六和素食 (已結業)

第一次經朋友介紹後食過番尋味，唔似一般嘅素食店是挺有特色的美食:)之前黎親都必食佢嘅燉原隻雪梨，甜甜滋潤的，但今次兩個人食，所以沒有叫。食過三次水準都一樣，會再食第四次。…查看更多

心知罪孽心重，所以相約友人忽然食素，希望可以靜化身心！方便行動要去銅鑼灣，於是隨手打開openrice碌下，發現哩間素食店好似幾好口碑，啲賣相都幾得，就一於卜檯試試！金沙淮山 - 好好味！外層甘香，內層爽脆！堅好食！菠蘿咕嚕肉 -  簡值一吃愛上，俾我一個人食成半碟。咕嚕肉真係唔知用咩做，外層炸得鬆脆，裡頭又不會死實，口感帶點纖維又有點水份，有點似猴頭菇，但沒有菇菌味道。用新鮮菠蘿做配菜，醬汁方面亦做得剛剛好。最適合我哩種齋口唔齋心嘅掃食者！刈包 係服務員推介，有驚喜，裡頭夾住一片非常香脆口感似煙肉嘅物體！牛油果卷 友人不太喜歡裡頭的老外豆芽，頂唔順佢嘅草青味喎！我仲ok！冇影相嘅，仲有七彩冷麵，不過大失啦~ 棗蓉糕$28/3件，不是熱蒸上檯，口感似布甸，個人較喜歡吃慣個種軟糯款式。不過食得出真材實料，啖啖棗蓉！哩間餐廳值得推薦俾一眾想食多啲素但又忍唔到口嘅人！…查看更多

因為皮膚敏感，有好多野都唔食得難得朋友聚會又想出來，於是朋友們簡了素食店，比較多野食我可以食到：）我地都係第一次來六和食素，意想不到原來素食都可以咁美味，而且還原度什高XDD由於晚飯時間，人流比較多七點半左右都等了差不多十分鐘才有位。落order後不久就上菜,速度都幾快~先來了手撕雞和雞絲粉皮。手撕雞：比我們想像中有點出入，以為會像「真。手撕雞」白雪雪味道不錯，不覺感覺不太像手撕雞。雞絲粉皮：反而雞絲粉皮跟出面上海菜的很相似！口感和味道都很像，上加夠多芝麻醬，雞肉又幾似真肉咁，好好味。鮮竹卷拌娃娃菜：呢個鮮竹卷超好味啊好味到我地搶黎食～逆先鮮竹唔會太厚，薄薄地包住好多餡料，加埋Ｄ汁好入味，成舊鮮竹卷都好豐富！娃娃菜亦煮得夠淋，甜甜地都幾新鮮，有諗過再叫多碟，不過最後還是叫左幾多菜或試下。菠蘿咕嚕肉：菠蘿甜甜的，咕嚕肉亦做得好像真（味道和口感都好似樣）唔講唔覺係素黎，又係好快清晒啦～沙窩雲吞：雲吞幾好味，不過奇怪在個湯好重既胡椒粉辣。似飲胡椒豬肚湯咁（還是真係上錯了？）我和幾位不能吃辣的朋友飲得比較辛苦吃到辣的朋友會覺得不錯！福建炒飯(走蛋白)：因為我不能吃蛋，而呢間店有得走蛋，好方便～即使走了蛋，炒飯依然好味。材料夠多，味道又不會淡，所以都好岩口味！最後我們還是想試試吃特別ｄ既素食～於是忍不住叫了素壽司和素刺身。三文魚刺身：除了外表，口感做得好相似～應該是用蒟蒻製成的。味道淡淡的，的確有少少似三文魚味。做到呢個地步已經覺得挺神奇XD饅魚牛油果卷：饅魚真的有饅魚味（明明是素的），不錯！牛油果和其他材料都新鮮真係好似食梗日本壽司咁XD整理感覺這間素食店，做工和味道都很用心，大部分都真係跟肉食很像。而已多款式選擇，價錢亦算公道，有機會會帶屋企人一齊來食，我諗佢地都會很喜歡！…查看更多

今時今日，食肆要站得住腳，味道固然重要，但創新一詞也同樣不能忽視。即使是素食，也不再是以往那些很傳統的平凡素菜，素食店早已發展了素壽司、不同的素肉，講求的都是模仿葷食的賣相度。這天在嗜素吃的婆婆號召下，姨姨們找來了一家銅鑼灣新素食店，十多位親友一同吃素，好像已有多年沒試過了。新店環境算是寬敞，裝潢流露一份踏實的感覺。由於我們有12人，店家安排我們坐進了唯一一間廳房裡，大聲一點說話也不怕吵到其他食客呢~日式海鮮薄餅$128 x 2雖然芝士沒有拉絲效果，但從餡料、汁醬及色澤看起來與正常薄餅倒也有幾分相似。由於是素菜關係，薄餅選用了酥皮作餅底。素魷魚口感挺爽，整體味道也似模似樣，惹味之作~牛油果焗法包 $68 x 2曾經在其他的素食店吃過這道牛油果法包，沒想到在這裡會吃得到。牛油果塗得滿滿的法包焗得香脆，牛油果與法包之間的一片生菜使膩度大減，不錯。不過若然牛油果能再厚多一點，會更為滋味。海中寶時蔬 $118蝦、帶子、西蘭花，這道海中寶時蔬對於大時大節必到酒樓吃飯的人來說絕對不陌生，只是蝦及帶子換上了素蝦及素帶子而已。無論賣相還是口感，也給人一份不錯的親切感。台式燒肉刈包(3件) $42這個夾著素肉的刈包吃起來口感豐富，伴以芥茉沙律醬同吃，微辛口的感覺份外有趣。籠仔荷葉蒸雞 $98選用猴頭菇及淮山代替雞肉，雖然少了一份雞肉的嫩滑，但軟腍的猴頭菇吸了汁液後入味且富口感，不錯吃。山泉水野菌浸菜苗 $108先呷了口所謂的山泉水，喝到的是清甜的味道。菜苗掛起了山泉水同吃，咬起來份外清新。沾了泉水的野菌，則越嚼越甜~菠蘿咕嚕肉 $85難得家人點了我最愛吃的咕嚕肉，當然要認真品嚐。素肉切成大小不一的形狀，未吃已經見出廚師的心思。放了一粒咕嚕肉入口，口感與肉類非常相似，加上調味及炸得香脆，是這夜像真度最高的一道菜。松露蛋白炒飯 $78配料只用了雜豆及蛋白，再伴以松露炒成的炒飯，聞起來滿是松露的香氣。不過松露入口始終沒有聞起來般香，飯粒只有顯功架的鑊氣。平日習慣雜食的我表示，隔了一段時間沒有茹素，沒想到素菜的出品已經可以做到這樣的變化多端。無論是賣相或是味道，都帶來一層層的驚喜。由於要加班，來到的時間親友早已點好菜，待看到食物碟碟份量十足，才知道原來親友將部份菜式點了2-3份 (因此相中菜式會比一份的份量為多)。難得店家也作出配合，轉用大碟奉桌，倒是窩心。…查看更多

今晚和朋友一行8人黎試下，自己吾係素食者，平時亦好少食，總係覺得素食款式和口味都太平淡！環境裝修得吾錯，似高級酒樓，衛生質素高，食具都好干淨打開餐牌睇下原來都好多選擇，有過百款，中式， 西式同日式都有！價錢合理，吾貴:)…查看更多

社交網站這間新開素食店，有中、日、台、西式，weekend 和家人試試。訂了6:30，不用等候，地方舒適寧靜，待應熱情有禮。餐牌上菜式太多，樣樣都想試😋食住伴菜究硏下先。點了日式海鮮薄餅、鰻魚牛油果卷、香芒吉列卷、菠蘿咕嚕肉和咖喱雞。可能經常食中式素食，咕嚕肉咖喱雞算OK ,反而好欣賞牛油果卷吉列卷和薄餅，壽司用料新鮮，薄餅香脆，總括來說下次會再嚟試埋台式素食。漏左講，飯後送甜品，南瓜西米露yummy!…查看更多