定食 Doraya (厚福街)

厚福街多好野食就大家都知，今次黎到H8，搵到呢間日本餐廳，真係稱得上平靚正！赤身藍鰭吞拿魚丼 $158超抵食既拖羅！ 又厚切，一個丼有成5-6塊！鋪滿晒個面！真係超正！仲要有她濃既魚味，食得出好新鮮，一啲都唔腥！抵食呀！火灸平目灸+藍鰭吞拿魚大拖羅雙拼$248平目魚好厚好重油滋！加埋火灸啲油再逼左出黎，食落口好似會溶化咁！超正！ 不過可以再火灸多耐少少，冇等更多油出黎溶入個飯度就仲正！大拖羅就真係寫幾多都好難表達果種味道，一入口就好似化左咁，成舊魚變晒油脂魚味，係口腔回蕩，真係水準超班！大蜆味噌湯 $10跟餐有普通味噌湯，但加10蚊就可以轉大蜆味噌湯，一碗都有成兩三隻大蜆，好鮮甜！都幾抵食…查看更多

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！係尖沙咀工作了一整天，做到兩點幾先有飯食，即刻上openrice搵食，無意間見到呢間主打吞拿魚嘅餐廳，勾起我唯一一次去日本食拖羅嘅畫面，所以就直接上去豪一野！當日係平日兩點半，好少人，聞說peak hour呢度經常爆滿要排隊！一入門已經被店員用日文歡迎，坐低後店員遞上熱茶和一大堆menu，睇到我眼花，而且我實在太肚餓，所以舉手叫店員介紹一下有咩好食。結果店員知我第一次黎，都好有耐性推薦幾樣野食俾我，話明今日要豪一野，所以set lunch我係無考慮過，結果叫左個大拖拼魚腩蓉，唔知係咪店員feel到我嘅豪氣，再sell埋我加10蚊將個麵豉湯upgrade做蜆肉麵豉湯，殺你！沙律吧點餐後店員俾隻碟我拎沙律，呢個做法幾好，一黎沙律健康，二黎有野食住先唔洗白等！而且個沙律吧一d都唔hea！十分吸引！材料有好多，比較特別嘅係秋葵同幾款撈好左嘅沙律，另外醬汁都有五款，真係貼心！大拖拼魚腩蓉丼定食逐樣講下。黃豆：初時以為係納豆，問店員先知原來係黃豆，味道甜甜地，甜味勁過本身豆味，豆香唔太勁，但係好食。茶碗蒸：睇樣就知滑溜，入口鮮甜、水嫰，內裡餡料有乜就唔記得，總之啖啖鮮味！蜆肉麵豉湯：店員話蜆係新鮮番嘅，果然非常鮮甜！有3隻都算幾慷慨！大拖拼魚腩蓉丼（壽司飯）：有人中意食中拖，因為無咁多筋，而且又食到魚肉味，唔似大拖咁一口油。但我就偏好食魚油，所以我好鐘意食魚腩，食大拖就係不二之選！大拖羅咬落去雖然會有筋，但油香最濃，吞拿魚的鮮味、嫩滑、質感及油香，真係一啖一滋味！而拼魚腩蓉係有目的嘅，試想下，如果我叫成碗都係大拖，咪油到無感覺？所以魚腩蓉嘅作用就係中和番大拖嘅油膩，卡啦卡啦咁食，係的確幾刁鑽食完呢餐飯，我問自己：「喂！肥佬B，乜你以為拎左兩舊水出黎食個lunch好豪咩？你宜家唔洗飛日本都食到，仲要d野咁新鮮咁正，係人地餐廳豪俾你收平你喎！」，呀，諗諗下又真係好似我著數左喎下次再黎過！如果你喜歡我的食評，請按推薦給予小弟少少鼓勵，謝謝！…查看更多

這天一個人來尖沙咀吃午餐，真的想不到吃甚麼好，便來到厚福街看看。平時超多人的H8大廈竟然無咩人，於是選了到位於6/F的Doraya定食。這邊最出名是吞拿魚丼，當然要一試，我見到有個係每日限量10份的橫切吞拿魚定食（$198+10%），有齊吞拿魚赤身、中拖羅及大拖羅，當然要試試。三個部位口感都不錯，拖羅位置更是充滿油花香味，但略嫌大拖羅魚味不及在日本魚市場食到的充滿魚肉鮮甜味。不過，坐過飛機黎係不及日本當地新鮮。整個定食還包括壽司飯/白飯、漬身、前菜、茶碗蒸及麵鼓湯。我選的壽司飯味道不錯，酸度適中，而且溫度微暖且軟熟，口感好好。另外，茶碗蒸亦相當滑溜，內有香菇、魚板及仿蟹棒，材料相當豐富。…查看更多

"油雞安＂的朋友在尖沙咀舉辦試酒會，為表支持，我們也決定一同捧場。原本約好的四人行，"寬粉王" 又被突如其來的工作，無奈地爽約了！中午午飯只剩下 "油雞安"，老公和我三隻破腳！"油雞安" 發辦要到 Doraya。許多年前我跟 "奄尖K" 也到訪過，依稀記得當年的 Doraya 在金馬倫道一座大廈的地庫，如今竟搬到食肆林立的 H8 去。相比地庫，眼前的 Doraya 寬敞、亮麗了，不過在星期六的下午，客人似乎不多。籃鰭吞拿魚扒飯定食是 "油雞安" 的選擇。憑藍鰭吞拿魚扒暗紅的色澤，似乎未如理想。"油雞安" 試了，果然新鮮度不足，籃鰭吞拿魚的鮮甜度也相應遞減。老公則較為貪心，選擇了海膽、吞拿魚魚腩蓉和油甘魚的三色刺身丼定食。先試油甘魚，魚味極為淡薄，幸好質感夠爽，還可接受；吞拿魚魚腩蓉混有蔥碎，入口滿是蔥的香氣與爽感，可是吞拿魚蓉卻太稀薄了，使人感受不到吞魚的魚香與魚脂感，或許是魚的用量不充份所致。每顆海膽看來也挺飽滿，果然海膽味道濃郁，鮮甜豐腴，是三色刺身中最令人滿意的！海膽是我的至愛，而肥美的吞拿魚魚腩蓉又怎能放過，因此海膽拼籃鰭吞拿魚魚腩蓉壽司飯定食，便可讓我兩者兼得。先試籃鰭吞拿魚魚腩蓉，質感與老公的無異，本來用以提昇魚腩蓉香氣的蔥花，尷尬地硬挺著那稀巴巴的魚肉，只有蔥香，而沒有魚香，真令人失望！海膽份量不少，賣相已令人充滿信心！海膽滑溜溜地在嘴巴內蕩漾，發揮出海膽的鮮、香、甜味，得意又滿意！每份定食均包含味噌湯、茶碗蒸及伴菜。溫和的味噌湯令人滿意，晚餐時段可多加 10元升級至蜆味噌。茶碗蒸有冬菇、瘦肉粒、蟹柳等，雖蛋香不重，但味道與質感還好！伴菜的白蘿蔔和紅蘿蔔絲味道一般，不過也不失！從前 Doraya 給我的印象是以合理的價格，提供質佳的刺身定食予顧客，所以贏獲不少口碑。這次重遇 Doraya，覺得質量比以前遜色了，而且以現時的價位而論，其他餐廳較優質的同類定食，相對只貴數十元而已，但所得的滿足感卻截然不同！當然現在的經營環境難以跟從前比較，但 Doraya 處於不高不低的定位下，若未能在穩定質量方面做工作，便應針對價格、質量的平衡與市場定位，進行全面的檢討，要不然以往辛苦建立的一切，將付之流水，Doraya 振作吧！…查看更多