樓下冰室

路德圍條食街咁多間鋪頭，唯獨呢一間我會不停回頭食，真係好好味好出色，大推薦(*¯︶¯*).特色蕃茄濃湯通粉配牛乳炒蛋 HKD$50配瑞士汁雞髀每次都一定係食呢一個餐！無得輸架，淨係個排場已經令你食慾大增( ´▽｀)蕃茄湯揀左唔辣配螺絲粉，超級掛汁，湯底唔係假蕃茄，咸度適中，帶點點甜，不會太酸雞髀好大隻，煮到入晒味但仍然keep到咁Q彈，一定一定要叫！雞髀肉超柔嫩好滑，入口仍然有肉汁，做得好出色金牌咖哩牛腩飯 HKD$52第一次叫，估唔到真係好有驚喜，味道非常之好，真材實料杰撻撻嘅咖哩，牛腩煮得又入味又質地又好，無諗過個咖哩咁出色，超推薦大家試下芝士焗西蘭花 HKD $38鐘意食西蘭花嘅你一定要叫，真係好大份好抵食，感覺有成棵西蘭花係入面，真材實料，當菜食真係唔錯飲品有半價，所以試左華田脆脆同埋凍檸茶，華田脆脆好好飲，半價左先$112個人食到飽一飽都唔洗2百蚊，抵食！…查看更多

今天來到位於路德圍的樓下冰室，冰室比較乾淨企理，主打是蕃茄汁和瑞士雞翼鮮濃茄牛肉燴意粉 - 蕃茄汁真是整碟意粉的精髓，非常香濃，蕃茄味鮮甜牛肉份量很多，而且十分鮮嫩，絕對高質吉列豬扒配厚切牛乳炒蛋冶 - 本來是想輕食的，但原來份量都是很多，真是抵食夾大件牛乳炒蛋冶真的十分驚喜，炒蛋是厚切，而且蛋味香濃吉列炸豬扒十分香脆，不會很乾瑞士雞翼 - 是每次來到都必食的！瑞士汁比較濃郁，十分適合愛重口味的我們雞翼非常大隻，是全翼，雞肉鮮嫩多汁，真的吃不停口餐飲點了華田脆脆和茶餐廳特有的鴛鴦凍華田上加上脆脆片，多了一份懷舊的口味這間冰室食物非常高質，絕對值得再來…查看更多

呢間冰室幾乎係我飯堂，唔只主打無味精瑞士雞腩脾同番茄湯粉好食，其他野都煮得比其他冰室更用心同好食。例牌我食開嘅招牌瑞士雞脾番茄螺絲粉，抵食有營。啖番茄湯係屋企煮再濃d嘅版本，瑞士汁調較得香甜，雞脾非常入味而肉質滑溜，呢間係我少有會食埋雞皮嘅餐廳。番茄粉上面仲放有滑蛋，香濃蛋味撈埋番茄湯係超正！呢度咖喱都好正，唔辣偏香同惹味。秘製咖哩牛腩飯牛腩份量多，飯餸分開裝，都靚仔。冰室有菜食係少見，而且上湯浸雜菇娃娃菜更少見。難得係都煮得好味，娃娃菜索哂d上湯，上湯湯底好鮮甜，唔洗講啦，好味。友人鍾意瑞士雞翼，同雞脾一樣好味，再入味d，佢連雞翼尖都食埋。餐加$9有凍檸茶，加$11有特飲華田脆爆添，即係凍阿華田上面加阿華田脆脆，咁杯凍飲就超濃華田味又有脆嘅口感，得意有好味。我就係鍾意呢度員工有禮貌，野又好食，價錢又一d都唔貴，希望水準一直保持下去呀。…查看更多

依間樓下冰室之前都經過好多次，一直都想搵機會食下，今日終於同朋友去到食。入面環境唔錯，幾乾淨，裝飾有懷舊嘅感覺，座位都算闊落，唔會人迫人。餐牌既選擇都幾多，花多眼亂。不過聽講佢地出名瑞士雞翼同番茄濃湯通粉。於是，我地就叫左2個主食，2個小食，再加2杯飲品。依個番茄濃湯通粉配牛乳炒蛋 + 麻辣脆雞粒，份量好足，通粉唔會太硬/太淋，軟硬適中，番茄湯味濃，唔似就咁用番茄膏加水，炒蛋亦好香蛋味，麻辣脆雞粒唔會太辣，但好惹味。依個炒意粉幾乾身，但又唔係乾爭爭果隻，料足，味道亦岩岩好。佢地既招牌瑞士雞翼，瑞士汁好好味，少少甜甜地，好入味。炸餃唔會炸到成隻乾爭爭，外脆內軟，餡料足，隻隻都脹卜卜。華田脆脆唔會過甜，脆脆好好食。食左咁多野，埋單$200都唔洗，不過份量比想像中大份，真係飽到捧住個肚走。…查看更多

晚上在荃灣看完電影，已10 點，很多餐廳都快關門，兩個人，便在OpenRice search 下有什麼餐廳會開得較夜，於是便找到這間冰室，看到評分也很高，便去一試～一到步，見到雖然已經 10 點多，但仍然很熱鬧很多人，看來果然是挺受歡迎的食店等了數分鐘，便很快有位，不過位置有點迫，店面不大，但人很多，以冰室格局來說，迫一點也是在所難免吧～看看餐牌，很快便決定好了，點的都是這裡的招牌菜色。等候的時間也不長，大約 5-10 分鐘，食物便陸續來了，很有效率～！先來的有自家制叉燒滑蛋飯 $50這個滑蛋叉燒的確有別於一般茶餐廳的，炒蛋很香很軟綿，叉燒半肥瘦，加上醬汁後，吃下去有點甜甜的，混埋叉燒、蛋和飯一起吃，的確很滿足～！而且份量很大碟，兩個人分著吃也可以！然後有特色蕃茄濃湯通粉 $50這個就沒有想像中那麼特別，我覺得都是比較像雜菜湯的味道，然後加點通粉和蛋進去，沒有想像中的驚喜～招牌瑞士雞脾這個果然是招牌～！雞脾啖啖肉，配上濃厚的瑞士汁，實在好味～！我平時食雞都不太吃雞皮的，怕那陣雞皮的騷味，但這個雞脾，也許是醬汁的味道略有甜，剛剛好，我竟然可以連雞皮都吃下～ 值得推介！只是，咁多樣東西加埋一起吃，真的有點滯，吃完後都飽到不得了～！還有兩款飲品，都有驚喜～菠蘿冰 $11第一啖喝下去，很surprise, 非常清甜，菠蘿美非常新鮮及濃，誠意之作～！華田脆脆 $11這個也是濃濃的阿華田味，上面再加了阿華田脆脆，很有咬口，有點很冰的感覺～ 熱愛阿華田的朋友必試！最後埋單 2 人總共$122…查看更多

放工去完圖書館，懶得返屋企煮，約了老公在路德圍食晚飯。大家都唔係餓，就簡簡單單去茶餐廳食呢間門口有幾pair人等緊位，相信都唔差得去邊內在環境唔差，樓底又高，望落乾淨，沒有一般茶餐廳的焗促。有d文青feel雜果沙律另上。我就是被餐牌的「蛋治」圖片吸引，厚得真係超誇張件蛋一d都唔老，方包又鬆軟，我食左一半就投降，由老公幫口食埋去。件吉烈豬扒仲脆，但就唔係新鮮炸出黎熱辣辣兼漏油果種老公叫的「什飯」有香草腸、餐肉、火腿、煙肉、煎蛋，豉油白飯。充滿濃厚的香港特色集常餐的必叫食材於一碟！半價配飲品，我試華田脆脆，上枱時的確見on top係有d野，但攪下d冰，攪下d糖，就沉晒飲唔出d脆脆凍話梅柑桔，甜甜酸酸，有兩粒話梅…查看更多

今晚約左朋友係荃灣食晚飯，因為呢排成日出街食飯，所以都想食得健康d，於是就上黎揾下有無咩好食又健康，見到好多人都推介呢間既蕃茄湯，就決定一試，餐廳六點半就已經坐滿左八成😳入面無豪華裝修，但好有懷舊既味道，而且感覺乾淨企理，座位都好闊，之後人開始多但侍應都會安排坐卡位，唔使迫住搭枱，好貼心。行入去坐個時已經見到好多枱都係食緊蕃茄湯，所以點都要叫一個試下佢既招牌菜仲要係配牛乳炒蛋，正特飲紅豆奶茶，綠椰冰，紅綠椰冰係出面茶餐廳已經好少見，好有自己特色 最後點左一個蕃茄通配牛乳炒蛋加肥牛墨丸，朋友想食飯就點左蘚茄汁香煎豬扒飯加雙蛋，仲要share 左佢既招牌瑞士雞脾蕃茄湯底味道濃郁，好香蕃茄味又唔會好似一般湯底得個鹹字，炒蛋好滑，配蕃茄真係絕配加配既肥牛份量好足，墨丸有四粒算有誠意，而且係粉少墨魚多，質素不錯，抵讚瑞士雞脾果然係招牌菜，一上枱已經聞到好香瑞士汁既味道，雞脾好嫩滑厚肉又腌得入味，大大啖咬真係好爽雞脾既最外邊已經咁厚肉朋友點既蘚茄豬扒配雙蛋飯份量好多，豬扒又厚又大塊，佔左半個碟豬扒腌得入味又夠腍，見佢齋點蘚茄汁就送晒d飯就知真係好好味最後我試埋佢個華田脆脆，連脆脆一齊飲，味道濃左好多，跟餐半價，絕對值得一試…查看更多

荃灣路德圍一帶都好多食店飲品店，可以話係荃灣人食飯掃街既好去處。今日放工去到路德圍打算醫醫肚，見到「樓下冰室」依間主打蕃茄湯同瑞士雞髀既餐廳，決定入到食下☺️正值晚飯時間餐廳都坐滿人，人流流轉亦都好高。餐廳整體係用紅色梳化卡位組成。周圍有d簡約既佈置。打開餐牌，餐廳有好多唔同既食物選擇，對於有選擇困難症既我真係一大難題🙈不過既然佢講到係番茄湯·瑞士雞髀專門店，咁就當然要食下啦😆食物上檯比自己預期中既大，隻雞髀好飽滿😋😋特色番茄濃湯通粉配牛乳炒蛋☺️見到真係有d蕃茄肉係入面！牛乳炒蛋既份量都唔少，而且幾香幾滑😌😌 另外想讚既係我平時好驚d茶餐廳整到d通粉太軟林林，「樓下冰室」完全無呢個問題👍🏻👍🏻招牌瑞士雞髀😋其實呢個餐有好多選擇，但最後我都係揀左食雞髀🤗 佢好大隻好飽滿結實😍瑞士汁亦都相當入味，而且都幾平均，唔會話一啖重口味、一啖淡茂茂👍🏻另外我仲嗌左杯華田脆脆。佢比起平時茶餐廳既華田濃，仲有d阿華田脆脆係面增加左口感，好飲😊總括黎講「樓下冰室」味道唔錯，選擇亦都多，性價比亦都算高。份量充足，我真係食到捧住個肚走呀！🙈🙈P.S. 想讚下職員姐姐都好有禮貌…查看更多