史努比好似出街食小菜 本身唔系太好不過爸爸👨🏻好鍾意 所以你見有時史努比廚房都會模仿下啲私房菜🤣今次去咗尖沙咀一間新開嘅私房菜~見到有個特價menu 價錢真系平咗一截!😍雖然話佢好平就唔系嘅🤣但原價呢間系貴嘅~問爸爸👨🏻想食咩嘅時候佢喺度睇蒸魚蒸鱔史努比心諗 我都識整啦…😂所以就冇嗌到最後揀咗幾款自己唔會整嘅嘢🤪👍🏿黑椒牛柳粒 $155 (原價$228）大排檔菜式 私房菜排場🤣賣相超靚 唧咗啲蜜汁喺碟上面 擺得好有心🤭牛柳份量好足 炒得好香真系有啲鑊氣黑椒味好出 食落帶濃烈嘅椒香🤭Coat咗少少蜜汁甜甜地咁最令人surprised嘅系牛柳一啲都唔韌仲好軟淋! 重點系淋得嚟有牛味🥰唔系用梳打粉乸到冇晒味嗰種淋~洋蔥青紅椒帶啲爽脆 而且好惹味😚另外薯仔都整得出奇地好食 落鑊之前有就咁炒香啲薯仔先所以食邊邊位有稍稍脆🤭入面夠淋夠濕潤Overall呢碟嘢系有啲驚喜嘅🤪味讚: 8.5/10性價比: 7.5/10👍🏿脆皮豬手 $196 (原價$288)份量都多架 目測估計有一隻🤪豬手皮炸到卜卜脆 平時唔食皮嘅史努比為咗表演比大家聽特登食咗半塊🫣記得開聲聽!🤣抵讚嘅系豬手肉質呈粉紅色 非常之嫩筋部同肉分佈得好平均🤭食落有充滿骨膠原嗰種漿口感覺調味適中夠味得嚟唔會太鹹😚值得試下不過份量好多我哋最後食唔晒🤣打包返去比細佬👦🏻食 車程+行街總共個幾鍾返到去細佬👦🏻話依然有少少脆😳勁🤣🤣味道: 8.5/10性價比: 7.5/10👌🏿椒鹽魷魚鬚 $128 (原價$188) 椒鹽鮮魷要整得好食有幾樣好重要一當然系要香脆 二就系脆得嚟唔可以淋油三系魷魚本質 四就系調味啦~今日呢間頭兩樣做得唔錯😚酥脆唔會炸到硬掘掘 食落都唔會話好油膩👍🏿不過魷魚本身嘅用料一般粗身嘅都叫好少少 稍為有啲爽但幼嗰啲就真系麻麻地啦😗比較硬 當然唔會爽脆🥴同埋佢大部分都系幼身嘅😮💨調味方面唔會太鹹搞到你好口乾不過就略嫌唔夠椒鹽嘅香 純粹見到好多炸蒜感覺上似系魷魚鬚加炸蒜🤣但要balance到椒鹽嘅香氣又唔可以太鹹呢點的確難做嘅 史努比都唔覺有邊間做得特別好~Still exploring lol😂味道: 6/10性價比: 6.5/10👌🏿麻辣雞煲半隻 $141 (原價$208)史努比不嬲唔系太食得辣 唔系誇張真系未食過辣雞煲😂不過見到有人話呢個雞煲幾好食 口痕想試下🤪一打開蓋就知衰啦 齋聞都覺得辣🥵雞肉分量幾多 佔滿雞煲醬好濃味仲好辣添🫣🫣因為太辣嘅關係史努比都唔系好食得出系咩味🤣淨系覺得偏油咗啲 唔系咁鍾意 始終啲雞唔滑 連髀都唔滑😬雞胸就更加系有少少鞋口🤏🏿一般般啦~味道: 6/10性價比: 6/10*另設加一服務費*有好食都有普通嘅 價錢系中價位啦~可以接受 但唔系話真系好抵食🤣不過overall嚟講史努比系滿意嘅畢竟食到有啲驚喜嘅黑椒牛柳🤭同埋中菜館有某幾款做得好同做得唔好都正常如果大家有興趣 可以試下佢哋嘅豬手同牛柳🤭整體評分：味道: 7.3/10環境: 8.6/10服務: 7.9/10衛生: 8/10抵食: 6.9/10…Read More
