許記麵家

都記不起👉🏻從何時開始幫襯呢間小店了，由舊舖剛試業到現址，都應該有好幾年了，每次一想食醉雞同豬雜，就毫不考慮衝過來大埔，愛吃的就是這樣任性！佢哋既豬內臟處理得非常好，不會有怪味，配上大地魚湯底，米粉又吸湯，灑上韮黃，香味倍增！蝦子撈麵同樣出色，撈麵麵質爽口彈牙，唔會有鹼水味，蝦子份量亦絕不吝嗇，舖滿碟面佢哋嘅招牌花雕醉雞係用雞髀，酒味芬香，雞很入味，咬落啖啖都係肉。佢哋既自家製辣椒油都好得，也加了花椒，亦炒香過，夠辣之餘仲好濃烈嘅花椒香真心感謝呢間小店能保持食物水準！！因為食店能持以恆久，實屬難得！而且又能夠做得到👉🏻平、靚、正。哈哈…查看更多

大埔許記既醉雞米係我一諗唔到食咩就會去食既好食抵食之選😍花雕醉雞脾😛😛😛😛雞脾啖啖肉 食落又唔會話好肥 浸左醉雞汁係好夠味 簡直一流🤣我平時就會打平d雞等佢地可以盡量掂多d雞汁, 一食落去就更加好味!另外就係個麵, 落d辣油, 我覺得個配搭幾好. 跟住用埋醉雞汁送麵. 好好食架!其實大埔我知都仲有好幾間醉雞 聽講仲係同一個師傅出門既 佢地出產各有千秋 不過我自己最喜歡就係呢間咁 大家都可以去試下呀🤣…查看更多

是日又離到大埔，朋友帶路去食呢間餐廳，佢話食過覺得醉雞好好味。我本身好鐘意醉雞，加上食粉麵嘅地方有醉雞食都幾好奇想試下。我哋三人行下午一點左右到達，雖然唔使等位，不過已經坐得8899因為座位唔多。豬潤米粉豬潤好大件，爽口又滑兼好粉，煮得啱啱好，好好味啊而個湯底望落幾清，但好夠味。鹵水豬頭肉麵朋友嗌嘅鹵水豬頭肉麵。因為未食過豬頭肉，所以試下，上枱先知原來係豬耳好大碟啊！我哋三個人都夠食！豬耳切得好薄，咬落好爽脆，味道調得幾好，唔會好鹹 齋食唔送麵都ok，落咗麻油好香。上湯生菜清清地嗌多個上湯生菜，生菜好入味兼仲係好爽脆花雕醉雞最期待嘅花雕醉雞 原來呢度嘅醉雞係醉雞脾離㗎！雞肉又厚又實，外皮仲好爽脆。酒味唔算太濃，平時唔鐘意花雕酒味嘅朋友都可以試一試窩。另外朋友仲嗌咗牛筋麵，我夾咗舊牛筋試下，係偏爽口嘅。見到餐牌有豬肺，好特別下次要再離試一試另外朋友仲話呢度嘅豬扒都好味，好期待下次再來！…查看更多

黎左 3 次都試唔到滷水雞中翼，點會次次都賣晒架！第 1 次黃昏黎話仲未浸好，第二次同今次八點左右黎就賣晒囉。唔憤氣，我一定要食到您！花雕醉雞，雖然 menu 只係顯示醉雞，其實係提供醉雞髀來的，即時諗起碧碧好喜愛既白切醉雞湯米，不過我都未試過。上次黎幫襯無試招牌醉雞髀有點遺憾，今次專程黎再戰許記。淡淡酒香味，濃而不嗆，香而不澀，浸得夠滑，剛剛熟無過火仲帶點肉汁，好味噃，連骨都泛著酒香損到乾乾淨淨。肉質可以做得再滑一點。突然諗起鼎泰豐既醉雞、鹿鳴居既醉鴿比佢更勝一籌，許記都唔差既，食得過。滷水豬頭肉，豬頭肉？完全係豬耳樣黎喎，仲有軟骨添，大陸習慣將豬耳叫豬頭肉？還是軟骨只係豬頭近豬耳位置啫？豬頭肉切得薄薄撈上麻油，滷水芝麻香，味道滿意。完全感受到骨膠原係口中散開，軟骨脆卜卜咬得過癮。應該配上白醋味道都唔錯，整個涼拌麻辣都得喎！滷水大腸河走蔥，有別於食開既潮州粉麵，感覺好有台灣麵線風味。大腸處理得宜，乾淨無羶味。好有彈性好有咬口，而且比牛腸更爽，滷水味非常濃郁，內臟一向索汁索味都超強架啦。湯底特濃蝦籽跟大地魚味，真材實料餚裝，美味非常！河粉好棉滑啊！時間掌握得非常好，棉得黎唔會爛，夾得到一束束跟香甜湯汁齊齊送入口，撈上大量麻辣辣椒渣，好 high 呢！仲要滾熱辣， 燙晒咀，依個溫度最好食，淥到甩皮話知佢啦！一個河粉唔夠我飽啦，食多個牛腩撈粗先，睇吓魚滑好食還是許記好食。牛腩撈粗走蔥腩汁，許記就算走蔥都會加韮黃架喎，好采近幾年開始接受到陣草青味，唔會太過反胃，不過我依然係唔食韮黃呢。牛腩同撈麵係分開上，印象中從未試過麵檔如此處理，如果丸類都會既。整返片嫩菜先，顏色非常翠綠，估唔到好爽甜呀，正菜黎噃。大大舊牛腩，索一索精神爽利，香噴噴牛肉味、香料、蝦料、大地魚，流晒口水 ﹗入口棉棉鬆化，不乾不鞋而濕 潤，香甜美味，牛腩吸收埋蝦籽湯底味道，特別香口，高質無得彈。輪到品嚐粗麵，step by step 當然係先啜啖原味先啦 ﹗眼見腩汁稍為淺色，都好擔心會淡而無味。無緊要，食左先講。嘩 ﹗腩汁濃而清甜，脫俗優雅，含畜得黎有味道，爽 滑彈牙粗麵纏住大量湯汁一擁而上，好好味呢 ﹗停不了地啜入口中，但不幸地份量對我黎講太少喇，所以要食多個河粉先得。 Homemade 麻辣辣椒油，麻香四溢 ﹗好有個人風格既麻辣辣椒油，罕有而特別，仲要好味道 ﹗我依舊大羮大羮咁撈辣椒渣，刺激興奮到滿頭大汗呢 ﹗辣得過癮，諗 起都有點冒汗呀。雲吞牛筋麵走蔥，許記用既牛筋係我最愛既質地喎，超軟棉、超膠口、帶少少彈性，唔係硬身質地嗰款呢！最靚最好味，滷水味已完全滲透一個細胞，濃味到不得了，而且熱辣辣超級好食！看似碗麵無咩煙，唔係好熱，點知一索入口，輕煙才緩緩升起，淥死我咩！好采我飲開滾油頂得住。麵爽彈湯底香濃，撈上大量麻辣辣椒渣，無得頂啦。一口雲吞味濃結實彈彈的，豬肉佔大部份，滲著滿滿香甜肉汁，混入少量蝦肉更添鮮味！太好味，唔洗 5 分鐘秒殺左碗滾熱辣既湯麵，體溫即時颷升，今日冷氣仲要壞左，堅係汗珠一滴滴呀 ﹗…查看更多