港口味冰室 (已結業)

「快靚正」是茶餐廳嚐得到的香港味道，這裏將快靚正發揮得淋漓盡致😋下午茶餐 避風塘生炸雞髀配紅豆冰 ，這個組合太邪惡了吧！生炸雞髀佈滿油蒜酥，香辣惹味，脆卜卜的外皮包裹著熱辣辣的雞肉，非常銷魂，大熱天喝一口冰凍紅豆冰，暑氣全消😎日本櫻花蝦炒蛋(配香酥丹麥多士) 不就是豪華版的「炒蛋多士」嗎？！丹麥多士充滿牛油香，外酥內軟，與櫻花蝦炒蛋一起吃，口感豐富。秘製口水雞飯，已去骨的滑雞啖啖肉，浸在潑辣的秘製口水汁之中，不算辣但相信是為了迎合大部分香港人口味，入味的嫩滑雞肉及爽彈雞皮令人食指大動🤤🤤秘製瑞士雞翼也是港人喜愛的小食，香甜的醬汁不用多說吧！喜歡這種熟得剛好的肉質，不會煮得骨頭外露，還要一讚的是有用冰水處理過的雞翼才會這般皮脆肉嫩呢！

做完運動緊係要醫肚啦🤤同朋友周圍搵野食，竟然有意外收穫呀！👍🏼·🍗避風塘生炸雞髀配紅豆冰 (HKD 35)雞髀皮脆肉嫩，避風塘嘅精髓在於有蒜蓉嘅獨特風味，而且味道濃郁，越食越開胃！紅豆冰值得推介👍🏼紅豆烚得又腍又化，有花奶香，甜度剛好，絕對透心涼！·🍛神級粟飼叉燒煎蛋飯 (HKD 60)最正嘅地方係叉燒係取用伊比利亞黑毛豬，肥瘦適中，蜜汁中帶點焦香，夠哂Juicy🤤仲要係煎雙蛋，一切開蛋汁緩緩流出，配埋飯放入口真係好滿足😋·🥪流心芝士西多士 (HKD 28)西多士色澤金黃，面頭已經有牛油同少量糖漿，要幾甜可以自己再落🤪食落有蛋香，配埋芝士一咸一甜，夠晒邪惡啦掛？·🧋樽仔奶茶 (HKD 25)茶味濃郁，飲落又香又滑，比例恰到好處！估唔到一間小小嘅冰室，會有咁正嘅美食👍🏼下次黎開附近，應該會再幫襯❤️