巷仔見麵館 (軒尼詩大廈)

每個人心目中，都有一條屬於佢嘅巷仔。發現銅鑼灣開了新的餐廳，來試一試。一打開個menu 推薦的是巷仔十寶，其實是一些地道的香港美食。脆脆鳳尾蝦多士 $34蝦多士頂層的蝦煎香了，中間是一層芝士放上多士，之後一齊拎去炸，一放入口蝦味爆曬出黎，口感酥脆但不會過於油膩。加上沙律醬，味道更上一層樓。火炙芝士雞扒包 $42雞扒包是巷仔十寶之一，麵包輕輕烘底，雞扒酥炸，咬落肉嫩多汁，加上芝士和沙律醬，唔同層次。這個價錢簡直物超所值。火山糖醋肉絲麵 $60點了另一個巷仔十寶，麵新鮮炸干，再淋上咕嚕肉醬，酸酸甜甜，十分開胃。頭抽乾炒牛河 $68乾炒牛河亦是巷仔十寶，夠味得黎又唔會好油。仙氣冰鎮奶茶 (跟餐+$12)巷子仔的沖法是奶多茶少，茶味不會太濃，但亦有淡淡花香味。冰鎮方法用冰底分隔茶同冰，令冰不會沖淡奶茶味。蜜瓜牛奶冰 $58密瓜牛奶冰唔係時時有。特登問了侍應，幫我問了廚房有立刻落單。餐廳將蜜瓜刮成一個個細波，上層是雪糕，牛奶冰則做底。值得一讚是蜜瓜真的很甜！…查看更多

去銅鑼灣行街，比我揾到間完全合符「平靚正」要求嘅港式風味餐廳＜巷仔見麵館＞，港式麵類如牛腩麵、雲吞麵等當然有，就連煲仔飯、小菜、小食、台式珍珠奶茶、豆腐花芋圓甜品佢哋都有供應，呢種百搭模式確係吾錯，港台風味嘅混合，好啱乜都想試嘅我。<清湯牛腩河>牛腩炆得好軟腍，又大件，入口啖啖肉。河粉好滑，仲配兩件大大塊嘅白蘿蔔，味道清甜。<櫻花蝦臘味煲仔飯 $63>櫻花蝦臘味煲仔飯材料非常豐富，有勁多櫻花蝦，同埋有勁多炒得好香嘅臘肉，仲有芋頭粒同花生，飯底帶有微脆飯焦，味道有焦香感，入口非常之惹味。<無骨海南雞 半隻 $108>海南雞入口非常之嫩滑，而且已經去曬骨，肉質好鮮好嫩，肥瘦適中，值得推薦。<蜜汁燒豬頸肉 $58>豬頸肉好厚好大塊，肉質入口彈牙爽口，蜜汁味道突出，烤得幾香口，微甜好食。<芝士雞扒包>雞扒包非常之大個，成個巨無霸甘，雞扒非常之大塊，而且仲好厚肉，炸得非常香脆，仲有濃郁嘅芝士香，好好食呵！<冰鎮奶茶>奶茶非常香滑，而且茶味夠濃。<脆脆鳳尾蝦多士 $34>估唔到鳳尾蝦多士係原隻蝦咁放上多士上面炸，蝦肉彈牙，而且仲炸得金黃香脆又好食。<黑糖珍珠奶茶>黑糖味道都幾突出，而且珍珠份量好多，又彈牙又好味。<豆腐花三色芋圓 $12>食完主菜，見呢度嘅甜品都係十幾蚊就有交易，甘抵食當然要試下！！豆腐花做得非常之滑，而且佢嘅芋圓唔會過甜，又煙韌又彈牙，真心抵食又好食。整體嚟講，我覺得呢間餐廳絕對值得再嚟幫襯，不但選擇豐富，而且食物嘅質素都好好，有水準得嚟，價格絕對抵食又親民，而且餐廳嘅環境都唔錯，坐得非常舒適又闊落，絕對值得再來呀！！～…查看更多

星期日同阿爸阿媽喺銅鑼灣Shopping完，就食埋飯先返屋企。希慎對面之前有個Food Court，但執咗之後一直圍封裝修，直至最近終於開返啦❗️。我哋特意到訪，發現原來上址有幾間餐廳落户，而「巷仔見麵館」就係我哋今日開餐嘅地方。由於我哋全日未食過嘢🙈，五點食呢一餐就當齊係中午晚三餐，因此大胃王上身，食到飽晒。火炙芝士雞扒包(特價$20)，餐廳做緊推廣活動🈹，凡惠顧任何食品就可以用優惠價加配雞扒包，廿蚊包邊度搵，仲要咁大個呢！🍗炸雞扒大大塊兼厚切，外層酥脆，肉又夠嫩；配上沙律醬生菜同芝士有中和嘅作用，當中更不乏火炙燻香🔥。麵包亦意外地唔乾身，成個包各個部份都處理得好好。清湯牛魔王幼麵($54)，我超級鍾意食生麵🍜，鍾意嘅程度係日日食都得，所以我對呢樣食物亦好有要求。呢度嘅麵條非常出色，口感爽彈，唔重鹼水味。同時，湯底亦係精華所在，牛味濃郁惹味，但亦能保持清澈，而且最重要係夠晒熱。🐮牛三寶包括肥牛、牛腩同牛丸，餸料就屬正常水平，但份量唔孤寒。無骨海南雞($108/半隻)，本身想食海南雞飯，但阿媽驚太飽所以就轉戰淨雞🐔。海南雞去骨，食用方便，雞皮爽口，肉質嫩滑，但有少少可惜嘅係因為隻雞比較瘦，唔夠厚肉。伴旁嘅醃蘿蔔絲微微酸，開胃。三色醬汁還好，大路配搭。麻辣雲吞($29/4粒)以及泰好味萵筍絲($20)，🥟雲吞大大粒，餃皮又薄又滑，入面包裹住原隻鮮蝦，真材實料🦐。麻辣味遠比想像中辣，都OK，但麻味如果強啲會更佳。💚萵筍絲本身無問題，不過個人就唔太鍾意泰式風味，佢係酸辣鳳爪嗰隻汁，酸度偏高，川式麻辣或許會好啲。脆脆鳳尾蝦多士($37茶餐)配咖喱魚蛋(+$4)，佢係其中一款下午茶餐，價錢同單點相若，但就奉送飲品。🍤🍞蝦多士造型好吸引，開邊蝦置於多士上，而多士則炸至金黃香脆，色香味俱全。如果要雞蛋裏挑骨頭的話，就係略嫌比較油。咖喱魚蛋就正正常常，冇乜特別🥘。仙氣雪山六寶冰($38)，餐廳連甜品都撈埋，款式涵蓋台式刨冰同傳統糖水等，價錢比起甜品舖相宜得多，就例如豆腐花同湯圓$1X就有交易😳。我哋要咗六寶牛奶冰，賣相好澎湃呢，但由於冇乾冰，所以缺少咗仙氣嘅部份，哈哈。🍧刨冰嘅牛奶味唔算突出，反而係靠雪糕嘅味道，其他配料仲包括三色芋圓、紅豆、湯圓同仙草等。咁嘅價錢同份量難以再作批評。飲品方面🥤，我哋要咗仙氣冰鎮奶茶以及金柚肉西柚果茶，兩杯原價$22，設有跟餐優惠價。前者冰鎮所以唔驚溶冰會溝淡，茶底唔澀，又香又滑。後者有啲似水果茶，以柚味最為突出🍊。題外話，呢度環境幾舒服，樓層面積大，座位闊落，衛生情況良好👍。雖然都係食茶餐廳嘢，但佢比連鎖店或地舖好坐得多，而且裝修其實仲幾有心思添，牆畫好有地道特色。總括嚟講，我會形容今餐係性價比高嘅港式風味大餐😋🇭🇰💯。每樣食物出品味道都唔錯，質素平均。餐廳定價唔貴，甚或直接用抵食來形容都得，唔好忘記呢度係銅鑼灣區啊。下次行開銅鑼灣，我哋都會再嚟幫襯！…查看更多