一鍋瘋 (已結業)

旺角～感覺是年輕人的地盤、今日陪大少嚟朝聖買東西、行到攰一於係附近搵間餐廳醫吓個肚、用 “某 “” App 嘅 Early Bird 火鍋有半價、順便可以休息下。小店主打海鮮火鍋（一人一鍋）、3 個人叫佐3 份不同嘅湯底試試～ 粟米～ 菠菜～ 椰子普普通通、可以10 道鮮味海鮮包括 ；1）日本白蜆2）越南蕃蜆3）紐西蘭黃刀貝4）本地鮮魚片5）韓國北極貝6）大蓮貴妃蚌7）陽江生蠔8）大蓮鮑魚9）泰國海中蝦10）菲律賓肉蟹每種海鮮都非常新鮮、尤其是海中蝦同肉蟹、上枱後重係扎扎跳。要挑剔的話、本地鮮魚片用普通淡水鯇魚片、而且切得太薄、係個鍋內刷一刷就散哂。貝類品種太多、感覺重複、食完覺得有點膩。追加食物～象拔蚌仔 、對、又係貝類。。。～ 美國三角牛肩（例）、一睇就覺得係長年雪藏肉、不過賣 $68 有半磅、真係無得投訴、食唔食自己決定啦。。。～ 雞腿肉～白漁蛋～ 娃娃菜～珍珠荀可以、都係大路貸～ 豬潤有驚喜、願意花長時間清洗乾淨無異味、肉質爽滑、不過都係建議少吃、內臟一片起兩片止。最後可以免費加米飯將鍋底變成海鮮粥、不過已經好飽了。綜合係一個給年輕人祭肚嘅好地方。

今天約了幾個朋友在旺角晚飯聚舊， 大家忽然興之所至想去打邊爐， 其中一個朋友提議去這間略為特色的一鍋瘋火鍋店食，因這裏是一人一鍋的， 加上火鍋質素不錯 ，所以大家都贊成去試下。這間火鍋店就在女人街頭段， 隔離就是街坊cafe ，非常易搵。進入店內，雖然店鋪面積不大，但勝在座位寬敞，加上每人都有一鍋自己滾下滾下， 一邊滾一邊聊天，簡直是人生一大享受。價錢方面，只需198蚊，便有粥底火鍋，加上多種海鮮和其它肉、菜配料， 夠曬豐富。 若嫌不夠豐富,可加40蚊便升級至至尊配料， 火鍋配料更為鼎盛 所以大家一致決定提升至至尊版套餐。首先我們先選粥底， 最終選了粟米 、椰子和今天限定嘅菠菜湯底， 三款湯底之中以菠菜湯底最正， 菠菜味濃， 簡直健康美味。菠菜湯底椰子湯底粟米湯底之後選海鮮，由於升級緣故，原本只有六款海鮮提升至七款。海鮮分別有蟹、鮑魚、貴妃蚌、蝦、沙白、花甲和班片， 款款新鮮、味道鮮濃。 當中以蟹最為吸引， 因為蟹膏好多，令到湯底甚為入味。其次貴妃蚌食落爽口鮮甜，至於鮑魚、蝦和花甲也極為新鮮，還很生猛。最後是班片，是厚切的，食落沒有骨，啖啖肉，魚味十足，極為豐富。後選配料， 有迷你拼盤

這天朋友邀約我去吃任食火鍋, 但向來我對任食火鍋的好感不大. 便反建議了一家其他朋友介紹過, 有一定質素的一人一鍋海鮮粥底火鍋. 店子位置於銀城廣場的背面, 不太難找. 座位頗企理, 枱面則一人一爐, 正適合我的要求, 不太喜愛與人打邊爐時朋友總愛把食材一次倒進去. 既令湯底變得混濁, 生熟交义之下我很易肚疴. 一人一爐則完全不用顧慮. 與其他的粥底火煱一樣有細心地提供食法及海鮮的加熱時間, 細心的一點. 食物的順序是先上沙律, 然後海鮮盤, 配料盤, 最後粥底火鍋. 另外自選配料每人可點3款共6款. 另外點了的有2份肥牛, 雲吞, 墨丸, 魚片頭, 魚皮餃. 送上湯底的同時附上一人一份沙律, 份量上不算少. 蔬菜也爽口新鮮. 我點的是甘荀湯底, 看起來的樣子像是較稀的甘荀汁, 用來灼食物會帶點點甘荀甜味. 朋友點的是限定菠菜湯底. 醬料盤很齊全, 又不另加醬料費, 比起很多的任食火鍋還要另收費有良心得多. 海鮮灼太久會變硬, 提供了計時器非常方便. 蟹, 鮑魚, 蝦, 及幾種貝類的2人份量海鮮拼盤. 幾款貝類均鮮甜無沙, 肉質又飽滿, 特別是蜆的份量不少. 每日分得了2隻蝦, 上桌時