阿三大牌檔

大牌檔一直是本地獨特的飲食文化之一，趁著今日難得的空檔，前往阿三大牌檔品嚐幾道招牌菜式，位於大埔舊墟直街呢間新式大排檔，與以往舊式不同的是設有舒適冷氣環境，不變的是大排檔既穫氣依舊。首先上檯是燒乳鴿，肉質鮮嫩的鴿肉配上恰到好處的調味，外皮酥脆可口，難怪是必點菜式。接著是另一味手工菜蜜餞鱔球，鱔肉新鮮無腥味，炸得酥脆如花，肉質軟嫩配上甜香醬料，口感層次豐富。再來是蜜椒薯仔牛柳粒，牛肉嫩滑無筋，薯仔塊吸收哂牛肉同黑椒既滋味，二者融合非常協調。值得一讚是，阿三既菜品好味之餘，老闆同員工都愛心滿滿，見他們逢星期二都有善長膳心派飯活動，有需要既長者或有意支持者，可向職員查詢。…查看更多

久違嘅好友飯局一聚，朋友提議食大排檔，於是揀左食呢間。今次叫左沙薑大扇雞(半) ($198)、豉椒炒花甲 ($88)、黃金豆腐粒 ($72)、海皇粉絲雜菜煲 ($98)、蜜椒薯仔牛柳粒 ($88)、脆皮咕嚕豬頸肉 ($88)呢到係比較新式嘅大排檔，環境乾淨之外，間鋪好大夠多座位，空間夠闊落，唔使坐到每枱之間好逼，夠舒服😄沙薑大扇雞(半)：職員上菜時有提及係用新鮮雞，難怪食落肉嫩兼雞味濃郁，再加埋沙薑醬嘅香，正😋而且雞件斬得幾好，冇乜碎骨，啖啖肉👍🏻豉椒炒花甲：花甲處理得好，食落冇沙，豉椒炒夠晒惹味😋脆皮咕嚕豬頸肉：比起平時食開嘅咕嚕肉更加有口感，外層炸得香脆，而醬汁比例啱啱好，加埋波蘿粒酸酸甜甜幾開胃🤤黃金豆腐粒：做到真正嘅外脆內嫩，香口無比，最適合送啤酒😍海皇粉絲雜菜煲：比想像中足料同大煲，裡面有雜菜、菇、蝦、帶子、魷魚等，而粉絲就吸滿左當中食材嘅鮮甜😋蜜椒薯仔牛柳粒：主角薯仔粒同牛柳粒大細啱啱好，方便食用，一口一啖，夠香口滋味😄而三色椒雖然作為配菜，但爽口清新絕不遜色😉大合照🤩食大排檔最緊要熱辣辣夠鑊氣，呢到絕對做得足👍🏻而且價錢經濟實惠兼且大大份，一班朋友食得盡興😎補MENU…查看更多

個人好鍾意食新式有冷氣嘅大排檔，今日嚟大埔墟行街搵到呢間餐廳，環境乾淨衛生，座位枱櫈寬敞，加上有冷氣坐得好舒服，又不失傳統大排檔鑊氣小炒嘅風味。黃金豆腐- 豆腐外皮炸到好香脆，粒粒金黃色，火候控制恰到好處- 裏面豆腐好滑，豆味香濃，做到外脆內軟- 一啖一件，送酒一流😍豉椒炒蜆- 份量都幾多，蜆肉幾鮮味，大部份都開晒- 蜆肉吐沙吐得幾乾淨- 醬汁好香好惹味，爆得好有鑊氣，送飯一流😝蜜椒薯仔牛柳粒- 份量都幾多，有好多薯仔，牛柳粒同三色椒- 牛柳粒肉質嫩滑，牛肉味香濃，口感有少少爽脆，肥瘦適中，比起其他餐廳做得出色，一啲都唔會過火又唔會老👍🏻- 薯仔炸到金黃色，全部大細一致- 醬汁香濃帶蜜糖味，配上三色椒爆香非常香口惹味，值得推薦🤩🥬啫啫蝦乾唐生菜煲- 上菜嘅時候出晒煙，熱辣辣夠晒鑊氣- 生菜新鮮翠綠，口感爽脆- 爆香左嘅蝦乾好有鹹香味，整體非常惹味又唔會太鹹😋總結：- 菜式款式多，質素高，即叫即整非常有鑊氣，上菜速度好快- 服務態度有禮，店員會主動介紹菜式同詢問食客意見- 環境舒適，乾淨衛生，比起一般大排檔舒適，坐耐啲都唔會催你交枱- 食物份量豐富，性價比高…查看更多

大埔站📍阿三大排檔-得閒食下小炒都係唔錯嘅選擇，大排檔原來都可以坐得舒服😌鐵板德國鹹豬手（$128）呢個鐵板鹹豬手份量不得了，外皮卜卜脆夠晒香口，肉亦都係大大嚿😂食一兩舊都已經好鬼飽！豬手鹹香十足。豉椒炒蜆（$88）豉椒炒蜆一定要趁熱食，蜆雖然唔算好大粒，不過勝在夠晒惹味，重點係一粒沙都冇，完全唔會食到有陰影😹😻👍🏻椒鹽九肚魚（$88）出得嚟食小炒，女朋友多數會叫一啲自己整唔到嘅菜式😂椒鹽九肚魚就係其中一款啦。九肚魚炸得酥香，大大舊，椒鹽味再重d更正。蜜椒薯仔牛柳粒（$78）呢個餸雖然女朋友唔係煮唔到，不過就一定冇大排檔整得咁有鑊氣。薯仔走過油，外脆內軟，牛柳粒雖然比想像中大粒，但係一啲都唔靭，配埋蜜汁一流🤪🤪🤪以上嘅小菜全部加$10可以配白飯同例湯，呢個價錢的確係幾抵玩！例湯冇乜味精👍🏻燒乳鴿（加配價$10）見到舖頭話新張期間可以用$10加配燒乳鴿，我當然都唔執輸啦！雖然乳鴿唔算好厚肉，但都燒得香脆，$10黎講都好抵玩！環境方面，呢個大排檔比想像中乾淨企理，而且冷氣十足。雖然我五點幾去到就冇乜人，一到六點就開始多街坊幫襯！呢個價錢來講同一大班friend黎食飯好相宜😎😆…查看更多

今日探朋友去開大埔，佢話開左間新大排檔想試下，所以就黎左試下依間位於大埔既新式大排檔，環境超大好多卡位，坐得好舒服，就算6-8人聚會都冇問題🤣。餐廳有分室內同室外，室外仲可以帶狗狗一齊食Tim🥰。✨凡滿$200，就可+$10/隻 燒乳鴿(原價$52)✨不設加一-(晚餐小菜：+$10有白飯、例湯)例湯真材實料！仲比埋肉，飲落好清之後唔會口渴！💕 避風塘鮮魷 $108👅好味指數：7/10第一次見依個配搭😆鮮魷份量都好多，口感彈牙☺️，避風塘炸蒜好香👍🏻-💕 蜜椒薯仔牛柳粒 $78👅好味指數：8.5/10驚艷到我😳❗️ 蜜糖味極重，薯仔🥔入哂味😍好似食成匙蜜糖落口咁🍯再帶點黑椒既微微香辣感😍，牛柳粒亦都好軟腍唔會韌。-💕 沙嗲粉絲滑牛煲 $78👅好味指數：7.5/10粉絲同滑牛都入哂味☺️粉絲嫩滑Q彈，滑牛軟滑冇筋渣又唔錢難咬開😆，食得多肥牛原來用滑牛都幾好🤣-💕 黑醋骨 $88👅好味指數：7/10排骨肥瘦均勻，肉質夠軟腍又唔會太肥🥰，醃得好入味，好重黑醋味，醋味比較濃甜味會小啲。-環境：7.5/10服務：7.5/10好味指數：7.5/10回頭率：7.5/10…查看更多

🕖時段-星期日夜晚7點幾來到唔算好full 可以即刻入座_▫️蜜椒薯仔牛柳粒 $78又係#大排檔 必食既餸🤪今次唔係淨係黑椒 係蜜椒🍯好入味🤤🤤黑椒多 少少辣薯仔外少少脆面🥔牛柳切到細細粒 唔靭_▫️欖菜肉鬆四季豆 $78四季豆偏爽口 唔同平時煮得咁淋 自身個味比較淡 撈埋欖菜肉鬆就啱哂👍🏻 _▫️香煎蓮藕餅 $108炸粉唔厚 成個蓮藕肉餅脹卜卜 好爽脆😋要趁熱食好食d! _▫️頭抽雞煲仔 $78雞煲熱辣辣上🔥雞肉嫩滑同多肉 味道偏濃 餸飯食剛好🍚 _除左大排檔小菜仲有鐵板同燒烤 好多餸菜選擇_🍽環境餐廳係新式大排檔 有兩張圓枱係户外(有蓋) 比較有大排檔風味同埋寵物友善🐶我地怕熱就揀坐室內 入面餐廳好大好闊落~…查看更多