Ciao Chow - Italian Cafeteria

與老公於又一城看電影後後肚子餓了，隨心地進了Ciao Chow吃，雲石的枱面教人十分之喜歡。意式凍肉拼盤有三種不同味道的火腿，三款都有不同層次的甘香油脂，其中兩種則帶點鹹香、油分特甘、而當中一種則柔滑鹹中帶一點點甜。橄欖油意粉是姐推薦的、車厘茄蒜頭味道令人開胃，假如青口、海蝦、魷魚的份量可再多一點點就更好。BBQ Chicken 薄餅有烤雞胸肉配上燒烤醬，表面再灑上馬蘇里拉芝士、紅洋蔥、芫荽等配料令香脆的薄餅加添一份墨西哥風情。甜點選了較特別的香蕉榛子醬薄餅包，香蕉跟榛子醬的配搭不太甜又有口感，無論小朋友同大朋友都會喜歡。有點意想不到的是於一間西餐廳會有充滿亞洲風情的珍珠奶茶及越南咖啡。始終不是正宗的台灣料理，當然不可有太大的期望，而老公則很開心地邊望窗外街景邊越南咖啡。…Read More

從意大利旅遊回來，已經十分懷念在佛羅倫斯某餐廳的手製薄餅，還記得在那裡逗留短短四天，就已經光顧三次那間餐廳的薄餅了，美味的程度已經涉獵我的心。這天跟好友約會出來聚聚，順便帶一些手信給她，幸好朋友也做足資料，選擇一間非常合我心意的意大利菜餐廳，好讓我懷緬一下過去。特意在上網翻查資料，原來這間餐廳是全港唯一一間獲得Verace Pizza Napoletana認證的餐廳，證明薄餅夠晒正宗和專業。餐廳的賣點之一，就是可以自由創作自己特色和喜歡的意粉和薄餅，最重要是醬汁、饀料選擇性夠多，只需要三個步驟，第一選擇自己喜歡的意粉或薄餅，第二在醬汁方面，在羅勒汁、蕃茄醬、忌廉汁或燒烤醬四選一，第三是自選饀料三款(意粉選兩款)。一共只需要$88大洋一份，價錢仲非常超值，喜歡創新的朋友一定要來試一試。意式凍肉拼盤 ($78)拼盤的份量比想像中之多，凍肉包括巴馬火腿、莎樂美腸和火腿，足夠比兩個人分享有餘。巴馬火腿的口感柔軟鹹鮮，細嚼時還滲出一份油潤的甘香味道，尤其令人鐘愛。拼盤仲配上兩塊小薄餅，口感煙韌帶有微微麥香，實在教人回味。Caprese ($58)蕃茄和水牛芝士梅花間竹地舖碟，再用香草汁圍邊，又紅又綠的色調，鮮亮醒神，完全是看得到、吃得到的開胃前菜。水牛芝士軟身淡香的芝味，像慕絲般滑溜，厚度比起蕃茄片還要厚身，柔滑中亦帶一點彈性。配上紅潤多汁的蕃茄片，清涼水潤，再醮點少少的青草汁，素食元素感覺更加健康。Vongole Blanco ($88)蜆肉體積實在太小，甜嫩度中規中矩，幸好清潔乾淨，入口無沙阻礙口感，配上的洋蔥和黑椒碎、香辣惹味。用橄欖汁去調製的意粉必然入口滑溜，意粉也煮得適中煙韌，亦沒有一貫忌廉白汁般的滯膩，比較上更健康得多。Carbonara ($88) Carbonara通常都是意粉為主題，不知道變成pizza味道效果又會如何呢？Carbonara主要馬蘇里拉芝士、雞蛋、煙肉、紅洋蔥、羅勒醬蒜頭和黑椒碎，薄餅的中心非常薄軟煙韌富彈性，批邊還帶點烘烤的焦香和小麥香氣，口感與坊間的批底般又厚又軟，很有不同，很有個性。Tiramisu ($48)兩層的lady's finger，上層浸有咖啡，質感細軟輕盈，柔滑中帶出mascarpone cheese如絲輕甜的芝士，滑不溜口。下層則浸有濃濃的冧酒，質感濕潤，口感更是豐厚醇美。整體忌廉芝士打得均匀細膩，當中沒有加入凝固粉，完全是出自忌廉本身的軟滑，配合表面灑上的無糖可可粉，簡直令人一試難忘。若然酒香比例再重手多些，相信更大快人心。越南咖啡不知道朋友為什麼明明決定在意大利餐廳吃晚飯，偏偏卻要點越南咖啡，感覺很是怪怪的。不過卻又難得餐廳能做出傳統又正宗的越南咖啡的風味。採用有孔洞設計的金屬滴漏器 ，在製作過程中用不到濾紙，所以用來衝泡的水能吸收更多焦油和香氣，口感濃郁。再按個人喜歡添加煉奶和冰塊，中和了咖啡本身的微苦微酸，口感保持細滑濕潤，芳香濃郁。Ciao Chow* - Italian Cafeteria (九龍塘)九龍塘達之路80號又一城UG層19號鋪…Read More

係Festival Grand戲院睇完戲, 最方便都係又一城到食埋dinner發現Ciao Chow 係商場到開左, 我之前係中環食過, 對佢既pizza 好有信心, 我地毫不猶豫就去排隊去回味下不過餐廳形式同中環好唔同, 排隊入坐後, 要自己跟menu 點餐, 之後再出去counter 俾錢, 侍應會俾返個牌仔你擺係枱, 侍應就會送餐俾你小食類, 我們要左炸魷魚圈 & Caprese 炸魷魚圈, 炸粉好薄, 帶少少香脆, 魷魚圈夠咬口, 配上新鮮打成既蕃茄醬, 而唔係用現成茄汁Caprese係意大利經典小食, 將新鮮蕃茄切片, 加上厚切軟淋淋馬蘇里芝士等凍食, 亦可以放係焗餅上一齊食Pasta 類, 可以揀signature pasta 或自選配料創造個人特色意粉, 不過自選就只有闊條麵/意大利粉/長通粉, 係無千層麵既所以我地叫左signature既千層麵, 一層疊一層, 每層夾住惹味肉醬, 不過份量較少而Pizza 都一樣可以signature pasta 或自選配料, 但我發現自選既話就多左一種醬汁, 就係燒烤醬我地就決定自選一個特色又啱哂自己口味既pizza以燒烤醬為主, 加上燒菠蘿, 馬蘇里芝士, 辣莎樂美腸, 帕爾馬芝士Pizza 黎到, 陣陣炭烤味依然無令人失望, 雖然餐廳呢到位置唔係好大, 但仍然堅持用火爐因為用左燒烤醬, 味道辣辣地, 好惹味, 餅底雖然薄但餅邊夠脆身 係意大利餐廳黎講, 佢地既飲品選擇幾多連越南咖啡都有, 老公話要試下, 等咖啡滴完落黎就可以倒落杯冰到, 加上鍊奶就係凍越南咖啡了老公話味道唔錯而我叫左香茅薑茶, 雖然係用茶包, 但香茅味薑味都幾出喎我地要食埋甜品先安樂, 以前食過Tiramisu, 今次就試下意式焦糖燉蛋係開頭落單時, 侍應已經好醒目話會最後先起甜品食哂所有野之後就可以叫佢地起甜品燉蛋香滑濃郁，焦糖衣超脆…Read More

放工唔知邊度黎嘅想法，突然想去溜冰於是就打俾朋友睇下有咩反應，估唔到朋友又答應所以就一齊過左黎又一城溜左粒零鐘。滿足完突如其來嘅興起就直接係溜冰場嘅對面食埋飯。呢度點餐非常簡單，只要係餐紙剔好要食嘅食物之後去櫃台結帳就可以等侍應迅速送上食物了。因為啱啱玩完溜冰呢啲咁’’劇烈’’嘅運動，我地都消耗唔少。所以都想食返多啲蛋白質補充一下。前菜火腿併盤有薩拉米香腸／帕瑪火腿／意式肉腸。份量都夠加上三款都各有風味，辣辣咸咸的非常適合作為開胃小食。呢度採用明爐燒製，薄餅由師傅即場製作及烤焗，上到枱熱度十足又香氣撲鼻。PROSCIUTTO E RUCOLA入面嘅火箭菜同火腿配合得啱啱好，火箭菜嘅微苦澀味令茄醬同芝士嘅酸咸更突出。同埋呢度嘅薄餅底唔厚，CRUST做得焦香脆口大大提升左整個薄餅嘅口感同味道，食多兩塊都唔覺飽滯。VONGOLE BIANCO味道清爽，雖然用左蒜頭同辣椒調味但辣味反而唔算濃烈，反而奶油香味更出。可惜係蜆肉老左啲，反而意粉偏彈牙又唔會吸太多汁屬於自己喜歡嗰種。意式肉丸好飽滿，入面紅椒粉嘅香同洋蔥嘅甜好均勻，配上酸甜新鮮蕃茄醬嘅中和令肉感無咁飽重。最後食埋個榛子醬包先填滿到運動後嘅饑餓感。榛子醬嘅甜配上微熱香蕉帶出嘅酸香，都係一個幾唔錯嘅組合。近排好鐘意飲咖啡，所以都點返杯黎飲。偏重嘅咖啡苦澀味與煉奶美妙地中和，入口順滑。真係啱晒飽餐一頓之後作為幫助消化嘅助燃劑。…Read More