K House (已結業)

今日黎到深水埗食飯，竟然係一堆懷舊店舖之中搵到呢間西餐廳，叫K House，原來店名係源於兩位老闆既英文名。入到黎係木系既裝修，枱凳都係木做。原來只係頂左手一個月左右既新餐廳黎。餐牌一目了然，有A到I咁多款揀，仲有雜扒餐。呢度套餐包頭盤、沙律、餐湯、飲品仲有甜品，係full course晚餐！老闆介紹呢度既沙律餐湯同甜品都會不斷轉換既。首先黎既係羅宋湯，係用料非常足啊，酸甜度剛好，夠曬開胃。沙律竟然係凱撒沙律，沙律菜夠曬爽脆，仲有蟹籽㗎，仲有凱撒沙律醬，絕對唔係茶記果啲厚醬沙律！主菜我就揀左英式威靈頓酥皮焗三文魚（$158），威靈頓牛就見過，威靈頓魚就因為未見過！黎到都幾大份，伴碟超豐富，有預拌沙律醋既沙律菜，仲有紅蘿蔔、蘆筍等等。主角威靈頓三文魚，係酥皮下三文魚之上，係一層好creamy既波菜蓉。三文魚焗完都唔會好乾，依然嫩滑。配著薯蓉一齊食，好滿足。餐飲揀左熱檸蜜。甜品係泡芙，下面係有椰子既cream。呢度座位都幾多，起碼坐到三四十人，仲有間包房坐到一圍添。

威靈頓牛扒食過了，但威靈頓三文魚還是第一次。是呢一間餐廳這樣有創意？中環扒房？酒店法國餐廳？錯，竟然是在深水埗元州街的一家小西餐廳。.⭐英式威靈頓酥皮焗三文魚（$158）酥皮焗得剛剛好，上菜香噴噴的。裡面除了包著厚厚的三文魚，還有法式菠菜蓉，creamy 得來又不失菠菜的口感及味道。忌廉汁也是很特別的，金黃色的，帶點香草碎，很有法式風味。三文魚旁還放上沙律菜、栗米、西蘭花及紅蘿蔔仔等。小球的薯蓉，上面還灑放了一些蟹子。其實真有點fine dine 的感覺。.除了三文魚，一個晚餐還有頭盤、餐湯、飲品和甜品，都十分令人有驚喜。甜品也是偏向法式的，今日是朱古力泡芙，入面很creamy 但不會過甜膩。.另外有個雜扒餐$138，其實仲平，份量更多，不過我當晚太飽了，所以選了精緻一點的威靈頓三文魚。下次會去試試。