川舫 (嘉湖新北江商場一期)

今日我同我老友約會tea 1 tea，佢話要食川菜但只想喺天水圍食，幾經辛苦終於揾到呢間<川舫>!雖然話係兩點半左右，但都差唔多坐滿人，環境夠開揚，令人坐得好自在😊🍲老壇酸菜牛肉呢兜老壇酸菜牛肉個湯底望落金黃色，賣相都幾吸引🤩先飲一啖湯，嘩！酸得嚟帶少少辣，越飲越惹味😋忍唔住都叫咗一碗白飯，我哋兩個share食，貪白飯索哂啲湯嘅精華，食到唔停口，令到胃口大增😂牛肉切到每塊都差唔多大細，質感都算嫩滑，唔錯！入面仲有啲酸菜、旺菜同Q麵，兩個人食就啱啱好！🐔經典手撕雞肉質唔算靭，雞皮夠爽口！味道微辣帶少少麻，都算幾滋味！加上花生同炸豆粒夠香脆，我哋兩個一路傾一路食，不知不覺間就食哂！呢碟手撕雞最啱送啤酒🍻一流👍🏻…查看更多

近排好鍾意食川菜...但係天水圍食川菜既地方唔多於是就去左北江尋找川菜 見到樓上樓下既個兩間川菜都好多人 唔想排隊啦甘唯有放棄啦，諗住食樓下d茶記 行過去先知原本個間茶記執左 變左川舫菜館...係食川菜🤤而且員工又好熱情甘叫我地食 好自然就坐低左👍餐廳地方大，無好似樓上坐得甘逼，依度就比較空氣流通 餐牌既食物都好豐富 好似好野味甘，加上太多既選擇都唔知食咩好，而且職員都見我地睇左好耐 於是佢好熱情甘介紹左幾個招牌菜俾我地老壇酸菜牛肉（小辣）黎到枱上 好香聞到d酸味好開胃 第一時間更係要飲下個湯 個湯酸得黎好開胃帶有小辣味，好適合食唔到辣既人，所以小辣係無問題可以食到 裏面除咗有牛肉 重有娃娃菜，薯粉，酸菜 真係要讚一下個牛肉 佢係唔同其他餐廳煮既做法 首先牛肉大大片 每件都大片分量十足 口感爽 啖啖肉質 唔似用生粉醃到好軟既感覺 所以值得讚，保留到牛肉既味道👍👍👍薯粉係索曬個湯既味 好鍾意連d粉都有湯味 所以食唔停口🤩🤩🤩老闆娘重話午餐都係d個份量 真係好大碗喎 而且老闆娘都驚我地會唔會唔夠飽重問要唔要飯手撕雞雞肉嫩滑 小辣都好野味 花生又脆口 唔係軟霖霖既青瓜又爽脆 真係好適合配飯食 辣汁辣辣地食食下嘴都麻手撕包菜炒椰菜一d都唔油，平時食dd川菜一定會滿口油既，但川舫係唔油既 而且椰菜係爽脆老闆娘話d度既口味要配合翻香港人 要健康為主 所以d菜都比較小油食完甘多辣野更係要嘆翻杯凍檸茶 一邊傾計一邊嘆檸茶 爽😊而且都好欣賞老闆娘因為佢都好熱情會問下客人既意見👍👍👍…查看更多