丼吉日式吉列豬排專門店 (形點 I)

去元朗做檢測，預埋食午餐，揀左呢間日本炸豬排餐廳，去到唔使排隊，店員安排一個二人位，淺木和式傢具，落左單十分鐘就上菜，落左單店員先比芝麻我磨，上菜後有簡介醬汁相配嘅食物！吉列豬扒拼日本生蠔定食（$208）上菜食物好靚，豬扒很厚，皮脆有肉汁，點芝麻酸醬開胃唔膩，生蠔店員有提醒要快食，預防出水，生蠔外脆內多汁，完全唔腥，蠔味濃，配沙律醬好食，白飯珍珠米彈牙，生菜絲爽脆多汁，淋上醋汁開胃減膩，我都添左生菜一次，蜆肉麵豉湯很濃，夠熱，飯後西瓜很爽多汁，食完炸物消膩一流店員有禮斯文，食前提示足夠水準高貴一點都值得…查看更多

買完野經過呢間吉日式吉列豬排專門店就試下，門外嘅小豬🐖🐖非常kawaii，但要入去食🐷又真係有d於心不忍😂店內環境寬敞，光線充足，用左透明膠板阻隔，做足防疫措施，乾淨衛生。食物款式都幾多，有刺身、壽司、拉麵、定食，叫得豬排專門店，必食嘅當然係炸豬排，order左個特上豬扒拼豬柳，雖然望落個餐好貴，但其實係二人餐，白飯同沙律菜可以任添，配送味噌湯及水果，計落係抵食。賣相好靚，豬柳夠腍、豬扒豬味較濃，兩者肥瘦比例均勻，炸粉薄而香脆，包得實厚切嘅豚肉，唔會輕易散出。咬落脆卜卜嘅吉列外層，裏面係鬆軟而有肉汁嘅豚肉，配埋自己磨嘅芝麻加醬汁，加多少少嘅芝麻香確實唔錯👍燒章魚丸味嘅醬汁同柚子汁，味道酸酸地，配沙律菜好開胃。另外加左錢要左2杯西瓜🍉汁，新鮮香甜，炎炎夏日真係透心涼。服務好好，店員有禮又友善，更時不時會主動問人要唔要添加沙律菜，值得讚賞👍…查看更多

星期日，唸住同女友行下商場，咁就揸車去yoho 啦，咁商場都有好多車位，唔洗等好耐就有位啦，值得一讚，咁泊完車就搵野食啦，女友話想食日本野wor,咁就去e間啦！兩點左右，唔洗等位，職員好快就安排入座啦，咁我地就望下個餐牌先!跟我地就望下個精選定食餐牌啦，餐牌內容非常豐富，有雞扒，豬扒，吉列蝦，魚生定食等啦，重有飯有烏冬，我地都選擇左好耐，我就選擇左該店招牌菜吉列豬扒啦，而我女友就選擇左滑蛋雞扒定食，餐飲就一杯梅子梳打同埋熱咖啡啦。店員服務都好好，一坐低就會為我們奉上茶同埋好清楚咁樣解釋旁邊三款醬汁用途，中間果個係用黎點吉列豬扒呀！而旁邊兩個係用黎點椰菜絲，分別係酸少少嘅柚子汁同埋紫菜汁。非常好。之後店員就攞左個芝麻，話係加埋d豬扒醬黎點豬扒食呀！我一路蘑d芝麻味係咁撲埋黎，真係愈來愈肚餓呀！梅子梳打，甜度剛剛好，而且份量十足，好有酸味，好鮮渴!首先黎嘅係我女友點嘅滑蛋雞扒定食，有一碗飯，一碟椰菜絲同埋麵豉湯，麵豉湯有水汁，足料，底都好多豆腐粒，而椰菜絲都好新鮮，唔會話唔新鮮變黃，咁我女友就落左d柚子汁，佢就話d味好夾，酸酸地好開胃，而我就試左啖都ok呀！咁住就食個飯啦，首先就食雞扒啦，雞扒好滑，都有雞味，而且唔會話有雪味，個d飯就有d滑蛋，另外重有d醬汁，配合埋佢地嘅日本珍珠米，真係好夾，我真係好少見我女友大啖大啖咁食，佢食得開心我就放心，哈哈！咁跟住就係我個吉列豬扒定食登場啦，定食都係包括一個麵豉湯，吉列豬扒，一個開胃酸菜，白飯，店員都係好詳細咁樣解釋點樣食法，真係好用心，加一抵俾啦！咁我就飲湯先啦，湯都係一樣啦，而今次椰菜絲我就試下隻紫菜汁啦，都係一樣咁夾，幾好味，到主角出場啦，吉列豬扒，吉列豬扒感覺上都係過左少少時間，豬扒硬落去都有少少 韌，但係都好夠豬味，d醬份量都上得剛剛好，唔會太厚，而且好有口感，而相中亦都可以好清楚咁見到d肉汁，最後都成碗食晒啦!食晒之後就上咖啡啦，咖啡望落去就無咩特別，面層就一陣陣咖啡油都無，我女友就話比較淡口，我唸應該將個份量再調番濃d啦！甜品西瓜，無問題，食完之後總結係店員培訓非常好，食材都好有質素，價錢可能會覺得貴少少，但係性價比就合理，會再黎呀！…查看更多