三小姐海鮮小菜

黎到大埔既熟食市場，小編既打冷首選一定系呢間三小姐海鮮小菜。究竟三小姐有幾西利？佢既店位系佔左熟食市場既三份一位置，仲要成日黎到都見佢爆場咁制。睇下下圖幾多人就知啦Σ（ﾟдﾟlll）黎到食物方面啦，第一碟介紹既系 脆皮炸大腸(hkd$78) 。三小姐招牌菜之一，即叫即炸，色、香、味俱全。雖然有菠蘿氈底，但份量都吾少架，值得一試(=ﾟωﾟ)ﾉ第二碟介紹既系 千島骨(hkd$78) 數件排骨沾上滿滿的秘製千島醬，送飯一流！第三碟介紹既系 魚香海鮮燒豆腐煲(hkd$88) 呢碟純粹系小編鐘意食燒豆腐、海鮮，所以先點！無乜特別之處，普普通通，吾系太入味，過得去啦！(˶‾᷄ ⁻̫ ‾᷅˵)最後要介紹既系 籠仔糯米蒸蟹(hkd$128) 用蒸既方法將蟹既鮮甜味完全滲透落糯米之中，單憑香味已經令小編垂涎三尺，食落真系幸福至極呀！黎呢到必叫，雖然系有少少貴，但試一次都好吖，極力推介٩(˃̶͈̀௰˂̶͈́)و…查看更多

細細個，即係廿幾年前，開始識聽流行曲嘅時候，好鍾意黃翊～「最愛的妳」呢首歌！不過後來唔知點解黃翊就消失咗。最近因為一個電視節目，請返啲舊歌星上去唱歌，黃翊呢個名又出現返啦！聽返「最愛的妳」依然覺得好好聽！好聽程度令黃翊再次爆紅！睇返一大堆訪問，知道佢同屋企人喺大埔墟嘅街市熟食中心開大排擋，不經不覺已經十幾年！今日端午節，我就特登同屋企人去咗呢度食晚飯做節。因為之前打電話黎問過，要8個人或以上先可以訂座，而我哋得4個人，所以6點就黎霸位！一去到，得到黃翊親自帶領入座，真係好開心！哈哈！ 一向鍾情大排檔嘢食嘅我，見到餐牌已經覺得好開心。先黎一枝獅威大啤（$16）今晚我哋食咗：以上兩款，送酒一流果然係招牌菜，雞很嫩滑，食到停唔到口！好快就全碟清哂！夠入味，夠鮮嫩，份量亦多！煲仔上真係好正！陳村粉系列應該係喺openrice最多人寫嘅菜式，而我哋就揀咗蒜蝦，蒜味好香，足以令我弟婦讚嘆！我就覺得蝦尚算ok，但如果挑走條蝦屎會更好！呢款都係呢度嘅招牌菜，本人好鍾意食糯米飯，呢味菜處理得唔錯，糯米飯夠哂煙韌，又有蟹味，如果啲蟹羔有多啲更好！呢個甜品好緊要！因為每日限量發售，要食就早啲留定！我哋四個人一人一個！細佬之前食過話好食，我今日第一次食，真心覺得超正！我好少食甜品，因為唔鍾意太甜嘅嘢食，但呢個甜度並唔過份，而且啖啖椰肉，我諗我會永遠記得呢毎椰皇！！下次黎一定會再食！！點解我咁鍾意食大排檔呢，除咗鍾意大啤大枝大枝咁隊之外，就係叫餸食唔洗點睇價錢，因為通常都經濟實惠，唔洗就住就住！阿媽今晚都食得好開心，佢最鍾意啲餸大大碟，又有佢至愛嘅雞蝦蟹、腰果、豬大腸！再加上有冷氣呢！呢樣喺夏天黎講真係好重要！BTW, 多謝黃翊百忙之中同我哋合照！加油！期待你嘅新歌！…查看更多

週末興起，兩口子又往大埔一趟嚕。晚飯時間，兩口子往大埔墟街市頂層的熟食中心去，原想吃《東記》的炸豬扒，但店子已關門了。那就只好吃別的，也沒有特意上網找啥間出名、啥間好吃，巡視了一圈，隨意地挑了看來比較正路的《三小姐海鮮小菜》。時候尚早，食客還不算多。兩口子原想坐熟食中心本身設置的圓檯，侍應笑著說「呢啲係『豪華位』，陣間多人要搭檯架～」，個人估計是因其中四張椅子有靠背，所以被稱為「豪華位」吧。由於我不想跟陌生人搭檯（除非是快吃快走的粉麵食店，否則「有得揀都唔搭檯」），於是坐在靠邊的「二人座」嚕（其實是摺檯及膠凳）。牆上菜牌之字體很美耶！！！菜牌只有一頁兩面，但選擇算多。研究了菜牌片刻，兩口子分別選了四道菜，也沒有特別上網尋找店子的「名物」，這次都是隨個人喜好點的。有陣子到餐廳菜館吃飯，不一定要報紙雜誌之類介紹過的菜式才吃。若自己本身不喜歡那款食物，卻因「有書／人推介」而硬點來吃的話，那是為了人云亦云而吃，而非為想吃而吃。（當然事前參考一下人家的食文等等也理所當然，但非點書／別人介紹過的菜式不可的話，這又有何意義？！）沒多久侍應端來籠仔糯米蒸膏蟹（$88），上桌速度比想像中要快。面層鋪上頗多蒜蓉及蔥粒，再加上一陣陣的荷葉香，很是吸引。店子採用奄仔蟹，個子雖小，目測下蟹膏頗多。糯米蒸得剛好乾身煙韌，而不會黏成一團團，細嚼之下更混有蝦乾耶，加上吸了點蟹汁，挺惹味的說。不過蟹膏於端來時已呈凝固狀，不知是否已預先蒸好一段時間呢？！銀魚蝦乾炒勝瓜（$78），以有菜到肚為原則而點的，銀魚香口、蝦乾鹹鮮，跟勝瓜同炒更能帶出其甜味。（呵呵，其實是男友點的，一向對勝瓜的印象平平，想不到食味也不錯的說）秘製黃金蝦（$118），先把蝦下油略炸，再下鑊與鹹蛋黃炒勻，故表面呈金黃色。吃時不用「吐／剝殼」，可直接連殼咀嚼吞下，加上已預先挑去蝦腸，可謂一道「（食得）既快捷又方便」的菜式。蝦身肉厚、個子不小，表面均勻地沾上鹹蛋黃，整體酥脆滋味。好吃啊！不過滿口鹹蛋黃，吃罷兩三隻已覺有點「飽」嚕。脆皮炸大腸（$68），我本身對於內臟類食物喜好一般，但見男友超想吃，於是「破例」點了這道嚕。眾所周知豬大腸的清洗過程頗繁複兼難耐（所以寧可「出街食」好了），幸好這裡的出品完全沒有異味，而且豬大腸外皮炸得有如「乳豬皮」般香脆，內層腸壁爽嫩、脂肪亦不多，蘸上甜甜酸酸的醬汁，再加上用以墊底的罐頭菠蘿肉，吃來完全沒有想像中的油膩感。（也不知炸大腸的腸壁脂肪多好還是少好，於我而言當然是少會比較好）大合照，哈哈，這晚吃的菜式很「麻甩風」喔！地踎港式晚飯必備啤酒，而不太會喝酒的我則例牌地點汽水（$9）。男友從生x啤（$20）與青x啤之間選了前者，只因很久沒喝它了，beer promoter說它們已由大陸生產改為香港生產嚕（香港生產的東東好像已成為信心保證），及後男友說啤酒的味道確與之前有分別，卻又說不上很好喝耶。是晚總消費$381，事前沒看過網上或雜誌等評論，故沒有「人云亦云」的包袱及期望，純粹隨意選擇，想不到整體感覺不俗。ps. 我們大概6pm入坐，當時食客不多，故很快便上齊所有菜式嚕，及後則全場滿座、還要等位耶！！！店子果然超有人氣啊。小插曲：用餐時男友跟我說「咿～嗰個侍應好似係以前唱歌架～（指著紮起小馬尾的中長髮男）」，我說「真係？！」，他說「係呀，我仲有佢隻黑膠碟，佢好似叫黃翊吖嘛！！！」，我抱有狐疑地於網上搜尋一下，男友所言非虛，那男侍應確是活躍於八十年代的前歌手黃翊，而此店是其與家人一同經營的。在佩服男友的記性之餘（只限某些事宜），亦替此店乃大埔人氣食店之一而感到驚喜，早幾年還有不少報章雜誌曾做過專題報導，我跟男友說笑道「下次再嚟食嘢嘅話，帶埋隻黑膠碟嚟俾佢簽名嘛！！！」。（利申：男友是位八十後，亦只比我大一年而已）…查看更多

今日難得一家5口一齊食晚飯，又去三小姐食先(已經食過好幾次)每次去都勁多人~好彩好快有位金菇肥牛煲係每次都會叫嘅餸，今次冇失手:)，唔會好似有次太"杰"，冇湯汁好食，我覺得好食過啲酒樓炒嘅~我冇食到，細佬同爹哋都鍾意食~(佐酒小菜)細妹至愛，我覺得好食過啲酒樓嘅~脆卜卜(又一佐酒小菜)，爹哋飲住啤酒食仲叫咗2隻乳鴿添($48/隻)，都幾大隻，味道ok(忘記拍照了:()埋單$400有找，今時今日真係算好抵食…查看更多

前一排,見到facebook有朋友登了一些到三小姐晚飯的美食食物相,之後便立即上openrice看看,原來也有很多食家也讚好,所以幾個星期前便約了一班朋友,專登由九龍搭車到大埔來大吃一番.以下便是我們今晚order了的小菜.1) 籠仔糯米蒸蟹-$68很多時,糯米總給我的感覺是很硬,但今次這一個糯米飯咬起來完全不硬而且很煙韌,加上這個很香的荷葉味使到整個飯也香嘖嘖,而且完全詁不到蟹是有羔的,食起來也特別開心.2)醬爆芝士丸-$68本人很喜歡吃芝士頪的東西,不知是否我要求高,總覺得今次的芝士丸少了一點芝士,感覺上不是太重芝士味而且也不太彈牙,不過這個食法也是我第一次品嚐到,感覺很新穎.3)沙拉骨-$42這個醬汁好好味. 而所謂的骨也只是豬扒,不過豬扒也不錯,加上這個特別的醬汁是一種新的食法,不是一些吉列豬扒,咖哩豬扒的食法.4) 脆皮炸大腸-$42和沙拉骨同一價錢,但反而這個比較輸了一點分數. 其實炸是炸得很脆的,只不過大腸的腸很少,給我感覺有點dry,可能我吃過一些街邊的炸大腸,腸是很肥沃,所以便有這種dry dry地的感覺.5)炸菜肥牛陳村粉-$48這一個,是我朋友的勁力推介,又真是好好味喎. 陳村粉很爽口,加上肥牛,十分絕配,之後我們也order了蝦醬豬頸肉陳村粉,但都是肥牛比較合拍一點.6)炸茄子炸茄子是我身邊的朋友點的.本來聽到茄子,我也打算不會吃,因平時我是不吃茄子的,但今次這一碟在我面前出現,而且也是一小塊的,便夾來試試.原來好好味的,甜甜地,有點像炸鮮奶的感覺. 而這一點炸茄子已成為我今晚最好味的小菜第一名.7) 椰皇燉奶吃完那麼多小菜,係時候要吃吃甜品了.今晚我們每人也order了一個椰皇燉奶. 超正,很重燉奶味,又滑又香,就算吃完燉奶也可以抓抓椰皇的肉地來吃,如果我的肚還有空位,我會在添食多一碗的. 不知道,如果有機會晚上經過大埔街市,可否只order一個椰皇燉奶當甜品呢? 哈哈.其實,今晚我們還order了小炒皇,金銀蛋莧菜,醉雞等. 由於我覺得小菜太平凡而且放相片的地方已沒有位置了,所以便寫了以上這幾個小菜.今晚,最可惜便是見不到黃翊. 不過這間三小姐有這麼多好吃的小菜,相信很快我便會再來,希望下一次可以見到黃翊的風采.…查看更多