心燒食堂

營業中

休息中

自從朋友介紹過心燒食堂，就一直好想試。點知一打算訂枱，就撞正停晚市，一等就等到而家。停呢樣停嗰樣真係搞死成個飲食業💢💢終於去到喇，氣氛比想像中熱鬧，呢度格局令人有種食緊宵夜既感覺，好啱飲吓酒吹吓水咁過一晚，不過今日唔太舒服冇叫到酒類飲品，否則一定會食住燒烤下酒🥰🥰餐牌滿滿都係字，好多種類既食材，唔同既製法任君選擇。講幾款我個人飛彿啦。甲羅燒必試，平日唔特別好海鮮，但我食完一啖又啖最後連個殼都冇放過😂😂牛肉餅極驚喜。本來只係叫嚟滿足吓肉欲，但成為咗全餐第二最愛。手打肉既質地，餅結實得嚟肉質仍然鮮嫰👍🏻👍🏻👍🏻炒麵係日式大阪燒既味道，但個調味有心思特調過，減走咗平時日式燒汁既甜度，保留咗日式炒麵既風味但口味更加貼近香港人，又冇港式茶記炒粉麵既油膩感👍🏻Mocktail質感細緻，推薦各位一試🔥

同老細(男友)慶生，有別於以往去啲高級fine dinning鋸扒紅酒配靚view，今年試吓去呢度俾啲新鮮感佢😆一坐低老細已經話唔客氣瘋狂點嘢食，由於我都肚餓同想老細盡興，就無節制地叫咗11-12道菜加兩杯嘢飲，諗住唔會太大份啦，點知有啲嚟到個份量又真係好足料喎😂尤其我哋叫咗薑蔥煎蠔、南蠻炸雞、同脆炸自家製牛肉餅，全部都超厚身又juicy又好味，雖然我哋有叫枝豆同燒菠蘿解滯，但老細都要再叫多杯綠茶消滯，細食嘅朋友記得一開始要忍下手唔好叫太多啦。至於個人認為最驚喜係佢哋個涼拌山葵牛脷！本來對呢款菜感覺一般般，結果我係清曬成碟！🙈佢用嘅豉油加山葵，好有食sashimi feel，下酒一流！而老細覺得最驚喜係烤豚肉葡萄卷，成粒提子爆汁而又解咗豚肉嘅肥膩，佢話好似食咗瀨尿牛丸咁，有初戀嘅感覺...😂其他菜式都好食，無一碟令人失望，最後兩個人食到個肚脹爆，埋單又比想像中平喎，不過係以我預算請食生日飯budget嚟去講，平時我哋就真係唔會咁捨得😬唯一一個地方無咁好就係餐廳地方比較細，如果唔係坐近牆邊，中間啲位都係窄同難放袋/褸，如果要我再去嘅話，盡量衣著打扮會輕便一啲。