2派克雞排

呢間台灣開過嚟嘅2派克雞排位於紅磡蕪湖街，細細間街邊台式炸物店全港得一間分店，淨係做外賣，因為所有嘢都係即叫即炸，所以成日都大排長龍，想食到新鮮炸起嘅炸雞扒就要俾d耐性去排隊等。所以炸物都可以加調味粉，最多可以揀兩種混配，總共有八種調味粉可供選擇：原味、芝士、梅子、麻辣、Wasabi、辣味、海苔、咖喱味。我哋嗌咗脆皮雞腿排、金菇酥同脆皮百頁豆腐。原塊無骨雞腿排係即叫即炸，雖然要等一陣，但佢一炸起拎上手熱辣辣，size比想像中大，一個人食完真係未必再食得落正餐，雞皮唔算厚粉，炸到又香又鬆脆，令平時唔食雞皮嘅我都忍唔住口食咗幾啖，雞脾肉既嫩滑又多汁，配上梅子味嘅調味粉，味道酸酸甜甜咁好醒胃。金菇酥其實就係炸嘅金針菇，第一次見到所以好奇心驅使下就嗌咗，炸完個外貌好得意，食落既口感就好似薯片咁，又脆又香口，配上海苔味嘅調味粉，唔講真係唔覺自己食緊金針菇。脆皮百頁豆腐都係比較少見到既炸物，百頁豆腐口感偏硬身，炸完之後食落就好似魚蛋咁彈，配上咖喱味調味粉好似食緊咖喱魚蛋咁。整體黎講，呢間台式炸物小店絕對係我行過會再幫襯嘅小食店！📍紅磡蕪湖街123號海德豪苑地下及1樓C號舖位置就腳：🍊🍊🍊🍊餐廳環境：🍊🍊🍊食物味道：🍊🍊🍊🍊🍊整體CP值：🍊🍊🍊🍊🍊…查看更多

-所有產品都可以叫1-2款調味料🌟原味、辣味、海苔、梅子、芝士、芥末、麻辣🌟好食到停唔到，一啖接一啖，喉嚨痛都照食。-1️⃣脆皮雞腿排（海苔+辣味）（$38）Overall:10/10個人來講首選雞腿扒🤩，肉質比起雞扒更加滑嫩。第一啖食落去，真係超似係台灣食天使雞扒。果然係來自台灣的好食雞排，完美鎖住微甜的肉汁。調味都岩岩好，係我中意既味道🥰🥰2️⃣脆皮無骨雞排（梅子+芝士）（$38）Overall: 8/10皮同樣夠酥脆、肉厚又多汁。但比起腿排冇咁滑。梅子味好突出，都特別，但冇海苔味好食。-3️⃣脆皮杏鮑菇($22)Overall:6/10唔算好好食，杏鮑菇冇咩香味，而且炸粉口感上偏軟。-4️⃣甜不辣（$25）Overall:7/10味道同平時吃的炸魚餅好相似，軟軟地-✨人流少既話即叫即炸既雞排都需要等10分鐘，唔想等咁耐可以係open rice 落單再過去拎✨…查看更多

紅磡新開左間台灣炸雞店，小編真係好掛住台灣既炸雞排，行街經過紅磡見到呢間店價錢都唔算貴，同埋都幾多人排隊買就買左幾樣野黎食小店老闆係幾位靚女黎，見到小店寫明食物新鮮即落單即炸，所以都要d時間等待下先有得拎，大概都要等15分鐘左右，所以大家落完單的話都可以周圍行下先再返去拎都得。脆皮雞腿排 $38呢個脆皮真係好脆身，個粉漿唔會好厚所以每啖食落去個陣都唔會淨係感覺似食炸漿。塊雞排咬落落去個陣好多汁爆出黎，每啖肉都有肉汁而且脆脆既口感都真係好好食。同埋調味粉揀左梅子粉，食入口更加加香，而且酸酸地既梅子味道愈食愈有胃口，食完都唔會覺膩。脆皮杏鮑菇 $22呢個都好正！脆皮杏鮑菇切完炸完之後都仲係大大粒，台灣既新鮮杏鮑菇食落超級有水份！同埋個炸皮真係炸得非常脆！而且加埋wasabi粉食入口後個感覺都幾搞笑，好香之餘又有少少攻鼻，幾特別脆皮百頁豆腐 - 芝士粉 $24好大舊既百頁豆腐，食極都食唔完咁，哈哈！個豆腐口感好紮實，食完係好有飽足感。炸完唔會鬆散，加左芝士粉鹹鹹地好香既味道好有層次既味道，偏向淡味既豆腐加d濃味少少既調味粉我自己覺得真係幾襯小總結:呢間台灣雞排店確實係平靚正之選，如果係我屋企附近都有開分店的話我覺得我會個個禮拜都去食下，期待小店繼續推出多D食物…查看更多

紅磡新開台灣過江龍炸雞排專門店！係台灣已經開咗接近廿年，有過百間連鎖分店，而紅磡店就係香港首間全部炸物即叫即炸🔥！主打當然係無骨雞排同各款炸雞小食，可以自由配搭八種調味粉 (原味即係椒鹽)另外仲有$98二人餐，性價比高😛-👍🏻脆皮無骨雞排 $38 & 脆皮雞腿排 $38絕對係招牌必食item！雞扒有分雞胸肉同雞腿肉兩款拎上手真係嚇親，兩款都大過塊面又厚肉，呢個價錢好抵食😜雞扒每日自家醃製，唔會淡茂茂，保持雞肉原味唔死鹹外皮超級香脆，就算外賣半個鐘後先食仍然好脆口，亦唔會油淋淋👍🏻肉質非常嫩滑，係連雞胸扒都好嫩完全唔鞋大大塊咬落仲爆哂雞油汁勁juicy，超正🤤！可以揀兩款自己鍾意嘅味粉mix&match店員介紹每塊雞扒都最少250克重，無骨啖啖肉好滿足，食一塊都已經飽哂😈-👍🏻脆皮雞中翼 $25/3隻 & 脆皮無骨腿丁 $35雞翼推薦必食！厚身大隻，肉質非常嫩滑，估唔到比起炸雞扒更juicy多汁，好好食🥹無骨腿丁就係雞腿扒切成一口size，雞皮炸得更加脆口，不過肉質略為冇原塊雞扒咁滑-👍🏻脆皮杏鮑菇 $22 & 金菇酥 $12 & 甜薯地瓜條 $25除咗炸雞，佢地嘅炸菇類都值得一試杏鮑菇大大粒，唔會炸到好乾，咬落仍然keep到有菇汁咇出嚟😛金菇酥幾特別同少見，酥脆香口好似薯片咁，同時又保持金菇嘅水份甜薯地瓜條就正常發揮，推薦配上梅子粉，酸酸甜甜perfect match-👍🏻脆皮花枝丸 $18/3粒 & 脆皮百頁豆腐 $24 & 甜不辣 $25呢三款都係台灣直送，花枝丸係彈牙足料唔粉團個種，配上咖喱粉好食😋百頁豆腐嫩滑Q彈加上熱辣辣嘅脆皮，完全係外脆內軟口感😙甜不辣就正常發揮，煙煙韌韌，配上梅子粉冇咁滯😌-由於全部食物都係即叫即炸，當日落單都等咗近40分鐘先拎得，建議大家先打電話2811 1008落單，唔使企係度等咁耐-味道：8/10性價比：9/10-📍#2派克雞排 @twopeck_hk紅磡蕪湖街123號海德豪苑地下及1樓C號舖…查看更多