小點角落 (新都會廣場)

最近，行葵芳新都會廣場，才發現有間新餐廳 <小點角落>！於是約了細堂妹一起去，順道行吓隔離葵涌廣場睇衫！餐廳位於商場5樓，樓底高！以圓拱門設計，玻璃窗外見到夜景，未天黑望到，玻璃窗外光猛開揚！要人齊入座，當時尚未有枱；等約15分鐘人齊入座！起初，我跟另外一枱2人食客坐在中間的大枱，看餐牌時，他們埋單走；隨後，有大人小朋友5位食客入座，所以，我被轉枱到剛埋單另一張卡位！在餐廳內，間唔中會有突發事情，當我們入座落單後，食物陸續送上期間，突然，聽到鄰桌有個可愛細路仔爆喊！因為鄰桌入座後，個細路仔食食吓雪糕跌咗杯雪糕落地，突然爆喊！全場矚目！ 醒目的男店員即時走到小朋友旁邊氹他不要喊，轉頭上送一杯雪糕給他！相信家長們也滿意餐廳安排呢！Menu主打新派港式甜品、街頭小食、手調飲品...，包羅萬有！不設最低消費設加一服務費變奏版街頭小食擦餐飽西柚橙香檸茉莉：正常甜 $36最高溫 35度，我也忍不住點杯凍飲！西柚、橙、香檸與茉莉茶的配搭，水果綠茶清爽冰涼，清新解渴！個人認為最先食沙律，最後才飲水果茶，進食有先後次序，開胃與消滯相輔相成，對腸胃也好吧！熱阿薩姆手打香檸茶：走甜 $26近年，香港人氣飲品之一，非手打檸茶莫屬！堂妹好奇嚐試！ 阿薩姆是紅茶，加入青檸，沒有添加甜度，青酸苦澀難入口！掃街拼盤 $106包括：燒賣、沙爹魚蛋、煎釀三寶、鹹蛋黃雞翼、麥皮蝦燒賣配上醬汁幾香口惹味，如果是炸燒賣，口感更吸引嘞！沙爹魚蛋輕微香辣，魚蛋缺乏彈牙口感！香脆的麥皮蝦底部是香甜熟透的芒果粒，幾驚喜！當中，煎釀三寶較鹹，而鹹蛋黃雞翼是偏鹹！ 口味濃淡因人而異，這份掃街拼盤帶給味蕾坐過山車的味覺體驗！碗仔翅碗仔翅混合粉絲、豬肉絲、木耳絲...、風味滿載，質感濃稠，調味剛好；如果對比拼盤中其他小食的話，相對淡味！瑞士雞翼 $70一客6隻，算是大隻，而且都幾入味！雞翼浸在瑞士汁，就不怕乾身啦！田園沙律 +$18 追加配上黑醋汁，甜美帶酸好醒胃！個人認為食港式街頭小食前，最佳前菜！蝦頭油撈一丁 +$18 追加一丁麵富彈性，就算不加入麻油，都夠油潤及入味！大家都一致讚好！芒芒小丸子椰皇蛋白 $72有兩大件芒果，小丸子好似珍珠奶茶的珍珠 size，質感似無餡湯丸，雪白色軟糯！椰汁好香濃，整體配搭不甜膩！汪AH姐 咖啡燉奶凍 $42咖啡燉奶凍相信咖啡甜品口味不會輸，咖啡奶凍的咖啡味香醇甘甜；加上一球雪糕，巧妙地加上堅果粒，口感更豐富！不要睇少街頭小食的威力，其實都可以擦餐飽呀！…查看更多

發現葵芳新都會廣場的5樓靜悄悄地新開了幾間餐廳！今晚先試試這間「小點角落」，觀其餐牌內容，餐廳主打創意港式食品。全餐包括了碗仔翅蒟蒻麵、特特大魚蛋、蝦頭油菜圃燒賣、新煎釀三寶、山椒鹹蛋黃雞翼，以及麥皮蝦芒果沙律脆筒6款，非常豐富。由於餐廳主打新派港式小食，所以6款小食都添加了創新元素，如碗仔翅加入蒟蒻麵。煎釀三寶就配了柑橘腐乳醬，鹹香滋味。雞翼炸香，沾上山椒鹹蛋黃醬，邪惡香口。而身為燒賣控的本人就被蝦頭油菜圃燒賣所驚艷，燒賣撈上蝦頭油菜圃後，又幾惹味。雞翼有6隻，果然如餐牌所言是重量級小食。雞翼大隻，肉質滑嫩。而且煮得非常入味，齒頰間盡是瑞士汁的香味。白飯伴以蔥油、豉油、菜圃和青瓜絲同吃。前3者的威力不容小覷，白飯味道因此變得更香，令人不自覺多吃幾口。可惜當天的溏心蛋未有流心效果，有點遜色。筆者本身超喜歡食腸粉！以蒸籠盛載著的豬腸粉，配上豉油、甜醬、花生醬和芝麻一堆調味醬。腸粉有微微米香味，不過稍嫌做得未夠軟滑。幾有創意的食法！以畫板形式上枱，醬料就化身為顏料。雞蛋仔伴隨了乳酪雪糕，再自行按喜好加入朱古力醬、草莓醬。味道香甜，但雞蛋仔可能受到雪糕的關係，質感偏腍了一些。餐廳另一賣點就是甜品。這碗芒芒小丸子椰皇蛋白以椰殼盛載，賣相亮麗。椰汁順滑，入口滿滿椰香，配以香甜芒果、煙韌小丸子和滑溜蛋白，無論味道抑或口感都很豐富。另一款楊枝甘露果凍碗，還放了一把小紙傘作裝飾。碗內有芒果布丁、西米、椰子水果凍等，配以楊枝甘露汁作底。芒果香味中又夾雜少許椰香，唯以筆者個人口味來說的話，這個甜度偏高了一點。抱著冒險精神而點，本來已做好心理準備迎接苦瓜的苦。但入口卻一點苦味都沒有，反而配埋香檸幾清新，幾好飲，有驚喜。…查看更多

唔好以為想食港式小食就一定要掃街企係到食！今次發現一間位於葵涌新都會廣場既小點角落，港式咖喱魚旦、燒賣、煎釀三寶、牛腩應有盡有，坐係到涼著冷氣都可以掃街！🏠餐廳： #小點角落葵芳興芳路223號新都會廣場5樓574A號舖#掃街拼盤 $88#麥皮蝦芒果沙律脆筒 、#碗仔翅蒟蒻麵 、#特特大魚蛋 、#山椒鹹蛋黃雞翼 、#蝦頭油菜圃燒賣 、#新煎釀三寶 ，一上枱睇見成個拼盤都流曬口水！尤其是咖喱魚旦、鹹蛋黃雞翼、煎釀三寶呢三款最地道超越街邊食既水準！#麻辣牛根腩帶少少香辣腩汁製成牛根腩，香口之餘每一口都好入味，而且咬落去都好淋，好食！介紹完鹹點，餐廳仲有非常多種類甜品任君選擇！#雪糕雞蛋仔102畫室以畫畫的畫盤做靈感，草莓醬加朱古力醬當作顏料，雞蛋仔包裹著冰凍雪糕，一冷一熱冰火交融感覺，所以記得要快啲食！#芒芒小丸子椰皇蛋白 #芋頭西米露椰皇蛋白餐廳嘅椰皇蛋白都非常之出眾，原個椰皇包著蛋白再有其他材料作搭配，份量都非常充足，再加上椰皇內裡果肉甜蜜有口感，非常滿足！最後餐廳都有特色飲品「手藝小調」系列，品嚐過 #芒芒甘露沙冰 、 #苦瓜香檸茉莉 ，感覺完全媲美街邊手沖茶飲店味道，有時係葵涌行得攰既時侯，真心值得上來坐坐吃個小吃好好享受、品嚐。…查看更多

平時食街頭和港式小食，好多時候都要係街邊食🙉，今次我地就來到「小點角落」，可以舒舒服服咁坐著品嚐各款好有創意和港味的街頭小食😚，仲有高質甜品呀😍。🔹️掃街小食全餐呢個咁豐富嘅set，真係必叫之選，有麥皮蝦芒果沙律脆筒🦐（嘅搶眼又好食！）、碗仔翅蒟蒻麵、特特大魚蛋🐟、山椒咸蛋黃雞翼🐥、蝦頭油菜圃燒賣、新煎釀三寶，款款都好滋味。🔹️瑞士雞翼🐥一碟有六隻，瑞士汁的味道很出，而且幾好肉。🔹️蝦頭油撈麵🦐 (+$18)唔好睇小呢個撈麵，蝦味好出眾，好有記憶點！🔹️芒芒甘露沙冰🔹️西柚橙香檸茉莉🔹️籠仔腸粉(+$18)🔹️芒芒小丸子椰皇蛋白🥭呢度椰皇蛋白系列的甜品非常之出眾🙌，非常香，芒果夠曬熟和香甜，加埋小丸子好好食呀。🔹️芋頭西米椰皇蛋白另一款口味的椰皇蛋白，同樣是很好高質。🔹️雪糕雞蛋仔畫室 賣相非常之吸睛的甜品，成個art work 咁，揀左海鹽焦糖醬，造型好似顏料，好得意。…查看更多