粉紅水門雞 (威達商業大廈)

粉紅水門雞的食物性價比很高，位於威達廣場地下，不用搭𨋢。粉紅水門雞 $36當然要點signature水門雞飯。雖然只是$36，雞肉不吝嗇。香油飯份量多，怪不得見有肌肉男來這裏吃晚餐正宗滷肉豬手飯 $36滷水汁夠濃郁，撈飯一流。一樣份量十足。最令我驚喜是流心蛋，蛋還是有點微溫，因為通常流心蛋都是凍的。豬手及水門雞各有酸辣醬泰姐製馬拉盞炒芥蘭 $18有少許辣的芥蘭，以$18來說質素不錯芒果糯米飯 $18芒果比我想像中好吃，雖然不是呂宋芒，應該是泰國芒果，但都是甜美，不是酸的。小小的糯米飯居然有兩隻色。陳年柑桔蜜$12點了兩瓶，酸酸甜甜的，很開胃，這個我很喜愛。最初以為是有品牌的樽裝飲品，看來像自家製。餐牌：…查看更多

完全沒有想過旺角鬧市街頭也有如此便宜的平民美食。粉紅水門雞飯 - $36想不到海南雞的份量也頗多，肉也算嫩滑，皮略帶油脂也可以接受；雞油飯香口不油。冬蔭雞肉炒香料飯 - $36炒飯炒得乾身不油膩，除了一片片的雞肉外，有微辣的冬蔭功，充滿泰式香料味，有一粒粒腰果好有口感。泰姐製馬拉盞炒芥蘭 - $18香辣的馬拉盞正好掩蓋芥蘭的苦澀，好爽脆。芒果糯米飯 - $18芒果片鮮甜多汁，軟糯的糯米飯充滿椰香。冷泡白桃烏龍 - $8清爽的烏龍茶香，有白桃的香甜。冷泡炭培烏龍 - $8濃郁一點，有炭燻香。…查看更多

粉紅水門雞位於旺角通菜街， 價錢親民， 菜色不算多， 勝在味道正宗😋。 晚餐有粉紅水門雞飯$36、 正宗滷水豬手飯$36、 青木瓜沙律$12、 酸酸辣辣鳳爪$18、 芒果糯米飯$18、 凍陳年柑桔蜜$12、 冷泡白桃烏龍$8。 🔸粉紅水門雞飯🍛～ 爽滑的雞皮， 雞肉嫩口好味， 甜甜酸酸的醬汁， 配上清香的黃薑飯， 又香又美味。🔸滷水豬手飯🍛～ Q彈口感的豬皮， 豬手軟腍入味，加上秘製醬汁，yummy。🔸酸酸辣辣鳳爪🧆～ 酸辣醒胃，泰式風味。🔸青木瓜沙律🥗～ 味道酸甜帶微辣， 青木瓜口感爽脆。🔸芒果糯米飯🧁～香甜軟熟的兩色糯米飯， 芒果味道清甜， 配上濃香椰漿， 最喜愛的泰式甜品。🔸凍陳年柑桔蜜🥤～ 微甜的柑桔蜜，冰涼清新。🔸冷泡白桃烏龍🥤～ 烏龍茶清香消膩，味道甘香。平靚正之選。…查看更多

上網睇依間既海南雞飯又平又好食 忍唔住經過試哂佢地既前菜主菜甜品同埋 果然冇令我失望！青木瓜沙律 $12 佢係用半個手掌咁大既膠兜裝住 雖然係細細個但係沙律係裝滿晒 一個人前菜份量係十分足夠裡面除左青木瓜再加左d辣椒粒 車厘茄同花生 味道好夠酸同埋辣 作為前菜都幾開胃 唔食得辣記得唔好唔小心咬爆粒辣椒粉紅水門雞飯 $36 份量唔少 有7件雞 肉質好嫩滑 一啲都唔鞋 有雞味唔覺有雪味 配佢地既汁 酸酸辣辣好惹味 油飯聞起黎有好香既薑味 食落都有雞油味道 總括黎講好值得食Grandma咖喱牛腩飯 $36 份量都係好夠 有7大舊牛腩配兩舊薯角同埋一隻蛋 牛腩一d都唔韌 每舊肥位煮到好軟腍 瘦既部分都唔會特別鞋 我食個盒飯都有幾舊瘦肉 如果全部都係腩位就正 咖哩汁好有椰香味 食落去係甜個隻 配薯角又係好好食正宗滷水豬手撈面 $42 因為叫左兩個飯 所以叫左依個豬手配粗面 依個面配左芽菜同酸菜 依個就麻麻地 首先個滷水有少少淡 令到個豬手都唔入味 然後豬肉既部位可以簡番好少少 食到有幾舊都係似煲湯瘦肉咁鞋 粗面質感正常 不過因為滷水冇味既問題變到面都冇乜味 唯一好既地方係酸菜加番少少味道芒果糯米飯 $18 用同沙律一樣既膠盒裝住 又係裝實哂 同出面食個d份量其實差不多 芒果有5大舊 有普通糯米同紫糯米 唔算好多汁 但係好甜 糯米飯好煙韌軟糯 食完好滿足凍陳年柑桔蜜 $12 用一個膠樽仔裝住 size同罐裝汽水差不多 好有柑桔既酸味 唔太甜 有少少淡 嗰次坐個位冷氣機滴水 等野食時間都等左十分鐘左右 想食既朋友留意下～總括黎講 依個價錢食到咁既質素出面好少見到 糧尾個陣可以諗諗佢…查看更多

近年來雖然經濟不怎麼好，但外出食飯仍然越來越貴，食一頓晚飯動輒也要近$100/位，想食好一點甚至$300-400/位也是平常事。今天跟朋友來到旺角，跟我說有一間性價比極高的泰式餐館，便隨他來到隱藏於女人街的這間店位置（8/10）：雖說位置較為隱蔽，但其實只是在兆萬旁邊的女人街段，前去其實非常方便，由港鐵旺角站E2出口步行約5分鐘環境（7/10）：餐廳裝修說不上精美，但以此價錢來說有一個空調充足，可堂食而座位算舒服的地方，在香港實屬難得，同時店內也放有一些小擺設，感覺也不錯服務（7/10）：小店不難強求服務，但此店的侍應亦有禮貌，上菜異常快速，結帳可以用八達通，頗為方便食物（9/10）：剛進餐廳時沒有期望，但想不到食飯味道很正宗而且可說味道相當好，處理食材亦很細心，個人覺得比一些收費$60-70一個飯的泰式菜館好上不少餐廳以快餐形式，所以餐牌上只有幾款選擇，但價格予人極大驚喜，在香港特別是旺角這些貴租地帶，到底有多少年沒看見這樣的價錢呢？！粉紅水門雞飯 ~ $36第一款選了招牌的水門雞飯，上菜只用了3分鐘。雞竟然是去骨的，而且肉質很嫩滑，醬汁香濃惹味，雞油飯夠香味道亦不錯，份量亦充足，性價比極高Grandma咖哩牛腩飯 ~ $36咖哩牛腩飯味道一樣有驚喜，咖哩汁香辣濃郁，配飯一流，而牛腩入味及足夠腍，薯仔炸香過，而雞蛋竟然是生熟度剛好的溫泉蛋，此價格有這樣的功夫菜實屬超值青木瓜沙律 ~ $12青木瓜沙律充滿泰國風情，木瓜絲夠爽口，泰式沙律汁辣度十足，非常惹味芒果糯米飯 ~ $18黑香糯米飯煮得軟滑清香，上枱還是熱的，加上香甜的芒果肉，味道令人滿足的甜品凍陳年柑桔蜜 ~ $12用一壼像藥水瓶裝載，味道清甜帶點鹹，是值得這個價格的潤喉飲品可樂 ~ $8汽水收費$8，以堂食來說算是不貴總括來說，這間粉紅水門雞性價比可說是近年最高，味道竟然同時很不錯，位於這麼方便的地段，必然成為日後晚餐的最佳選擇🌺粉紅水門雞🌺地址：旺角通菜街1A-1L號威達商業大廈地下M號舖…查看更多

今日介紹既係一間平到你唔信 好食到離譜 抵食到嚇死你既水門雞飯餐廳‼️‼️‼️🔥🔥 全日主食都係賣緊$36😱 仲要 好 好 食😻主食主打3款 分別係水門雞飯 滷水豬手飯同Grandma咖哩牛腩飯🤩 豬手同咖喱牛腩重新推出左可以配撈麵🤟🏻 我哋今次就揀咗試水門雞飯同埋店員推薦嘅Grandma咖哩牛腩飯👅 水門雞飯配既油飯分量十足 男仔都一定夠晒飽 油飯有驚喜 加咗香茅等調味料 味道做得好好😋 雞肉無骨好滑 肉質新鮮 點埋酸辣汁真係好正😻Grandma咖哩牛腩飯又係另一驚喜 牛腩炆到超腍 咖哩少辣 味道好惹味好正宗 撈飯超級好食👅 最嬲係$36 連隻雞蛋都係溏心🥺 咁有heart點可以唔支持下😋小食我哋仲試左佢哋自家製嘅酸酸辣辣鳳爪 同樣已經去骨 辣度比咖哩辣 但係因為有酸味 可以食落好開胃好刺激😆$18有得食芒果糯米飯佢哋點會錯過😜 依家小店真係好有誠意 糯米飯送上既時候係熱辣辣架🥳 有齊紫米同糯米 口感軟糯 芒果一定有挑選過 因為好甜😋 真係又平又高質🤟🏻飲品都係$8至$12 我哋飲凍陳年柑桔蜜同冷泡白桃烏龍 真係食到懷疑人生 點解佢哋啲食物飲品可以咁平咁高質素😳 陳年柑桔蜜既柑桔酸酸甜甜好開胃 冷泡茶又大支 又冰涼 好清新👍🏻 佢哋喺旺角 觀塘同新蒲崗都有分店 如果經過一定要試吓🌟…查看更多

旺角的食點多到數之不盡，今次走到通菜街覓食，來一碟泰國水門雞飯。粉紅色字體的招牌遠看已非常吸睛。店舖供應的食物款式不多，現時只有3-5款飯麵、2-3款小食。不過價錢方面就十分親民，今次點的2款飯都是$40之內，可謂竅人恩物！水門雞飯雞件去骨，進食更方便，嫩滑雞肉令人食得香口。油飯方面，入口甚重雞香和香茅味，飯癮大開。另一款豬手飯，豬手滷得入味，肉質軟腍。微甜的滷水汁和酸菜，用來撈飯可謂一流。還配有雞蛋一隻，流心蛋黃同樣也是佐飯的好拍擋。沙律杯裡面分別有青木瓜、青蘋果、車厘茄和櫻花蝦等，雖然標注了少辣，但入口不太感受到，反而覺得酸味更重。芒果香甜，椰汁拌上糯米、紫米，糯米軟糯，紫米則硬身帶少許煙韌感。令人有小驚喜是，飲品有冷泡茶的選擇，而且$8大大支。冷泡白桃烏龍，香甜的茶味頗為吸引，可以解渴去膩。…查看更多

芒果糯米飯 $18唔好睇佢細細一兜咁以為唔足料 淨係啲糯米飯都好有心思 有白糯米同紫糯米兩種🤣 而且加咗椰汁 食落好夠味又煙韌 重點係啲好芒果都好甜好新鮮 呢個價錢真係好有驚喜🤩評分: 9/10🌟 粉紅水門雞飯 $36海南雞飯係呢度既招牌之一 明知自己會食唔哂已經叫咗少飯 點知黎度見到啲飯多到😂 雞肉食落都幾軟滑入味 今次勁好彩咁有雞髀食 🍗啲肉勁滑 加埋個泰式辣汁 酸酸辣辣咁勁滋味😋 油飯方面佢比起出面既油飯冇咁油之外仲有好香既香茅味 好有特色 整體黎講呢個飯既味道同份量都唔只值$36 勁抵食😆評分: 9/10🌟 正宗滷水豬手飯 $36豬手食落超入味 唔洗再點任何醬汁都夠哂 而且每舊都幾軟淋 最正係啲骨膠原位 食完即刻後生咗🤪 白飯煮到粒粒分明 加埋個唔會太鹹又滋味既滷水汁用黎送飯一流 不知不覺就食哂成兜🥰 整體黎講真係好高質 仲係理解唔到點解可以賣到咁平💛評分: 10/10🌟 冷泡炭培烏龍(無糖) $8呢樽烏龍茶又係好抵飲 咁大枝先$8 仲要味道係超濃茶味又完全唔甜 食完飯同甜品好飽飲都ok 勁清新消滯解膩個種 推介！評分: 10/10🌟———————————————————————粉紅水門雞 (威達商業大廈) (旺角)旺角通菜街1A-1L號威達商業大廈地下M號舖…查看更多

今日有野做想飯係附近食個快飯😌就揀左呢間做水門雞飯嘅餐廳佢個menu剩係得三款飯、仲有啲小食同飲品所以佢上菜上得好快😋而且價錢超級抵🤩最啱趕時間嘅打工仔～-我叫左個B餐 正宗滷水豬手飯（$36）佢啲滷水夠晒入味 🤩豬手仲非常之軟唸唔會un唔會乾🐷再加埋個泰式酸辣汁😋正呀仲有粒流心嘅溏心蛋添呀😍-朋友叫左個餐廳推介嘅A餐 粉紅水門雞飯（$36）非常之驚喜呀佢個飯係油飯 仲加左唔同嘅香料去煮😛好香架個水門雞嘅份量都好多 食飽到一個男仔架～-另外仲叫左個 青木瓜沙律（$12）同埋 芒果糯米飯（$18）個沙律真係幾辣！酸酸辣辣好過癮😋啲青木瓜切食絲易食又健康～另外個芒果糯米飯有四大片芒果🥭椰汁同埋黑白兩種糯米😍好有心機呀價錢咁平估唔到咁高質呀-飲品方面叫左兩支 冷泡茶（$8）見佢$8本來以為係紙包茶咋點知上菜先知原來係佢地自己沖嘅冷泡茶包茶黎！🤩🤩🤩真係超有誠意我叫嗰個無糖冷泡白桃烏龍一打開就好香桃味飲落真係無糖架🥰朋友叫嘅無糖冷炮炭培烏龍就比較濃～啱晒鍾意飲濃茶嘅朋友呀～…查看更多

搵咗好食嘅雞飯同豬手飯好耐，試過喺旺角附近搵，一間難求，終於呢間真係會回頭嘅。食物種類極少。去咗兩次，試過 雞飯、豬手飯、木瓜沙律、芒果糯米飯。雞飯: 雞少，不過咁嘅價錢，可以接受，雞嫩滑，醬汁好味。 飯有香茅、班蘭、南薑，正。豬手飯: 豬手好入味，醬汁正，配白飯，有糖心蛋，有驚喜。下次試埋咖喱 😋…查看更多