蛇王二

移居海外的朋友回港一聚，離港之前，就是把持不住要吃一頓蛇餐，所以連同小人三個前往蛇王二是也。我們抵達時店內十分多人，需要搭枱，不過也沒所謂，反正地方也算乾淨企理。一個套餐包括1碗蛇羹、1碗燒味/臘味飯以及1碟油菜。蛇羹也算足料，蛇肉不少，而且要求多些薄脆的話，店員亦十分慷慨地樂意提供，態度正面。別看燒味或臘味飯就只有肉跟飯淋一些豉油很齋，事實上單是這樣已經很和味！叉燒香甜帶肉汁；膶腸更為出色，腸衣是脆的，咬破時中間的油份在口腔裡滲出時，那種香法簡直令人難以抵擋！臘味糯米飯的臘腸和膶腸皆很美味，糯米飯夠香夠煙靭，只是略嫌臘味太少。灼生菜亦不是多，相中已是三個餐的份量，蠔油下得勁多，鹹了些。總體來說是滿意的。…查看更多

蛇羹$74套餐$114套餐太多，午餐食路晒蛇羹唔錯，因為我食到有蛇肉。好過去蛇宴，我唔覺有蛇肉潤腸是外脆內軟，但我鐘意臘腸多啲午餐時段現在有位，不用排隊，因為暴徒搞到香港經濟差，無遊客去香港…查看更多

同男友一齊食私心覺得蛇羹係好麻甩既食物本來想扮淑女唔食改飲湯但敵不過未食過蛇既好奇心最終揀左個套餐老店舖的裝璜以前常常以為蛇店是動物園一般養好多蛇係到俾人睇男友話佢細個食真係咁睇住人即劏唔知而家仲有無呢種舖呢呢到就無喇顧客老齡平均偏高我同男友絕對拉低左個curve不過我享受呢種懷舊靜靜地慢慢地吃飯感覺又會暖一些蛇羹食落去好重薑味有加左白菊點綴第一時間想起白蛇傳暖既效果唔知來自蛇定來自薑其實味道無咩特別而家蛇肉的肉質都無驚喜但保血氣既效果係有的大病一輪久久未來的period立即通啦好癲臘味飯係好食的黏的程度適中不過男友話介紹我食一間更好食既臘味飯密切期待…查看更多

今日是2018年12月10日星期一，沙田戶外氣溫攝氏12度，我喺今年11月17日喺呢度買咗外賣的蛇羹返屋企和爸爸各食一碗，我們的身體由頭暖到腳趾尾，不像去年或之前需要開電暖爐，實在令人嘖嘖稱奇，味道很好，但唔可以話係和味極，很有功效！包裝有埋白菊花瓣同檸檬葉𢇁，我記得大概每碗$96。不過，可能因為室內地方太淺窄，當時我在收銀處俾錢的時候手裏有太多東西，動作慢很多，收銀的姐姐叫我企埋一邊盡快俾錢，搞到我踢晒腳！沒有足夠的時間看餐牌還有什麼要試。…查看更多

秋風起，三蛇肥。是晚七點幾來到銅鑼灣蛇王二老店，依然多人，好在咁啱有位唔洗等識食而家梗係食「蛇羹套餐」，有蛇羹、糯米飯同蠔油菜，今次加咗少少錢要埋老火燉湯。主角蛇羹，足料，好香藥材味，仲有好多蛇肉～食完成身大汗！糯米飯係配角，味道比較清（或者唔想味道搶主角吧），料唔算好多，不過飯都幾煙煙韌韌，也不錯足料嘅老火靚湯，清清哋好滿足～銅鑼灣，百一蚊，真材實料食到飽，呢間老店存在咗咁多年仍然有咁多客支持，一定有佢嘅原因嘅！…查看更多

天寒地凍，最好就去食蛇啦!臘腸飯: 臘腸今次比上次d皮硬O左少少，不過都係好好味，但比潤腸仲差d，呢到既潤腸飯真係好正，潤腸有好濃既酒香。蛇羹: 足料，食落對胃口，個人覺得比蛇王芬好好多，不過有少少味精，因為食完之後半小時有口渴既感覺。總結: 地道美食，食飯時間人好多，所以最好食飯時間前去。價錢ok，必食潤腸飯。…查看更多

同媽咪食lunch 我去圖書館 佢去打牌叫左個套餐蛇羹真係唔識欣賞 個人唔太鍾意個芡 好杰又多味精(好字唔鍾意食翅一樣) 不過都好足料 但我就未食過好好味嘅蛇羹 可能我唔識寶 雙拼燒味飯雞好普通 燒鵝好油膩 我地兩個人都食唔晒個飯 好滯 不過媽媽話中環蛇王芬好食d 我就唔識分啦哈哈 …查看更多

22/11/09(日)蛇羹套餐有蛇羹一碗，飯轉鴛鴦腸飯一碟，另有蠔油生菜，共88元。菊花燴太史五蛇羹，滿滿的一碗，料很多，但蛇肉絲略少。反而覺得料太多，又不夠鮮味，吃完一碗巳很飽了。如果是只吃蛇羹，我較愛蛇王良。鴛鴦腸飯仍是出色的，生菜巳叫了少蠔油，也略多。老字號，加了一點感情分。…查看更多