甬府

🥰  老友 “安妮亞” 識飲識食又識人, 今晚喺 “甬府” 擺龍門陣, 十人飯局.📖 “甬府” 由翁擁軍先生於2011年喺上海創立, 2019年落戶香港. “甬” 意思就係寧波. “甬府” 主攻寧波菜, 香港少見, 又米芝連一星, 今晚飯局期望甚高.🥢 大廳設於地下一樓, 沿樓梯轉咗幾圈上二樓, 多間廂房, 設獨立洗手間, 私隱度高, 坐位舒適闊落. 🤗 今晚由 “安妮亞” 揀酒點菜.前菜招牌十八斬 手工香腸香腸魚餅古法豆腐皮泡制菜梗醬椒螺片主菜30年菜脯松茸浸蟶子脆皮水潺雪菜筍絲燒東海白鱗鯧甬府椒麻脆皮雞薑蔥海瓜子漁家蟹骨醬炒茭白青果苔炒藏香豬腩 沙蒜豆麵蔬菜甬府捨得點心主㕑手工包寧波湯圓 🦀 前菜: 招牌十八斬. 即係鹹嗆蟹, 餐廳名菜之一, 肉質鮮甜, 帶紅紅嘅蟹糕, 全塲讚好. 十年前係杭州 “味庄” 初試 “鹹嗆蟹”, 一戰難忘, 調味唔多, 蟹味肉質更突出, 更引人入勝, 韓國嘅醬油蟹冇得比, 哈.🥓 前菜: 手工香腸. 非常甘香, 又唔鹹, 出色.🐟 前菜: 香腸魚餅. 正常發揮.🤗 前菜: 古法豆腐皮. 略帶酸辣, 十個讚!☘️ 前菜: 泡制菜梗. 一般般, 因為我唔鍾意食菜.🐚 前菜: 醬椒螺片. 夠入味, 不俗!🥣 30年菜脯松茸浸蟶子. 其實係一碗湯, 鮮味十足, 蟶子啱啱熟, 火候一流, 爽甜.🐟 脆皮水潺. 即係九肚魚, 炸粉鬆簿, 魚肉嫩滑. 我食咗兩件, 食第二件嘅時候已經放咗30分鐘, 炸粉保持鬆脆, 又冇滲水喎, 今晚驚喜之一.🐠 雪菜筍絲燒東海白鱗鯧. 魚肉實淨嫩滑, 湯汁鮮甜, 偷偷飲咗一碗.🐥 甬府椒麻脆皮雞. 根據介紹, 菜式含三個元素: (1) 港式炸脆雞皮, (2) 川椒調味雞肉, (3) 北京片皮鴨方式食用. 設計精彩, 味道一流!🐚薑蔥海瓜子. 鮮味十足.🦀 漁家蟹骨醬炒茭白. 將蟹切到細細件, 唔會食到論論盡盡, 調味出色.🐖 青果苔炒藏香豬腩. 豬肉肥瘦均勻, 超級香口入味.🍜 沙蒜豆麵. 湯底鮮甜, 唔錯喎.🍜 追加: 手工垂麵酸湯底. 好食嘅.🥬 蔬菜: 甬府捨得. 即係上湯小棠菜, 師傅將冇咁好食嘅頭頭尾尾掉咗, 剩低嘅部份又嫩又腍.🥟 點心: 主㕑手工包. 菜肉包, 食到呢度已經好飽.🍡 點心: 寧波湯圓. 湯圓好食, 呢兜應該係清水, 冇味嘅, 有趣.🍊 水果: 真係掂過碌蔗… 🥂 講講餐酒, “安妮亞” 自攜咗幾支紅白酒, 侍酒師 “米高” 建議咗三支, 又有 “日本達人” 帶了清酒, 最後感謝老友 “意大利長介” 買咗我最鍾意嘅 Echezeaux, 獨特嘅香氣非常迷人.🤗 總結: 第一次食寧波菜, 多款菜式用上海鮮及湯汁, 啱我口味. 幾道驚喜菜式, 包括脆皮水潺, 椒麻脆皮雞等. “安妮亞” 識人, 服務超水準, 配懷舊金曲, 用餐體驗愉快.…查看更多

餐廳裝修不止氣派非凡，食物質素及服務亦一百分，非常滿意的一餐！招牌十八斬雖然價錢較高，但真的回味無窮，停唔到口！脆皮水潺做得非常鬆脆，魚身入口即溶。當天餐廳即場上演大廚煮一道新菜式，主角是乾鍋炒鴨，每台都可享用試食及紅酒pairing，用餐體驗非常驚喜。但感覺有點浪費胃的位置，因為與我點的刴老姜燜灘塗野鴨較類似，略嚴野鴨瘦左少少🥹。但啲精華汁以及海味麻辣豆腐令我不知不覺撈左幾碗"靚仔”。海味麻辣豆腐的麻辣味夠濃，加入海參粒令整道菜提升左個口感，下飯一流！唔太喜歡寧式鱔糊，雖然鱔糊個體是爽口的，但整體配合芡汁較濕身及清淡。個人較喜歡上海煮法炒鱔糊，較乾身及濃味。說到沙蒜豆麵，相信您都會諗起新榮記，相比之下兩間都好出色，麵夠煙韌、掛汁及濃稠。如果您問我一定要簡一間，我會簡甬府的沙蒜豆麵，個人口味不太鍾意花生味，而新榮記既花生味較為濃郁。黃魚泡飯超正，魚湯呈奶白色，滾口鮮甜（我對魚湯係無抗體的）長知識：菜式甬府"捨得”點解叫捨得？其實捨得是小白菜，需要"捨得"摘掉外邊的菜葉，只保留最鮮嫩的部分上菜。七位菜單*招牌十八斬 $988泡制菜梗 $158寧式鱔糊 $512脆皮水潺 $398甬府捨得 $198*海味麻辣豆腐(少辣）$698*老姜燜灘塗野鴨 $1280*沙蒜豆麵（6位份）$398*黃魚泡飯（6位份）$398寧波湯圓（粒）$18*=me likey…查看更多

香港的寧波菜館唔多，剛知道有間「甬府」，原來兩年前已經低調地在灣仔落户，並立刻獲得《香港澳門米芝蓮推介》。 來頭不小，總店在上海連續四年獲得《上海米芝蓮一星》名銜。創辨人翁擁軍先生，精通各類寧波食材，微調追上時代，造就了上海「甬府」的成功。  寧波菜出名精緻，屬八大菜系中的浙菜，依山伴海，食材選擇多元化，以鮮、鹹、臭、甜、糯滙於舌尖而聞名。以鹽提味增鮮，鹹鮮味足而不過鹹。  香港的「甬府」位於灣仔這個富豪飯堂社區，是龍爭虎鬥、或是互相協調呢？作為食客，最好就是價錢可以變得親民一點，現在終於俾我等到了。 甬府最近推出，初味餐單 $4,888/4位，包括前菜 (四味)、主菜 (六道)及點心 (一道)。如欲酒配方盡興，可加$618/位，店方會為客人選配一款香檳及兩款葡萄酒配搭菜式。 位於寧靜的街道，到埗卻見寬敞門面顯氣派。 裝潢雅致豪邁，樓底極高，皆因延伸至一樓，而樓上全部是貴賓房間；我們散客坐大廳，枱數不多，尚算自成一角。 初見甬府· 初嘗甬味餐單 ($4,888/4位，適用於中餐大廳)  前菜寧波㸆菜· 手撕鰻筒· 泡制菜梗· 招牌十八斬首三款是從來沒有見過的菜式，不過先講最搶鏡的十八斬。 招牌十八斬（例）鮮橙色的蟹膏非常耀眼，膏下半透過生肉看來水嫩，擺設整齊如朵花，不過算一算不只十八件，也許最頂兩件多加了幾刀！豐富的醬汁深褐顏色，嗅到醋的味道，向來吃蟹都是配蟹醋汁。  蟹肉保存水份，蟹膏豐香飽滿，特別醋醬汁透出甜味，我非常喜歡，入口即化，膏香甘甜鹹鮮合一，透出蟹肉鮮甜味道，好吃至停不了口。 生吃為何唔怕有菌呢！ 首先「招牌十八斬」必須選用冬至前後當造的東海梭子蟹，水質保證，說來已是去年的蟹，但甬府運用現代冷凍技術，捕捉之後馬上於零下196度液態氮封凍保鮮，處理手法並起到殺菌作用，因此可供全年及送達香港食用。  手撕鰻筒 配 玫瑰醋理應先吃，因為味道相比淡薄，以接近兩斤重東海鰻魚，鹽漬入味再以風吹乾而成。 我覺得鰻筒肉質及味道似澳門的馬介休，細緻緊密，鹹香開胃，與在香港吃慣肥美鱔肉完全不一樣，非常適合佐酒。玫瑰醋有助平衡鹹鮮之味。 寧波㸆菜及泡制菜梗令我增長見聞，口感上有新體驗。寧波㸆菜烏卒卒的㸆菜，入口卻非常嫩，相比類似的菜乾及梅菜水份多，少少算少少甜，並不死鹹，竟然是幾好吃！據說製作過程經過風乾及濃汁餵飽。泡制菜梗泡制菜梗看似椰菜花啲莖，食味幾得意，非常爽口，鹹鹹地之外，竟然有點辣，後勁十足。Champagne delamotte blanc de blancs 150ml因為四款前菜味道濃郁，所以是侍酒師特意配上這一支充滿花香及甜美的香檳，口中鹹鮮之味瞬間被中和，變化討好。  主菜蔣公芋艿羹邪惡但驚艷，原來芋泥可以鹹食！本來只認識潮州甜品芋泥，知道他以大量豬油製造向來卻步，食味我亦不太喜歡，但今晚「甬府」令我對芋泥改觀，做得真是出色。最主要是吃到肉的香，高湯的醇，原來秘訣是用了上乘的寧波土黑豬鍊出豬油，所以醇美。  以大量豬油渣及芋頭混製而成，質感如期望中棉滑，以燭火保溫上菜，否則油會凝固，但久熬會燶，掌握時間快吃。  脆皮水潺水潺即九肚魚，因為產於江浙東，這九肚魚肉質極嫩，骨質亦軟細，相比香港一般吃到的優質。 而脆漿特意加入東海海苔粉，令這道脆皮水潺，更加香脆鮮味，出色之處更在入口即化的魚肉，照片中左方可見，魚肉半溶似牛乳，口感極佳。  雪菜筍絲燒白鱗鯧白鱗鯧是非一般的䱽魚，因為同樣來自東海，肉質綿密細柔，香港吃到的倉魚比對下變得粗糙了！但留意魚骨同樣幼細而且不少。 雪菜亦是寧波貨，少鹹但爽脆更合時宜，喝一口奶白色魚湯，一口魚，不愧為當地最代表鹹鮮風味的名菜之一，不過，如能保溫上可以更理想，因為魚湯始終是熱騰騰的窩心。  Domaine Fabien Coche Meursault les Gruyaches 2015 150ml配上白酒，酸度相比剛才的香檳減了，但酒香強了，芬芳果香，少少似菠蘿、檸檬、牛油的混合，餘韻短。  海味麻辣豆腐堂前把豆腐倒進熱鍋，看到沸騰的樣子。 可以說是麻婆豆腐升級版本，因為加了鱘龍魚筋、海蔘及蝦干，吃起來有咬口，添加鮮香，麻辣味香而不霸氣，豆腐非常滑。  紅燜拆骨豬手需要長時間預備，據說燜足四小時，入味後再去骨上檯，然後切成一口份量。 汁濃豐富，豬皮爽彈肥美，非常腍嫩，啖啖膠質，配小饅頭吃。  Lucien le moine nuit Saint George 1er Cru les Vaucrains 2016 75ml這時候奉上2013年的法國紅酒伴肉，酸度略高有助減膩；紅酒順滑濃厚，餘韻略長。 清炒時蔬看似普通，其實選取了最嫩的小棠菜，以高湯餵炒，水份十足，入口滋味，處理得非常好。 山楂雪梨水清甜可口，清洗味蕾。  點心寧波湯圓以桂花清水來煮，桂花清香提升食客對湯圓之味的專注，咬破軟糯滑溜，濃郁的芝麻香氣，吃得出是手功製作，與別不同。  …查看更多