翠豐冰廳

🥢翠豐無骨海南雞 $78🥢配油飯，油菜，羅宋湯，熱飲，雪糕呢個dinner set$78真心超級抵上枱嘅時候用tray裝住我地諗住大家share食所以抽走左個tray擺埋一邊方便啲點知店員即刻行過黎話呢個set就係要擺係個tray上面😂好啦既然店員咁堅持就將啲雞菜醬汁放返上個tray啦🤣味道係唔錯既🤤羅宋湯酸甜好開胃海南雞幾滑帶點鹹味有少少似豉油雞點埋醬汁一齊食好好味😋***🥢蜜椒薯仔牛柳粒 $78好有鑊氣我鐘意牛柳粒好軟稔薯仔外脆內軟可惜蜜味稍嫌不足不過整體黎講味道唔錯😍…查看更多

系牛頭角做完野 聽朋友講附近有間吾錯既茶記 所以就黎翠豐冰廳 試下佢既飯堂😆餐廳門面好光猛 企理 而地點就系Citi Tower同Manulife Tower隔離 附近又有好多工廈 好適合做打工仔既飯堂👍🏻晚市套餐🐥海南雞飯 $78套餐好多野食 有例湯 油菜 餐飲 芒果雪糕 仲跟埋油飯 單點$70 但比多$8轉套餐就有曬咁多野 真系超值🤑雞既份量非常多 有半脾半雞胸 雞脾肉嫩滑而雞胸肉質結實 吾嚡口例湯系無花果霸王花豬骨湯 一睇湯渣都知足料🥣餐飲有柚子茶簡而且吾洗加錢 幾surprise🍹油菜系芥蘭 一人份量 難得出街食飯都有菜食🥬🤗🐮蜜椒薯仔牛柳粒 $78因為已經有個飯 所以我地就單點左個招牌菜🏅所有牛柳粒 薯仔都沾滿左蜜糖 甜甜的 加埋黑椒 好惹味 而且仲好夠鑊氣 好正🤤🐔孜然芝麻雞中翼（3隻) $24呢個小食幾出色 外皮焗得好脆 入面又juicy 值得叫黎加下餸😋💭餐廳食物味道吾錯 種類都算多 價錢大眾化 晚市套餐又好豐富 系做飯堂既好選擇✌🏼…查看更多

同班friend係牛頭角party Room🎉🥳🍾🎊玩完，咁有個friend都係無飯家庭，所以就同佢喺附近食埋嘢先走，Weekend牛頭角冇咩食😩😩，但係見到呢一間翠豐冰廳開咗😂咁就入去食飯啦！食完發現相當有驚喜😆😆😆‼️‼️呢度食物款式非常之多！🤤🤤你可以揀鐵板啦💜又可以揀啲撚手小菜💚又有炒粉麵飯❤️基本上都一定揀到嘢食！用QR code 落單非常方便，咁我哋就叫咗兩個小菜，包括係黑松露蝦球炒蛋🍳$78同埋蜜椒薯仔🥔牛柳粒$78，兩個都加咗$15升級套餐🆙🆙（包咗個白飯🍚一個餐湯🥣同埋杯嘢飲🍵），咁因為我哋見到特飲有黑牛同埋椰汁紅豆冰🈶🈶所以另外再加咗$10飲呢2個特飲🍹🧉叫完嘢食我哋就拎定餐具等食🍴🥢發現餐廳好貼心💗💗平時去其他茶餐廳雖然枱側邊都有餐具提供🍽但係成日都要拉到個櫃勁出🧐🧐或者拎出黎睇先至係咩嚟，但呢度係餐具櫃係有寫明嗰格係放咩餐具，極之方便🤩🤩上菜都好快手💨💨大概10 零分鐘就上菜啦👍🏻👍🏻👍🏻餐湯可以揀中式老火湯🥣🥣或者係羅宋湯，老火湯就合掌瓜粟米🌽瘦肉湯，瘦肉超腍個湯好甜🤤🤤羅宋湯就充滿甜辣味相當開胃😋😋黑松露蝦球炒蛋🍳上碟黑松露味好香，一睇就覺得好足料🤩🤩嫩滑嘅蛋配合埋韭黃同埋香蔥🍳，再加埋蝦球，口感豐富，每啖食落去都好滿足🈵🈵蜜椒薯仔🥔牛柳粒一眼睇落去就覺得佢勁Juicy，黑椒味重，配搭埋蜜糖🍯，牛柳粒同薯仔🥙都好入味，牛柳粒油脂豐富，煎到好香口，薯仔大大嚿超飽肚！🥩🥩兩個小菜都有個共通點，就係都有啲蔬菜蕃茄粒擺盤，食完食返啲酸酸甜甜嘅蔬菜好解膩🥗🥗飲品方面叫咗黑牛同埋椰汁紅豆冰🧉🍨🍧黑牛即係朱古力雪糕🍫加可樂。椰汁紅豆冰仲有個椰汁味嘅雪糕係頂🥰🥰🥰🥰🥰 超經典食得好開心😍😍…查看更多

今次黎到位於牛頭角、新開既地道餐廳，即係茶記。聽到茶記，好多人都會覺得好污糟。但其實近年開左好多新式既茶記，裝修靚之餘，選擇又多。先黎一個前菜，郊外油菜($20)，有幾款可以選擇，我地就叫左生菜🥬而呢間餐廳全程用apps落單，仲可以揀埋菜想咩湯汁同少油，$20蚊都可以有得揀，出面點會搵到。我地揀左腩汁同少油，生菜吸收左湯汁好清甜！腩汁一啲都唔馬虎，亦唔會過咸👍🏻小菜我地叫左份蜜椒薯仔牛柳粒。平時去大牌檔都好鐘意食薯仔牛柳粒($78)，估唔到連呢度都有😆店員一上碟仲出哂煙。78蚊黎講份量算好多，牛柳粒雖然大小不一，但都煮到好冧。👍🏻薯仔都做到外脆內軟，加上佢地個蜜汁，夠哂甜又惹味。必食‼️主菜我地叫左個美式焗豬排意粉($65)🍝落單時仲可以揀多汁定少汁，我地當然叫多汁啦。🤣豬排就煮得幾軟冧但肉味一般，意粉就正常發揮，茄汁個味道都幾甜。😋傳統焗豬其實唔會有菠蘿同芝士，但可能細個就食開有菠蘿同芝士版本，所以比較鐘意有配料既焗豬。😜菠蘿既份量都算多，芝士都多到掛哂上意粉有拉絲效果～不過就撈得唔太均勻🤣野飲我地叫左一杯什果冰同白牛。什果冰入面水果唔似罐頭水果，而係新鮮水果，呢一點要比like。👍🏻而白牛就係平時既牛奶雪碧，但野飲上面會有一大球椰子雪榚，有驚喜，茶記都玩到咁夠哂特別。😙總括黎講，呢間新開既冰廳都幾值得推介大家黎試，價錢合理但份量都比較多。特別推介蜜椒薯仔牛柳粒，真係必食😍而我地食緊既時候都見好多人叫海南雞飯，睇黎呢個都係佢地招牌菜，下次有機會再黎一定會試下。…查看更多