G Bar

《G Bar》K11 Musea Food Court新開左間Bar🫣主打食海鮮仲可以飲下酒🥂餐廳仲提供沙律，意粉，小食，甜品🥰價錢合理而且高質---🦞頂級海鮮拼盤($338)龍蝦｜生蠔｜八爪魚｜長腳蟹｜青口｜海蝦｜海螺｜大蜆龍蝦：爽口彈牙鮮甜 輕微海水味生蠔：重海水味，吾腥，質感較爽八爪魚：鮮甜，肉質較嫩唔靭長腳蟹：味道比較淡 一般海蝦：每一隻都好厚肉 好新鮮 爽口青口，蜆肉：每一隻都無砂 好鮮甜 厚肉海螺：爽口鮮甜 好新鮮🍝芝士焗海鮮白醬意粉($88)意粉上邊有一隻半熟雞蛋，再鋪滿芝士🤩撈埋白汁好creamy成個意粉🤩意粉煮到啱啱好，海鮮分別有 海蝦，蜆同青口，同頭先拼盤一樣都係咁新鮮‼️ 🍗烤水牛城雞翼($58)雞翼反而同比較普通，味道正常不錯，但係本身以為烤雞翼會係好似燒過咁😂佢係比較水，雞肉質都嫩滑🍰芒果芝士蛋糕 ($38)本身想叫佢哋個拿破崙🥲去到已經賣晒 食住芝士蛋糕先🤩佢哋個芒果醬好出色，又唔會話好甜又唔會話好酸 蛋糕好重芝士味，食落個味道有啲似芝士乳酪🤣---(5🧸為滿分)賣相：🧸🧸🧸🧸味道：🧸🧸🧸環境：🧸🧸🧸價錢：🧸🧸🧸服務：🧸🧸🧸---G Bar地址: 尖沙咀梳士巴利道18號Victoria Dockside K11 MuseaB2樓O號舖…查看更多

G Bar係K11 Musea Basement Food Court入面其中一間餐廳，佢最大賣點係以貼地價錢食倒新鮮海鮮，因為係Food Court仲唔洗加一，所以都見有唔少人幫趁。除左多款海鮮冷/熱盤，都有沙律、意粉、焗飯、甜品、野飲同多款酒精飲品，除左酒水同出面餐廳差唔多錢之外，野食全部都平過餐廳。雖然係Food Court，但Musea啲位都坐得好舒服，除左要自己去counter落單同取餐之外，無論舒適度同衛生同喺餐廳都差唔多。落左單俾埋錢，之後等電子籌響就可以出去櫃枱取餐。精選海鮮拼盤($238) - 凍海鮮有得逐樣單點亦有得叫拼盤，其中冷盤分左三個價錢，我地揀左中間價位。海鮮盤本身跟左三款唔同醬汁，有泰式酸辣汁、茄汁同紅醋，可以按個人喜好搭配海鮮食。生蠔雖然唔算大隻，不過都幾厚肉，海水味適中。蟹腳已經預先剪開少少，不過店家都另外再有提供鐵鉗同較剪可以剪開方便食，蟹腳啖啖肉，已經完全解凍冇雪味，食倒淡淡海水味。八爪魚切得細細粒，唔會太韌。海螺好大隻，好彈牙，不過由於餐具都係即棄木製，所以唔係咁受力，要花啲功夫先可以將螺肉抆出。海蝦都幾大隻，肉質扎實彈口。大蜆冇沙，青口幾大隻。芝士焗海鮮白醬意粉($88) - 意粉上面有青口同海蝦各三隻，另外仲有大蜆同八爪魚，非常足料。意粉上面都有好多半溶芝士，因為加左白汁，所以都有啲飽肚，兩個人share食啱啱好。菠蘿蘋果綠茶(免費) & 懷舊雪糕紅豆冰($48) - 因為買任何野食就免費送一杯精選紅酒或者冰冷泡果茶，所以我揀左菠難蘋果綠茶，好大杯唔會太甜，上面仲有大大隻熊仔冰幾得意。後者朱古力雪糕好大球，朱味濃郁，紅豆亦煲得夠腍夠香甜。落單時侍應仲話佢地喺海旁新開左個Pop Up Stall，專賣Gelato同雞蛋仔，見佢雪糕紅豆冰個雪糕真係好食，加上覺得食完飯點都要食埋甜品先滿足，就姑且去睇下。Gelato有八款唔同口味，除左有普通杯裝同Cone裝雪糕，仲有雞蛋仔夾雪糕揀。雞蛋仔配雪糕($68) - 雞蛋仔入面有一球雪糕，雪糕可以喺八款口味入味任揀，另外Toppings可以三素一，我揀左朱古力Toppings配Tiramisu雪糕，雪糕都幾大球，Tiramisu味好出，上面有幾粒方形朱古力Blownie，Blownie唔會太硬，朱味都好濃，雞蛋仔口感軟綿，都食倒蛋香味。總結，G Bar雖然只係Food Court入面一間海鮮吧，不過海鮮質素都唔差得過餐廳，價錢仲要平過餐廳食，Food Court座位都舒服，性價比高。…查看更多