自家製韓國刀削麵 (駱克道)

營業中

休息中

未食過韓國刀削麵，睇相好似唔錯咁，又有位，就入去啦花蛤刀削麵 $78估唔到有咁多花蛤，雖然細粒d，但起碼足料。麵條粗身而短，條條彈牙，既胞肚又滿足！湯底鮮甜！牛骨湯刀削麵 $78一塊快牛腱肉都幾大塊（以女士食量黎講），雖然唔見大大舊牛骨，但飲得出牛骨湯好清甜，無偷工減料架！海鮮韭菜煎餅 $68皮脆內軟，有豐富魷魚、韭菜餡料，每一口都有魷魚🧡🧡🧡好香口！不得不提，佢地碟泡菜前菜好好食，好新鮮，又唔太辣，非常可以！店員服務有禮，店舖環境感覺乾淨，夠光猛，冷氣夠，喺夏天食嘢尤其重要。埋單先知原來呢間韓國刀削麵係香港第一間架，唔怪得d麵質咁Q彈啦～

係鵝頸橋行過少少有間韓國菜嘅店鋪，主打刀削麵，見平時少食韓國嘅面食，加上價錢唔貴，一於去試下。我地每人叫左一碗刀削麵，再加一客煎餅，味道唔錯!😍😍花蛤刀削麵有成10幾20隻花蛤，🐚🐚仲要每隻都係有蜆肉，唔係得堆殼。湯底清甜中帶有鮮味，應該係用左啲海鮮去熬制，總之一個字：鮮! 加上紫菜﹑鮮冬菇﹑蛋絲🍳🍳作配菜，非常豐富。而刀削麵Q彈有咬口，同我地平時食嘅港式粉面唔同，更有飽足感!😋😋牛骨湯刀削麵湯底熬到雪白，應該係用左唔少牛骨熬制，朋友邊食邊飲湯底，話唔咸之餘仲似足媽媽煲嘅湯，真係要連湯底都飲埋🤗🤗🤗。佢嘅牛腱亦好淋好入味，唔錯!海鮮韭菜煎餅呢個海鮮煎餅雖然唔係好大塊，但2個人share係啱啱好。😚😚煎得香脆，甚至係有少少脆邊，餡料方面就有魷魚鬚﹑韭菜。香脆得嚟唔會咸，真係令人一口接一口。😋之前見其他食評話食物唔夠味，我真係要為鋪頭平反，雖然味道嘅嘢好個人，但絕對唔係無味，只係唔係食開嗰啲大咸大甜嘅味道，而係一種温馨且細水長流嘅家的味道，係平凡中難得一見嘅鮮味!🤩🤩

喺灣仔經過，比個刀削麵招牌吸引住，仲要係香港首家韓式刀削麵，門口勁多韓國人等位，期待值爆燈！ .🌟花蛤刀削麵 呢碗刀削麵真心推介！麵條粗厚彈牙，口感似粗拉麵咁，咬勁十足。花蛤湯頭鮮甜濃郁，海味爆棚。花蛤肉飽滿鮮嫩，一啲腥味同沙都冇，加啲辣粉更加有層次。份量夠晒多，食完超滿足！ .🌟牛骨湯刀削麵 湯頭濃郁乳白，牛骨香氣撲鼻，但一啲都唔油膩。刀削麵厚實有嚼勁，索晒湯汁之後超入味，加埋紫菜蛋絲，顏色靚之餘，仲好有韓式風味。 .🌟雙拼餃子 餃子皮似水晶皮，偏厚有咬口，豬肉餃餡料新鮮，肉味濃郁，加埋蔬菜同粉絲，更有韓式風味，而且可以中和飽膩感。泡菜餃微辣，泡菜口感爽脆，開胃又好食！

最近韓國料理在香港再度掀起熱潮，所以我也忍不住想去吃。剛好天氣微涼，最適合來一碗熱騰騰的湯麵，於是選擇了這家 自家製韓國刀削麵，主打道地且偏傳統的韓式風味。不過座位就稍微擁擠，晚市時段大約要等10分鐘左右。下單方式是用 QR Code 點餐，之後還會送上一小碟酸辣適中的泡菜。🍜花蛤刀削麵 (HKD 78)湯頭很鮮美，喝起來是帶有花蛤的鮮味和頗清爽。花蛤份量也給得不少，每隻都很飽滿且還有鮮甜的味道。刀削麵比想像中更能吸附湯汁，吃起來亦嚼勁十足。喜歡吃海鮮系湯麵的話這碗值得試試看喔。🍜牛骨湯刀削麵 (HKD 78)湯頭比想像中清淡，需要額外加些胡椒來調味，讓湯頭更有層次。或者搭配泡菜來吃也能增加風味，是適合不喜歡過重口味的人。個人來說頗喜歡這裡Q彈吸湯的刀削麵，價錢也很親民。下次會再回訪也想試試大餃子和煎餅呢！

最近bookmark左間自家製韓國刀削麵，分店有銅鑼灣、尖沙咀，以及元朗。每間餐廳分店都距離地鐵站約5-10分鐘，唔算好遠。  ⦁真露燒酒🥃 $58食韓國野點少得「真露」，尼款fresh口味，濃味唔算好濃，平時飲慣水果味的我都接受到，飲口順滑！ ⦁砂鍋牛腱🥘 $288大大一鍋，牛腱切成一片片，在沸騰時味道滲入湯底，入面配料有金菇、韭菜，搭配起來更加鮮味。 ⦁炸醬麵 $78⦁花蛤刀削麵 $78兩款麵都用上自家製我麵條，食落麵質煙靭。炸醬麵味道濃郁有種韓式的感覺。相反花蛤偏向清淡，建議加上店內韓式胡椒粉，順帶一提花甲份量頗多，非常抵食！ ⦁雙拼餃子🥟 $58餃子一盤四大粒，分別兩款口味，泡菜味偏辣，如果食唔到辣就要注意⚠️。個人比較喜歡原味，可因應個人需求蘸上韓式醬油或韓式辣椒醬。  溫馨提示：1⃣店內有加一服務費2⃣亦有儲分卡3⃣每到晚上七點至八點，店外都排滿隊！ 

同朋友食個快lunch, 見銅鑼灣開左呢間刀削麵店，就試試啦！店鋪座位唔算多，Menu都係以幾款刀削麵為主。Lunch set: $681. 大豬肉/泡菜豬肉餃子（一隻）揀左大豬肉餃子🥟真心好好好大隻！仲要唔係少少餡果啲，係滿滿都係餡呀！配埋附送既泡菜一齊食，勁惹味！2. 花蛤刀削麵+$20湯底勁鮮甜，有花蛤既鮮味！成碗湯麵份量真心大，有紫菜、翠肉瓜、蛋絲、蔥花、韭菜、仲有…花蛤約兩打！！！！！！！無錯呀！係約兩打呀！！啲花蛤食極都仲有咁！不過有啲花蛤吐沙吐得唔乾淨，會有咬到沙既情況出現。翠肉瓜係厚切呀，都有5、6舊咁多，而且煮得啱啱好，唔會過熟👍🏻👍🏻3. 雀巢檸檬茶/汽水/支裝水一個set計晒就$88，lunch來講有少少貴，不過絕對係物超所值呀

之前在尖沙咀返工諗過去食lunch，但係超勁多人一直無去試，依家發現灣仔有分店，依家灣仔放工就一於去試下。一入門口就係韓國人招呼，但唔洗驚，因為係電話落單，同埋入面有員工係香港人黎。入去坐低就會獲得泡菜一小碟，個人覺得個泡菜幾好味，又唔會好辣，岩岩好。由於晏晝超多人，所以都對佢抱有期望。期望愈大失望愈大，因為餐廳名係自家制韓國刀削麵，所以覺得麵一定係正野。叫左個花蛤刀削麵，無期望既咁好食，味道唔差，但又唔係話超好味。個麵條既質地有少少似辛辣麵再煙韌少少，粗過辛辣麵咁，都唔錯既，個湯有紫菜蛋絲都幾好，個花蛤就無menu咁多，好細粒，無咩特別。另外叫左個雙拼餃子，個人覺得係必食！超大粒，最正係咬落去啖啖肉又juicy豬肉餃同泡菜餃，個人比較中意豬肉餃，食過會想再食。而泡菜餃就覺得個辣油可以重手左少少。最後仲叫左個五花肉泡菜煎餅，見到泡菜煎餅真係忍唔到口，煎得脆脆口，又唔算熱氣，真心推介，會想繼續食呀。總結：麵就無咩特別，餃子好好味，煎餅都好好味，下次再黎食過。