福岡漢堡扒 (鴻威大廈)

在香港，能夠找到一個有又有得食又有得玩的餐廳，真的不多！這裡的食物全是日本x韓國，有著日本菜的細緻和韓國菜的大份！我們兩人被門外的裝置吸引著，所以就進去吃飯。餐廳可以用qr code落單，充滿現代感。由於肚子很肚餓的關係，我們就點了一個兩人套餐！分別是菠蘿煙肉和牛漢堡扒，芝士蛋和牛漢堡扒！後者是這裡的招牌菜式！用四個字來形容漢堡扒：肉質嫩滑緊記要配合不同的配料試一下！我自己覺得蛋+漢堡扒一個完美的配搭！漢堡扒上枱時生生地，必須透過一番功夫才能夠煮熟！（說明書三秒翻一翻）。別以為和牛睇落好細舊，但切下一片切下一片，食下一啖又一啖，好飽肚！蛋又不必放上石頭待煮熟，原因是要讓鐵板上的温度令蛋自行熟透！旁邊有一個前菜，圖片上可看出泡菜，沙律菜，鹽。個汁因人而異，如果唔想食落去咁油的話，可以點一下旁邊的醬汁，令味道更加昇華了不少。套餐還附送芝士泡豚丼！原來這個飯的主要原料有泡菜、芝士和豚肉！這個飯辣辣地，很大碗，好多料，好多豚肉，充滿韓國特色！是一個結合日韓的飲食！最後推介這個大大杯的特飲(西柚和巨峰提子特飲）大大碗飯配合大大杯野飲，大滿足！坊間點的不夠喉，但這個用來解渴是十分足夠！幸好附近有個公廁。食完差不多走，件衫都無咩油煙味，相信是跟圖中的小擺設有明確關係。原來現在的抽油煙機是這樣微型的！總結以上，這個套餐有韓國泡菜又有麵豉湯又有和牛漢堡仲有大大杯的飲品可以說是日韓合璧，全在肚子！…查看更多

福岡漢堡扒🌸@hambageu.hk見到「福岡Fukuoka」呢個日本九州城市，諗住實係日本餐廳🇯🇵 點知入到去見到韓文字先驚覺係韓國菜😂 名字由來係10年前韓國籍店主去日本福岡旅行食過出色嘅漢堡扒，決定帶返家鄉🇰🇷 而家係韓國有超過30間分店，係名副其實嘅過江龍🌏選用100%澳洲和牛3個唔同部位，絞成肉碎，調好味就由韓國總店直送🛬 然後由香港店員再又拋又打，搓成圓轆轆🟤 有3個份量選擇🎶漢堡扒球上枱之後，大家就可以落手DIY燒漢堡🪚 因為鍾意香口啲，每隔3秒就要反一反，所以都幾忙架😂 一路聽住滋滋既烤肉聲，十分治癒💣不過我地第一次未係好掌握到個技巧，燒咗一次就搞到石頭上面好多焦，仲心虛地跟指示咁用鏟慢慢刮走嘅時候，店員已經好貼心咁拎咗舊新嘅石幫我地換🥹兩人套餐 Ver.4👍🏽漢堡扒餐包含主菜漢堡扒、沙律🥗、麵豉湯🥣 同配菜🧂菠蘿煙肉和牛漢堡扒🍍菠蘿煙肉呢個好pizza嘅組合🍕 漢堡扒牛味香濃，油香滿滿，所以加埋酸糖多汁嘅菠蘿，味道更balanced🤘🏻芝士蛋蒜和牛漢堡扒🧄舖係面嘅蒜片乾，香脆惹味，係重口味之選🤭 熱熔芝士仲非常拉絲🫕芝士泡豚丼🧀芝士、泡菜同豚肉邪惡嘅配搭😈 份量咁多真係二人份量咩😱 勁飽肚🤐西柚特飲🍊百香果特飲🍋食燒肉就一定要配飲品，仲要係酸酸甜甜咁，越飲越開胃😬 見咁大杯就知道餐廳好良心🥲 唔會話俾細細杯你，飲幾啖冇晒，唔夠喉要再嗌嚟賺錢😆食過燒肉就一定見過喺餐枱上邊嘅抽油煙管，但係枱面生出來嘅就未必見過🕳 個形狀令我諗起天線得得B個Voice Trumpet🎺 近400度高溫嘅火山石🌋 唔想咁大煙嘅話，記得要對準吸氣管同石頭嘅位置🪄…查看更多

好多人去到都係食漢堡扒，我地就試下丼飯啦丼飯既份量幾多，好大碗，同埋夠熱，overall味道唔錯韓式豬頸肉丼豬頸肉煎得好香，配埋味道甜甜地既韓式醬汁，撈埋隻蛋黃，好食同埋配料足，勁多洋蔥，食到尾成碗剩番既都係洋蔥咖哩吉列豚丼塊炸豬扒夠脆，但成個飯唔夠汁有d乾芝士泡豚丼(+菠蘿)滿滿既拉絲cheese...成碗飯泡菜係好多，成個飯食到係泡菜既酸辣味芝士蛋和牛漢堡扒(中)和牛漢堡扒(細)餐廳主打漢堡扒，點都要試下既舊牛幾成熟就睇個人手藝啦，牛味就唔太出但juicy就真玩依個煎漢堡扒會彈油，食完之後擺係檯面既手機都係油，所以去食既話記得唔好著白色衫同收好部電話啦店員都會主動幫你換舊熱石，同埋檯上既吸油煙機唔錯，我食完都冇一陣油煙味餐飲加錢，個人認為都偏貴，都係+28蚊店員服務態度好好，我地同行5個人其實好難安排座位但我地又想坐埋一齊，店員又幫我地將d餐搬黎搬去，麻煩哂…查看更多

本來見到呢間餐廳名 以為係日本餐廳嚟㗎 點知原來係韓國餐廳😮 不過都冇阻我過嚟呢度試佢招牌嘅漢堡扒😎 入咗之後店員好細心咁同我哋介紹佢哋嘅產品 佢就推薦我哋試呢度嘅二人餐 因為都有佢哋招牌漢堡扒🤓 落咗單之後就有麻醬沙律 麵豉湯俾我地 菠蘿煙肉和牛漢堡扒(M) 本身掛住打卡 一放落去燒就燶咗😂 店員即刻同我哋換咗個石頭 仲好細心咁教我哋點樣燒會易啲🙈 聽完佢嘅教學之後真係覺得容易咗好多 我哋就冇煎得太熟 不過即使煎到全熟都好呢個澳洲和牛漢堡扒都好Juicy🐮 芝士蛋蒜和牛漢堡扒(M) 和牛漢堡扒份量都幾多 如果大家有興趣仲可以加$8要個L size嘅漢堡扒😗 其實都幾抵食 係漢堡扒嘅底下仲有蛋 芝士 香蒜片 有啲似食部隊鍋側邊嘅鍋邊蛋呀😚 值得一提 每張餐枱上面會有抽風系統 抽走石燒漢堡扒嘅油煙 呢個設計真係好貼心 絕對唔會令到衣物有油煙臭味🥰芝士泡豚丼 呢個丼飯非常足料 入面有大量豚肉同埋泡菜 面頭有炙燒過嘅芝士🧀 一開始我哋就將芝士同飯攪拌好😉 真係每一啖都口感豐富 足半磅薯條（黑松露） 個薯條用個籃裝住 份量都幾多 側邊仲有黑松露醬俾我哋點🍟 真係好豐富好滿足呀 金橘檸檬特飲 完全冇想像到呢個特飲會咁大杯🙀 金橘檸檬飲落口好Fresh 又可以解膩🤓 蜂蜜紅棗茶 呢杯唔會太甜 相對好似養生啲冇咁邪惡吖嘛😝 呢間嘅服務質素真係好好啊 店員見到你有需要就會過嚟同你換嚿熱石 等你之後嘅漢堡扒燒得更好😉 我會形容呢個係一個幾好嘅用餐體驗 有得玩又有得食🥰…查看更多

之前去尖沙嘴嗰間長期都好多人排隊，好難試到，最近見旺角新開張，人龍少好多就試下。有得自製漢堡扒，睇落好簡單，原來都有啲技巧😂技巧係最好切開4-6份，細細件煎同埋反得密啲避免煎燶，煎第一塊係最難，唔好壓咁大力，1-2秒就反下，之後開始多油就好易煎。二人套餐好豐富，多到3個人share都夠，兩隻唔同味和牛漢堡扒分別唔算好大，菠蘿煙肉就fresh啲；芝士蛋蒜就惹味啲。個飯多到食極都食唔曬，泡菜唔係好辣，豚肉唔會太肥，份量好多，米係珍珠米低估左啲份量，仲追加左份薯條，又係超級多！！食極都食唔曬，黑松露醬好好味，creamy香濃黑松露味。…查看更多

同朋友係旺角行完街 諗住搵下附近嘅日韓餐廳🍽️ 經過見到福岡漢堡扒 睇相幾吸引就決定入去試下😛 餐廳座位分開左右兩邊 一邊係2-4人枱位 另一邊係單人吧枱位😉我地叫左兩人套餐 (Ver.4) 冇加大漢堡扒嘅份量 一個套餐已經令我地飽住咁走🤣 店員嘅服務態度超級好👍🏽 野食黎到嘅時候 店員問我地有冇黎食過 之後係我地面前示範同講解一次點樣整熱啲漢堡扒🤩 每似肉嘅份量預幾多 每隔3秒翻一次 提我地小心吾好掂到熱石頭等等🪨 好少餐廳有咁細心嘅服務❤️ 未開始食已經有好高嘅印象分🥰🍀芝士蛋蒜和牛漢堡扒(中)底部煎到脆卜卜嘅蛋🥚 加埋香口嘅蒜片🧄 口感同味道都好夾😋 和牛漢堡扒同拳頭大細差吾多👊 刮一匙羹份量 連埋芝士一齊煎 壓扁之後煎3秒再翻轉 見到表面少少焦脆就可以食架啦☺️ 食落口牛肉味好濃郁 而且好多肉汁 口感好軟嫩🤤🍀菠蘿煙肉和牛漢堡扒(中)菠蘿好多時都會用作食材 整吾同嘅菜式🍍 但係配煎蛋真係未試過🍳 估吾到清甜嘅菠蘿同煎蛋意外地夾🤣 煙肉放係石頭煎一煎再食 口感味道更佳🥓 記得每次用石頭燒之前 刮走表面嘅食物同焦 同埋石頭吾夠熱嘅時候 可以叫店員換塊新嘅熱石🪨 確保石燒嘅效果😛🍀芝士泡豚丼泡菜嘅味道 係我鍾意嘅泡菜味 令我諗起之前韓國旅行🇰🇷 豚肉有嚼勁 加埋少少辣味 好好食🤤 燒完嘅肉配埋白飯一齊食 油膩感即刻中和返😜🍀金橘檸檬特飲勁大杯🫣 配埋燒肉好滿足🥹 中層甜甜地 底層酸酸微微好好飲 酸嘅程度似飲梗lemonade🍋 感覺幫到消飽濟🤣…查看更多

源自南韓的福岡漢堡扒最近在旺角開了分店，地點更方便我們，不用再特別前往厚福街，我們又當然不會錯過✏️位置: 9/10✏️環境: 8/10✏️衛生: 9/10✏️服務: 8/10✏️食物: 9/10餐廳位於花園街好景商場鈄對面，位置便利。店面不大，但環境還算不錯。侍應相當親切，更會主動幫忙換熱石。個人覺得食物質素甚至比尖沙咀店更好🍱兩人套餐(Ver.4) - $366🌟菠蘿煙肉和牛漢堡扒(轉大+$8)轉大份會有超大球的和牛漢堡扒，而韓式熱石燒肉真的很好玩，兩邊各燒幾秒肉就會熟而且非常香，配上煙肉片更添油香，同時少不了鐵板上的煎香的雞蛋及菠蘿粒，味道豐富亦討好🌟芝士蛋蒜和牛漢堡扒(轉大+$8)另一款選了芝士蛋蒜口味，芝士放在肉球的頂部，混合漢堡扒一起燒多了一份香濃的芝士味，喜愛芝士的朋友一定要試試。而混合大量蒜片的煎雞蛋特別的香，配搭漢堡扒另有一番風味套餐同時配前菜沙律、麵豉湯及醬料，相當實惠🌟芝士泡豚丼在韓式泡菜豬肉飯上混入香濃的芝士，非常邪惡及誘惑，香中帶微辣。飯的份量很多，配搭套餐的漢堡扒食剛剛好🌟足半磅薯條（黑松露）(套餐+$38)香脆有質感的炸薯條，配上濃郁而香甜的黑松露醬食真的非常美味🌟蜂蜜紅棗茶(凍）(套餐+$10)微甜的蜂蜜紅棗茶，潤喉之餘亦冰凍解膩，果然沒有選錯套餐的飲品呢🍽福岡漢堡扒(旺角) 📬地址：旺角花園街3-5號鴻威大廈地下7號舖…查看更多