好出，唔太辣，涼涼地啱晒夏天食水煮麻辣湯米線 $32未見過有水煮麻辣湯嘅米線，見係新出，一於試下佢，估唔到個湯麻麻辣辣幾好味喎，同出面食嘅麻辣米線唔同，呢個會香啲，加左墨魚頭$12同埋麻辣鴨血$12（出面唔會有呢啲配料梗係要試下啦）整體絕對係高分架！推薦！涼拌䈑筍 $22每塊都厚切🙈🙈加埋特製醬汁好惹味，咬落好爽脆，唔會有時喺出面食到啲腍晒嘅，仲要無渣架涼拌米線 $32本身想食佢地招牌涼皮架，不過可能真係太好賣喇，賣晒無得試，就試下涼拌米線啦，點左小辣我覺得唔夠辣，所以覺得唔夠味，下次都係點辣少少🙈加左酥炸墨魚膠豆卜同埋孜然炸雞翼，我發覺涼拌點豆卜有啲dry😂😂浸左落我朋友碗湯米線度好味好多😂建議點豆卜都係食返湯米線好啲白桃乳酸梳打 跟餐$12

因為家住美孚，所以，晌荔枝角、長沙灣一帶嘅足跡都比較多，加上好幾位親友、朋友都喺住晌順寧道一帶，故此，不時約晌呢頭短聚。今晚就簡單嚟到「米線樂」食餐米線，粉麵店中，米線鋪都幾深受港人鍾意，因為平靚正嘛。藍綠色嘅鋪面已裝修得比較新派，入到去裝修雖然簡約，水泥地、水泥襯白磚牆身，但牆上有唔少精心用語，都幾得意，好年青人嘅感覺。最緊要都喺地方乾淨企理，當然，啲膠板再大塊啲感覺就更好啦。米線受歡迎皆因抵食，基本嘅大碗米線底都喺賣$28-$32，當中已包咗唔少基本配料，而餸料亦非常多選擇，分4個價位：$7、$9、$12、$15，叫多叫少，豐儉由人。此外，仲有啲指定款式嘅米線、小食、炸物、涼拌……等等，仲有汽水、啡茶、特飲添。枱角有個二維碼，識嘅可以自行落單，唔識或唔熟嘅，搵店員代勞佢哋都好樂意。筷子已放晌枱上，而餐廳中間位有一個自助區，放咗啲紙杯、碗仔、匙羹、餐紙、牙簽、熱水……等等，自由取用。滷水豬耳 $22見佢有唔少特別小食，就揀少少嚟試吓，豬耳唔喺人人都鍾意，難得朋友都啱，就點一客滷水口味（可揀麻辣）。咪睇佢只喺一小兜，好似食極都有，滷得入味，口感爽脆得嚟又有啲嚼頭。酥炸墨魚膠豆卜 $36