越華會海鮮館

朋友介紹嚟到依間中菜館食晚飯，聽朋友講佢由細食到大，由佢喺東區食到佢搬入灣仔區，廚房水準從來無失過準，仲可以一星期食足佢四晚，某幾碟餸仲要每次嚟都食😦咁真係要好好味先得😧馬上試試！飲食記錄：脆皮炸豆腐豆腐體積頗大，一食先知係內有乾坤嘅😍❗️首先豆腐外皮炸得薄而香脆，唔會過咸；重點係‼️內裏非常非常軟滑，帶豆香，而且大大嚿，相對增加咗滑捋捋豆腐嘅口感🤤，豆腐內外層溫度相約👍🏻師傅手勢實在非常好👍🏻👍🏻蝦多士蝦多士炸得香脆但唔油膩，配以啖啖彈牙蝦肉，食起嚟覺得蝦肉厚度與多士厚度相約🤤口感豐富🤤🤤蔥油走地雞首先，蔥油雞係熱咖！而且雞肉滑得嚟質地唔霉，雞皮都算薄同爽👍🏻另外要大讚餐廳用大量量微溫嘅蔥油覆蓋住隻雞，蔥油平均分布喺每一啖雞肉🤤仲超送飯🤤🤤避風塘炒辣蟹好大隻避風塘炒蟹🦀5個人食仲要讓你讓我食😅而且真係由蟹鉗到蟹爪都啖啖肉🤤而且唔會好辣(利申：去譚仔食開清湯）見朋友會嗌碗白粥撈啲炸蒜食，幾得意，有機會要試試咁食😋蒜蓉蝦乾蒸勝瓜我對勝瓜好挑剔🤫因為我好驚勝瓜浸青味🤭但係依度嘅蒜蓉蝦乾蒸勝瓜係無臭青味咖👍🏻蒜蓉亦唔苦，配以蝦乾粉絲好餸飯😋欣賞餐廳係用蝦乾而唔係蝦米整依碟餸，蝦乾唔會太硬易咀嚼（箍牙friendly）西蘭花蝦球蝦球爽滑彈牙😋西蘭花唔會煮得太腍，芡汁調味適中唔會太咸豉油皇炒麵好特別嘅豉油皇炒麵，麵底比一般嘅豉油皇炒麵滑同彈牙，而且好香芝麻味，無咬無味橡根嘅感覺😻炒麵配料嘅味唔會同啲麵分開哂，食到芽菜同韮菜味👍🏻蜜餞蒜香骨幾香蜜糖同蒜香味…查看更多

一班人如果想喺銅鑼灣搵個地方食飯要坐得舒服少少又價錢食物都ok的話,可以考慮下呢間地方雖唔大,但環境、服務尚可,最好預先訂台,晚飯時段好多時都冇位! 今晚一行8人叫咗9餸1湯剛剛好先嚟個脆皮炸豆腐, 熱度剛好, 皮脆內滑,唔點個汁都夠味！要特別推介個「蔥油走地雞」見個賣相已經流囗水,加埋D蔥香撲鼻先試一啖雞胸連一堆蔥啪入口,蔥香加少少油口感更佳,個雞胸竟唔鞋有雞味,實屬難得!成碟雞都切得好齊好靚！薑蔥蠔都唔錯夠香夠濃!蠔夠份量,鎖到水份唔乾身唔黐牙! 魚湯浸辣蜆,蜆都鮮,湯鮮甜帶少辣,都ok!其他整體都唔錯只係冬瓜盎略太濃味! 我地由8點食到11點幾,全程服務都唔錯,今晚食得好開心有機會會再光顧…查看更多

平時幫襯開筲箕灣越華會，冇左之後第一次去銅鑼灣分店食，一踏入餐廳既感覺，覺得好乾淨，晚上6：40到達，服務員話冇訂位，需要在8點前交枱，因為我主要同媽媽去食晚飯，所以我答應冇問題，食完即走了，反正我都要返屋企睇電視。睇到個餐牌，覺得樣樣野都好好食，於是乎叫了4個餸。叫餸後，唔洗10分鐘就即刻上菜，效率好驚人，係越華會食飯，相信一定唔洗催單，又唔會漏單，一碟接住一碟好快上菜，我都明白老闆既心態，快啲上菜，快啲食完，再做下一枱客，理所當然的，你上菜上得快，我又配合你食飯食得快，唔阻你做生意。【蔥油走地雞】真係好多蔥呀！我平時唔多食蔥，但呢碟係佢既招牌菜，所以我都照食啦！雖然明知係冰鮮雞，但啲雞整得幾好食，鹹香味，加埋啲蔥食，好香既蔥油味。【脆皮炸豆腐】外脆內軟既豆腐，一直係我在越華會食到既味道，好鍾意食，可惜自己有辦法煮到，所以要幫襯人地。【窩貼蝦多士】從未見過咁大塊蝦多士，仲大過隻碗 其實麵包係好平，所以越華會比到咁大塊多士顧客食，佢都明白顧客既心理，我地消費者都會覺得好抵食，所以呢方面越華會好聰明，炸得好香口，唔覺油膩，蝦肉夠多，而且彈牙，附上沙律醬，喜歡的可以點來食，唔錯呀！多人食既話，每人可以分一塊，食左好滿足了！【咸蛋黃炒涼瓜】係我人生中第一次食呢個餸係在東來順餐館食到，佢地切涼瓜既size，我認為岩岩好，大約4x5cm般大，唔大唔細，而咸蛋黃既份量係薄薄地一層包住涼瓜，唔會太厚，唔覺太膩，我食完一件接一件，味道好食到令我唔會忘記佢既呢碟餸。至於越華會……我覺得呢碟餸比較失水準了！首先涼瓜切得太細條太幼身了，然後咸蛋黃太多粉漿太厚，好似咸蛋粉漿奪去主角涼瓜既味道，再者，粉漿好多油在裡面，食完2條已經覺膩，之後食唔晒，我地都拆開粉漿，只食涼瓜條，唔好浪費嘛！比我感覺……涼瓜切得咁細條，感覺比我好小家，唔得大方，涼瓜唔係貴，可以既話，切大塊一些啲比人食，咸蛋黃唔洗太厚，其實食咸蛋黃本身已經唔太健康了，但又想食，所以最好就係薄薄地一層包住就最好了！最後，想讚一讚越華會，有餸菜食唔晒，我需要打包，取盒仔，詢問幾多錢一個？因為唔同餐館都有唔同外賣盒價錢，服務員居然答我……唔洗收錢，我當唐好驚訝！殺那間……我覺得越華會老闆好似天使，而且在發泡膠盒裡舖上一層錫紙，太窩心了！當然我唔會濫用外賣盒，我都知要環保，所以我只攞一個盒盛有汁既餸，我自己有保鮮袋，用來盛放乾身的食物，因為我都係環保使者，原先應該要自備外賣盒，但我冇諗過呢一餐會食唔晒啲食物，所以冇自備囉！曾經去過一些餐館，外賣盒需要$3一個，我眼都突埋，後來向服務員了解後，才明白餐館既出發點，都係唔想食客濫用外賣盒，一小件都話要用個盒來盛，知道$3個咁貴，就現場食埋果一件兩件囉！…查看更多