，而且，咪以為佢哋全部都失聰，有部份只喺弱聽，所以，有啲店員都可以溝通到，此外，佢哋個個都殷勤有禮，可謂「無聲勝有聲」 
。仲有，餐牌內都有少少手語「教學」，三幾個手勢，簡單易學，非常有趣。而每款餸菜都圖文並茂，部份菜式更註明所用食材，認真貼心。數一數，有多達70款菜式，一啲都唔少選擇。就算喺做素菜，都唔會太過因襲陳舊，好似部份菜名：「攬頭攬髻」、「千與千層」、「老友鬼鬼」、「阿茂整餅」、「夠薑蕃薯糕」等等 
，都顯得不落俗套。更重要喺店家有5大堅持：少鹽、少糖、少油、無味精、無製成食材 。如一般酒樓，會收茶錢$10位，亦有加一服務費，不過，由於餐廳都有其他嘢飲供應，如咖啡、奶茶，養生飲品、黑麥汁……等等，如惠顧一款，可減收一位茶錢 
。 
雪耳南瓜羹 $78 
個南瓜羹幾得喎，幾滑溜之餘，好香濃嘅南瓜味，內有有少少金菇碎同雪耳碎，添幾分咬口，而且，一窩都幾多，足足分到7大碗。 老友鬼鬼 $88 以個砵仔上枱，賣相仿照焗魚腸，幾可以假亂真。當然，依個素菜版無魚腸，但加入咗油炸鬼、鮮腐竹、粉絲，內裡口感滑滑綿綿，但稍為有少少過濕，蛋面亦有少少脆，整體不俗。 椒鹽琵琶豆腐 $68 依家啲琵琶豆腐都好少見到真喺做到有個琵琶形，都喺搓成球就算。琵琶豆腐入口香脆，裡面非常軟滑，椒鹽味下重啲就仲惹味。 鐵板黑椒紫菜卷 $78 又喺另一道惹味嘅菜式，皆因加咗好多黑椒去炒，以鐵板上，食到尾嗰件都仲咁熱。主角以鮮腐竹捲住紫菜做成，煙韌有咬口，鮮腐竹好濃豆香，而配菜豐富，有好多款蔬菜，至「有營」 
。 咕嚕惹味球 $78 點講都好，始終喺素菜，都少少怕細佬妹食唔慣，所以，揀多道又喺以惹味行先嘅菜式。猴頭菇扮排骨，外觀OK喎，當然食落口感較煙韌而非肉感，味道酸香開胃，又多蔬菜配料，個人而言，只喺嫌個茨汁打得太厚 
。 原籠蟲草花淮山雜菌糙米飯 $68 料多就無庸置疑，飯面鋪滿蟲草花、淮山粒及雜菌，雖然喺咁，但依道籠仔蒸飯味道偏為清淡，只喺飯粒有少少荷香，而且，話雖糙米飯，但飯內只喺加入少許紅米，可能擔心有啲人食唔慣糙米。甜品有熱有凍，前煮喺生磨合桃露，而後者喺布甸及一啲中式糕點，又即管點少少試試。 香芒冰凍布甸 $18個布甸質素不過不失，其實個口感有啲似啫喱，唔夠軟滑，但勝在落咗唔少芒果。 夠薑蕃薯糕、香滑芝麻糕 $18 / 任選兩件件蕃薯糕好夠薑味，但蕃薯味就欠奉，至於芝麻糕就好香芝麻味，可惜，兩件糕嘅口感就一般般，入口比較死實。本來原意喺帶啲屋企人試吓健康嘅素菜，又可以撐吓啲社企，不過，似乎細佬妹就唔太欣賞啲素菜，只好下次食番啲大魚大肉補番數，哈哈 
！…查看更多
