金九記海鮮火鍋酒家

父親節全家一起挑選了這間位於西貢餐廳☺️為慶祝父親節這次點了七個菜，椒鹽九肚魚，鮮魷炒西蘭花，豉椒炒蜆，豉油王吊桶，砂礓雞和腰果雞丁。其中豉油王吊桶十分出色，每次必點的一道菜。反而椒鹽九肚魚味道稍淡，可以多放些少椒鹽味道會更好。總括來說價錢實惠，菜式也很多。👍🏻…Read More

假期去食海鮮hea下都係好大的享受，掛住呢間海鮮餐廳好耐啦，今夜食到真係好開心，味道還是一如既往的美味，尤其係豉油吊桶，每次必叫～食幾多次都唔會覺得膩，會定期來食嘎～…Read More

今日平安夜黎食，一早訂左檯，四個人七點到無乜人，坐低老板娘就埋黎介紹食物，叫左唔少野，樣樣名物都想試下：雞腳好入味，唔太咸，唔錯。蟶子好爽口好惹味。蝦幾大隻，開隻好入味，豉油味濃。雞有雞味，唔似冰鮮貨，沙薑味夠無使點都好入味。吊桶好新鮮，好爽口，唔怪得檯檯都叫。魚肉好滑，剛剛熟，正。蝦好新鮮，肉爽口。蟹肉味濃，但唔太實肉。薑汁味唔太夠，但菜好脆口。仲有鮑魚同豉油王炒麵唔記得影，其實四個人食咁多野真係幾誇，不過每樣少少，樣樣都試到。總括黎講樣樣食物都好新鮮，味道亦好好，調味唔會太濃蓋過海鮮味。埋單千七蚊，一次過試晒咁多樣名物，都算相宜。…Read More

朋輩中的德高望重F兄,今年的生日壽局,在西貢金九記擺下三圍,雖然此局在周日進行,但是小弟當日還要上班,恐怕趕不及來,幸好在中環入西貢,一小時也不用.如果因為這個原因而甩底的話,就一定心有愧.F兄在小弟年年生日局也捧場,反過來我不出席的話,未免太過"唔識做".來到人還未齊,先吃一點主人家在台灣帶回來的手信,是夜菜單由星爺一早安排好.他經常來,當然不會怕吃不到好東西.說回這間金九記,無論是身邊朋友,或者是專線小巴司機,也一致推崇此店,材料新鮮又不貴,比西貢市中心那些更好.連主人家都說金九記一向比有"星"的六福,水準更高.第一味菜,是白灼跳螺,肉質鮮甜有彈性,可是份量很少,如果一大碟,每人吃幾粒,更加開心.蒜茸蒸扇貝簡簡單單,扇貝肥大肉厚,很鮮甜,同碟的蒜茸粉絲,當然惹味.豉油王吊桶也是不能錯過之物,惹味的豉油同鮮味十足的吊桶,產生出一種微妙的火花.蒸魚是東星,火喉恰到好處,魚肉剛離骨,魚味濃郁而肉質嫩滑,當面對著蒸魚上的豉油,大家也不理會最後還有炒飯,也要來個白飯來伴.煎大蝦香口得可連殼吞,蝦肉結實得來帶爽,味道鮮甜.豉椒炒聖子的聖子一早去殼,用豉椒炒特別惹味.椒鹽炸豆腐入口熱辣辣,外表香脆內裏也滑,但同六福比又差一點點.鹽焗雞甚有水準,味道咸香,雞皮滑而爽,雞肉嫩亦帶有彈性.全夜的戲肉是奄仔蟹,用鹽焗處理之,奄仔蟹未算去到爆膏,但也夠份量,蟹膏味道不算特別甘香,但吃落感覺頗豐滿,蟹肉本身很鮮甜,同桌有人不吃蟹,我當然不客氣吃多半隻.結尾的炒飯有點濕,論味道也算不俗.最後的甜品是炸湯丸,同高力豆沙有異曲同工之處.另外的甜品是桂花糕,帶有幽幽的桂花香.夜涼但不如水,整個二樓給我們弄得熱鬧起來,兩個生日蛋糕,主人家吹蠟燭,歡呼聲不絕,鏡頭下的主人家一對,份外甜蜜.再一次祝F兄生日快樂,身體健康,同女友繼續甜下去,直到永遠.…Read More