霸嗎拉麵

前排經過尖沙咀, 友人已經話想食, 但岩岩食飽都係留下次啦. 點知見OPENRICE上埋榜, 唔食點得丫. 今次去開銅鑼灣即約友人食呢間廣島霸嗎拉麵.排隊20分鐘就入座都接受到啦, 有梳化位幾舒服, 枱上放齊黑椒, 辛辣粉, 餃子醬油等等調味料.先飲啖凍水再研究一下餐牌.拉麵分豚骨湯底和雞白湯底, 更有兒童餐細份量唔浪費, 仲有玩具附送好貼心.還有幾款口味的餃子及炸雞. 不喜拉麵的話更有飯類滿足你.我同友人當然揀拉麵, 而且每人叫一款, 可以交換試少少, 再點多個餃子睇睇大廚功力, 最後點可以少左雪糕作甜品.羽根燒餃子 $35, 煎得金黃色好靚, 粒粒餃子大細適中.餃子煎得好香脆, 另一面是皮薄餡多帶濕潤既餃子, 一次食到香口脆皮加軟潤餃子.沾少少醬油已經好好食.炙燒豚肉味玉拉麵 $88, 友人既拉麵湯底好濃郁豬骨味, 個湯唔算好油, 食完唔膩.最吸引我既係炙燒豚肉, 五花肉厚身, 經過炙燒後, 油脂溶化開, 又香又有油潤感.雞叉燒味玉雞白湯拉麵 $88雞白湯好清, 比豬骨湯清淡少少, 但雞味也濃郁, 個湯底比較鮮甜甘香.麵質是幼麵, 熱食拉麵我一般選硬身點, 因為唔怕湯底浸軟麵條.拉麵好有彈性, 爽口不膩帶點咬口.我同友人都好鍾意雞叉燒, 因為超厚身, 好少見甘厚啖啖肉既叉燒, 其實用厚身雞肉卷成的雞叉燒.雞肉好嫩滑柔軟而不失彈性. 好完美既雞肉. 外層微微煎過更添香味.味玉夠哂入味, 不過軟心不理想, 可以更滑更軟. 蛋黃甘香濃郁好好味.事日不夠飽, 黎個甜品先完滿. 每人叫左一款口味.嘩, 好精緻, 用日式淺木色餐具裝著雪糕, 好有日本感覺, 好靚好吸引.日本芝麻雪糕 $28, 芝麻味比較香而且特別濃郁, 但雪糕溶得好快, 中間位置有少少冰感.頗滑身, 芝麻控可以一試.日本抹茶雪糕 $28, 本人是抹茶控, 所有抹茶由我負責....食.抹茶味頗濃, 不會過甜, 微甘帶茶香. 雪糕上有好多茶葉碎. 伴紅豆食也不膩. 不過奶味都好重, 而且溶得快.拉麵經常食到豬骨湯底, 難得有雞白湯, 所以會先選擇雞白湯拉麵. 而且比起豬骨湯底更鮮甜.…查看更多

去左銅鑼灣辦完公事，屋企又無飯開，一個人愁緊食乜好之際，見到霸媽拉面竟然吾多人排隊(之前一直想試，但係每次都見到勁多人排隊之後就放棄左)，一於去試下啦， 好好彩十分鐘左右就入得。菜單上款式吾算多， 拉面湯底主要分豚骨湯及雞白湯， 而且菜單大大本，圖文並茂，好快就有心頭好。點菜紙上可以選擇拉面的軟硬度， 仲可以選擇少油，少蔥同走蔥，十分甜心。今日出完差特別肚餓，所以叫左一碗"特盛炙燒豚肉拉面" ， 食拉面吾知點解一定要配餃子，所以追加左一份" 羽根燒餃子"。特盛炙燒豚肉拉面 $118拉面的觀感十足，一上枱已經見到4大塊重量級豚肉，而且每塊肉都有明顯炙燒過的痕跡， 另外豚骨湯的濃烈香味撲鼻而來， 真係見到已經流晒口水。急不及待先試豚肉， 每塊豚肉都係厚切， 肉同脂肪比例均衡， 外表燒得岩岩好至香口感覺， 食落去肉質夠腍， 豚肉香味濃烈，真係忍吾住一口氣將整塊豚肉放晒入口。至於豚骨湯底夠濃，但又吾會太咸，另外可能揀"少油"的關係， 飲落真係吾會有油膩感覺。最後拉面很滑， 即使"相機食先"都吾會面身給腍同發脹， 相信一定係佢的自家制拉面優勝之處。羽根燒餃子 $35餃子亦做得相當出色，外皮皮薄及香脆， 肉餡相當豐富而且仲有肉汁，相當吾錯。總結: 豚肉拉面十分出色，有機會會試埋雞叉澆同雞白湯~~…查看更多

今日試左呢間黎自廣島的拉麵店, 等左大概10分鐘就入到去, 呢度同日本一樣都有提供冰水比客人, 先清一清味蕾再食。不過因為店子小, 位同位之間距離好近, 所以有點焗束既感覺。同埋好肚餓既關係, 時次點左特盛炙燒豚肉拉麵, 呢度既湯底十分濃郁, 濃厚既豬骨湯, 而呢個特盛拉麵比其他正常既拉麵多左一倍既豚肉, 但食到一半已經覺得超膩, 所以都係建議點返正常既份量。亦叫左一客羽根燒餃子, 佢係即叫即煎的, 所以食既時候亦要小心熱, 而餃子皮薄餡靚, 咬上去仲keep到肉汁, 唔會好乾。…查看更多

銅鑼灣諗唔到食咩, 走入去試, 裝修唔錯,保持日本拉面店風格, 點菜係最親切的車仔面紙 最終叫了一個特盛豚肉拉面, 加支波子汽水(懷念下小時侯先) 個拉面超多肉, 而且厚厚的, 先試個湯, 香濃,唔會過咸, 唔錯, 個豚肉超好食, 口感一流, 一層肥肉夾在中間不太厚,太毒了, 肉質鬆軟, 外面有點煎香了, 咬一口唔會好多油流落D湯, 太吸引, 心想好彩叫了特盛, 有多幾塊, 拉面面質滑流, 有點蛋味, 唔黏牙。 最後見到隔離位個餃子蠻吸引, 追加了一碟, 咬落有點肉汁流出, 煎得香脆唔太油,好食, 但食埋有點飽,好滿足。 …查看更多

今天與友人在登龍街搵食, 見副呢間門面裝修好日本風格, 就試試。店員推介猪骨湯底, 來自廣島,另豚肉是入口即溶的。我毫不猶豫就點左“炙燒豚肉海苔味玉拉麵”$98, 好大塊紫菜在碗面, 豚肉有少少肥膏, 咬落去真係即溶, 肉質好滑, 好入味! 湯底唔錯, 唔會太濃而over左猪骨湯底味。“羽根燒餃子”$35, 有塊大大的脆脆黏住5粒餃子, 好得意。餃子餡足料, 有肉汁, 皮唔會太薄, 咬落唔會散晒。…查看更多

內子帶了家中毛孩出來梳洗，所以可以乘機試拉麵店。我倆原定選了兩碗拉麵加一個餃子，但因為店舖剛因煮湯問題延遲了上菜時間，所以便多送了一客枝豆給我們，真「好彩」。餃子較油，底部刻意連著煎粉脆邊，不為美味，只為新鮮感。餃子大隻，啖啖肉，很抵食。筆者揀的豚肉拉麵，整體來說較鹹，豚肉湯不夠香(或者不是我愛的味道)，麵質選了適中軟硬，算是合我心意的質地，豚肉整塊下湯，厚大、好趙口，肉質味道滿意。內子的雞叉燒拉麵，雞湯就相對較吸引，雞叉燒香口、嫩滑，比想像中好吃，有機會會再來點一個。…查看更多

想食拉麵當然要黎時代廣場對面既拉麵街，最後有好多日本開過黎既海外日本拉麵店，而香港人最愛豚骨拉麵，所以今日要試試呢間一開鋪時排曬長龍既Bari Uma.為左避開人潮，特意夜晚6點黎食，幸運地店內只係6成滿，而侍應都好主動地帶位，又問我地需要暖水定凍水，好多時響日本食拉麵只有冰水供應，但香港今日既天氣寒冷，店家有暖水提供實屬貼心。看過餐牌，最後點了:<<特盛炙燒豚肉拉麵 $118>>真心正豚肉係五花腩肉一層瘦一層肥,咬落好鬆軟,豚肉好入味。選擇了普通硬度既拉麵，咬落彈牙，而追加既溏心蛋有香濃既蛋味，中間晶瑩，確實難得。湯底有好濃郁既豚骨味，質感杰身，不過食到最後會覺得有d肥膩。羽根燒餃子 $35餃子一客5件，被一層薄薄既脆片連在一起。沾一沾餃子汁，餃子底部香脆，最鐘意呢種日式餃子，餡料份量恰到好處，豬肉味道濃郁而不失菜既甜味，值得一試。辣汁唐揚炸雞 $38炸雞一客5件只是$38，好抵食。炸雞上佈有一層薄薄既辣汁，而雞件炸得金黃脆身，唔會有好油膩既感覺，未食已經知難食極有限。 最後果然無令我失望，香脆既炸雞包住肉質嫩滑既雞肉，辣汁惹味而不會太辣 （平時食開譚仔中辣），如果食拉麵覺得悶悶地不妨點一點炸雞過下口癮。朋友點的雞叉燒味玉雞白湯拉麵 $88飲左一啖湯，味道清純，比豚骨湯底清淡，好適合唔鐘意重口味既朋友。雞肉看似普通，但出奇地嫩滑而唔會太林，咬落有彈性，值得一讚…查看更多

位處銅鑼灣“新食街“，這裏多了很多食肆，店舖裝修十分日式，感覺舒服又不算迫挾，我們倆中午避過寫字樓食飯時間，不用等位。剛好有季節限定推薦，生薑野菜豚骨拉麵，薑味濃郁，麵軟硬剛好，下單時都有得選擇硬度，灸燒义燒豬肉，稍稍肥了少許，薑味，其實非太濃烈，配菜很多，亦十分好味道，感覺師傅製作認真。豬骨豚肉， 不知是心理作用，還是什麼，總覺得香港和日本比較，日本食好味好多，但這次豬骨湯底濃厚，麵亦煮得剛好，麵軟硬剛好，有得選擇硬度，灸燒豬肉，稍肥了少許。而且客人落單時可以選擇，等等。忘記拍照 唐揚炸雞，但炸雞麻麻，非我們喜歡類型。總括湯麵，餃子值得推介。餃子一讚，外層煎得好卜卜脆，食落餃子內仍然有肉汁，非常美味。…查看更多

無論是樓上店還是地店，近年來愈來愈多拉麵店開設在登龍街，在網上看到廣島霸嗎拉麵的人氣算是數一數二，想必有其吸引之力，於是決定一試看看其拉麵致勝之處。.設在地面店，其地位理置已有優勝，在遠處已看到充滿日本風味的設計。.門口就是廚師煮拉麵的地方，半透明的看到內裏的情況，感覺挺乾淨的。.再走進去就是座位，有拉麵店一貫的長桌椅，一個人一碗的吃，也有四人桌椅，方便三五知己一邊吃拉麵一邊聊天。.餐牌圖文並荗，很方便。 看到餐牌才知道餐廳還有拉麵以外的食物。.看到餐牌，發現有一個冬季限定的生薑野菜豚骨拉麵，這個拉麵在這些天氣出現得合時，想也不用想就決定吃這個。在豬骨湯裏加薑，也算是第一次，薑味突出，所以相對地豬骨味比較輕，但兩者味道配起來是意外的配合，而且很適合喜歡味道不太濃的朋友。麵條方面選了普通硬度，但這個按自己個人口味吧，而我自己比較喜歡這種有口感得來又不會太硬的麵。這個拉麵有很多蔬菜，包括芽菜、紅蘿蔔絲、雲耳絲等，感覺很健康！叉燒是半肥瘦，所以未算很嫩滑但亦很腍易咬開，但同時好有咬感，而且很入味，不錯！另外加了溏心蛋與拉麵一併送上，是全隻上，所以可以慢慢吃也不會怕流走半溶蛋黃，內裏是非常流心，一隻做得很好的溏心蛋。整個拉麵很合我口味！.朋友點的是灸燒豚肉海苔味玉拉麵，跟生薑野菜豚骨拉麵不一樣的是這個有齊了所有基本配料，包括叉燒、紫菜、溏心蛋等，很划算。從朋友的拉麵試了幾口，豚骨湯底是招牌的那個，比薑豚骨湯濃味，而朋友點的是較硬的拉麵，比想像中好，比想像中有咬口但又不難咬開，不錯！其他配料跟我吃的薑拉麵差不多，都是很好吃的。.再點兩個小食，先點一個羽根燒餃子，一客六隻，其中一面煎得香脆但不膩，肉饀加了一點菜，不錯。.因為拉麵都選了豚肉，所以串燒選了雞脾肉。雞脾肉串燒燒得香口入味，肉質嫩滑，很惹味。.吃到暖笠笠，就會忍不住想要點雪糕來吃，哈哈，而抹茶控選了日本抹茶雪糕。用竹筒送上，很特別，感覺像是竹筒豆腐花；抹茶味尚算突出，配以上面的紅豆，兩者是perfect match；上面的紅豆煮得腍但又不會爛，甜度剛剛好；整杯很好吃！.無論是拉麵還是其他小食甜品，這間拉麵店都做得出色，難怪可以在眾多拉麵店之中突圍而出，吸引那麼多人來嘗一嘗！…查看更多

銅鑼灣登龍街不知不覺成為了拉麵街，很多日本過江龍也選擇在此開店。今天終於有機會試試這家來自廣島的拉麵店~比起常吃的豬骨湯底，這裏強調了醬油。就來試試有何不同吧~除了常吃的拉麵、餃子，這裏還有飯吃。但來到拉麵店，又怎能不試拉麵？先來枝啤酒解解渴，有「佬」，但就是喜歡 XD把餃子放在一塊薄薄的脆脆上煎再upside down擺碟，賣相的確有趣。薄脆很香口，與嫩嫩的餃子一起吃，口感不錯。但餃子不太juicy，味道也不見突出。OMG...現在回想起才發現他們没給我溏心蛋，而且還不知為何收了$90...haha...太遲發現了吧 XD 還是說了食物~雞叉燒煎得香口，肉質嫩滑、軟熟。湯底清甜，適合不愛太重口味的朋友。 但麵質不太彈牙，有待改善。 特盛果然是特盛，一端出來視覺已大滿足！加了$12 紫菜，是3塊大得可以包手卷的size. 建議2-3人吃才加，1人吃3塊大紫菜有點難度呢。XD豚肉與脂肪七三比例，超厚身。脂肪部份燒得很香脆，加上軟熟的肉質，口感＋味道大滿足！我這麼粒星大部分都是因這豚肉而俾的~ 一個人KO 4塊，不是難事。湯底很濃稠，但喝下去味道適中，濃中帶醬油鮮味，不會過咸。惟油多了點，建議選擇少油應會更好。…查看更多

晚上九時許，拉麵仍有人在門外排隊，朋友說有人排隊=信心保証，一於試試它吧! 我們排了10分鐘左右被安排入座。坐位正正對著半開放式廚房，這裡的員工每人頭帶不同顏色的頭巾，但椅子太矮不能清楚地看到廚子們的一舉一動。看完Menu後自助點餐，於落單紙上選擇好款式、麵條軟硬度、配菜等就可交給店員。落單紙有齊中、英、日3種語言選擇，很貼心啊!交單不足5分鐘，餃子便送到面前，餃子是黏著一層薄薄的麵粉煎，煎到脆身後一起反轉上碟。感覺專業。餃子煎到有點脆口把肉汁鎖住，菜跟肉比例適中，而且餃子皮薄薄的帶點煙韌，好吃。拿碟子倒醬油時發現最頂頂的碟是不供使用，要用下1隻，避免碟子封塵，值得一讚! 略嫌餃子送到時溫度不夠熱，我想是太多客人點這些基本小食，廚房不停地煎所引致。估不到1客餃子已令我們感到驚喜~接著來的是唐揚炸雞，炸雞剛剛炸好很熱很脆口，雞肉嫩滑但味道偏淡，朋友很喜歡說炸雞很香口，應該配杯啤酒同吃。拉麵等待時間較長，廚房忙過不停地為客人準備食物。我點了灸燒豚肉海苔味玉拉麵，店員細心地詢問糖心蛋要開半還是原隻上，拉麵終於到了! 海苔足足有3大塊，質地厚身。湯底濃稠味道濃郁而不會太鹹。有點失望是嘗不到豚骨的香氣。麵是自家製的，軟硬度跟粗幼度適中。灸燒豚肉上放有小小的豆瓣醬，辣辣的蒜味很重很香，正! 豚肉肥美柔軟，有豚肉香味，若果脂肪比例細一點會更好。朋友點了生姜野菜豚骨拉麵HK$90，這款是期間限定款式。野菜很多，以爽口芽菜為主。將薑蓉慢慢拌勻，薑味出而不辣，幾特別。薑味亦中和了拉麵的油膩減。拉麵濃但沒有令喉嚨渴喉，以為拉麵會越吃越膩吃不完，出奇地沒有，整碗拉麵給我KO了! Haha~是因為選了少油嗎?整體上對各款食物均感滿意，當中以餃子最為出眾，良好的服務態度及貼心度亦令人難忘。 …查看更多

銅鑼灣登龍街，作為一條拉麵街，當然要入去最靚個間試下拉麵本來以為咁多人排隊，呢間拉麵實冇食，點知行近d睇，原來d人係等緊小巴入赤柱。不過唔緊要啦，橫掂都黎左，就食呢間一入門口見到左手邊有個玻璃窗，可以睇到師傅即場打麵，確保全部手打又新鮮cashier就係門口對住，細細個。基本上成間店都好細細間，不過拉麵店就係要細細地逼逼地咁先溫暖架嘛坐低有2杯水，不過想再飲就要自己去倒啦好肚餓！食返個拉麵先，呢度有兩種湯底，就各一啦全場最貴既一碗拉麵，湯底係濃厚豚骨湯，果然係非常濃厚貴在叉燒份量多左倍，脂肪比例較高，所以食落一啲都唔會覺得硬，而且好入味一般硬度既麵，已經比其他拉麵店稍硬，非常好用上雞白湯底，雞湯味唔算非常突出，比豚骨湯稍遜。2隻雞鎚賣相同味道相符，醬汁味濃。味玉流心度足，但蛋黃只做到半隻溏心，就係爭個幾秒食拉麵店好似點都要叫個餃子黎食下先得，而且呢度既餃子好抵食好有趣，上枱係有張野痴住點上特製餃子汁，熱辣辣咬開皮薄夠韌唔易穿，入面好多菜食到飽飽，快d叫埋個2個雪糕上先日本綠茶雪糕完全比唔上呢個芝麻味。平時唔食芝麻既都覺得，真係好香滑，芝麻味好突出，但覺得配白玉會岩過配紅豆。綠茶個隻就太淡啦，唔多食到有綠茶味咁…查看更多

一間裝潢充滿日本氣氛，想很久吃的拉麵店就在公司不遠處。午飯時間便到此一遊博一博運氣。碰巧人不多，一入座便有位。叫了一碗炙燒豚肉海苔味玉拉麵，午餐原來可以加配$12的羽根燒餃子，貪吃的我當然會點。一上桌看到拉麵插著四大塊紫菜真是很驚喜。厚厚一塊燒得半焦的豚肉置在麵上，肥膏佔大半，伴以幾滴紅油，油香十足。半熟蛋一顆，荀絲和蔥粒毫不吝嗇。半熟蛋不會過於調味，流心效果出眾。湯底濃郁，偏杰質感，骨膠原感重，吃過後嘴黏黏的。一貫拉麵湯底的風格，偏鹹。但其濃杰度十分令我滿意。羽根燒餃子特別之處為五顆餃子煎在一起並伴以半焦的薄脆底部使所有餃子都能黏在一起。餃子味道不算很特別，但勝在質感真的夠脆。醋為自助形式，點過後更為惹味。最後朋友還點了個甜點。芝麻雪榚伴紅豆。紅豆大大顆可是質感偏硬。是雪冰了還是品種是硬的？整體最令我回味的便是拉麵的濃杰感。以後吃拉麵又多一個選擇了。…查看更多

日本人愛吃拉麵，大城市皆有拉麵街，眾店家渾身解數，自有袓存祕方，家家湯頭有別，配料選材及製法不一，個性獨特，市場承受得起，各有捧場客。香港人何嚐不愛拉麵，旅遊期間少不免走訪拉麵街，大餐一頓而後快，過江龍自然察覺商機，近年在港開設分店者愈來愈多，不知不覺，有心無意，還是有心有力，大家開始聚在銅鑼灣的登龍街，短短的一條，本來寧靜的三、四線食街，現在已經有五家日本拉麵店，進昇二線食街。 Bari-uma 廣島霸嗎拉麵原來五個月前已經進跓，翻查資料，來者有實力，於廣島有百家分店，自命最強濃厚豬骨湯，信心十足。Bari-uma 廣島霸嗎的店，門面比同街其他店的闊，座位比其他的多，似乎沒有刻意以排隊為賣點，我們周六晚上九點方到，大部分拉麵店皆已無排隊之需要，所以不知道繁忙時段的情況如何！木門牌、紅燈籠、紅色標語垂簾及直條紋的木窗，格局鮮明觸目，路過見到，不可能猜不到是一家日本拉麵店。大門封蔽的拉麵店，拉開門後卻又另一番景象，左方開放式製麵工場，標榜自家打製麵條，一位穿著制服的師傅忙著幹，製成品亦儲存了不少；見到麵條幼細，新鮮討好。旁邊是開放式廚房，掛上紅色垂簾，寫上"最強""醬油"之標語，見左下方，放了只日本商店的不可缺的招財貓；兩位員工專門在灼麵及準備配料，拉麵就在此出菜。 轉身向右走，就是人客用膳之大廳，以日本字寫的標語更多，漢字的"濃厚" "極限"等等，我們看得明，應該都是在強調這拉麵店的湯頭如何美味。拉麵店的傳統間格，空間不多的座位，長枱及小方桌皆有，我們選擇坐在拉麵店風格的長桌，每兩個客位面前放了調味料及用具。 餃子汁、蒜粉及一味辣粉，小碟、紙巾及點菜紙張，但是沒有供應漬物類的免費配菜；亦無配以開水自行取用，需要服務員替客人添加；但後來又見對面桌有一壺水。有彩色圖文並茂的餐牌，原來除了拉麵外，有很多其他小吃的選擇，例如餃子、炸雞、素菜、雪糕、飲料，竟然飯類亦有；跟專業只做麵的鄰居不同，怪不得店子要大些。 本意未忘，怎可放過這個最強、濃厚的醬油湯麵呢？看圖，最吸睛就是片炙燒五花腩肉，肥美焦香的樣子，別於一般日本叉燒；而那一棵半熟玉子，同樣吸引。 估計日文是這樣介紹的，湯頭由是豚骨、雞及蔬菜長時間熬成，自命濃厚香醇，建議客人一滴不留；玉子選材新鮮雞蛋，煮至半熟狀態，醃漬一晚，所以特別有彈性。哈哈！該錯不了多少！ 如其他拉麵店，我們可以在點心紙上點菜，拉麵湯底主要分為濃厚豚骨或白雞湯兩款，繼而有辛辣或不辣之選，再加上配料之別，變成十一款；拉麵可選軟中硬度，亦可少油、少蔥及走蔥，更可加錢添配菜，務求迎合客人的個人喜好。炙燒豚肉海苔味玉子拉麵 多付$10就是多加了這三大片紫菜，三角形狀，插在湯麵上，高大威猛的造型比豚肉更搶眼，但看真些，肥胖的炙燒五層肉始終最令人垂涎，豚肉上更有一綴觸目的紅辣醬。先喝一口湯，濃郁醬油香，隱約的層次，豬骨高湯以外，似乎亦混了雞、蔬菜及特色醬油，因此，顏色亦是深褐中泛紅，別於其他豬骨湯的褐色或奶白，但紅紅的湯頭並不辛辣，泛油光的湯水喝下不過膩，回甘盡是豐富的醬油香味，味道無過鹹。夾起豚肉仔細看看，瘦身男女敬而遠之，連皮的五層肉百分之五十是脂肪，肥瘦肉相間，炙燒厚切，滿載脂香及焦香，入口鬆軟香嫩，肥肉入口即融，瘦肉保持嚼勁，完美比例的五花腩肉；一大片的份量剛好，多一片的話，相信女生吃不消。 原只溏心蛋，一分為二後，見到的半凝流心狀，確是最佳狀態，不只蛋黃，就是近蛋黃的若干蛋白，同樣是半凝流心，蛋汁並無流水，烹煮準繩，入口軟滑香濃，郁漿口內翻騰，人間美食，我永遠的至愛！取一綴麵，是長而幼的小麥麵條，我選了硬的軟道，同樣非常掛湯，口感彈牙濕潤入味。如果是跟我一樣，喜歡中等軟硬度但又喜歡相機先吃的朋友，我建議選硬身的麵條，因為麵會浸在湯內長些時間呀！其他材料有青蔥及荀，我就追加粟米粒，多些素菜分擔醬油的香濃，不浪費湯汁。但這個湯，我未能完全喝完，始終醬油底有些膩，回甘是醬油香而非豚骨之味。羽根燒餃子 餃子翻轉上枱，底部被一塊薄片連結在一起，這好像是名為水煎的做法，薄片非常酥脆超薄，機乎透光，輕輕一碰便斷。餃子水準中規中矩，傳統餡料是豬肉及蔬菜，調味恰當，皮薄饀料足。過江龍 ，水準不俗，相信炙燒豚肉配濃郁醬油湯頭，稍為重口味點，就是她的個性，日本始終是個寒冷國家，需要多些油份保暖，身在大部分時間皆炎熱的香港，偶爾嚐之，非常惹味，多吃就太膩。服務迅速，環境企理，值得一試。…查看更多

以前返工都有去登龍街搵食，但當時並未開禁多餐廳，一年光景，登龍街竟然變成一條食街，開滿唔同風格食肆。 同一條街開左幾間拉麵店，間間都派左條人龍出黎，行過Bari-Uma見到名字幾特別，人龍又好似短啲，於是決定一試。（入去無耐條龍極速增長，肯定係我旺丁）入口側面見到一個個麵餅整齊排列，店內大大隻字寫住最強醬油湯，感覺特別又印象強烈。 落單容易，另外有圖menu簡約清晰。檯頭有蒜粉、黑胡椒、辣粉同餃子汁等調味料。炙燒豚肉海苔玉子拉麵 豚肉厚切，外表焦香，未上俾客人時一大舊用燈照住，確保送到客人面前都仲係熱。肉質淋到好似煲左好耐既豬軟骨咁，脂肪分佈平均，食落甘香滋味。湯底醬油味好出，連雞湯都有好香既醬油味，形成強烈自家味道。湯由豬骨、雞殻、蔬菜等煲出濃厚豐富既香味，配上掛湯能力強既拉麵可以話係如虎添翼。店家對麵既硬度控制都有一手，硬同普通食得出有清晰分別，滿足到我既需求。 蛋煮到蛋黃少少熟，有流心效果。 女朋友既雞拉麵，湯底輕身啲，多左份雞油香味，鮮味更強。 餃子煎既時間落左層薄漿，上碟時有層脆脆跟住，唔厚所以好易咬開，餃子本身皮薄，餡料飽滿，味道一流。炸雞外層蘇香，肉嫩多汁，配上蔥花入口味美肉香。最後點左個芝麻雪糕作結。味道唔走甜到漏方向，芝麻香十足，仲食到芝麻粗粒，好有texture，加埋紅豆一甜一香非常配合。 …查看更多