愛文生

邊個話麻甩佬先可以食大排檔㗎？咁啱嗰日同朋友試完兄弟衫既然咁大班人，所以就決定食愛民生。唔知點解覺得愛民生好似愈嚟愈好食，今次人多多，叫左超多餸。避風塘虎蝦 $208Stir-fried Prawns in The Typhoon Shelter Style啲蝦超級彈牙，隻隻都有咁上下大小，而且避風塘啲味入哂隻蝦到。椒鹽炸魷魚 $138Deep-fired Squid & Pepper Salt 炸得非常之好，而且啲魷魚，炸完之後冇縮到個尺寸，份量超級多。豉椒炒蜆 $108Stir-fired Clams with Black Bean & Chilli Sauce呢度炒嘅蜆大部份都開晒口，唔似出邊有好多都唔開口，粒粒肉都好彈牙。避風塘炒蟹 時價 ⭐️⭐️⭐️⭐️Typhoon Shelter Crab我覺得避風塘一定係配蟹食，所以呢個係必點嘅，而且呢個份量都好多，最重要啲避風塘配料一定要撈碗白飯食，唔好浪費咗抽得咁好味嘅避風塘配料。以愛文生呢個價錢真係好抵食，最緊要一大班人一齊食，啲份量好足夠，叫埋啤酒就最爽。…查看更多

一行四人，六點幾去到已經要排隊。安排入座後叫咗四個小菜，黃金苦瓜，豉椒炒蜆，椒鹽鮮魷，焗魚腸。好一般嘅嘢，試曬佢啲水準。豉椒炒蜆非常一般，同出面茶記冇乜大分別，鑊氣欠奉。椒鹽鮮魷完全不合格！個脆漿係淋嘅！之前我哋坐低，未落order,佢已經拎埋嚟，估計應該係拎錯咗，隔咗一陣，我哋落order，佢又拎返黎！估計係拎返同一碟黎！所以應該唔係新鮮炸起，變到淋曬！焗魚腸係合格嘅，起碼魚腸冇腥味，正常味道。黃金苦瓜又係唔掂，濕立立咁，唔夠乾身！四碟小菜，三罐汽水一支啤酒，埋單520。收得人百幾蚊碟小菜，應該都唔係咁嘅水準囉！！所以絕對冇下次！俾得起咁嘅錢，一定有其他更好選擇。奇怪對面嗰間天X冇乜人排隊，下次都想去試下先。…查看更多

有外地同事訪港，當然要帶佢一嘗港式大排檔。愛文生係深水埗最出名既大排檔之一，街邊爆炒小菜，懷舊香港特色，非常有本土風味。依家可以GULU APP 拎飛，所以收工前拎定飛，下午6點幾嚟到，等左3-4個字就有枱入得了。豉椒炒蜆 豉椒味道好濃郁，蜆亦新鮮。出邊好多舖頭一碟得好少，但呢度唔會，算大碟份量足👍🏻避風塘虎蝦啲蝦大隻有肉地，新鮮彈牙。避風塘口味好香，鑊氣十足。鐵板黑椒鹹豬手豬手夠淋，大大隻好多肉，味道都好濃。乾炒牛河大排檔水準，因為鑊氣夠，好食過一般茶餐廳水平。避風塘菠蘿唔太識欣賞避風塘做法，因為菠蘿會好乾身，有啲浪費食材整體水準係OK ge，不過比其他大排檔選擇略貴，主要俾旅客食名氣。個人意見，我會比較偏好新式大排檔，環境會舒適啲…查看更多

-{深水埗人氣大排檔🫖}深水埗街邊大排檔有好多選擇😚今次依間勁出名😌黎左食個晚飯😎🤤椒鹽鮮魷🤤 ($108)個鮮魷肉好彈😙而目椒鹽勁惹味 個皮脆得黎唔會好油🥳👖褲評: 8.8/10🤤沙拉豬扒🤤 ($98)又係好大塊豬扒😂但同想像唔同 似係唂嚕汁加沙律醬 食落有d濟 不過肉質唔錯👖褲評: 6/10🤤金銀蛋莧菜🤤 ($88)有皮蛋同鹹蛋黃 加肉碎同莧菜 菜夠爽 味道好夾😍自己差不多食左半碟😂😂😂👖褲評: 8.3/10🤤黑椒薯仔牛柳粒🤤 ($128)好大碟 個牛味好夠亦唔會好難咬😋個薯仔又係大大嚿 不過係淋嘅 但塊好香口🥰👖褲評: 7.3/10🤤椒鹽炸豆腐🤤 ($78)同樣個椒鹽炒得好香口🥳炸豆腐熱辣辣又係必嗌😜👖褲評: 7.8/10🤤豉椒炒蜆🤤 ($98)蜆好多沙🥺雖然蜆肉同個汁都唔錯 但相對下普通啲🥲👖褲評: 6/10每碟份量都好多🥰😍店員態度都好好🥳食地道嘅大排檔可以黎😚🤩性價比: 8/10服務: 8/10環境: 6.5/10🚩 愛文生 🚩地址: 深水埗石硤尾街1號地下B-C號舖…查看更多

今日約左舊同事一齊食飯以前係深水埗一帶都只係食開萬發今次想試新既鋪頭朋友話愛民生都吾錯就一於試下喇😛—————————————————什菇炒西蘭花🥦 (👍🏻👍🏻👍🏻👍🏻👍🏻)利碟超岩我口味❤️西蘭花爽口 什菇入味 送飯一流—————————————————啫啫通菜煲（👍🏻👍🏻👍🏻）朋友話好好味我就覺得未到話好好食😂因為有咸魚味既碎肉 可能係腐魚？我就麻麻😬—————————————————黑椒牛柳粒👍🏻👍🏻專登叫黎試下見佢話係米之蓮推介但超失望😞薯仔係勁咸牛柳勁多根😨？好難咬.....食完要飲可樂真係😑—————————————————豉椒炒蜆👍🏻👍🏻👍🏻👍🏻食大排檔我必點之一整體味道吾錯既但可以更有鑊氣—————————————————椒鹽炸豆腐👍🏻👍🏻👍🏻👍🏻👍🏻利個我朋友點既好味喎真係炸得岩岩好咸味適中推介❤️—————————————————我地五個人叫左五個餸 一個飯 三枝野飲賣單 每人$102吾貴又傾得開心我地六點左右到 吹水吹到九點禁制😂愈夜愈多人食🤪…查看更多

周末一班好友吃大排檔，愛文生是該區人氣之選。沒想到夏日炎炎竟有不少人仍坐在街上進食。要求了入內有冷氣的位置。等了約30分鐘終入座。到大排檔當然要點些穫氣小炒及炸物，熱一熱氣! 再加可樂啤酒爽一爽!椒鹽九肚魚: 一向不愛九肚魚，但這裡的調味好又炸得夠脆，骨也全吃掉!豉油皇炒面: 去大排檔必點，穫氣夠，面夠乾身，配上辣醬，不錯。金牌乳鴿: $68一隻的確不便宜，但炸得剛好，皮薄肉嫰，且算大隻，確比酒樓$30一隻要好。西檸軟雞: 炸雞皮夠薄脆，欣賞汁不會過浠，剛好掛在雞上，酸甜度亦正合我口味。金銀蛋浸白菜仔: 點了一道清淡一點的浸白菜仔，解一解油，味道也是好的。小炒王: 另一必點的大排檔菜式! 腰果蝦乾菜圃大方給超多!土魷超大塊但有點硬，下酒一流!豉椒炒蜆: 本想點蟶子但賣光了，退而求其二叫蜆。調味不錯，蜆多，但老了一點，間中一隻有沙，有點失色。魚香茄子煲: 點個煲仔菜，選了魚香茄子煲這最油最肥之選! 茄子香滑，咸咸香香，吃著很想吃飯!整體味道不錯，份量夠大，吃得豪邁也飲得高興!…查看更多

深水埗有唔少大排檔，好耐以前已經聽過愛文生，不時同另一半提起話想要試，但佢講過好多次話覺得麻麻，唔係佢杯茶，於是拖到而家。難得同幾位朋友聚會，就一於試下。禮拜五晚天氣頗熱，好在朋友早少少過黎搵位，可惜室內已滿，咁外面坐街都係預左嘅，食大排檔有時講氣氛，環境唔講究得咁多一般中式小炒都有齊，價錢稱唔上平，但亦都不至於話好貴，簡單炒幾款小菜，埋單人均都係百零蚊。黑椒薯仔牛柳粒 $98好多小菜館都有做呢款菜式，但真係並非間間整得好食。我諗其中最出名應該係萬發啦，幾乎成為薯仔牛柳粒嘅基準。愛文生嘅出品同我想像中有距離，水準一般首先牛柳粒份量少，食落都有肉味，唔會話乸到鬆哂；薯仔外層微脆，可惜炸得過乾，而且我唔係好buy佢有陣「美極味」。椒鹽炸鮮魷 $108炸物嘅質素同樣一般，魷魚賣相還好，加左椒絲、椒鹽咁，炸起來口感過乾、過硬，魷魚太虛無，只有幾條較完整。豉椒炒蜆 $98炒蜆味道唔錯，辣度適中，夠惹味；唯蜆肉並非飽滿，而且吐沙未夠乾淨家鄉小炒王 $108我地點左兩碟差唔多嘅野，哈哈。小炒肉份量就唔多，勝在夠香口，而且不至於太油淋淋。炒通菜整體黎講，愛文生俾我嘅印象真係一般，撇開環境、服務唔講，食物質素都未有驚豔之處，即使同區都有其他炒小菜性價比更高。…查看更多

這間人氣大牌檔平日晚上都完全爆滿不止店內的抬全爆 外面整條街都俾佢霸哂亦全部滿座 果然名不虛傳值得一提是這裡不接受訂座所以建議早點去免得要等位咕嚕肉 | $98醬汁好食是基本而炸粉豬肉的黃金比例就是成功之處炸粉薄而脆 多肉而且肉質爽厚黑椒鹹豬手 | $148怪不得是這裡招牌菜 超巨型鹹豬手豬手煮得超淋 豬手皮的膠狀質感好似食緊花膠一樣略嫌黑椒味不夠濃 但肉質好嫩好淋不會鞋口或過鹹 非常出色豉椒炒蟶子 | $148豉椒炒蜆 | $98豉椒超惹味 再有適度的辣絕對會食唔停口兩款海鮮都好食 蟶子略勝一籌椒鹽九肚魚 | $98大牌檔必叫的餸 外面脆爆魚依然勁嫩滑 再點喼汁真係好好食🤤黑椒薯仔牛柳粒 | $98牛柳其實都只是配角 薯仔才是主角❗️外面炸到好香脆 裡面薯仔依然軟糯而且好夠味 感到有點美極鮮露的味道💯金銀蛋浸時菜 | $88連菜都要特別稱讚😂菠菜煮得很爽口不會過淋 依然保持口感皮蛋亦好爽滑 好出色豬潤啫啫雞煲 | $98好惹味的煲仔❗️蔥蒜味道香令雞好入味豬潤真係好正！超爽椒鹽炸豆腐 | $78炸豆腐真係無得輸 外面香脆裡面是滑豆腐可能我較重口味 認為椒鹽味可以多一點但夠哂多炸蒜抵讚😋最後仲有甜品 都不差喎！海底椰紫米露紫米露幾好味加上有不少海底椰幾足料楊支甘露較為杰身但芒果味濃而且有椰果😍價錢不算最便宜但碟頭幾大所以都算抵食最正就係一大班人來可叫多幾款菜式另外要特別稱讚伙記們親切有禮的服務態度離開時更說了多謝光臨 在大牌檔真係好少見…查看更多

要聚舊當然要去大排檔先有feel la~~~特別我地剛好有一檯人,就去左呢間大家都話正的餐廳~~因為人多,所以我地都可以叫多幾款菜開波先叫D菜打底~~金銀蛋浸時菜+清炒時菜,識食一定要識大排檔鑊氣炒菜,一炒無曬臭青味仲要唔油,正呀,D 菜好爽好脆!金銀蛋浸時菜超多金銀蛋同蒜頭,所以好香好惹味,我差D連D汁都想飲埋!!接下來的指定動作當然係椒鹽乜乜乜,我超鐘意炸豆腐,見到佢外層嘅顏色就知道佢係幾咁脆,但咬到入面D豆腐又超滑超嫩,同超熱!睇落好似唔係好多調味,其實外層已經完美索曬D味,真係估佢唔到!不過炸鮮魷我就覺得普通,因為魷魚比較林身,亦比較油膩,椒鹽味多少少會好食D沙拉骨我食得多沙拉豬扒比較少見,不過換成豬扒仲好,大家可以食到更加多肉~~而且佢D沙拉醬唔會過多,食到肉味加少少甜人多一定要叫豉椒炒蜆,真正鑊氣就響呢度感受到啦~~蜆肉好豐滿,粒粒都好大粒,仲要有些微辣味特別開胃,送碗白飯perfect match~D男仔唔夠飽,又叫左沙嗲牛肉粉絲煲同麻辣水煮魚片,雖然個煲唔係好大.不過裡面好多好彈牙嘅粉絲,牛肉林得黎有嚼勁,食多幾舊都得,沙嗲味好濃郁但唔會攻喉,食完都唔算太口乾鐘意辣到噴火可以試水煮魚,我唔食辣無試到,但朋友話好到位夠辣夠爽,D魚肉好滑,所以呢碟野好快已被KO最後推介埋菜圃肉碎煎蛋,第一次見到係咁嘅樣,去到呢個色,其實佢偏向炸多D,但口感又真係有煎嘅林,雞蛋味好香,好多蔥.喜歡蔥嘅朋友一定要叫黎試試,薄薄地都ok架~…查看更多

今日同男朋友食愛文生，之前已經食過一次好好味！今日再去食番上次冇點嘅黑椒豬手☺️個豬手好入味，煮到好冧好化，個豬皮食落口滿滿⻣膠原，真係好補嘅感覺～不過黑椒味其實唔係好出，不過都好香！另一味炒蜆都唔錯！D 蜆肉煮得岩岩好，好滑身～果然愛文生出品，必屬佳品…查看更多

由於太中意食大排檔,而身邊人不斷介紹"愛文生",於是決心去試1試,試下係咪真係咁好食!!因為無得 reserve, 然後又聽人話要排好耐,所以都算早去, 但其實都唔係好早,其實係7 點幾到, 可能因為天氣唔太好,所以真係排咗唔洗10 mins!!1行4人, ordered 5個餸+ 2個白飯 (最後漏單):-生炒骨-豉椒炒蜆-招牌黃金蝦-黑椒薯仔牛柳粒-油麥菜炒豆豉鯪魚 -生炒骨: 酸甜味適中, 但係變咗咕嚕肉, 肉質鬆化啖啖肉, 炸得剛好-配菜: 青椒, 洋蔥, 紅椒-炒蜆: 不太新鮮, 鮮味不足, 有鑊氣搭夠-配菜: 豆豉, 紅椒, **有1/3 蜆係無開口, 大概是不新鮮或未熟透, 但唔新鮮機會較高**-牛柳粒: 肉質偏乾, 當中夾雜牛肉同牛柳粒, 味道唔突出-薯仔: roasted potatoes 幾好味, 夠入味, 唔算乾-配菜: 紅椒, 青椒, 洋蔥粒-油麥菜: 新鮮爽口-豆豉鯪魚: make sense 正常罐頭, 所以正常地 greasy, oily -黃金蝦: 蝦唔新鮮, 肉質"梅", 蛋黃亦唔夠最後有2個飯係無出現, 整體唔算突出或好 amazing 或者要再食嘅感覺,或者可能因為有 expectation, 所以有少少失望,但係又唔算差, 不過不失!!  …查看更多

1. 黃金炸鮮魷（$98）真係香脆，帶住一D鹹蛋黃碎，送飯一流，乾度都啱啱好，唔會變淋👍🏻彤樂評分：8.5/102. 招牌黃金蝦（$88）🦐係咁多款菜我最鍾意食，可以連殼食，加上鹹蛋黃，邪惡又好入味😍😍😍彤樂評分：9/103. 麻辣水煮魚片（$98）真心好辣，食開小辣嘅朋友仔都未必得😂但魚片又幾薄滑，鍾意食辣嘅人一定要試😁不過水就好多啦😅彤樂評分：7/104. 豉椒炒蜆（$88）成碗裝到滿滿嘅炒蜆，殼同蜆肉都充滿豉椒汁，蜆肉唔會有沙，不錯👍🏻彤樂評分：8/105. 沙嗲牛肉粉絲煲（$88）超多幼身粉絲，完全鎖滿沙嗲同牛肉汁，牛肉明顯唔係靚牛肉，但都幾腍身👏🏻彤樂評分：7.5/106. 薑蔥桶蠔煲（$168）味道好夠，薑蔥都入味，可惜以依個價錢得咁少桶蠔，就有D唔抵啦😅彤樂評分：6.5/107. 沙拉豬扒（$88）大塊又juicy，重點係唔會韌，沙拉汁份量都啱啱好，只係膩左D😂彤樂評分：8/108. 潮式炸蠔餅（$88）依款真係唔推介，炸粉漿好冇味，豪又唔算好多，味道唔夠😣彤樂評分：2/10…查看更多

#大棑檔好食雖然坐街邊，但風味一流，夠鑊氣，好好味，份量足夠，價錢合理。平日已經好多客人，星期五丶六、日肯定要排哂隊，要幫襯要留意。今次食左：#椒鹽九肚魚 #豉椒炒蜆 #黑椒薯仔牛柳粒 #豉油王炒鵝腸 #黃金肉碎炒苦瓜## 黃金肉碎炒苦瓜：用鹹蛋肉碎炒苦瓜，惹味，苦瓜甘而不苦，小弟個人推介！## 豉椒炒蜆：係大排檔必點菜式，乎合期忘，好味。## 椒鹽九肚魚：香口、脆口！## 黑椒薯仔牛柳粒：牛柳林身好味，但薯仔唔夠脆丶比較粉。…查看更多

大熱天時先嚟大牌檔…真係熱到想死...（其實係夠風味先真😀）今次幫襯'愛文生'...去大牌檔當然要點一d夠鑊氣嘅食物啦！先黎'豉椒炒蜆'…蜆...份量都幾多！無沙好夠辣豆豉加埋其他配料好惹味不過鑊氣唔夠…但無損味道㗎！之後再點一個'黑椒薯仔牛柳粒'好！大！碟！一嚟到已經聞到好香好香！先食薯仔…不得了！:):):)外皮脆...內裡好夠淋好粉好！好！食！再試埋牛柳…又係不得了:):):)好夠味！無筋…唔韌（當然預咗佢地會落梳打粉）但仍然保持有咬口...成個餸好惹味…唔會好鹹…當晚無點白飯…空口都食到好多以大牌檔嚟講…呢碟餸唔算多油最後食唔哂打包返屋企…第二日翻叮再食…香味依舊！…查看更多

是日幾個老友突然興起約食飯，腦海已泛起愛文生，傳統大排檔經常光顧。傳統大排檔環境當然較差，摺枱摺凳街邊仍保留兩名大廚在炒菜很有風味，一行四人晚上8:30到達，室內已滿座需坐外面，幸好這兩天開始有秋意還不算太熱。這晚共點了六道菜，首選當然是鐵板豬手，加上洋蔥、黑椒，特別是豬手皮惹味好食，簡直是減肥人仕的惡夢，椒鹽鮮魷脆漿不太厚，火候亦控制得好，外脆內軟，好食，蜆芥鯪魚球，鯪魚球是配角，蜆芥才是主角，鯪魚球炸得剛好配上蜆芥真是好好味，豉椒炒蜆，又是大排檔強項，非常入味但有點過濃，肉鬆炒四季豆，味道亦有點過濃，小炒皇，有韮菜、蝦乾、鮮魷等，配搭不錯。…查看更多