壽司豐 (已結業)

工作繁忙的日子，當然是食好西才能瞬間減壓，是日在尖沙咀選吃Omakase，一於讓新鮮食材變成肚中物！壽司豐的主廚Micheal曾於多間高級日本餐廳工作，更曾遠赴日本跟隨 #松戶利雄 學習日本禮儀、魚鮮處理技巧，因此練到一門手藝。最特別是店子內的有田燒餐具，全部由師傅特地到日本搜購回來，以不同顏色配搭不同食材，更顯質感。  Micheal師傅特別用上白神山的天然水烹調美食，能特別帶出食物原有的鮮味，製作的壽司飯也特別好吃呢！師傅細心的解說，上每一道的節奏也剛剛好，不快不慢，女店員也相當友善，吃完整頓後，無論味覺與心情也得到滿足！  晚餐餐牌有3款，薰（$1,488）、感恩限定（$1,688）及豐 限定($1,988），這次就選了感恩限定。 ◽️ 茶碗蒸 面層是慢煮鮑魚汁高湯，味道濃郁，配上冬菇，為滑溜的蛋添加味道層次和口感。  刺身五點◽️ 北海道知內生蠔  以黑珍珠色的有田燒盛載生蠔，視覺上更吸引。師傅在店內的魚缸直接開蠔，口感爽脆，蠔味濃郁，配上少許酸汁更開胃。  ◽️ 貝類刺身 一嫩一脆的組合，是北海道角螺和帶子，角螺超爽脆，海水味重；帶子的鮮甜留在口腔久久不散，師傅建議蘸點蒙古岩鹽，有提鮮作用。  ◽️ 魚類刺身 選用啡紅色的有田燒，配搭油分較高的魚類，將其光澤帶到眼前。北海道的劍魚肉質柔軟，充滿油分，淡紅色的魚肉令人食慾大增；講起油分，當然有拖羅，選用魚旗對落約兩吋位置，一口嘗盡魚香油分。  ◽️ 大蜆湯 以熱熱的大蜆湯作中場，店員特意提醒蜆肉不宜久留在湯中，免得變韌。影完相即食，蜆肉依然鮮嫩！  ◽️ 赤貝 愛其鮮甜、爽脆，吃下陣陣的海水味。  ◽️鱲魚 清爽又鮮甜，魚皮位置增加口感。  ◽️ 左口魚及裙邊 魚身較淡味，配上油分較多的魚邊，輕輕一燒迫出油分，入口更見層次。  ◽️ 醋鯖魚 油分恰到好處，魚肉結實中帶細緻，加入少許薑、蔥同吃，令人回味。  ◽️ 德島金目鯛 口感柔軟，肉質淡雅，鮮甜中有脂香，不愧是我愛吃的金目鯛呀！  ◽️ 大拖羅 肥美的大拖羅當然是入口即溶，油份瞬間在口腔內爆發。 ◽️ 北海道根室瀨戶商店雲丹 來自北海道的海膽，禮盒裝相當精美，每一瓣都厚身又完整，吃下海膽味濃郁，口感creamy，相機影完要即刻食，因為要配上脆身的紫菜同吃更滿足！  ◽️ 銀鱈魚西京燒 以自家調製的西京燒醬汁醃製，再燒至香噴噴上桌，魚肉肥美兼嫩滑，能夠吃到魚的油分，最後把薑芽也吃下肚皮，好滿足。  🔸甜品 最後當然是甜品作結尾，滿滿果香又多汁的靜岡蜜瓜、甜甜的開心果雪糕、軟熟的黑糖卷蛋。…查看更多

為慶祝相識記念日，揀咗位於尖沙咀漆咸圍的一間omakase。訂了他們的感恩滋味套餐，用餐時段6-8pm.鋪頭比預期大和光猛，枱面亦比想像寬濶，坐得好舒服。就坐後，看到總廚Michael 在切巨大魚生時我便拿出手機拍照。他看見仲特登拿起魚生到我面前方便我影😄。首先登場是蒸蛋，用咗熬了3小時嘅鮑魚汁製成。又滑又鮮甜。接着是一連串的刺身：⭐️ 北海道帶子，師傅建議食先，有陣回甘的甜，一試難忘喎！之後才食來自九州的春魚刺身，師傅介紹話係夏天食用的好選擇。⭐️ 北海道生蠔，鮮甜肥美，師傅介紹隻碟嘅來歷，是他五年前從日本購入的黑珍珠有田燒⭐️ 這個粉紅之夢嘅浪漫組合係我今餐最深刻之處。明白什麼是眼睛食先的道理👀。一上餐檯被個香檳紅有田燒碟吸引著，忍唔住話：「好浪漫呀～」💕💕💕這個組合包括有白裡透紅嘅章紅魚、北海道劍魚，加埋海膽粉, 第一次試這個配搭，將鮮甜度互相提升。最後，save the best for last, 就係魚鰭嘅一番位置，爽口感爆燈！一咬落去啲魚油bill晒出嚟🤤🤤🤤，超難忘，我而家都仲記得🤭🤭。⭐️蜆清湯來中和一下。接着下來是壽司出場：⭐️ 拍一下就瞬間伸展肌肉的赤貝，新鮮爽甜（左上）⭐️帶粉紅皮下脂肪的立魚，食完有陣甜甜哋嘅after taste（中上）。聽師傅講他特別切條魚讓所有人都可以品嘗到肥美的魚腩部位。⭐️左口魚鰭（右上）⭐️伊左木（左下）⭐️池魚（中下）⭐️肥美拖羅（右下）食完壽司，師傅用把火槍去燒脆塊紫菜，然後填滿了北海道馬糞海膽，大滿足。好可惜我搵唔返幅相😣。油甘魚鮫好新鮮，加自製柚子汁，好開胃，食到呢度已經好飽。甜品盒包括有柚子雪葩（左），我覺得甜咗啲、可以酸啲。靜岡蜜瓜清甜多汁（中），又甜又多汁，滿意！士多啤梨蛋糕（右），有YouTuber話不好吃，話唔夠滑。我試咗又唔覺得咁差喎。蛋糕不是最香滑但都中上，我滿意。總括對這兩小時的安排好滿意。今次係我第二次食omakase（雖然我在日本工作過，但當時唔識食，來了香港先識嘆！）。覺得今餐的食材品質很高，和Michael 師傅互動得很開心。現在還飛不到去日本的日子裡，食住優質的omakase先都是一個好選擇😜。…查看更多

好想返鄉下呀！前排大家都接住Show me Your Japan冇得去日本 當然要食Omakase開心下啦慶祝我生日 朋友揀左呢間嘅特上板長Lunch Set$1280全部都好好味 推介比大家環境優雅 佢哋食材由日本豐洲魚市場入貨珍貴當造新鮮矜貴前菜有佃煮秋刀魚 甜鹹入味 煙韌爽口同埋茶碗蒸 滑嫩口感 表面加有鮑魚汁更保溫北海道仙鳳趾蠔肥美creamy口感且爽嫩幼滑 配上酸汁同三文魚籽 層次感豐富大大個北海道帶子厚身又細密 點少少豉油 蓋不到帶子的濃味盤側有鱈魚刺身 鮮味爽口盤中則是雄性鱈魚魚白豐富的魚精蛋白和脂肪 配上酸汁異想不到的美味食落去creamy軟嫩滋味口感超豐富的蛋白質 補身！沖繩海產 墨綠色海葡萄一串串綠色的玻璃珠 晶瑩剔透口感似蟹子 鮮味四溢日本響螺刺身口感韌中帶脆十分爽口 鮮甜無比可以點上碟上周圍綠色的粒粒 新鮮柚子皮混合一齊食近頸位拖羅最肥美的部分 油香最濃較少筋位食落去味道甘甜滋味！鰹魚 比較重魚味 口感較爽口清新食完刺身有麵豉湯暖暖胃 再到5款壽司沖繩石垣貝形如鳥咀 味道清甜鮮味且口感爽脆深海池魚魚肉厚 肉質鮮嫩肥美 脂厚油香入口魚油甘香細膩燒過的新鮮北赤貝食落肉質爽厚鮮甜濃郁 帶軟嫩口感劍魚腩 白拖羅鹽分較高 肥美juicy口感 味道濃郁 好味！赤鯥 為深海大眼魚皮下脂肪高 豐富魚油 魚身光亮魚皮滑溜食落去肉質鮮甜宮崎A4和牛 肉質細緻 咬起來柔嫩仲有甜品士多啤梨蛋糕鬆軟好味您亦可以揀飲咖啡…查看更多

我揀咗$980嘅「豐 • 板長おまかせ 」，今次有14道菜，每道菜師傅都會親自介紹，套餐每日嘅食材都唔同，會因應當時新鮮嘅食材而轉變。茶碗蒸 ： 蛋好滑，有清清嘅香菇味蟹肉冬瓜： 咬落去啖啖蟹肉，冬瓜好入味。北海道生蠔配紫蘇花 ： 生蠔個殼薄身，但好大粒，肉質好肥美多汁，配合紫蘇花一齊食，口味好特別。間白魚刺身 ＋ 日本蔬菜： 間白魚好厚身，好爽口，日本蔬菜好 Fresh白象拔蚌刺身＋海葡萄配蒙古岩鹽： 推薦！有大概10片象拔蚌，好滑口，咬落好脆口，點上少少蒙古岩鹽，帶出象拔蚌嘅鮮甜味。赤貝刺身＋中拖羅刺身： 中拖羅個脂肪比例好，有入口即溶嘅感覺，赤背大塊爽滑。鱈魚西京燒： 香口， 肉質柔嫩滑北海道帆立貝： 好大粒，無經過冰鮮，鮮甜金目鯛魚： 肉質細嫩鮮美，燒過嘅魚皮，好香。鮫鰈魚：配上魚肝，有三個唔同嘅層次口感。富山縣嘅白蝦壽司： 白蝦嘅份量好多， 黏性好強，玻璃質感，清甜有蝦味。手握海膽壽司： 師傅直接一手交一手，一大塊紫菜包住海膽同飯團，堆滿海膽，海膽好新鮮海鮮麵豉湯： 麵豉湯充滿海鮮嘅鮮甜味，鹹到適中黑糖蛋糕： 蛋糕好鬆軟，甜度適中成間餐廳唔係好多位，大概有10多個，可以清楚見到廚師準備食物，每食完一道菜，先會再上下一道，等待同期待下一個食物嘅感覺好正，食材好鮮甜，有小朋友餐椅提供。…查看更多

朋友話請我食 Omakase 佢揀咗尖沙咀Sushi Yutaka 壽司豐 Lunch Time 嘅 Omakase 有3款價錢, 揀咗中價位 $780 師傅會先了解客人有無唔鍾意/敏感嘅食物，然後就開始準備．     ▲ 前菜：茶碗蒸 & 冬瓜蟹肉 茶碗蒸：一點都唔馬虎又香又滑，仲有塊新鮮魚肉． 冬瓜蟹肉：冬瓜蒸得夠淋，加上鮮甜蟹肉，一鹹一淡味道非常配搭．   自家製嘅柚子蘿蔔同薑片，溫和嘅酸味少了刺鼻的感覺．  ▲ 刺身：  爽口嘅鱆紅魚刺身灑上海膽粉同紫蘇花碎，好精緻． 就算磨咗粉海膽味依然濃郁，配柚子酸汁，不過原味最鮮甜     較爽口脂肪少嘅九州真鯛魚同火灸伊佐木魚 2款拖羅，分別有魚鮫位同最肥美嘅腩位，無筋入口即熔，口腔即時充斥著甘甜濃郁嘅魚油．     之後師傅就去準備壽司環節，一共5款壽司，由淡至濃味 新鮮帶子，用直切法，一梳梳嘅口感更特別． 灸燒右口魚邊＋右口魚邊刺身，一冷一熱不同質感． 醬漬吞拿魚，魚油比例較少但魚味濃郁，完全沒有筋． 白色昆布鋪喺燒鯖魚上面，比較特別鯖魚肉質有咬口同時較濃味 碎拖羅上鋪滿一層鮮甜嘅海膽，用手接住大大啖咬，大滿足好有幸福感．   ▲ 熱食：油甘魚鮫，超有份量，魚肉嫩滑多汁．   最後可以揀咖啡/甜品完美嘅下午，邊食邊學習每款魚，細心嘅服務． 記得訂位，坐位有限，晚餐有兩個時段，每日食材有所不同，記得問清楚．  …查看更多

Monday Blues，不過好彩都擠到少少時間出離食返餐好先繼續搏殺。今次地點係位於尖沙咀漆咸圍單字一個豐既日式餐廳。幾個月前黎過一次，印象好好。餐廳係日式壽司吧，有張大大壽司枱，客人圍住師傅工作空間坐，每兩個位用易拉架同膠板隔住，可以睇住師傅手握壽司，我鍾意。Lunch Menu 有六款定食選擇，分別有板長Omakase，特選壽司十貫配稻庭烏冬或冷素麵，日替定食，和牛丼，豚肉生薑燒，同燒魚，餐牌同我上次黎有唔同。定食包前菜，茶碗蒸，吸物，咖啡或甜品，價錢由$280到$980，視乎選擇，另收加一。菜單講明所有菜式均以日本直送白神山水烹調。今次我決定試下呢度既板長Omakase，包時令刺身，壽司及熟食，價錢分兩個，分別係$780同$980。第一次食呢度嘅Omakase，我揀左入門嘅$780試吓先。茶碗蒸及前菜（跟餐）前菜（跟餐）前菜係胡麻醬菠菜豆腐，香滑凍凍哋嘅豆腐配翠綠嫩口菠菜，好清新。茶碗蒸（跟餐）茶碗蒸蒸蛋好滑，配料有新鮮脆冬菇，明顯冇落鹽。之後師傅就放左幾塊自家製柚子蘿蔔，酸薑片同wasabi喺我既壽司碟度。師傅介紹柚子蘿蔔係自家製。柚子蘿蔔非常爽脆酸味味，夏天食好開胃。酸薑片甜度高而唔太辣，個人幾鍾意，如果可以冇咁濕就更好。wasabi一定係即磨，好新鮮。時令刺身 （跟餐）師傅一次過上左三款時令刺身俾我，包括鱆紅魚，帶子同大拖羅。師傅介紹隻碗係九州嘅有田燒，又大隻又紅。師傅仲建議剌身面頭嘅紫蘇葉可以放喺豉油碟上面，會更香。鱆紅魚兩大塊，超厚切，師傅用刀戒開左好幾下，並建議點另上嘅帶有柚子香既酸汁食，果然清新啖啖肉，絕對唔會雪過龍。帶子一大件切開左二份而唔係平常既切片，師傅建議可用wasabi調味。帶子質感好特別，非常爽口。大拖羅兩大塊，師傅建議都可以用wasabi調味。大拖羅食落油脂滿溢，有少少筋係正常，連埋下底少少沙律菜食可以減吓膩。時令壽司係師傅喺你面前逐件上，等你食到壽司最新鮮嗰刻，正！第一貫係𩶘魚壽司，呢款係夏天必食，魚肉鮮甜嫩口，師傅已加豉油同wasabi，即時食就得。第二貫係深海池魚壽司，魚肉好滑，同𩶘魚一樣咁嫩滑。第三貫係北海道銀鱈魚壽司，平時好少食銀鱈魚壽司，銀鱈魚切得好厚身，原來銀鱈魚係好滑同唔油膩，好味喎！第四貫係中拖羅壽司，中拖羅已經入口即化咁滯，完全冇筋，吞拿魚味好香濃！最後一貫係白蝦海膽壽司，用左隻好靚嘅日式碟仔放。海膽好香滑，creamy又唔腥。白蝦係由唔少細蝦仔組成，雖然唔係啖啖肉，但係都鮮甜。壽司飯分量適中，唔多唔少，醋味亦適當又唔易散開。呢度既壽司似乎以簡單less is more爲主，唔似其他壽司吧會加d其他toppings落刺身上面。雖然我今朝好肚餓，但係食到呢度都飽飽地，不過仲有一道熱菜！燒油甘魚魚胶（跟餐）呢道熱菜等咗一陣，原來係燒油甘魚魚胶。上枱時候真係熱辣辣，塊油甘魚外皮燒得超薄脆香口，入面啲肉則非常滑溜嫩口。我最欣賞呢道菜嘅調味，廚師應該係用鹽烤，只係塊皮有少少鹹香，而魚肉味道又夠味，絕對唔會過鹹！廚師仲貼心咁俾埋青檸同凍嘅白蘿蔔蓉你自己調味，另上既酸汁都唔錯。麵豉湯（跟餐）吸物係麵豉湯， 有兩舊豆腐同好多昆布，熱度同鹹度適中。香蕉朱古力蛋糕（跟餐）可以揀咖啡或者香蕉朱古力蛋糕。我呢個甜魔梗係揀甜品啦！香蕉朱古力蛋糕一啖食晒，入口係好香既香蕉味，食落就有好香滑既冷凍朱古力忌廉。整體黎講，蛋糕好濕潤，唔錯。服務態度極好，師傅會主動同我講下野，又會主動介紹食物，服務周到，座位舒適。上次黎就略嫌冷氣太凍，今日好熱，我就覺得好舒服，哈哈。總括而言，呢餐絕對係視覺同味覺嘅享受！…查看更多

難得放假，就決定去食返餐日本嘢。呢間餐廳好有日式omakase氣氛，可以望到整個壽司bar，以木色設計，感覺好舒服。另一面仲有個大屏幕放唔同嘅日本相，有紅葉、櫻花稻· 特選之壽司十貫、稻庭烏冬 $480前菜茶碗蒸呢個茶碗蒸蛋嘅顏色比一般茶碗蒸深色，應該係用上咗日本大蛋黃嘅雞蛋，未食聞落都已經有好香蛋味🥚。佢嘅配料就唔係一般嘅白果加冬菇，佢用上白魚柳，帶來更多鮮味😛明太子玉子玉子鬆軟，明太子雖然份量上都多，但唔會令成舊玉子變到好鹹或者過辣😀。師傅會逐件逐件壽司遞上，一共十件，有牡丹蝦、章紅魚、赤貝、北海道帆立貝、油甘魚、立魚、左口魚、銀雪魚、醬油漬赤身、北海道海膽紫菜卷。私心鍾意呢幾件😋左口魚呢一件左口魚壽司比較特別，我哋平時一般食嘅都火炙左口魚。師傅刻意將左口魚皮火炙，然後再將左口魚刺身擺下面，令我可以同一時間試到左口魚嘅兩種唔同口感同味道😆😆。燒香咗嘅左口魚入口即溶，油脂充足散發出嚟。左口魚刺身就厚身彈牙，整個配搭令壽司唔會咁單調，成件事都變得更豐富🤤。醬油漬赤身赤身好軟熟，甚至想用綿嚟形容。赤身厚身，完全冇根👍🏻，因為本身赤身都重味，加上醬油漬，都仍保留到佢濃厚嘅吞拿魚味。北海道海膽紫菜卷本身冇諗過食十貫壽司都會有海膽紫菜卷，好有驚喜。至於北海道海膽鮮橙色🧡，比較流質，鮮甜好滑。稻庭烏冬呢個烏冬好幼滑，食落去順滑。湯底唔會過濃，帶有甜味🍜。另外，佢好細心會上埋七味粉俾你，七味粉偏辣，落少少都好足夠提味。甜品豆腐雪糕當日有兩款雪糕🍨，一款係杏仁咖啡，一款係豆腐。因為宜家比較少見有豆腐味，所以就揀咗佢。豆腐雪糕質感上似雪芭，豆腐味清清地，唔會太甜 。總括嚟講，壽司飯軟硬適中，師傅會將Wasabi擺喺飯團同刺身中間，亦會輕輕搽上一層醬油，足以令壽司鮮味帶出。加上成餐飯望住師傅即整即上，幾有omakase 感覺🍣。! 喺餐廳會叫一個餐，佢都會捐一包米送俾有需要嘅人!…查看更多

Monday Blues，不過今日我放假，哈哈！放假黎左呢一間單字一個豐既日式餐廳食餐好。餐廳位於尖咀一條好静既街，裝修非常之日式壽司bar，有張大大壽司枱，客人圍住師傅工作空間坐，每兩個位用易拉架同膠板隔住，可以睇住師傅手握壽司。座位唔多，一定先訂位好d。Lunch Menu 有七款定食選擇，分別有omakase壽司，日替定食，和牛或豚肉壽喜燒，豚肉生薑燒同燒魚等，定食包前菜，茶碗蒸，吸物，咖啡或甜品，價錢由$280到$980，視乎選擇，另收加一。今次係我第一次黎，決定叫個穗日替定食黎試下先。師傅同菜單都講明所有菜式均以日本直送白神山水烹調。茶碗蒸及前菜（跟餐）前菜係凍玉子卷中間釀左明太子，上面再加d白蘿蔔溶，係我第一次食玉子卷做前菜。通常我最鍾意食熱辣辣既玉子，凍既真係少食，因為好難好食。呢個玉子卷大小啱啱好一口食哂，凍凍哋又有白蘿蔔香同微微明太子咸香，好refreshing。茶碗蒸蒸蛋好滑，明顯冇落鹽，我鍾意，面頭一舊新鮮脆冬菇，下底居然有一舊少見既白魚，都算唔鞋口。穗日替定食 $450+10％穗日替定食用一個好靚既盒上枱，一打開我個心就嘩左一聲。好靚!菜單寫明包三款刺身同燒物 ，但係原來刺身係好多款。師傅每樣食物都向我介紹下，又建議順時針方向食刺身。我真係好少第二樣刺身就食拖羅。立魚三塊，超新鮮絕對唔會雪過龍，質地實在。拖羅兩塊，完全冇筋，入口即溶，油花四溢。帶子一大塊切開兩邊，新鮮厚切，非常鮮甜，啖啖肉。螢光魷魚兩件，爽脆超重海水味。三文魚籽咸香，送白飯一流。赤身兩大舊三角形厚切，新鮮啖啖肉，上面灑上d細櫻花增添香味，好特別。海膽兩片，超creamy同鮮甜，完全唔腥。蟹肉有蟹味，好過好多地方，如果可以全去哂殼就仲正。燒物係燒銀鱈魚，雖然份量唔多而且我攤到凍哂先食，但係都食到肉質實在，味道微甜，仲配有沙律醬。建議大家趁暖食先，唔好好似我咁食哂刺身先。白飯係熱既，雖然唔係滿碗但係原來個碗好深。我好鍾意佢粒粒都係漲卜卜，好有咬口!服務員又同我介紹返漬物係咩。漬物有三塊爽脆酸甜柚子蘿蔔，真係好好味。酸薑係較濕同甜個隻。 Wasabi係生磨，送刺身好好味。吸物係麵豉湯， 有兩舊豆腐同好多昆布，熱度同咸度適中。值得一提係個湯碗超靚。可以揀咖啡或者焦糖燉蛋芝士蛋糕。雖然已經好飽，我呢個甜魔梗係揀甜品啦!原本仲以為係焦糖燉蛋味既芝士蛋糕，點知原來係凍芝士蛋糕上面將個頂燒到熱熱地變焦糖面，下面芝士好軟滑濃厚，底層仲有厚厚既餅底，加添口感。呢個跟餐甜品好唔普通，明顯餐廳誠意十足。服務態度極好，服務員會主動介紹食物，加添熱玄米茶及時，照顧周到。座位舒適，略嫌冷氣太凍，可能我著得太單薄。整體而言，今餐所有刺身質素都極高，唔怪得定價唔低，偶然食一餐荷包唔太傷，個人都開心d。無論味覺，視覺同感覺都大大滿足，好正既一餐高級日式料理。…查看更多

今日去到尖沙咀高級壽司「豐」，裝修簡潔，一進門就見到L形吧檯，客人可以一睹師傅手藝和刀功，而座位亦很舒適，客人之間設有易拉架做格隔，保持私隱度同空間感午市有廚師發板、壽司定食，唔想食生亦可以點和牛壽喜燒、燒魚定食等，價錢$280-$980，套餐包有前菜、茶碗蒸、湯、主食同甜品－－－－－－A4和牛壽喜燒定食 $380茶碗蒸好快就送上，高湯搭配滑嫩的蒸蛋，沒有過多調味同配料，顯得餐廳樸實無華，蛋質感滑嫩順口，不過有點偏流質，而高湯帶有甜味，配搭香菇好食前菜是燒鰻魚有別於一般蒲燒鰻魚，醬油味唔重，鰻魚外皮燒得乾身，一咬下有酥脆聲音，肉質細嫩肥美，完全冇骨，不用厚重醬汁去除魚腥味，最簡單將魚身直接燒已經好出色主菜A4和牛壽喜燒進場，店員提醒鍋非常熱，可以將牛肉放在湯底慢慢煮熟，如果唔夠熱可以再加熱，非常貼心和牛油花細密同細膩，霜降程度明顯，放進口待它慢慢融化，帶有甘香同濃郁牛味其他配菜同樣出色，豆腐有輕輕煎過，夾起時唔會好易爛，非常嫩滑，蔬菜煮得好透，吸收左湯同肉汁，香濃更鮮甜，洋蔥依然保持到爽脆口感，米飯粒粒分明，不會很硬麵豉湯上有幾片蘿蔔，清甜而爽口甜品來一份咖啡雪糕，入面仲有果仁，豐富口感，而且溶得唔快，碟同雪糕麵都非常夠凍，甜而不膩…查看更多

最近芝士牛丼好受歡迎，我向來都好鍾意食牛肉飯，但向來食嗰啲都係好普通嗰啲。今日經過尖東附近做嘢，食lunch就決定試間比較高級嘅牛肉飯（啱啱出糧，可以豪啲），睇下同其他嘅有幾大分別同值唔值得再試。賀. 溫泉玉子、照燒宮崎和牛丼哈哈，大概係我人生點過最貴嘅牛肉飯，不過好正嘅係真係超級好味！！佢嘅lunch set 包埋前菜、茶碗蒸、味噌湯同埋甜品，所以肯定夠飽先。-前菜 - 胡麻醬菠菜沙律有冇人同我一樣好憎食菠菜... 一開始見到係菠菜，好抗拒同面有難色咁點頭，點知完全冇嗰種好怪嘅澀味，竟然係好爽脆！再加埋啲麻醬，好好食：）-茶碗蒸茶碗蒸看似係普通嘅蒸蛋，但其實比想像中難，要避免到汗水唔好上面有泡，要滑得黎唔會好水，所以時間要好好掌握。尼度嘅茶碗蒸就取得平衡，佢質感滑溜，唔會好實。佢用鰹魚湯帶出咸味同鮮味，再以味醂帶出甜味，同令佢唔會起糊狀。最後，跟其他餐廳唔同，佢加上𩶘魚，更加鮮甜。-主菜 - 溫泉玉子、照燒宮崎和牛丼A4級嘅日本和牛，我之前食嘅和牛都係燒肉、扒類，但第一次試係以牛肉飯嘅做法。啲牛肉肥瘦得宜，唔似其他牛肉飯咁一係就一舊好多肥肉一啲就好瘦咁（當然一分錢一分貨）。而且啲肉質好鬆軟同入味，牛肉要煮一段長時間，所以好容易變韌，但可能係和牛啦，就仲係好滑。醃肉嘅醬油適中，唔會蓋過牛肉本身嘅味道。而溫泉蛋就更加係畫龍點睛嘅作用，我整穿左隻蛋，將佢同牛肉飯撈埋一齊，啲飯上面沾滿蛋，一黎有蛋香，二黎更加滑溜。同出面嘅牛肉飯唔同，佢除左有點綴用嘅蔥花，仲善用蔥白色嘅部分（味道會比綠色部分重），切成一條條細絲，再配合切成圈狀綠色蔥嘅部分，令到個飯唔會好漏，同清新左好多。而米方面就用上日本嘅珍珠飯，粒粒飽滿，就算沾上蛋液都唔會癡埋一舊。絕對值得推介！-味噌湯尼度嘅味噌湯好特別，佢仲額外加上南瓜，令味道變得多層次同甜甜地，健康得黎又好食。甜品 – 開心果雪糕嚟到最後就到甜品啦，係開心果雪糕！雪糕質地都好綿，冇起冰。同埋入面有粒粒嘅開心果，清新嘅nuts 味同好滑嘅牛奶味，絕對唔係一般出面食到嘅雪糕嘅味道！絕對係為尼個午餐畫上完美嘅句號。-你問我俾咁多食一碗牛肉丼會唔會肉赤，咁就一定㗎啦，但係真係好好食，同又有得試高質嘅前菜同甜品（午餐嘅廚師發辦都係一樣嘅配菜），絕對值得一試啦！同喺尼種小店食飯好正，因為廚師會分享下啲食物。尼間雖然主打廚師發辦，但都有平啲嘅選擇，我覺得好值得以平啲嘅價錢試下高級嘅服務同食材！下次有多啲錢再試下佢嘅omakase 先 😋…查看更多