叫野食果陣唔知個麵咁夠份量，所以加左小食。追加左餃子同雞軟骨。同樣係即叫即整，夠熱，好好食！Foodcourt 食野唔駛加一，$89 有咁大碗麵真係唔錯呢！…查看更多
今日阿肥喺黃埔收工,作為一百分胖友嘅我,當然準時接佢收工加同區覓食,諗住食啲唔太貴嘅嘢所以就同佢去咗隻船下面嘅food court打圈搜尋,見到呢間"誠拉麵"新開張,又未聽過喎~鍾意食拉麵嘅我哋即刻就想試吓啦!由於位置喺food court範圍,所以都係一個開放式嘅空間,座位亦都以吧枱型式圍繞住個廚房,師傅烹煮嘅過程清淅可見,其實咁樣都好有日本嘅氣息。餐牌只有一張紙,主打四款系列,白湯/黑湯/赤湯/味噌湯底,另外仲有一隻豚骨魚介沾麵可供選擇。好快我哋已經可以作出決定,點餐等食
一向嗜辣嘅我,嗌咗碗赤豚骨拉麵($76蚊),包括紫菜兩片+木耳絲+蔥+半熟玉子半隻+叉燒兩片,普通size已經好夠我食,大胃王嘅朋友就可以俾多小小錢嗌(特)size喇~等咗大約七至八分鐘,感應器震動示意取餐,有得食喇
呢度嘅辛辣口味並唔係獨立調湯,而係同其他唔辣嘅味用同一隻豬骨湯底,然後煮好之後附帶一球辣味調味球於拉麵之中。就係因為咁所以我可以首先盛起豬骨湯先嚐一口味道,湯底幾有驚喜,豬骨味非常濃厚,好味程度令我飲咗幾羹先至將舊辣波同啲湯攪勻再食。呢度係用同一蘭有九成相似嘅幼身拉麵,煮嘅時間調得剛好,麵身腍口係我杯茶,如果鍾意食比較硬嘅拉麵我諗可能要買飛嘅時候同個職員講吓啦~圓形嘅叉燒肥瘦適中,對我嚟講都算大塊呀,貌似平平無奇但入口後滲出焦香,確實唔錯。最驚喜都係隻溏心蛋,蛋白凝固而蛋黃則呈流心狀態,半熟嘅美味口感,完美大胃王阿肥叫咗碗(特)豚骨味噌拉麵($89蚊),裡面亦都包括紫菜三片+荀絲+芽菜+蔥+半熟玉子一隻+叉燒三片
都好抵食喎~我對味噌口味唔太感興趣所以都冇試到佢嗰碗味道如何,不過唔知係咪新開張嘅關係呢(?!)師傅亦都好親切咁問我哋覺得OK嘛?阿肥話佢都好滿意呀成碗清哂,連佢都大讚隻溏心蛋超正,同埋令佢勁滿足嘅大塊叉燒我哋仲另外追加咗兩款小食：烤餃子三隻同埋叉燒丼,鍾意香口嘢嘅我,個人就認為如果餃子可以再煎燶啲就正喇
仲有就係個叉燒丼份量一啲都唔迷你,味道仲要出奇地好食,叉燒粒即製所以夠熱又夠鑊氣,配合濃味嘅醬汁同埋白芝麻非常配,珍珠米粒粒分明飽滿
…查看更多
