金竹苑中菜廳 (已結業)

中菜普遍係大時大節都會同屋企人食，所以其他時間都會選擇食其他國家嘅菜式，不過心血來潮想食中餐，所以就揀咗開飯榜上有名嘅中菜廳，聽落好似幾架勢lol大樓外牆裝修緊，可能好多人都唔知間餐廳係到，所以上到去都唔係太多人，只有幾圍枱睇睇餐牌，其實野食選擇唔算多，但係價錢都唔太貴，所以我荷包可以放心啲~睇完成個餐牌，我明明見過佢地有蒸汽石鍋嘅菜式，諗住黎呢到一試，點知已經無咗喇 !!所以唯有叫其他野食……首先到嘅係避風塘去殼瀨尿蝦，就咁睇張相可能唔知係咩黎，因為餐廳已經好貼心咁將瀨尿蝦起好肉，跟住再炸，所以只係見到一舊舊炸物，不過啲瀨尿蝦蝦肉都幾大舊。炸好嘅蝦肉同辣椒、韮菜再炒一炒，但係蝦肉都仲可以保持到脆身嘅口感，而且有淡淡嘅辣味，感覺幾開胃跟住上嘅係香煎清遠雞，一上枱見到係炸嘅，所以以為佢上錯咗，唔知點解香煎會係炸，呢個中式炸雞都炸得幾脆，肉質都算嫰滑，再點埋沙律醬，味道就更加好，而且半隻雞嘅份量就夠曬我地四個人食～之後都係炸嘅食物，逐隻計嘅酥炸大元貝，炸好之後放番上個貝殻到，中間炸得啱啱好，元貝仲可以保持濕潤，口感都唔錯。但係食咁多炸野都幾漏下，最好連埋元貝下面啲菜一齊食:)幫緊粒大元貝影相嘅時候，另一碟香酥脆皮牛坑腩又到喇，因為有汁嘅關係，其實唔係好脆，但係由於食太多炸野，我反而慶幸佢唔係脆。牛坑腩口感超淋，好容易咬開，相信餐廳用咗好長嘅時間去燘，啡色嘅汁唔係太重味道，所以可以凸出牛肉嘅味道唯一一樣唔係炸嘅就係呢個宮廷醬烤骨，餐廳好細心咁切開分成六大舊，仲有幾片士多啤梨伴碟，輕輕用筷子一夾，豬肉已經分離，非常淋，一啲都唔似一般豬肉嘅韌韌口感，配埋酸酸甜甜嘅醬汁，味道幾好，可以中和番之前炸物嘅油膩感成餐普遍都係肉類同海鮮，雖然我食肉獸，但係都有點兒過多，嗌番啲菜平衡下就好，其實餐牌上無咩蔬菜嘅菜式，或者可能可以就咁叫餐廳煮碟炒菜?…查看更多

很喜歡帶老爸周圍食, 特別會帶他吃不同國家的菜式, 因為平時在家都是吃中菜, 想他有多些新鮮感, 但估不到…..有一天, 問他:「西、日、泰、越、韓….., 喜歡那國菜式?」, 他竟然答選擇中沒有的 “中菜”, 日日都吃, 為何最愛仍是它? 無論如何, 既然他喜歡今晚便一起吃一頓豐富的中菜吧!一出港鐵站, 步行數分鐘便看到一個正播放着謝天華下廚的影片燈箱, 原來已找到它, 位置相當方便就腳。位於大廈的5樓, 一出升降機門已看到牆上貼滿報導和多位名星到訪的照片, 看來這間菜館挺有名氣。 甫進內裏便看到多個養着生猛海鮮的水缸, 看來海鮮是今晚必點菜式之一。大廳地方寬敞闊落, 約有七八張十至十二人大枱, 亦有四五張四人枱, 枱與枱之間也有一定的距離, 但始終集中在一起, 聚起來頗熱鬧。菜館的橫裝並不花巧, 牆上掛了數幅書法字畫, 還在一排通花木架上鑲了以花朵為題的掛畫, 整體設計平實優雅。安坐後便馬上細閱設計精美的餐簿, 圖文並茂, 分門別類, 相當清晰, 有餐前佐酒小碟、鮑翅燕、誠意推介、廚師小炒皇、雞鵝美食、粉麵飯及凍飲, 選擇不少, 令我和老爸都難以下決定。******************************一頓中餐, 基本要有湯、飯和餸菜, 才覺得完整, 今晚當然有齊。先來一鍋是日例湯金銀菜煲豬肺 ($138), 平時只說白菜菜乾, 原來兩者合稱為金銀菜。據說白菜有清熱、除煩、利尿之效; 菜乾有清內熱、益胃腸之效, 兩者皆含有豐富纖維, 能有效幫助消化, 再用它們來煲豬肺, 對肺胃有熱和咳嗽痰多者有裨益, 咁看來我一定要喝多二三碗。湯料以預先舀起, 用料十足, 有腍嫩清香的白菜 和菜乾、多件鮮香的豬骨, 當然不少得豬肺。先試試幾件豬肺, 當中有腍滑的、有連喉位爽口的, 亦有帶筋膜煙韌的, 件件鮮香吸引。再呷一啖清澈的熱湯, 相當鮮香美味, 滋潤順喉, 一鍋足足有五六碗, 份量十足, 但我倆並沒有浪費, 因為它的確美味得令人愛不釋手。 ******************************一向都很喜歡吃海蜇, 如果飲宴中的乳豬拼盤加有海蜇, 我便會將海蜇當為主角,乳豬變成配角, 哈! 還記得細路時, 老爸也試過自家製涼拌海蜇, 但我一句說不好味, 就沒有再吃過那份味道了……他不弄便帶他吃, 這客前菜海蜇小雲耳 ($48)令他大為讚賞, 吃得津津有味, 當然也討我歡心。平時所吃的海蜇較為幼身, 而這裏的海蜇頭 條條厚身, 口感更佳, 極之爽彈; 一口大小的小雲耳 同樣爽口, 兩者均烹調入味, 吃前再撈一撈, 滿載醋酸、蒜香和帶點香辣, 正! 還有舖底是清爽的西式雜沙律菜, 原來拌入中式的鎮江醋, 也挺匹配。酸酸辣辣, 入口微涼, 越吃越開胃, 越吃越滋味, 作為前菜一流! 一客份量足, 味道美味, 價錢實惠, 絕對是必食之選, 推介! ******************************上枱時傳來"喳喳"聲, 亦香氣四溢, 還未吃這道砵酒焗桶蠔 ($188)已叫人垂涎三尺。以石鍋盛載上枱, 可維持熱度, 正!一鍋四隻, 別以為數量那麼少,其實隻隻如拳頭般巨大,挾起來相當墜手, 絕對是重量級。巨蠔 隻隻金黃, 外層有層薄炸漿, 但已濕淋。咬一口, 馬上爆出鮮甜的蠔汁, 蠔肚極之肉厚肥美, 非常腍嫩, 而裙邊則有咬口, 蠔味濃郁, 帶有砵酒 香甜, 烹調入味,啖啖都令人吃得滿足。主角出色, 配料亦不遜色, 多片清甜爽口的洋蔥, 還有清爽的青紅椒粒, 皆沾滿香甜的砵酒醬汁,是佐飯之選。******************************避風塘去殼瀨尿蝦 ($118/隻)是菜館的招牌菜之一, 不得不試。一上枱已聞到陣陣蒜香, 以炸蒜、指天椒、蔥段、胡椒 等配料爆炒, 色澤金黃, 香氣迫人,鑊氣十足。一隻比我手掌還要長, 體積相當巨大, 最高興是已經拆殼, 啖啖肉, 減去最困難的步驟, 非常貼心, 岩晒我。瀨尿蝦肉 炸至金黃, 外層脆漿薄而香脆, 乾身而不油膩。肉質亮麗, 彈牙鮮甜, 相當新鮮, 以避風塘炮製, 香辣惹味。而香脆的蒜粒、香辣的紅椒 和蔥段, 越吃越刺激, 又是佐白飯之選, 另拌上數片清爽的青瓜片, 有助清清味蕾, 相當細心, 讚! ******************************嘩! 估不到除鵝掌 外, 還有一隻大花菇, 配埋青綠的西蘭花, 淋入鮮香的鮑汁, 這道鮑汁扣鵝掌 ($32)的賣相矜貴得體, 好有睇頭, 意料之外。大花菇 肉厚爽身, 咬一口已爆出香濃的菇汁, 菇味濃郁, 烹調亦相當入味, 味道合宜, 並不會過鹹; 鵝掌 亦同樣入味, 滿有鮑汁的鮮美, 而且非常腍滑柔軟, 並無散爛, 令人吃得滋味。深褐色的鮑汁, 香氣濃郁, 味道鮮美, 又怎能浪費? 用來撈飯, 亦把伴在旁邊爽口的西蘭花蘸上它同吃, 美味得很。以此定價, 有如此賣相和質素, 簡直又是另一必食之選, 推介!******************************身為魚痴, 也怎會不點一道魚的菜式呢? 一客西蘭花海斑球 ($198)約有六七件海斑, 伴上西蘭花、紅椒和蔥段 , 熱辣辣上枱, 挺吸引。件件海斑 肉質潔白, 可惜沒有預期中那麼鮮嫩, 雖連帶着我喜愛的魚皮, 但亦不算油潤, 欠缺膠質, 的確有點失望……反而伴在周邊的西蘭花, 翠綠清爽, 味道鮮甜,很討我倆喜歡。------------------------------一直都努力尋找異國的菜式帶老爸嘗試, 希望能討得他歡心, 但原來他喜愛仍是中菜, 真是意料之外, 或許老一輩對中菜總有一份情。今晚老爸邊吃邊談及每道菜的烹調技巧, 也回憶他親自下廚的經驗, 可見他對中菜的情懷是難以取代。…查看更多

之前睇過有雜誌介紹這間餐廳，特別是這裡的瀨尿蝦, 有手掌咁大隻, 所以就相約朋友來食。這裡位於尖沙咀，K11附近，非常方便，是一間位於五樓的中菜館, 樓上六樓有附屬的聯誼會。門外貼有很多報章報導。店內環境舒適，有電視播放。有多間VIP房。先看看餐牌，有小菜及蒸汽火鍋提供。前菜是腰果。我們當然馬上點了每人一隻"避風塘去殼瀨尿蝦"$118/隻，瀨尿蝦真係有手掌咁大隻，啖啖肉，好有滿足感，用了大量不同的香料做，有些椒鹽香味，伴碟的炸米粉亦很鬆脆香口，送飯的一流。跟住個菠蘿咕嚕肉$98 係經理推介的，平時成日食，但係呢度個咕嚕肉真係不得了，外層香脆，內層肉質夠軟，甜酸汁又夠醒胃夠，非常滋味。酥炸大元貝$48/隻, 炸得非常鬆脆可口, 元貝(帶子)大大粒!之後又係食炸物，試了一個經理推介的椒鹽鮑魚 !!!哇,好豪呀, 椒鹽味好香口, 鮑魚食落很有口感, 很彈牙!最後飲番杯cream soda !!! 非常滿足 !…查看更多

媽媽愛吃中餐，於是帶她到金竹苑中菜廳吃吃小菜，逗逗老人家開心。甫進入店舖，已見魚缸內的各式鮮活海鮮生猛地游來游去，看得令食客非常心動。經店家介紹過後，決定嚐嚐避風塘去殼瀨尿蝦 ($118/一隻)，一人一隻。乍看之下見其份量十足，每隻重約四至五両，蝦頭蝦尾以傳統的椒鹽方法料理，而中間部分去殼起肉後，裏以蛋漿再輕炸過，形成脆炸外皮。經去殼後食客無需再怕剝殼時會意外傷手，非常貼心。瀨尿蝦肉非常飽滿，外層炸皮內的蝦肉結實彈牙，啖啖肉！拌以避風塘配料：蒜與乾蔥一併吃，惹味非常。難怪成為金竹苑的招牌撚手小菜，果然名不虛傳。吃過水中游的，也要吃點陸地走的。香煎清遠雞 ($198/半隻) 雖說香煎，但感覺像是酥炸：外層結有一層薄薄的酥香炸皮，裡頭的雞肉滑嫩，滿有層次。咬破外層，裡頭熱騰騰的溫熱與油香溢出，十分酥香。砵酒美國桶蠔 ($188)，美國桶蠔件頭非常大，肉質肥美，長時間燘煮下也亦鎖住蠔的鮮味，肉質亦沒有變韌，其調味鮮甜能為美國桶蠔提味，錦上添花。老人家說：「飲食要均衡。」然後叫了一個濃湯海皇雜菜煲 ($98)，多吃蔬菜清腸胃。清甜上湯煨著各式青菜，裡頭不乏海鮮如帶子、鮮蝦，美中不足的是海鮮不夠多。（我承認我是有點兒貪心，我喜歡那帶子鮮甜彈牙，可惜只有兩隻。）對中菜質素滿有要求的家母對今次小菜亦頗感滿意，看來金竹苑會成為家庭飯局可以 encore 的地點。…查看更多

放工後同媽咪食豪D,毅然去尖東地鐵站 N2 出口,步行三分鐘就去到到咗金竹苑 - 呢間中菜廳晚飯,品嚐佢地嘅豪華👍美食😋😋😋一入到餐廳，店內裝潢光猛，環境坐得舒適，打開菜單就知呢間中菜餐係比得上洒店價錢。當然要品嘗同細味一下幾道美味中菜喇！要點以下幾道招牌餸😍😍😍海底椰雪耳南北杏燉雞湯 $488呢碗湯有上等海底椰配合清香椰杏，鷄肉嫩滑，入口清甜椰香味，係春季補身最佳料效有助知潤喉嚨☺☺☺，吃完相信我倆皮膚都會靚D，一於飲多幾碗先🙃之後湯前還有白菜附送，簡直一流😋！當然要試 避風塘去殼瀨尿蝦 $118/隻 X2入口感覺又薄又脆，内面包着原隻瀨尿蝦,每一細啖都頗帶有濃郁鮮甜蝦肉,再配合有乾身椒鹽蒜,碟上不會油膩，真係回味無窮,急不及待,再來一口！咕嚕肉 $98炒到遠處都聞到個股酸香，吃下去面頭好脆，口感十足嘅豬肉香，甜酸醬味道甜美可口再加埋獻汁，配搭洋蔥加青椒，嫩綠爽,恰到好處😊叫了一碟 西蘭花生炒海斑球 $198呢碟個海斑入口好鮮甜，肉質又新鲜嫩滑，再加上甜翠綠西蘭花👍，味道確係送飯佳選！餐廳內侍應服務態度良好，整體非常滿意😊…查看更多