燒肉時代 (已結業)

同小朋友們去完昂坪360返到東涌，梗係食埋晚飯先返屋企啦！見到呢間燒肉時代好評不少，一於試下！起初都怕冇野岩小朋友食，幸好其實都有好多選擇。原本諗住同小朋友一齊唔燒野食啦，點知個個乖乖食完飯瞓既瞓，玩既玩，決定點個no.1既韓牛拼盤！咁先似食韓燒🤣🤣牛脷夠爽，牛柳粒香到仔見到燒果陣已經指住要食，牛排遍布雪花，牛味濃，比美國澳洲果啲更有肉味～部隊鍋 - 如果麵條係辛辣麵果種就完美～豚肉飯 - 味道不太濃，岩小朋友食蟹子蟹膏蟹肉拌飯 - 啖啖蟹膏！蟹肉！蟹子！撈埋紫菜！每一啖都要慢慢品嚐！唔捨得吞！韓式炒粉絲 - 平時食親都好油，呢個又唔係喎～炸雞 - 好鬆脆！粉唔厚！

年初二既新年日子樓下好多食店鋪頭都冇開但呢到有間韓國野有開既我係呢個年初二中午時間去食呢間燒肉時代第一次食呢間野既部隊鍋價錢就係168蚊 其實點解啲部隊鍋會賣咁貴個鍋入面啲野全部都係啲好平既料黎加埋個一都成185蚊 都唔平架 部隊芝士拉麵蛋邊鍋入面都係啲蒸水蛋有芝士 加埋芽菜 中間係午餐肉 一個韓式既公仔麵拉麵仲有啲配菜咁 泡菜等全部都係啲CHEAP野 真心唔明點解賣到咁貴可能因為興韓風 咁就求其整啲野出黎都賣到咁貴講返個部隊鍋先但爐唔夠大 旁邊啲蛋整極唔熟但中間啲嘢其實幾好味 公仔麵好食 午餐肉佢係火腿豬肉個啲黎 比較重口味佢啲粟米都好食 其實個鍋係好味 只係貴

今日同男朋友仔一齊黎試下新開的韓國嘢食店，見到門口嘅時候，覺得佈置得都幾似模似樣，食物應該唔錯。我地兩個人，叫左個部隊鍋，清酒🍶煮蜆同烏冬。部隊鍋的材料同其他食過嘅一樣，無咩特別，隔離嘅伴菜味道好淡，無咩味。因為打頭陣嘅部隊鍋無驚喜，所以之後嘅嘢食無影相，而事實佢地都無咩特別。