但馬屋 (創紀之城五期(apm))

日本過江龍人氣shabu shabu 「但馬屋」新推出的夏祭限定蕃茄壽喜燒鍋，今次去到觀塘創紀之城分店，卡位座位寬敞，坐得舒服，加上枱面又夠大，可以放到大量食物，打邊爐自助配料區潔淨又衛生，放題套餐就選了日本中北海道夢之大地豚放題套餐。晚餐成人價錢$299一位，小童$149，瘋狂任食90分鐘，點選了新推出的夏祭限定蕃茄壽喜燒鍋及美肌鍋shabu shabu。點完餐後，店員就送上材料豐富的壽喜燒鍋，鍋內鋪上蕃茄、冬瓜、蟹味菇、蓮藕、洋蔥和秋葵，首先將各種野菜煮香，然後加入肉類，最後倒入加了切碎番茄的秘製壽喜燒汁，將材料煮到完全入味。清新酸甜的番茄配上鹹鹹地、甜甜地的秘製壽喜燒醬汁，味道特別，酸酸甜甜非常開胃，適合夏天。番茄的果酸可以分解油脂，為傳統的壽喜燒食法帶來味蕾新衝擊。美肌鍋shabu shabu美肌鍋真材實料以雞肉熬煮出來，猶如喝下一碗滿滿的膠原蛋白，滋補養顏，食完少女心立即大噴發。北海道夢之大地豚套餐提供來自北海道夢之大地豚，色澤光鮮紅潤，肉質鮮嫩富彈性，入口柔軟嫩滑，肥瘦比例適中，味道鮮甜。澳洲產長期穀飼牛色澤嫩紅，油花分佈均勻，牛肉肉質細嫩富彈性，牛味濃郁，就算不小心放在鍋內過久，也不會令牛肉變得過韌。除此，套餐肉類還包括左嚴選牛肉和丹麥皇冠豚肉，四款靚肉可以任點任食。自助區既選擇包括有：番茄、生菜、洋蔥、冬瓜菇、油麥菜、南瓜、娃娃菜、羽衣甘藍、心內美蘿蔔、蟹味菇、木耳、豆腐卜、芋頭、蓮藕、豆苗、紫莧菜等；而丸類方面包括有：香菇貢丸、愛心魚板、魚豆腐、墨魚丸、白魚蛋、脆皮腸等，仲有即食麵、拉麵、烏冬。飲品有蘋果汁、玄米茶、綠茶和飲品凍櫃有十多款罐裝飲品。大量調味醬料，例如18禁辣醬、山椒七味粉、自家製炒辣菜脯、炸蒜、烤花生碎、冰青金桔、三重香蔥、蒜蓉、芫茜和雙色小辣椒、韓式辣醬油、特調柑橘醋、甘甜橘子醬油、自家製濃香味噌芝麻醬和特製利尻昆布醬油，配菜醬料可以任食任拎，超級多選擇。甜品方面，Häagen-DazsTM與Pierre Hermé聯乘推出的馬卡龍雪糕系列，三款口味包括士多啤梨紅桑子馬卡龍雪糕、雙重朱古力馬卡龍雪糕和柚子檸檬 馬卡龍雪糕。另外但馬屋仲推出了「千本引 」拉繩小遊戲，憑眼力選定獎品，拉出繩索，有零食、玩具、餐飲優優券等獎品，一次過滿足晒三個願望。夏祭限定蕃茄壽喜燒 2023年7月12日-8月31日…查看更多

今晚去咗觀塘APM商場4樓嘅「但馬屋」食放題，為咗唔想等太耐位，所以未夠6:00PM，已經到咗餐廳，用餐時間(依入坐時間計) 90分鐘這間放題提供一人一鍋，有5款湯底供客人選擇，我今次揀咗「美肌鍋」；放題則揀咗「澳洲產長期穀飼牛放題套餐 $199」，任食肉類有以下3款1️⃣ 澳洲產長期穀飼牛2️⃣ 嚴選牛肉3️⃣ 丹麥皇冠豚肉另外，火鍋配料及Häagen-Dazs雪糕可於自助吧自取任食總結：一人一鍋的確係一個賣點，讓食客可以放心享用美食，又可以揀自己鍾意嘅湯底價格💰：每位平均 $219 ($199 + 服務費$19.9)味道😋：OK…查看更多

之前同朋友食過，又適逢母親節及生日，決定同媽咪encore但馬屋二人世界一下。由於上次要等近一個鐘既經歷，所以今次一早就book定枱。一去到好快就坐落枱喇～其實張枱⋯⋯真係偏細下，不過個鋪面都唔大，都理解既⋯⋯⋯～本身俾媽咪揀食咩既，點知媽子竟然同我講佢唔識揀╮(￣▽￣"")╭其實邊係吖，佢係見我最近冇返工心疼我銀包啫～咁錫仔囡既媽咪，試問點可以唔孝順下佢呢？很豪氣的叫佢係餐牌度任選，不用擔心錢的事。最後媽咪點左黑毛和牛的餐，佢食美肌鍋、而我食甘露鍋。好快店員就送到兩個鍋同肉了～啲肉真係好好食，入口即溶母親的美肌鍋本身有點材料，看來不錯。牛肉焯兩下就食得，配埋佢地店提供既芝麻醬/日式醬汁去食，確係正斗！至於我點的甘露鍋⋯嗯⋯上來的時後只有湯，相比之下沒那麼吸引，但係黎食火鍋嘛！湯底冇材料又如何？自己加落去咪得囉～！而且我覺得甘露鍋因為本身已經係醬油湯底，湯底的味道都已經透過加熱食材的同時滲入食物內，所以不用怎麼加其他醬汁就能品嚐到當中的味道但馬屋對我來說之所以吸引我，係在於佢店內有些不是特別常見的蔬菜火鍋料供客人選擇，例如係有超級食材之名的羽衣甘藍、秋葵等前者有抗氧化作用、後者的黏液有調節血糖降血脂減肥的功效仲有滋肺補腎、護肝既蟲草花雖然有人話打邊爐狂食菜等於飲油，但係其實只要自己飛走啲油、同埋個湯底（當然，個別湯底除外）本身又冇油係度，又何來飲油之說呢？麻醬附近果啲白色肉係魚肉黎，好正我唔識食魚既人都食得津津有味，大口大口吃都不怕魚骨圓形果個入面有芝士，好正打完邊爐，係時候食埋我既最愛雪糕了今日的有藍莓、抹茶、雲呢嗱同另一個唔記得咩味（去既俾人食晒，似乎冇refill)抹茶好味，唔會太甜，而藍莓入面有埋啲藍莓肉，都ok la👍🏻今次呢餐同媽咪都食到好滿足，有機會（等細佬返工後）會再來吃（去坑佢一筆）…查看更多

但馬屋打邊爐月頭天氣都凍凍地，同左朋友去觀塘APM但馬屋打邊爐，但馬屋係日式邊爐嚟嘅，一人一鍋。本身諗住揀$179，嚴選牛肉放題套餐，但係話賣晒所以就揀咗$199，澳洲產長期穀飼牛放題套餐。我揀咗美肌鍋，朋友揀咗藥膳麻辣鍋。美肌喎清清淡淡，藥膳麻辣鍋完全冇乜藥膳味，小小辣。火鍋料唔算多亦都唔係叫好特別。火鍋料大約有30個，都係啲木耳，粟米，南瓜，菜，雞肉，拉麵，烏冬。本人覺得羽衣甘藍同冰菜都幾好食。始終都係日式邊路嘅關係，冇中式嘅丸類選擇。嘢飲都係嗰啲冇乜特別。牛肉，豬肉都可以任叫。我打完嘅肉都上得好快，我哋都大約叫咗四五轉！質量都可以，肥d更好！女友人最鍾意嘅就係甜品，因為係Häagen-Dazs！個焦糖脆餅味仲食左2，3球！都幾好嘅係唔識淨野會有$29嘅coupon送返俾你，每人一張。下次黎食$179嘅套餐減$29都OK嘅。覺得最一般嘅就係啲枱好細張，放兩三碟料都已經冇乜位剩⋯⋯…查看更多

我見好多人推薦美肌鍋就點左，但覺得無乜特別，唔太濃，少少咸味，可能係因為食材新鮮，唔想蓋過咗啲味。醬汁有大阪燒汁好好味，唔點豉油啦！以為最平既牛質素會好差，勁多雪花肥膏果款，點知唔係，冇乜肥膏，啱晒我呢啲唔鍾意食肥既人，仲砌的好薄，滾20秒食得，豬肉仲好食。我見佢有一座大機砌片，感覺好專業。甜品有Haagen Dazs 雪糕🍦，以為又一定係d唔想食既味啦，普通既朱古力，呍呢嗱，士多啤梨，點知原來有我鐘意食既味呀，焦糖脆餅同曲奇雲呢拿，仲有藍莓同芒果紅莓，我食左4球，我覺得佢好有心思，迎合大眾口味。$179有意想不到的食物質素真係抵食，上鍋速度快，員工服務好，一定唔會唔理你，有一個員工仲過黎幫我「筆」雪糕添。…查看更多

香港人最喜歡「烚吓烚吓」夏日炎炎、也要開冷氣食火鍋，可見香港人對打邊爐的熱愛程度！但身邊總會有些朋友擔心衛生問題，害怕和別人有「口水交流」，這間火鍋餐廳就很適合他們了。這是一間以一人一鍋概念的日式火鍋放題店，限時90分鐘，任飲任食。肉類等級及價錢選擇有六款，最便宜$179(嚴選牛肉)，最貴$329(日本特選黑毛和牛)。有五款特別湯底選擇，包括「千夜鍋」、「甘露鍋」、「藥膳麻辣鍋」、「美肌鍋」及「意式蕃茄芝士鍋」。當日我和朋友分別嘗試了「美肌鍋」及「意式蕃茄芝士鍋」，$199的澳洲長期穀飼牛。剛下單不到5分鐘，侍應就送上湯底和牛肉、豬肉各一碟。限時放題就是要跟時間競賽，最怕有些餐廳上菜很慢，阻礙了大吃大喝一餐的興致。這點但馬屋做得不錯，數次加牛肉，上菜時間都不過2-3分鐘，上菜時間真的值得一讚！澳洲長期穀飼牛：肉質不錯、肥瘦適中、略欠牛味日本注重養生，所以除了可以任食牛、豬外，自助吧還有超過20款的火鍋配料和蔬菜任君選擇。一些比較少在火鍋放題可以食到的蔬菜，例如：豆苗、窩筍片、秋葵、蟲草花等，連超級蔬菜「羽衣甘藍」也是任食的。醬料也是以日式為主，除了麻醬、醬油、酸汁外，還有「大阪黃金燒汁」，味道跟一般燒汁差不多，甜甜酸酸的，很有日式風味！🇯🇵跟其他放題一樣，汽水任飲，但這裡還有各式果汁、竹蔗水，最適合注重健康或不好有氣飲品的朋友，這點感覺很貼心呢～火鍋放題最後又怎能少了甜品呢？🍦這裡有女士們的至愛：Häagen-Dazs 雪糕每日有最少4-5款口味供選擇。我當天試了「咖啡」和「士多啤梨」咖啡味入口淡淡甘香，也十分推薦！裝修以白色配以木紋為主，簡潔、明亮。座位尚算舒適，唯枱與枱之間比較狹窄，幸好設有木板相隔，不至於太尷尬，這也是日本餐廳的細心表現！總結：環境舒服、食物質素好、配料款式有驚喜、服務尚算貼心的高質日式Shabu Shabu放題！…查看更多

食火鍋放題我都會揀有高質牛肉先會去，因為自己眼闊肚窄，想留返啲quota食好野！今次揀左但馬屋，係因為朋友食過話唔錯，品質有保證呢度有幾款套餐選擇，價錢由$179-$329不等，按和牛級數而定，有五款鍋以供選擇，一人一鍋，鐘意食乜都叫乜，唔需要同人爭，限期90分鐘任食！7點幾去到餐廳已經見到勁多人等位，為左食好野，等位是在所難免幸好，都唔算等左好耐！我揀左$299日本產和牛及黑豚放題套餐配美肌鍋美肌鍋有雞肉既骨膠原，最岩女性喇朋友叫左意式番茄芝士鍋好香既番茄味，都唔錯架！Shabu Shabu 點少得既醬料基本既醬料都有齊，我最鍾意多多多蒜喇，落幾多都得，正呀！第一round黑毛和牛同豚肉黑毛和牛一捲捲用木盆盛載，色澤非常之靚！脂肪比例分佈平均，油脂細緻豐盈！淥一淥就食得，牛味濃郁，肉質較軟，帶有少許肥肉，令口感更豐盈！黑豚肉黑豚賣相都唔錯！同樣有平均既紋路，肉質粉嫩！講到味道，係比和牛鮮甜，而且油脂較少！除左可以任叫和牛豚肉，仲可以出去自助bar度拎其他食物，有丸、菜、魚、腸仔、麵、烏冬等任你選擇！食物種類雖然唔算好多，但勝在夠新鮮！飲品除左有罐裝飲品，仲可以選擇雜果賓治、橙汁、竹蔗水同蘋果汁！想清清地，仲可以揀茶/水！甜品方面，有我最喜愛既哈仔雪榚，四款味道選擇，各具特色！話咁快又90分鐘，仲覺得有啲意猶未盡，朋友話下次一定要再黎食和牛牛！…查看更多

上個月慶祝完媽媽節，今個月就要慶祝爸爸節啦～上次就食雞煲，今次就打邊爐唔洗煩食咩湯底有好多選擇，千夜鍋、甘露鍋、藥膳麻辣鍋、美肌鍋同意式蕃茄芝士鍋。價錢就睇你揀咩牛食，有$179至$329，放題時間為90分鐘。同屋企人去食，因為係一人一鍋，緊係4個都點唔同既鍋底啦！除左甘露鍋冇點，就係試另外果4款千夜鍋、藥膳麻辣鍋、美肌鍋、意式蕃茄芝士鍋。千夜鍋用鰹魚精華經過長時間烹調而成，比較清淡既湯底，如果唔中意濃湯，點呢個岩哂美肌鍋媽媽大人當然點左美肌鍋，呈雪白色，有點似韓國既雪濃湯咁，有豐富骨膠原，入面有雞、杞子等意式蕃茄芝士鍋同樣唔係好濃，中意再濃啲就再去拎啲蕃茄一齊滾藥膳麻辣鍋我呢個藥膳麻辣鍋就係４個之中最濃味同最夠味，雖然以我嗜辣既程度，呢個唔係好辣，但打邊爐啲野食索啲辣汁已經好正，入面有龍眼肉、杞子等。等緊個湯底之際緊係出去自助吧啦蔬菜類例如金茹、秋葵、羽衣甘藍、蟲草花等等，亦有丸類、響鈴、烏冬等等。點左日本產黑毛和牛個SET $289/人包括日本產黑毛和牛肉、嚴選牛肉、豚梅肉、豚腩肉。牛肉＆豬肉會上一次先，如果想再點就同店員點，其他配料就自己去拎。蟲草花我好中意蟲草花，落落去火鍋仲香！蛋皮包既餃子幾特別，不過好似傳統好食點芝士丸中意等啲丸漲到好大再食，佢呢款係有雙重日本產黑毛和牛肉唔會散”收收”，質感都可以，我食藥膳麻辣鍋就比較惹味。豚梅肉豬肉係薄切，所以都好快熟，唔會鞋口野飲選擇唔算太多，庶水、蘋果汁等等，都有罐裝汽水。食完之後，重點黎啦！係有Haagen-Dazs雪糕任食！今日有薰衣草藍莓、芒果雪芭、士多啤梨、雲呢拿味，到我食完去”不”果時已經好多味比人”不”哂，夾梗”不”到啲薰衣草藍莓，勁正～士多啤梨仲有大把，以為冇咁好食，但都唔係，有成25%都係果肉！食左幾杯雪糕如果諗唔到食咩，放題/火鍋就係最好既選擇，APM對我而言係一個比較舒服既地方，所以都唔錯…查看更多

我們大概七點四十五分到，但今日超多人的，等了很耐才有位。除左平常的醬油，還有日式燒汁和麻醬等的醬料自己混。蔬菜的種類很豐富亦有腸和丸這些基本火鍋料有果汁都有竹蔗水，個人覺得竹蔗水不會太甜，又可以清熱，是打邊爐首選。*美肌鍋奶白色的美肌鍋，有雞件、杞子、薑絲煲成；味道不會太咸。*日本產和牛及黑豚放題套餐 ($299)和牛的牛肉味香濃，雪花分佈均勻；黑豚肉爽口，不會太肥；因為主打任食日本產和牛及黑豚，所以都是拿蔬菜多；蔬菜的款式真的很多，除了菇類之外，更加有秋葵、羽衣甘藍；另外還有腸、丸和雞肉是自助取的。*甜品有哈根大師雪糕可以自己加朱古力醬…查看更多

呢間日式火鍋店每次經過都係好多人等位, 今晚早收工就一於去試下拎完飛等入座時就望下餐牌諗下食邊款級別, 價錢由$179 (嚴選牛肉)至$329 (日本特選黑毛和牛), 用餐時間為90分鐘, 任飲任食有幾款湯底選擇, 有濃有啖味, 有辣有唔辣一人一鍋, 點選千夜鍋為日式清湯, 以鏗魚淆製, 配咩食材都應該夾到女士們見到個名都心心眼嘅美肌鍋即係鷄湯, 裏面有杞子, 薑絲及鷄, 味道鮮甜選擇$179套餐, 包括嚴選牛肉/豚梅肉/豚腩肉一開波就自動送上2盤牛及一盤豬牛肉切成薄片, 帶有少少脂肪, 烚十秒內就食得入口唔算嚡口, 夾埋D芫茜蔥一齊食都OK豚肉色澤靚仔, 亦唔算好肥, 入口幾鬆化其他火鍋配料就自己出去拎, 每樣整齊排列, 鷄肉, 魚柳, 丸類, 菜類, 响鈴, 麵/烏冬一應俱全估唔到有羽衣甘藍同秋葵, 呢D咁健康嘅食材, 真係要多食D!粟米超甜, 忍唔住要食番幾舊有埋調味料站, 自家制混醬飲品有罐裝/竹庶汁/果汁, 仲有熱茶供應縱使食好飽都要記住留少少肚去食甜品呀, 呢度有H品牌雪糕, 有四款味, 唔食就苯囉.........(哈....哈)…查看更多

亞囝考試將至，為了鼓勵，行動最實際。亞囝最鐘意烚下烚下，一於和他食個痛快，食後一心一意應付考試。上星期行經觀塘amp，見到間幾靚的火鍋店，原來是任飲任食，價格亦合理，於是乎帶囝仔試一下。湯底有五款選擇，美肌鍋最啱我，湯底奶白，有雞件和杞子，味道清甜。亞囝喜牛，所以選了最貴的日本和牛和黑豚。日本和牛果然不錯，軟熟質地，牛味香濃。黑豚亦非常軟熟，兩款食了三，四輪，超抵。配料多選擇，有丸類，蔬菜類，菇類，麵類....整齊清潔，另食客食得放心。飲料亦有數十款，梗有一款啱飲。最後是我甜品控的天堂，有牌子的雪糕，全部四款都不放過好滿足。水準好，服務快，另人滿意的放題。…查看更多

平時一人一鍋多數只出現在連鎖式快餐店，不過上星期到觀塘apm 時，見到但馬屋日式火鍋都有供應一人一鍋打邊爐任食放題。店內環境光猛整潔，不過面積不大，座位略為淺窄，幸好早來了，過了七時都已經滿座，就連平日的晚飯時段也需要等位。放題限時90分鐘，這次我就選了有牛又有豬的日本產和牛及黑豚放題套餐 $299。一人一鍋的好處就是可隨自己喜好選擇湯底，毋須刻意遷就而叫鴛鴦湯底，也不用擔心別人灼煮自己不喜愛的食品而破壞了整鍋湯的味道。醬料自助櫃亦可方便人客自行混醬，混出最適合自己的口味。我自選了美肌鍋，其實就是雞湯湯底，鮮甜香濃，湯頭的濃厚度，感覺就像喝了一整碗的膠原蛋白。家人選了意式蕃茄芝士鍋，番茄湯底味道酸酸甜甜，不過芝士味偏淡。日本產和牛色澤嫩紅，切得大小均一，一碟份量亦不少，脂肪比例平均，肥瘦勻稱。平時我都不算特別喜歡吃牛肉，但難得今次的和牛算是高質，肉質細嫩富油香，肉味濃郁，就算不小心放在鍋內過久，也不會令牛肉變得過韌。不過之後再追加多一盤和牛，質素開始走樣，肉質相對較韌，只是一般的火鍋肥牛貨色。黑豚肉切得薄片，肥瘦適中，口感柔嫩。黑豚肉肉汁香甜，絕非普通豬肉可相比。自助吧有多種丸類及蔬菜自由選擇。丸類質素不俗，口感彈性爽口，魚柳雪白滑嫩。芝心丸內裡盡是香滑濃郁的流心芝士，各位芝士控不要錯過。雞肉滑嫩不鞋口，沒有絲毫雪味。打邊爐的其中一個好處就是可以比平時出街食飯，食到更多蔬菜類，很難得打邊爐提供superfood 羽衣甘藍及蟲草花。飲品可於自助吧自斟自飲，有雜果賓治、橙汁，竹蔗汁和蘋果汁。打邊爐就最適合來一杯清熱的竹蔗汁。不想喝凍飲的話，也可選擇綠茶或玄米茶。任食Häagen-Dazs雪糕更是邪惡誘惑，這晚還有我最愛的焦糖脆餅味，超滿足 ^o^…查看更多

經朋友推介今日第一次黎呢度食晏，叫咗2個上級牛肉定量套餐，我自己就揀咗美肌鍋，湯底里面主要係一D滋補食材，例如杞子、栗米、紅蘿蔔等，味道清淡當中帶有小小藥膳嘅味道，都幾適合天氣凍嘅時候暖暖身。上級牛肉方面，脂肪同肉嘅比例啱啱好，切得比較薄，快熟易入口，有牛肉味，但略嫌缺乏咬口。自助Bar方面， 大概有3至4種綠色蔬菜，全部都幾新鮮，同埋一拎曬就會refill，另外仲有其他丸呀，獅子狗呀，芋頭、冬瓜等等，選擇算係好多，每樣試D都已經飽啦。麵同烏冬用碗仔裝住，又企理，又方便，每份份量唔多，唔怕食剩曬。60分鐘嘅時間絕對可以好他條咁食飽飽(定量牛肉餐)，食物質素算係非常好。想食個好少少嘅火鍋呢度會係其中一個唔錯嘅選擇。…查看更多