西門町台灣麵食 (已結業)

今日朋友帶我來的，有點喜出望外～餐廳裝修有懷舊的台灣feel，食物質素OK，價錢大眾化～有2人,3人，6人套餐選擇，但我們比較喜歡小食，所以決定單選！鍾意食炸大腸的人，一定要是試炸得非常脆👍份量足夠，大腸肥美，中間還夾了蔥花，感覺上無咁油膩，$63有驚喜的小食呀，有蚵仔煎的味道腐皮炸得非常脆，皮薄餡多一定要趁熱食，凍了腐皮會軟身了$63鹽水雞夠味，可以選白飯同滷肉飯滷肉配菜，好食😋$80套餐飲品（$26以下飲品）…查看更多

腐皮蚵卷超好吃！新鲜又美味～最爱的一个菜还有玉兰虾仁（好像是这个名字）也很好吃很爽口～豆腐肉燥饭也是特别好吃😋整体都超棒的 店里的员工们也都态度超好 一定会再去n次～…查看更多

上次食完真係回味無窮，今日約左朋友係旺角，決定再嚟試下。二人套餐有多款小食，另外仲有個細既飯/麵選擇，都真係幾豐富。北投怪味雞怪味雞味道一啲都唔怪，醬汁酸酸地又唔會好辣，夏天食冷盤再配上呢個特調醬汁，都幾開胃。腐皮蚵卷最鐘意呢款小食！腐皮咬落脆脆地已經相當驚喜，每件腐皮卷都有幾件蚵仔同其他配料，爆哂餡咁，好正！涼拌茄子醬汁微酸都幾開胃，而且每件茄子既中間都界左一刀，讓醬汁可以流到入去，食既時候味道就均勻。肉臊飯肉燥質地挺身，味道亦幾紮實，配飯真係一流。擔擔麵芝麻醬味道真係好濃郁！麵條相當掛汁，如果想稀啲，可以叫店員加少少湯。擂沙湯丸軟綿之餘仲係暖笠笠，真係好好食。巧克力雪香好耐無飲雪香喇！朱古力味道好突出，配埋殼物，口感更豐富。麥香奶茶奶味比較重，都幾唔錯。…查看更多

放工去旺角行街，經過通菜街順便吃晚飯， 這條街有很多餐廳小店， 今次就到西門町台灣麵食🔹， 店內有很多燈籠🏮， 充滿台式風格， 我們點二人套餐$248🗒️ ～ 北投怪味雞、 腐皮蚵卷、五味山珍、 肉燥飯、擔擔麵、 雷沙湯圓、青蘋果雪香、 杏仁奶茶。   🔸北投怪味雞 ～ 雞肉嫩滑入味😋， 麻香味重， 非常惹味， 拌飯吃一流🍚。 🔸腐皮蚵卷 ～ 外酥內軟的口感，內餡用料豐富， 口感厚實而不膩，超好吃啊👍🏻！🔸五味山珍 ～ 有黑白芝麻、青瓜絲、木耳絲、素翅、紅蘿蔔絲和素扎肉， 口感豐富又爽口😙。 🔸擔擔麵 ～ 花生醬🥜味重也較濃稠， 麵的質地掛湯，很入味。 🔸肉燥飯 ～ 肉燥肉味香濃， 口感紮實， 🍚拌飯很好吃。 🔸雷沙湯圓🧆 ～ 入口即溶的擂沙湯圓， 口感軟綿綿， 裏面的黑芝麻味道香濃好味。 🔸青蘋果雪香 ～ 有陣陣的青蘋果香🍏， 配上胚芽更健康。 🔸杏仁奶茶 ～ 杏仁香濃， 奶茶口感順滑☕。 西門町台灣麵食價錢貼地，服務好， 支持小店👍🏻😙。…查看更多

今晚收工去試新野，去左旺角通菜街既西門町台灣麵食，顧名思義，係食台灣菜。不過除左麵，都有好多其他野食，仲有碗飯，湯，鹵水，特式小食，同多款套餐。第一次黎，簡單叫左個2位套餐，$248包3餸2飯/麵加2杯飲品同台式甜品，好豐富。每樣餸有3至4樣揀，個別餸要加錢。飯/麵就3揀2。飲品可以加錢加配珍珠，椰果等。北投怪味雞（跟餐）怪味其實係酸辣味，有啲似海南雞嘅酸辣醬，都幾醒胃。雞嘅份量足有半隻減左雞脾，所以得雞胸肉同雞翼，瘦肉多，凍嘅。腐皮蚵卷（跟餐）腐皮蚵卷一客八件。新鮮熱辣上枱，腐皮蚵卷煎得勁脆皮，腐皮又薄，入面就爆餡，真係有唔少蚵仔同蔥。雖然蚵仔味唔算濃，但係佢嘅香脆口感係好食嘅，仲可以蘸隨碟嘅茄汁降下温。五味山珍（跟餐）五味山珍即係台式雜菜沙律，好啱熱辣辣嘅夏天食。黑木耳，青瓜，紅蘿蔔，豆腐，金菇全部切絲，再加透明粉皮絲，上面灑上黑白芝麻粒，味道都幾濃。肉臊飯(細)（跟餐）白飯上面加左唔少份量嘅正常台式肉臊，味道唔錯。擔擔麵(細)（跟餐）呢個擔擔麵係我揀嘅。好多麵上面再加左肉臊同蔥花。肉臊味道唔錯，而啲麵放耐左先食居然唔會太腍或者一pat，雖然唔彈牙但係質感都仲可以。我鍾意個微微嘅麻醬好香。跟餐飲品有玉露，紅茶，綠茶，雪香，奶茶同熱飲。香芋雪香(左), 芝麻雪香(右)（跟餐）雪香即係凍奶上面灑上薄薄嘅殼物，殼物味濃而香芋同芝麻味適中，完全唔會過甜，作為跟餐飲品，質素都可以啦。台式甜品（跟餐）台式甜品係兩粒糯米粃。雖然賣相看似簡單，但係原來一啲都唔馬虎，居然係暖暖哋，而且中間有少少花生餡。食哂成個餐都幾飽。餐廳座位唔多，但係裝修好台式，特別在掛起左好多燈籠。…查看更多

今日放假同男友周圍去好鬼攰，最後一站就係旺角呢頭食埋晚飯順便轉車返屋企～呢條街出左名多餐廳，揀左一陣就俾呢間台灣野既店名同裝修吸引，好想去旅行。。。😢我地叫左個二人餐，揀左紅燒牛肉，腐皮蚵卷，台式燙青菜，肉燥飯，擔擔麵，熱香芋奶茶少甜同埋熱蜂蜜薑母茶少甜，超豐富😆❤️紅燒牛肉非常入味，濃而不膩亦唔會太鹹，用左牛展所以肉質好淋😍❤️腐皮蚵卷新鮮整起熱辣辣，外層又薄又香脆😋我地咁岩坐係收銀處隔離，老闆見我係度研究裡面有咩餡😂 佢就同我介紹原來連埋腐皮總共有成十樣野😮😮 淨係蔬菜已經有四款，豬肉都兩款，心機野👏我自己覺得除左蚵仔之外，冬菇，豬肉同芹菜既味道都好突出👍 又香又爽口，口感勁豐富😋❤️台式燙青菜純粹想健康啲有菜食下😂 估唔到面頭有咁多肉燥咁dum本😮 我非常欣賞呢度肉燥既味道！！👍😱 微微既鹹帶啲焦糖香，而且係瘦肉完全唔膩，一問老闆之下原來係用左接近三個鐘去滷 ，啲肥肉已經溶化晒，又一花時間既心機野！🤤❤️肉燥飯呢度既肉燥咁花心機整出黎，要黎配靚靚既台灣米當然都好好食😋❤️擔擔麵湯底幾香花生味，微微辣，面條彈牙而且掛汁，好食！👍👍❤️蜂蜜薑母茶&香芋奶茶店員一放低就聞到好濃郁既薑母味，唔會太甜，好岩女士飲，又補身又滋潤😁❤️套餐甜品擂沙湯丸面頭曬滿黃豆粉，幾香，裡面係流沙黑芝麻餡，湯丸皮煙韌，出色！🤤我地食既所有菜式都好滿意😊👏👏老闆同店員都勁有禮貌服務超好，一定會encore！！❤️❤️…查看更多

已經差不多一年半冇得去旅行 唔知大家有幾掛住台灣呢？😭 我哋今晚就去咗轉西門町食飯啦😎 其實佢係旺角嘅一間小店 價錢親民選擇多😜我哋今次就試咗二人套餐 主食揀咗試北投怪味雞 腐皮蚵卷 涼拌茄子🍆 北投怪味雞係比較重口味嘅菜式 雞肉保持嫩滑 雞皮爽口🤤 面頭鋪滿大量蒜蓉辣椒等材料 食落酸酸辣辣好開胃👅 腐皮蚵卷上菜時超熱 啱啱炸起腐皮非常香脆👍🏻 入面有粒粒蚵仔 好好味😋 涼拌茄子入面嘅茄子好腍 配上帶甜味既醬汁 真係好開胃👍🏻套餐仲有兩個細嘅飯麵 我哋就揀咗滷肉飯同擔擔麵😍 滷肉飯嘅醬汁香濃 調味得宜 好好送飯🤩 擔擔面更加係驚喜之作 湯底有香濃嘅花生醬味 加上肉燥 味道香辣惹味🤤最後飲番一杯荔枝玉露 一杯百香果玉露作總結 清甜解渴 仲有兩粒雷沙湯丸做甜品 可以舒緩一下無得去台灣西門町既感覺🌟…查看更多

本來打算去貓cafe，不過母親節休息，我便提議去西門町吃台灣菜，一來我未試過，而朋友們去過也覺得不錯值得再去，還好午飯時間還有卡位入座。本來打算散點，商量後覺得4位套餐菜式多之餘又經濟，希望不會眼闊肚窄吧。蝦仁玉蘭中卷： 一個凍頭盤，白色外皮似是魷魚，沒有味道，而內裡的菜、蝦仁也是淡味，要靠有少少芥末味似的醬汁來調味，整體味道還可以。北投怪味雞：看到大量蒜蓉、少量辣椒在雞上，味道少少辣帶酸，幾開胃，不過我只吃到小辣，要將蒜蓉撥走，不然會太辣太鹹。腐皮蚵卷：腐皮包得太厚，端上檯看到幾油膩，因為上菜速度很快，所以放了一陣子會變得硬，味道普通。香芒沙律鳳尾蝦：最特別是芒果醬汁，炸蝦點了甜甜酸酸，中和炸物油膩感，味道不俗。香鹵併盤：豆腐好滑好正、鹵水蛋也不錯，至於其他內都少內臟也少食，加上之前吃得太多飽了。台式燙青菜：連菜也有肉燥，是否正宗台式就不得而知了，但有肉燥令清菜變得不單調。最後的肉燥飯，肉燥調味適中，伴飯很美味，雖然之前吃很多很飽，最後還是將整碗吃完。飲品是珍珠奶茶，不算甜但茶味算濃，還有煙韌的珍珠，每次到台灣食店必點。而甜品似是黑芝麻雷沙湯圓，粉皮煙韌、有花生芝麻，內裡是黑芝麻幾香，味道都不錯。這4人餐份量的確很多，我們未能吃完，應該5-6人分享也可，下次可以再去 …查看更多

想試好耐, 終於去左食, 唔洗等位!入面D位有點迫, 但還可以!ORDER左以下, 同埋珍珠奶茶+香芋珍珠奶茶 (飲品水準好好!!!)我覺得腐皮蚵卷真係好好食XD 下次必ENCORE!!!繼茶木之後, 就係呢間西門町!!!!!!…查看更多

細細間台灣食店,好多人排隊,我大慨7點去到都要等10分鐘二人點左腐皮蚵卷 出面夠脆身,入面蚵仔夠多汁魯肉飯 肉噪調味幾好,飯軟D更佳口水雞 好似滑既白切雞甘木耳 酸甜開胃夠爽口整體係幾好味,可以再食但當然同台灣味道仲差少少.但我算滿意…查看更多

十個香港人，有一半應都喜歡台灣的寶島小吃。像我般台灣痴，一年去三次，基本上台灣什麼食物如魯肉飯，牛肉麵等也喜歡，有時台灣小吃的心癢起來，是如洪水猛獸一般厲害。好像今天，突然心癮一起，兩個台灣迷又去找台灣東西吃，因為去旺角睇戲所以選了有名的西門町來醫一醫心癮。來過數次，每次都沒有試過其二人餐，好似吸引又多野食，好啦，唔駛諗，夫復何求。小食要了美味醉雞，涼伴茄子同腐皮蚵卷。三個小食很快便到了。當中以腐皮蚵卷最出色，裡面充滿蚵仔，很新鮮，入口是全口的蚵仔味，那一口的味就好好將你放了去台灣的味一樣，突然有點令我想念阿宗麵線，這應該是三個菜中最出色的。美味醉雞還算份量還多，肉質算鮮嫩肥美，酒還算煮得入味，是可口的小食。涼伴茄子就無甚特別，煮得好像老了一點，不過那個汁很入味，配茄子不錯。然後是最能治鄉愁的主菜，一個魯肉燥飯，一個是擔麵。我很久沒有來過，應該有五年時間，之前記得這裡的牛肉麵很古早台灣地道的，所以很期待這兩個食品，希望能可以感受到台灣渡小月和謝謝魷魚糠的魯肉燥飯之味，不過，坦白說，很失望。在份量和賣相外形方面，可以說是一樣。但味道卻是差天共地。肉燥飯味道不夠，肉碎不多，而且不夠入味。擔擔麵方面，麵條很腍，湯很淡，不知是我吃慣濃味的關係，總覺得和台灣差很遠，不是不好吃，只是和台灣的原味總是差一點。兩杯飲品也是一般的質素，不過冰較多，令味道也淡了不少。因為唔夠飽，所以最後encore 叫多個粉皮，酸辣勁度足，不過不知為何有種甜味，也是較一般的台灣菜較為特別的。在記憶中這間是不錯的台灣菜，不過自去了多次台灣後，咀吃得較有要求了，而且上次圓山之行好像還好吃一點，又不用等位，這裡好像也沒有原因再讓我乖乖等位了。…查看更多

今天一行四人在旺角覓食.......本來打算去火山石吃烏冬的, 但去到居然限食一個鐘.......:(平時上嘢已經慢的啦, 佢D烏冬又熱喎, 一個鐘點食到呀.........於是轉戰西門町~大約六點半到, 里面已經半滿了, 不用等位入座~叫了一個四人餐, 有驚喜的說~~這個涼拌苦瓜很好吃, 有香香的蒜泥味, 有麻醬和芝麻粒, 不漏, 都算爽脆~其中一個朋友很喜歡吃, 不過吃完口里會有很大陣蒜味~哈哈哈西門町的滷味一直都保持不錯的水準非常驚喜的一味菜, 外面的白環是鮮魷來的~~里面的應該是青瓜, 沾芥末蛋黃醬來吃, 眼前像看到一大片櫻花似的~~芥末味很香, 但不辣, 所以吃不了辣的人仕也能吃~很香蒜味~~加上一點點辣和醋, 很送飯~~普通料.......沒驚喜, 也沒驚嚇........蠔仔細細很有蠔味~~襯熱吃很好吃肉臊飯比擔仔面好吃~~所以我們四個都要了肉臊飯~~~叫餐有甜品送, 送左芝麻湯圓, 都幾好吃的~飲品叫特飲也不用加錢~~很抵~~~~超滿足的一餐之前一個人來吃, 最愛吃雞球肉臊乾拌麵~~~超好吃~…查看更多

老友派囍貼, 我們相約到西門町吃飯, 第一次光顧, 點了這裡比較出名的幾款來試試。 腐皮蚵卷: 腐皮炸到脆卜卜, 非常燙口, 內裡蠔仔好少, 比較油膩和熱氣, 但蘸上甜酸辣醬後很好吃, 可減少油膩感, 這款是我最想試的, 味道果然沒令我失望。 鹽水雞餐: 小小的三碟, 最驚喜的應該是肉臊飯, 飯的軟硬度與肉臊很配合,我們吃得很滋味, A 菜清清淡淡的, 鹽水雞味道一般, 最不好的是很多骨, 吃得不方便。 台式擔擔麵: 我本身不太喜歡吃擔擔麵, 尤其用油麵弄的, 但這裡的比起我想像中好吃,我估應歸功於用上與肉臊飯相同的肉臊, 麻醬湯底很香, 麵條浸耐亦沒發漲變腍,既然味道不抗拒, 那我便放心的吃多幾口。 金香奶茶: 茶味奶味很香很順滑, 還有面層那些泡沫, 令我尋回初嚐珍珠奶茶的味道, 我覺得比起街上任何一間台式奶茶店來得更好喝。 香芋奶茶: 老友的那杯茶我就沒試過, 但我記得她第一句說有很濃郁的香芋味道, 應該好味啦~ 最後祝福老友婚後在德國生活愉快, 以後每次回來香港記得要來探我呀~ …查看更多

今次去左旺角女人街"西門町"食台灣野,到達時間大約7點左右,可能因為係星期五的晚市時段,所以我地等左大約半小時才可入坐,我見大部份的客人都會選擇套餐,而我地亦唔例外,套餐包括飲品一杯及甜品(糖不甩每人一粒)腐皮蚵卷 - 皮薄而脆,味道適中,略為油膩怪味雞 - 好野味,唔錯雞絲拉皮 - 味道一般,有薑粒,我唔鐘意肉臊飯 - 肉臊味道剛剛好,不過份量略少總括: 味道唔錯,不過環境比較窄…查看更多

出了旺角,想起早早就想食的西門町,皆因看到它在旺角餐廳的好評排名第二。又非常吸引!今天就和男友到這試一試...可能係星期五的關係...只是等了十分鐘左右就可以入座~店內雖然細,但坐得舒服...店內的員工也很NICE 叫了一個2人套餐158 SET...自選菜式!皇牌拼盤 - 花枝丸點了沙律醬很好味!幾香口,白色的卷子也不錯!包住蝦和瓜很特別,中間的雜菜味道都很好, 炸雞肉和豬軟骨就一般般啦!涼拌茄子 - 茄子非常入味,做得出色~全碟差不多都是我食光了....腐皮蚵卷 - 果然有驚喜!真的是外脆肉軟....剛剛炸起的!熱辣辣~加點辣醬..一流!~料也很足....肉燥飯 - 超好味~但是一碗的份量太小了!不夠~擔仔面 - 沒什麼特別!不夠飯正.....青蘋果雪香 - 都OK~很香~加了脆脆的片子....是日甜品糖不甩 - 仲熱的~ 好香芝麻味! GD~食物都是有水準的,這個第二不是浪得虛名~繼續支持!!!!!!…查看更多