B.Duck & Buffy 德記茶樓 (已結業)

唸住去旺角某樓上舖買鞋, 所以就係OPENRICE 搵左呢間有得網上訂位同評價唔錯既餐廳。11:30am 開門, 我地大概11:40am到達, 已經有3組客人係我地前面, 呢間絕對係一間打卡餐廳, 每一枱客人都拎起手機影相, 又會離開座位周圍影甚至搵店員幫佢影。店家係每一張枱上面都會擺一隻B.Duck公仔呢個唸法好好, 影野食相既時候有隻公仔襯托下的確好加分。不過餐廳面積其實都幾細, 枱與枱之間既位置距離都幾迫下。B.Duck & Buffy 德記茶樓食物選擇唔多, 我地點左蝦餃, 叉燒包, 沙嗲金錢肚同三寶臘味飯。蝦餃 - 新鮮皮薄蝦肉爽口。三寶臘味飯 - 足料, 有齊臘腸, 臘鴨同臘肉。不過飯就麻麻, 好硬。叉燒包 - 麻麻地, 有陣油膱味。沙嗲金錢肚 - 唔OK, 只有鹹味同好油。餐廳放左好多心思係環境佈置, 食物擺盤上面, 但佢地既食物定價, 質素, 份量仲有座位既舒適程度都影響左客人再黎幫襯既意欲。…查看更多

B. Duck是我讀書時期好中意的公仔，那時整個屋企都放滿B. Duck的東西，很誇張！今次來到這間B. Duck做主題的茶樓，重拾讀書年代既回憶！餐廳每個角落都有B. Duck既蹤影，不論餐枱上，以至天花板都會見到佢！點心基本上每款都會有B. Duck同Buffy既蹤影！因為叫左好多野食，所以揀幾款同大家介紹下！蝦餃 ，蝦餃晶瑩剔透，蝦肉爽口彈牙，蝦餃外皮有B. Duck的公仔，十分可愛!叉燒包，叉燒包餡料頗多，蜜汁美味！流沙奶皇包，一弄開奶黃包，奶黃便流出，熱辣辣，很好吃！山竹牛肉 ，這裡的牛肉球比出面吃到的大粒，食落好香芫茜既味道，而且馬蹄都幾多，好有口感!蝦米混醬腸粉，腸粉口感順滑，帶有少許蝦米的香味，面頭淋上甜醬和花生醬，令腸粉味道更有層次!錦鹵雲吞，雲吞炸到好脆口，脆到隔離枱的客人也回望一下!醬汁鳳爪，看上去好像不是太多汁，但是鳳爪有好香濃的醬汁味，而且鳳爪整到好軟身，很容易吃!蒸蘿蔔糕，蘿蔔糕內裡都有幾多白蘿蔔條，不過蘿蔔糕口感實了一點，但味道不錯!蟲草花香菇滑雞飯，蒸飯的份量很多，夠兩個人食！滑雞夠嫩滑，飯底有雞同蟲草花既香味，而且雞件和的香菇的份量也不少，很好吃!…查看更多

飲茶不一定是老人家專利，以B.Duck & Buffy為主題的「德記茶樓」，絕對是少女打卡熱點！一入門口，即見茶樓掛滿了B.Duck & Buffy公仔，連枱頭的餐具都有，非常吸睛！香辣自家炸魚蛋（$12）一份五粒，香口但勁辣，怕辣的我吃了一粒已頂唔順！燒賣皇（$32）飲茶當然要有燒賣，即叫即蒸，豬肉彈牙好味！蝦餃（$32）鮮蝦大大隻，餃皮上的B.Duck公仔靚到捨不得放入口！蝦米混醬腸粉（$28）吃腸粉，一定要有甜醬混芝麻醬，否則就白吃！流沙奶黃包（$28）一撕開，流心奶黃即如瀑布般湧出來，正！蘋果沙律蝦多士（$28）除了傳統點心，還有炸物！多士細細塊，內裡填滿了蝦肉，配埋蘋果沙律醬料，perfect！茶芥每位$8，最後每人$96.8，勁抵食！…查看更多

主題呢家嘢真係深得女士們同小朋友喜愛，因為有得食又有得打卡麻！今日接咗姨甥女G女嚟玩，就搵咗呢間以B.Duck & Buffy為主題嘅德記茶樓，有得食點心，又有車仔麵同港式小食。最重要係有我做埋攝影師幫佢哋影相呀！蝦餃食點心真係唔少得蝦餃，佢既外皮已經係B.Duck鴨仔樣喇！望住佢個可愛嘅樣，A姐話真係唔捨得食，佢望住我一啖就咬咗落去，結果佢嬲咗我！其實蝦餃皮薄餡靚，夠晒爽口彈牙，估唔到得意嘅同時，味道都唔錯。鹹水角即叫即炸，新鮮熱辣，脆卜卜嘅外皮又好煙韌，但略嫌入邊嘅餡較少，無爆出嚟嘅感覺。但其實味道唔錯。沙嗲魷魚勁入味！勁入味！魷魚索晒沙嗲味！而且份量唔少！流沙奶皇包成個Buffy樣嘅流沙奶皇包，我今次醒喇，見到A姐咬落去，我先食，點知佢爆汁呀！好好味呀！叉燒包同樣印有B.Duck公仔，呢個叉燒包好足料，叉燒半肥瘦，充滿蜜汁香味。玉環瑤柱脯肉球被節瓜包圍，再加上冬菇粒，肉味同菇味都好香。招牌車仔麵除咗點心，呢度都有車仔麵選擇！車仔麵配料有豬皮、魷魚、雞中翼、魚蛋、蘿蔔、雞翼尖、豬大腸同滷水蛋，上枱大大碗，好滿足。（記住Like同Share畀朋友）By A姐M佬 玩樂日記 www.aandmdiary.com…查看更多

Openrice訂位有9折仲可儲50里數🎉🎉，7:00pm繁忙時間都仲有位。準時7:00到達不用等位，店舖唔係好大其實有d逼，不過開門見有好多B.duck裝飾及公仔見到好興奮呀🥰🥰餐具係用B.duck膠碗、膠茶杯似小朋友玩煮飯仔！order左幾件佢主題點心有佢個樣係上面，見到未食已經好開心！要讚👍🏻係樣樣點心上枱時都熱到辣手🔥！食點心最緊要熱先好味！黎左蓮蓉包、叉燒包、奶黃包三款又可愛又好食，叉燒包對眼係用火圖黎點綴。🤣🤣奶黃包係流心爆漿食時要小心，亦都提議外皮係用黃色包面會更特出B.duck 頭像本來平平無奇嘅蝦餃因為有咗個樣都變得好味好多！🍤滷水雞翼就正正常常！鳳爪排骨飯雖然冇咩特別但出奇地好味又大份！價錢方面本想呢d主題餐廳一定好貴，但睇到又同出面差不多👍🏻👍🏻仲要加埋有車仔麵，好低😆用餐時差唔多爆場只有兩位侍應服務，佢地服務好好有笑容，上枱收碟速度快，仲會主動幫客人影相📸…查看更多

晚餐心血來潮想吃點心，於是上網看看哪一間好介紹。看見B.Duck & Buffy有很多正評，又有不少影相打卡位，很適合我這些貪新鮮的人喔。B.Duck & Buffy德記茶樓在一樓，一入去就見到好多B.Duck & Buffy。抬頭看見有超大型的B.Duck公仔，低頭就見到碗碗碟碟茶壺等都有B.Duck圖案，四周又有蒸籠、雀籠等作裝飾，還有B.Duck霓虹燈和畫作，整間茶樓都充滿Hong Kong style。店舖的點心都很有特色和很精緻。「蝦餃」蝦餃有3粒，外皮印了B.Duck，賣相很得意，蝦肉都很彈牙。「山竹牛肉」味道不錯，跟其他茶樓吃到的，感覺差不多 「咖喱魷魚」魷魚爽口，加上咖喱醬，入口香濃惹味。「鮮蝦春卷」春卷有2件，都貼心地一分為二，方便入口。春卷很脆，食落啖啖蝦肉。「炸雲吞」即叫即炸，雲吞配上酸甜醬，容易入口又開胃。「流沙奶黃包」吃下去流沙奶黃餡出晒來，而且很滋味。「叉燒包」包很鬆軟，餡都算多，味道不錯。「薑蔥蒸牛栢翼」肥美可口，調味再加重一點，就更好。「香辣魚蛋」我們也點了個小食，魚蛋彈牙，吸收了辣油十分香口。整體服務跟食物味道都不錯，裝潢很有港式風味，適合一家大細，再加上大量B.Duck和Buffy，打卡post上相就最好不過啦！…查看更多

放工過到黎，慢慢嘆個一盅兩件。食完之後，已經知道下次會再約朋友黎，點解?1食物質素高點心新鮮，即叫即起，可以完全食到新鮮的點心，而且味道十分好。流沙包(新鮮奶黃從裡面湧出)，春卷炸得香脆而不會油。2 價錢平價錢不貴，$28就有交易。即使晚市也不會加價。晚餐食點心，但用一個便宜的價格，說真的，下午在點心擠迫的點心店都不只是這個價。實在物超所值。3 有主題與一般的點心店唔一樣。從裝飾到食物，無一不用可愛的B duck 做主題。一進店內，已見到到處都是這可愛的B duck. 連點心紙都見到，水壺到牆紙。每枱都有可愛的牠在坐陣，每個點心都有佢既陪伴。4 坐得舒服，全日點心供應。比港式茶樓安靜，坐得更舒服，衛生通風也更好。幾個朋友，一邊聊一邊食，不用在點心店擠迫。 是日叫了不少點心，分別有蝦餃，鮮蝦春卷，牛柏葉，鳳爪，蟲草花蒸雞飯，咖哩蒸土魷，流沙包蝦餃晶瑩通透，皮薄，印上一個B duck，好似提我小心睇熱，慢慢品賞咁樣。鮮蝦春卷，新鮮炸起。脆而不膩 蟲草花蒸雞飯蟲草蒸雞飯 $38但想不到份量咁大，share食剛剛好。雞件多，加上蟲草花香味。其實我真係覺得好抵食，$38蚊，快餐店都做唔到啦。 忌廉溝鮮奶已經好多好多年都沒有見到這個飲品，只有好小數的地方有，所以一定要叫。忌廉溝鮮奶，比例岩岩好，自己做不到的好味道。…查看更多

之前已聽聞有間食店以黃鴨鴨為主題, 今晚走咗去試 !見只係1樓就行樓梯上去, 已四周有鴨鴨燒賣造型既鴨鴨,好攪笑店內當然少不了櫃檯和廚房門口升降機走廊通道食用餐具點餐紙招牌點心全部都有鴨鴨案啊壓咗鴨鴨既古法馬拉糕 $26熱騰騰出爐，唔太甜,夠鬆軟 印咗鴨鴨既蝦餃皇 HK$46熱呼呼即叫即蒸, 一籠有三大粒 !蝦餃唔只有樣, 質素仲好好, 蝦肉彈又足料招牌小炒王HK$88雖然只係插咗個鴨鴨牌仔，但個小炒王用料賣相都好好花膠瑤柱灌湯餃HK$52餃內的餡料滿滿的起初諗住尐食物都只係賣樣, 食落才發現味道很好用料又好足，唔係單靠樣捃食喎 ! …查看更多