Trouble Tea (已結業)

呢間茶飲店地方唔算好大，但佈置上就花咗唔少心思，例如擺放咗長櫈等客人可以坐低等嘢飲，亦放咗唔少盆栽🪴，令人感覺舒服自在☺️。更值得一提，就係門面以至店內都貼滿應援物，打造成一間茶飲應援小店😆～.🔸 (HK$32)鮮果茶系列之一，係茶飲店特別推介之一。呢杯水果茶係以新鮮嘅菠蘿、橙調製，甜度係水果自帶嘅糖份，無額外添加，少甜又健康🙌🏻！.🔸 (HK$32)芝士茗茶系列之一，係茶飲店特別推介之一。蜜蘭香係珍貴嘅烏龍茶種🌱，具有花香、果香、蜜糖香，就咁純茶已經好好飲。配埋濃厚綿密嘅芝士奶蓋，嗰份咸香味同茶味好夾🤗！.💡妹豬仔話你知💁🏻‍♀️～除咗鮮果茶系列、芝士茗茶系列之外，呢度仲有其他特色系列嘅飲品。就好似波波特調系列有唔同口味珍珠鮮奶茶/沙冰，如：黑糖味、阿華田味、Oreo 味等等❤️。.(以上價錢僅供參考，一切以茶飲店為準)

係旺角做完瑜伽之後好口渴買杯野飲😚 見到呢間手搖飲品店好清新，好多乾花擺設，仲有好多明星應援！呢期係泰仔Offgun🤣 見到佢哋啲茶好似好有特色咁，有蜜蘭香、白牡丹、金花茯茶，係珍貴茶種，而且又幾養生，有好多功效～🔸🧀芝士蜜蘭香 $32店員推介芝士茗茶系列，所以揀咗佢哋最signature既芝士蜜蘭香🤤 見佢哋介紹話蜜蘭香一茶四香，飲落去的確係有啲蜜糖味，又有啲花香味，又有啲水果味，再帶啲茶香味😆 加埋啲芝士奶蓋好正！奶蓋夠多夠厚，唔會飲完芝士奶蓋仲有好多茶🤣 芝士奶蓋口感好滑，唔會好漏，奶味好濃，配合埋蜜蘭香真係好夾好好飲🥰🧋黑糖波波奶茶 $30茶底應該係烏龍茶，所以同平時飲嘅珍珠奶茶味道好唔一樣，幾特別，好濃茶香味，唔會好澀😝 而且黑糖珍珠好煙韌，幾咬口，黑糖味好足，唔會甜得濟😚Overall嚟講都幾有驚喜😆 下次再試吓佢哋其他茶💖

芝士蜜蘭香 $32第一次飲蜜蘭香呢款茶 飲落有蜜糖香配淡淡花香🌸 有一種好清新既味道 加上芝士奶蓋好濃郁 奶味都好重 兩者夾埋可以平衡返奶蓋既膩 令味道既層次感提升 值得一試✨評分: 9/10🌟小山園紅豆宇治抹茶 $40上次試過抹茶波波 今次就新品😆 抹茶飲落幾順滑 茶味比上次飲既較濃 不過奶味都係偏重 甜度會相對高啲 如果抹茶再濃啲會更啱茶控既口味🍵💚 最欣賞係底層既紅豆煮得好淋 每啖都食到紅豆蓉 唔會kick住支飲管唔上唔落咁 同埋紅豆既甜味同抹茶好夾 配搭得唔錯🥰評分: 8/10🌟Nutella榛子香蕉熱壓吐司 $32吐司即叫即整 拎上手既時候熱辣辣 仲有好香既🍌味 食落外脆內軟 Nutella同香蕉係半溶既狀態 食落口感好好又冇想像中咁甜🤤 加上預先切開一半幾方便客人食 🍞絕對係下午茶既好選擇😋評分: 10/10🌟————————————————————————Trouble Tea (油麻地)油麻地咸美頓街16號地舖

😌 追星 x 四香蜜蘭茶 😌推介指數 ❤️❤️❤️❤️❤️(@superjunior 爆❤️)面盲蝌蚪班 #ELF 最常遇到嘅困擾之轉咗轉型就認唔到人😂，認識 SuJu 由MV 開始。第一個認得嘅係神童，第二個就係東海🥰 哩啲應該叫眼緣啦～ 東海日要追星，支持應援是常識吧❣️ @leedonghae Happy Birthday 🥳 #itsdonghaeday 🧀芝士蜜蘭香 HKD32✨蜜蘭香名叢烏龍，屬珍貴嘅烏龍茶品種，以天然香型聞名。慢慢品嚐香茶味有花香、果香、蜜香同茶香，一茶四香。✨平時好少飲芝士奶蓋，哩度嘅飲落綿密細緻，奶香濃郁不膩，唔錯❣️.··🔖 Trouble Tea (油麻地)🪑油麻地咸美頓街16號地舖