咖啡灣 (荃灣千色匯) (已結業)

個日行過見到間餐廳裝修幾得意就入左去試了😂一夜小小就見有少少人排隊 令我覺得應該都唔錯 因為佢都book得幾爆下😂個日叫左⋯鐵板雞扒番茄醬汁燴意大利麵 $72呢個係男朋友話要嗌既 但估唔到全餐最好食既野竟然係呢個😂 因為其他都有啲令我失望軟殼蟹黑松露忌廉意大利麵 $98軟殼蟹係全隻上 係意粉上面造型幾得意 但食落又覺得麻麻地 啲粉好似未係炸得好熟咁 而個黑松露唔算出 最主要我覺得啲意粉太小😂 其實兩個意粉份量都唔多 所以食完一個都唔係好飽。黑魔王窩夫 （全份） $82個oreo碎都幾多 但好似唔係好新鮮 因為食落啲餅乾係有小小淋左 應該係開左擺係室溫耐左既感覺🤨綠茶牛奶 （熱）$36係因為我見係三眼仔拉花所以先叫黎飲， 飲落其實都係普普通通既green tea latte 唔算好出色但可接受😂 但因為有三眼仔所以加左分🥰…查看更多

今日放假約左家姐去荃灣行街，去左千色匯出邊的咖啡灣，間鋪好長，門口有大大隻天鵝公仔，仲有一個個咖啡杯狀的座位，依粉紅色做主題，好岩有少女心又鍾意影相打咭的朋友。今日見唔趕時間，所以無叫lunch set, 反而在餐牌揀美食。手作特級和牛漢堡漢堡包夠脆，和牛漢堡好厚身，真材實料，又鮮嫩多汁，夠哂juicy，再配上較酸的醬汁，味道有別一般的漢保包。薯條外脆入軟，唔會乾身都好熱氣，又唔會淋到好似浸左水咁，好滿意。軟殼蟹黑松露忌廉意大利麵Wow, 軟殼蟹原隻奉上，好開心！放低時已經聞到好香，軟殼蟹非常新鮮，又香又脆，又唔會太多油，超級好味，忌廉意大利麵每一條都痴住多多的黑松露，絕不欺場，好味。黑魔王曲奇雪糕窩夫半份 午餐食甜品唔過份，但半份就夠啦。窩夫好脆，配上雪糕同忌廉，仲有幾塊OREO 餅仔同一條百力枝，中間有些棉花糖的點輟，誠意之作。飲品叫左一杯熱朱古力同一杯熱薄荷朱古力，平時都好少飲熱野，但好想睇下會有咩拉花。哈哈︳我有叮噹~ …查看更多

放工後零舍肚餓,同同事見到依間充滿少女夢幻氣氛嘅cafe,諗都唔諗就決定一試。一見Menu我哋都比依兩杯飲品吸引到心心眼,綠茶鮮奶上嘅三眼仔圖案好可愛。燒焦糖燉蛋鮮奶亦好特別,奶泡上被燒到金黃色嘅焦糖搭配上令人醒神latte。原隻軟殼蟹雖然並唔係好大隻,但係炸得酥脆香囗帶有少少蟹肉。意大利麵軟硬適中醬汁夠creamy黑松露味亦突出。酸酸甜甜嘅番茄醬令人越食越開胃,意粉嘅配菜仲有蘑菇片,大蝦亦新鮮爽口。每個女仔不論食得幾飽都對於甜品有兩個胃,跟何況係面對依個充滿少女風味嘅夢幻窩夫,外脆內軟嘅窩夫配上Oreo餅乾,棉花糖同朱古力醬再搭上雪糕一暖一凍嘅口感更有層次。…查看更多

之前生日，在網上無意看到這家餐廳，一下子被吸引了，店內外裝修都像身於童話世界中（咖啡杯、天鵝、摩天輪模型）我們六時多就入座了，不用等位，用餐時限1.5小時。但食完之後外面有些少人在等。店員服務態度好，餐牌上有各式各樣的選擇，選了好久，店員也沒有催促，又主動加水網上最多人叫的是軟殼蟹黑松露忌廉意大利麵 ，軟殼蟹不大不少，炸得不錯，但個人不太喜黑松露味意粉，份量足夠。黑松露米蘭雞扒白汁飯是我認為最好食的。飯的軟硬度剛好，加上側邊的白汁，很配合另外還叫了些小食，雞翼皮炸得看脆，有特別風味,反正味道很熟悉，就是說不出那個味道。飲品不過不失，朱古力普通，只是拉花特別；沙冰只是沖着顏色漂亮才叫，很重柚子味。窩夫開頭叫可以最后才上，飲品如是，可途中太渴了。加＄20就可以有生日牌，蠟燭。食到最後真的好飽，窩夫夠脆，夠厚，上面還有星星脆粒。真的好少女讓我留下深刻的生日回憶…查看更多

星期日晚，為慶祝朋友仔生日，一行六人決定嚟咗呢一間咖啡灣食，之前知道呢一間咖啡灣喺太和有分店，已經好想試咗好耐，但係最後都因為每次太多人等位所以無機會試，今次反而喺荃灣食到！🤤👍🏻💃🏻想講下呢間餐廳嘅環境佈置非常舒適，沙發椅都好舒服，整體又好乾淨。員工服務態度非常殷勤有禮，食物賣相簡直係一百分💯💯，價錢都唔貴，各樣都好好就只欠缺食物質素真係一般🤣🤣🤣🙈🙈🙈真係令人意想唔到。講返食物我哋叫咗：軟殼蟹黑松露忌廉意粉$108（8分）成隻完整軟殼蟹沙律賣相非常好，黑松露食都夠香夠多，係我覺得最好食嘅一款菜式，加上價錢唔貴算係抵食。🤤😋😌凱撒大帝沙律＄62（4分）Um... 份量有啲單薄，無特別。😶墨魚汁帶子意大利麵＄98（4分）坦白講呢個冇乜味⋯⋯⋯🙈😅大蝦番茄醬意大利粉$98（3分）番茄醬應該都係茄膏，同一般茶餐廳嘅lunch set冇乜分別😑蜜糖雞粒$88 (8分)雞粒炸得幾香脆，又唔會炸到太乾，都算唔錯，有埋薯條配襯OK好味。😋😋草莓雪糕窩夫$84(另加生日牌加左＄20)埋身真係一流！讚！等窩夫武旦你唔香脆口感有啲硬，做唔到外脆內軟嘅感覺，只屬一般。😅叫咗六杯野飲，飲品okay, 最欣賞係會杯熱飲上邊都有街花筒畫花真係好有誠意！👍🏻👍🏻💃🏻💃🏻👏🏻👏🏻總括呢間鋪頭環境，食物賣相，員工服務態度，餐廳佈置，舒適度都100分💯💯💯💯，只係最重要嘅食物質素有望提升💪🏼💪🏼💪🏼💪🏼…查看更多

呢日同男朋友係千色店買完野，大概兩點鐘左右打算食個late lunch。係千色店正門既後面，見到呢間好fancy用天鵝做嘜頭既cafe。兩點幾都坐滿人，都知一定唔會中伏，見到門口推介既意粉同漢堡都幾吸引，就走左入去食！粉紅色既咖啡杯櫈好可愛，店內仲有個電動摩天輪既裝置，好似去左遊樂場咁呀！軟殼蟹黑松露忌廉意大利麵 ($108)未見過有咁大隻既軟殼蟹pasta！軟殼蟹炸得非常脆身，又無油益味，重點係隻蟹有好多金黃色既膏，好甘香，肉身夠厚！意大利麵比較幼身，係餐廳自家製的麵條，食落較為容易吸收忌廉汁。而且，黑松露既份量一點都唔吝嗇，每一條意粉都沾上黑松露粒，加上蘑菇洋蔥呢兩樣配料，個汁既味道又creamy又濃。吉列豬漢堡 ($88)麵包格外鬆軟，大小亦剛剛好，食起上黎唔會食得好狼狽，小妹最怕係外面食到好污糟，最後要分開啲配料食。塊吉列豬新鮮炸，夠juicy夠厚。裡面既配料(芝士、番茄、生菜)都比較classic，但要一讚既係，用上既蕃茄生菜都鮮甜多汁，芝士溶係吉列豬上，夾埋一齊食令吉列豬唔會乾爭爭。另外，呢個漢堡亦配粗薯條上，相對抵食。紫薯雪糕窩夫 ($88)窩夫有四小件，砌成一個花型。每件窩夫上都有小甜薯、奶油同棉花糖。碟邊有士多啤梨同朱古力醬，可以用窩夫點黎食。將窩夫塗上紫薯雪糕同奶油，然後食埋窩夫上既脆糖，一冷一熱一脆一軟，口感獨特。不過如果有一球紫薯蓉的話，紫薯味應該會更特出！綠茶鮮奶 ($36)拉花超級可愛，係我鐘意既怪獸公司大眼仔！綠茶粉既份量都幾多，所以都幾濃，可惜呢度用既綠茶粉帶點茉莉香，唔太岩我口味。但男朋友好喜歡，因為佢覺得無青澀味。總結黎講，咖啡灣既食物口味大眾化，環境充滿少女風。另外，呢度既店員好留意客人既需要，經常會主動加水，係呢度嘆美食同男友影下相傾計都好舒服。…查看更多

約咗朋友到荃灣，佢話之前見過呢間餐廳啲咖啡杯好靚， 提議去試， 就咁決定啦:) 餐廳喺千色店後門行出去， 原來佢講係坐得嗰啲大咖啡杯，真係好靚呀 餐廳佈置夢幻 ，充滿開心的氣氛💞我都坐在咖啡杯裡餐牌好多選擇， 朋友叫咗個set lunch 手作特級和牛漢堡 ，和牛好厚，夠味又夠juicy ，伴着熱辣辣粗薯條加$15 配凍榛子鮮奶咖啡我被menu嘅軟殼蟹吸引住， 散叫咗個軟殼蟹黑松露忌廉意大利麵， 賣相一流， 成隻軟殼蟹趴喺意大利麵上面。 經理話軟殼蟹係每日新鮮運到。軟殼蟹微微炸過， 外脆內軟， 仲有黑松露香味十足嘅意大利麵，視覺同味覺嘅享受另外叫咗杯熱綠茶鮮奶， 三眼仔拉花，靚到! 搞到我遲遲都唔捨得飲仲叫咗新登場嘅玫瑰花漾窩夫，有淡淡玫瑰花瓣墊底， 好特別。 窩夫外脆內軟， 加上甜甜嘅士多啤梨，仲有啲星星脆脆同細細粒棉花糖點綴，豐富了口感的層次愉快的用餐😊…查看更多

今日放假，又係同阿囡一齊去覓食嘅好日子。 上網見到啲人介紹呢間裝修好得意，同啲嘢都幾好食，就一於嚟試下啦~佢門口佢就喺千色匯中間條巷，阿囡一見到門口就已經話好靚喇，有好多個粉紅色嘅咖啡杯係到，好吸引呀~ 門口仲有隻天鵝，影相一流~入到去我哋被安排坐喺卡位，卡位嘅佈置都好雅緻， 旁邊仲放左個玩具裝飾櫃，有成個lego砌嘅摩天輪裝飾，好別緻~午餐由HK$76 起，包一杯野飲~ 另外主餐牌都好多野揀，花多眼亂，樣樣都想揀添~甜品餐牌仲吸引，我地諗左好耐，款款都好靚，真係要黎多幾次先得~我地最後揀左兩款意粉， 一個飯，同一個甜品~ 開心share~ 軟殼蟹黑松露忌廉意大利麵 - 軟殼蟹原隻上，成隻碟咁大隻呀~ 上枱時熱辣辣，切開兩邊時仲有煙出。成隻軟殼蟹都炸得好香脆，唔油膩~ 意粉好香松露味，有落足料， 正！切開兩邊時你睇下仲有滿滿黃色的蟹膏~香辣蒜香蜆肉意大利麵 - 呢個岩晒啲喜歡辣辣地既朋友，蒜香味好濃，好襯個蜆肉。蜆肉都幾大粒同幾新鮮，食落鮮甜，唔會有沙~豬扒墨魚汁飯配明太子忌廉汁 - 上枱構圖好靚，豬扒表面炸得好脆，內裡仲juicy, 唔會太un。 旁邊有得櫻花蝦，配埋個明太子忌廉汁，撈落墨魚飯度，配合得岩岩好，好鮮味~食完主菜就到阿囡期待既甜品喇~黑魔王曲奇雪糕窩夫 - 裡要包括有大塊細既oreo 餅，曲奇雪糕，朱古力百力支。上枱時小朋友們已經嘩嘩聲，個樣已經贏晒。食落個窩夫幾鬆軟，我地4個人食好快就搶晒黎食喇~餐飲熱柚子蜜，熱熱地甜甜地暖下個胃，唔錯~服務方面，侍應姐姐見我地有小朋友，仲主動幫小朋友坐好BB 櫈，扣好安全帶，值得一讚！…查看更多

與閨蜜慶生，特意來佈置夢幻的【咖啡灣】，感受少女氣息。門口有2隻白天鵝迎接我們，玻璃窗內的天鵝隨著燈飾迴旋，活像巨型的音樂盒，十分浪漫。餐廳最大的特色是，可愛的咖啡杯茶座，絕對是女孩子必爭之「座」。晚上七時正，餐廳已經半滿，相信週末要訂位了。最吸引眼球的是LEGO摩天輪，配上幻彩閃爍的LED燈，大家也情不自禁上前拍照。綠茶鮮奶 (跟主食點叫，有半價優惠+$18 )這裡的咖啡和牛奶熱飲都有精美拉花，但圖案是隨機的。我點了綠茶鮮奶，便深深期待著! 三眼仔拉花維妙維肖，慢慢攪拌下，綠茶香氣撲鼻，入口奶泡香滑，非常Creamy，喝到半滿時，杯底的綠茶粉更是衝擊味蕾。軟殼蟹黑松露忌廉意大利麵 $108軟殼蟹黑松露意粉是熱門推介，整隻酥炸軟殼蟹放在意粉上，實屬難得。 相機先食後，我才緩緩把軟殼蟹切開，白滑的蟹肉令人垂涎! 入口酥香無比，油香邪惡，脆而無骨，一口軟殼蟹，一口忌廉意粉，美味可口。淡淡的黑松露，加上爽口的蘑菇片，著實不錯。鵝肝和牛巨人漢堡 $138鵝肝和牛巨人漢堡真是King Size，半蓋上的漢堡顯露出肥美的鵝肝、厚實的牛肉及蕃茄生菜等，已經叫我滿心歡喜。先吃脆卜卜的薯條，打開滋味的開端。切開巨人漢堡，看到鵝肝油光濕潤，入口軟綿、細膩，只想在口中慢慢細嚼品味。牛肉十分厚實，被重重的芝士包圍著，邪惡迫人! 管不了這樣多，一口把多層餡料放入口中，大啖大啖品嚐，牛肉Juicy，新鮮蕃茄中和了芝士的膩。榛子朱古力 (跟主食點叫，有半價優惠+$19 )榛子朱古力是心心拉花，表面再灑上少許黃糖，濃郁的朱古力味，齒頰留香。鮮草莓雪糕窩夫 $84完美的晚餐，怎少得了甜品呢? 我們點了粉紅夢幻的草莓雪糕窩夫，絕對要在雪糕溶掉前，把握時間拍照。窩夫是4個心型組合而成，不得不讚是每塊窩夫上都有士多啤梨，讓我們每口也充滿士多啤梨的香甜。窩夫入口熱燙軟綿，空氣感十足，跟台灣過江龍CAFE的窩夫有截然不同口感。把滑溜的忌廉及士多啤梨雪糕填滿每格窩夫，超級誘人! 士多啤梨果肉比我想像中香甜，表面灑上的星星脆米增加了整體的口感!總括而言，【咖啡灣】的食物款式很多，而且水準不俗，我最欣賞店員的細心服務，除了不停添水，還會主動幫食客合照，感覺頗親切。期待下一次來，再試另一種口味的窩夫。…查看更多

有次行過千色店見到呢間餐廳裝修得好靚 。。好夢幻。。。女生一定好鍾意。。所以今晚我約左朋友黎食個晚餐。。。裝修得好靚，以粉藍粉紅為主色。。。2人位仲有咖啡杯椅子坐。。好靚。。影相一流餐廳入面都有好多擺設。。。整個環境都好靚，好夢幻。。。會情不自禁不停影下相可以清楚覺看到店員在沖野飲，為咖啡拉花。。。burger...麵包好鬆軟。。。軟綿綿又帶暖。。。好好味。。中間夾著滋味雞扒。。仲有芝士。。。成個雞扒包都好好味。。。仲配上了粗薯條。。薯條外脆內軟。 。口感不錯大大個的雞扒burger.....真是要用刀叉先可以進食另外呢款軟殼蟹黑松露意粉真是大愛我眼見很多食客都有點這款。。。原隻軟殼蟹上餐。。真是第一次見。。平時的多數已切件。。。但這隻軟殼蟹不但賣相精美。。而且十分香脆。。帶點鹹鹹的 好滋味。。。而且內裡仲有點點鮮味蟹肉。。 真是十分惹味另外，意粉是混和了黑松露跟雜菌。。。食起來了味道很濃。。很惹味。。。朋友點的抹茶紅豆鮮奶。。好creamy..好重抹茶味。。而且什麼時候都好，抹茶跟紅豆永遠都是絕配跟餐點餐飲。。餐飲仲有半價。。真是好抵我所點的檸檬藍蝶花。。。我很愛飲藍蝶花soda...因為我很愛紫色。。我覺得這隻色十分美麗。 。這裡最特別的時檸檬的份量是自行加入。。。這樣便不會怕過酸或不夠酸了。。。。店員會配上一樽檸檬汁。。。所以我都可自行加入自己喜歡的檸檬份量:):):)大愛這個大大窩夫。。真是很吸引。。。配上了cream。。紫薯雪糕 。。紫薯粒。。。整個甜品配搭得好好。。。而且十分美味。。。這個大大窩夫山其實是以4塊心型窩夫砌成。。所以食起來時都十分方便。。。配上cream,士多啤梨，紫薯粒來食。。真是十分好味這間餐廳環境真是太好。。。而且食物種類，質素都高。。。價錢又合理。。下次再約朋友gathering都會再來…查看更多

9-1-2017 (Mon)紙婚日,同老公放o左工後,近近地o係荃灣食飯慶祝,因為呢間光猛同colourful,感覺開心.呢晚我o地要o左:1. $108.00o既軟殼蟹黑松露忌廉意大利麵呢個第一個到,熱騰騰的,但我o地要等多啲o野食,至叫靚女侍應幫我o地影相,所以食o既時候都凍o左.意大利麵唔係好腍,忌廉汁o岩o岩夠掛o係麵o度,軟殼蟹冇乜問題,黑松露味唔濃.味道: 3分2. $88.00o既深海魚柳芝士漢堡等成9分鐘至到,薯條好熱,食到薯味,冇乜落鹽但已經好夠味,魚柳幾厚肉嫩,不過芝士唔多夠.薯條: 5分, 深海魚柳芝士漢堡:3分4. $42.00o既藍精靈沙冰係由橙皮酒(Blue curacao)加葡萄柚(Grapefruit)而成,成杯淺藍色好吸引,而味道,葡萄柚味道出啲,食熱氣o既薯再飲佢,即刻解熱.味道: 3分5. $39.00o既菠蘿藍碟花梳打老公都係因為被佢o既顏色吸引而叫,又估唔到呢個又要等好耐至有.呢個完成冇味,只係梳打水.味道: 0分3. $78.00o既黑魔王曲奇雪糕窩夫呢個我o地o係落單時叫後上,以防好似上次咁,未食完主菜走o黎到,今次窩夫脆,同樣味道唔太濃,,今次被Oreo填飽o左.味道: 3分價錢:今次我o地用3張$8.00o既coupon,照姚上價錢計,應該係$366.50.但竟然係$323.00,點計o既呢?侍應見我疑惑,就主動問我要唔要單?我答要,咁就慢慢研究,原來係兩杯o野飲平o左,藍精靈沙冰$21.00, 菠蘿藍碟花梳打$20.00.2.5分服務:由於係平日夜晚,所以人客唔多,兩個人都可以坐晒四人枱,重要個靚女侍應可以好有心機咁幫我o地影相,真好.而我o地冇催深海魚柳芝士漢堡,但靚女侍應自己問廚房.我o地食主食食到咁上下時,佢都主動話可以整黑魔王曲奇雪糕窩夫,因要整10分鐘.上次食評: https://www.openrice.com/zh/hongkong/review/%E8%89%B2%E5%BD%A9%E7%B9%BD%E7%B4%9B-e2698654…查看更多

近來在荃灣千色店二期地下（莎樂美分店舊址）開了一間以天鵝為題的Cafe，門面大隻白天鵝的裝飾更引來不少途人目光，據悉Cafe的第一間分店是在大埔的，可愛的咖啡拉花和窩夫也是讓小妹要去一趟的理由。餐廳設最低消費用餐時間限1.5小時六點去到，可能未算係晚飯時間高峰期人流不多。呈長方形的餐廳環境頗闊落，一邊係二人到四人檯的位置，另一邊係卡位和沖咖啡的位置，我們被安排坐卡位，有落地大玻璃可望出街外，感覺寫意。餐廳也有不少可愛的佈置，像這個Lege摩天輪很亮眼呢！餐點部分選擇多，由沙律、餐湯、小食都有，仲有全日早餐、奄列、多款意粉飯和漢堡等；甜品就以窩夫為主，飲品選擇也是很多，由各款咖啡、花茶和沙冰都應有盡有，賣相仲要很吸引！（餐牌在文末）岩鹽焦糖鮮奶咖啡 $38見到餐牌上既拉花超可愛呀，無理由唔叫返杯影相吧？！不過細問下得知在繁忙時間就只有基本拉花（心心、天鵝之類），如非繁忙時間師傅都盡量會滿足客人要求。好在今日餐廳唔係太多人，讓小妹得到呢杯「小女孩帶熊帽（仲要帶兩頂帽）」圖案的拉花咖啡，除了立體咖啡外，呢杯既拉花算係近來見到拉得最可愛的！餐廳會另外比一樽岩鹽讓客人自行添加，鮮奶咖啡入口頗細滑，飲落除左陣陣焦糖香仲有岩鹽所帶出的少少鹹味，頗好飲。菊花桂圓杞子 $48玻璃壺內望落裝滿滿的杞子和桂圓，好足料抵飲，味道清甜，頓時感覺好養生呢！黑松露什菌蘑菇屋 $78說真的，初時係被餐牌上的圖片吸引而點的！不過實物比圖片真係有差，黑色的飯矮了一截，那個蘑菇也是有點缺憾，實物沒這麼可愛就是！幸好味道挽回不少分數，飯不會煮得過腍，所配的什菌黑松露忌廉汁很惹味，那塊蘑菇亦咬落多汁，沒有煮得很乾，整體不錯。軟殼蟹黑松露忌廉意大利麵 $108原隻炸軟蟹殼放係碟面上視覺效果滿不錯，咬落頗酥脆！意粉仲加左唔少菇一齊煮，咬落爽口的，意粉的掛汁情況都唔錯，又唔會好膩！不過有點奇怪既係黑松露味好淡，但上網睇人分享明明話松露味好濃，莫非係一時失手？！反而上面既松露飯濃味好多，食得較開心！紫薯雪糕窩夫 $88四件拼湊成的心形窩夫，上面放左球紫薯雪糕同忌廉，仲有些朱古力漿點綴。賣相幾靚架。窩夫咬落外脆內軟，仲食到微微蛋香，配埋球近期大熱既紫薯雪糕，算是不錯。餐牌部份↓…查看更多