星滙演 (裝修中)

見到喺尖沙咀新開左間西餐廳，仲有海景睇，一於趁生日過黎試下先。StarVerse除左係間海景西餐廳，原來仲有個大型舞台🥁可以俾live band演出助興，可惜礙於防疫政策而未能推出住。餐廳環境寬敞舒適，座位又闊落，又可以望到維港景色，襯埋個藍天白雲，心情都特別好😄佢地個lunch set 已包括沙律/餐湯、主菜、甜品、飲品，非常豐富，而且賣相精緻😍1️⃣ 前菜可選擇湯或沙律，我地當然係每樣一款試下啦，只後侍應就會奉上餐包，個包仲係暖架，好軟熟👍🏻是日餐湯係薯仔忌廉湯，薯仔溶配上香滑嘅忌廉，口感好creamy，而沙律都唔馬虎，除左有沙律菜同車厘茄，仲有藜麥、滑豆腐同鷹嘴豆，加埋個胡麻醬，非常清新。2️⃣ 美國頂級西冷配川式炒雜菜 $256牛扒🥩叫左5成熟，生熟度控制得好好，仲已經預先砌好哂，整齊咁排列上碟，顏色粉嫩，juicy仲好重牛味，就算唔點碟上的鹽和黑椒都好夠味😋旁邊仲有上中式香料炒過嘅雜菜，黎個中式合壁，別有一番風味3️⃣ 焗脆豬柳圈配薯蓉洋蔥汁 $236就咁睇個名，對呢度菜好有疑問，因為唔知咩係豬圈🐷原來係脆皮豬柳，外皮焗得好香脆，豬柳肉質又腍滑，咸香味重，仲保留到啲肉汁，下面仲有紫薯蓉，好綿密同creamy，呢度菜好有驚喜💯4️⃣ 甜品提前同餐廳講左會慶生，所以有生日寫碟🎂朱古力蛋糕口感鬆軟，好香朱古力味，唔會太甜，而巨峰提子卷都好好味，一啖一舊啱啱好😌5️⃣ 餐酒🍾 $68叫左紅白酒各一杯，分別係智利嘅Sauvignon Blanc同南澳嘅紅酒🍷正正常常總的來說，有海景可以打卡，又有美酒美食相伴，可以同朋友或另一半黎chill下，期待疫情緩和後可以欣賞 Live Band🎸表演。#foodis_coulle_hk_sm816…查看更多

/星匯演🇭🇰/#sa尖沙咀篇 ➖➖➖<靚景西餐廳 飽覽維港景色🥰>➖➖➖如果想係尖沙咀揾海景餐廳 又想聽下懷舊歌曲 呢間餐廳都係一個選擇適合慶祝聚餐～lunch 嘅價錢都合理 set 都係大概$168/pp 起有湯/沙律 +主菜+甜品 連餐飲部分食物加錢就可以享用 餐廳位於尖東尖沙咀中心入面 近窗邊位可以望到海🥳環境幾好座位之間都夠闊落 樓底高 空間感十足正前方仲有個懷舊夢台 間唔中都有live music 🎼 ➖➖➖1️⃣是日餐湯 當日係南瓜湯 口感creamy 有奶香如果南瓜味道再濃啲就好➖➖➖2️⃣沙律係胡麻醬豆腐沙律🥗無咩好補充啦 係開胃前菜➖➖➖3️⃣主菜1 : 美國頂級西冷配川式炒雜菜+$88🌟呢個好食🥰份量係lunch 黎講算幾多西冷揀左五成熟 顏色偏向鮮紅色 但唔會有血水肉質都夠軟嫩、濃郁☺️調味岩岩好 加咗啲鹽做調味 可以埋配秘製醬汁食另外伴碟有甜豆同雜菌菇有少少咸➖➖➖2️⃣ 主菜2:龍蝦蟹肉燴飯 +$88 之前都見過其他人介紹 依家個presentation 係靚左～入面龍蝦肉質感爽彈 仲會食到蟹籽蟹肉存在感無咁突出米飯有啲似平時嘅炒飯😛幾乾爽➖➖➖3️⃣甜品 分別有提子卷蛋同朱古力蛋糕✨提子卷蛋有啲似平時飲嘅提子汁 都幾鬆軟 唔伏 朱古力蛋糕都幾大件 都唔會太乾硬 整體不錯😆😆➖➖➖4️⃣飲品 Coffee or tea ☕️ 分別揀左凍檸檬茶同iced americano👍🏻➖➖➖📍StarVerse …查看更多

爆哂假又搶唔到機票，唯有繼續留港消費。今日攞咗半日假，同朋友去咗位於尖沙咀中心嘅星滙演，呢度嘅環境真係攞滿分，無敵大海景遇上藍天白雲好天氣，大家都心情大靚。午市套餐可選擇湯或沙律，我同朋友就最鍾意各選一款開心share。無論你選擇湯抑或沙律，都會奉上餐包，餐包上有啲大燕麥，而包就比較濕潤。是日餐湯係南瓜湯，有南瓜香之餘仲好creamy。沙律除咗有沙律菜同車厘茄，仲有豆腐同鷹嘴豆，配上胡麻醬感覺清新。既然諗住慢慢坐，當然要叫好西慢慢嘆，揀咗美國頂級西冷配川式炒雜菜，首先佢嘅牛扒生熟度控制得好好，並且已經預先切好，整齊排列上碟，而川式炒雜菜原來都冇乜辣味，不過用上中式香料味道係唔錯。意大利牛肉燴飯份量相當多，用上免治牛肉感覺有啲似窩蛋牛肉飯，配上意大利飯，感覺就更濕潤，口感更豐富。午市套餐仲配埋甜品，真係好抵食。黑森林蛋糕味道唔太甜，海綿蛋糕質感亦鬆軟。巨峰提子卷放入口已經有陣陣嘅巨峰提子香，呢種蛋糕嘅味道比較少有，甚有驚喜。餐飲份量都大大杯，配合呢個環境就啱哂。凍檸茶茶味夠濃，糖水係分開上。熱咖啡好香咖啡味，熱鮮奶打成奶泡，令咖啡更加香滑。…查看更多

想望住靚景歎lunch, 嚟到星匯總滿足晒我嘅願望😍 好好彩在到窗口位，望住海景真係幾chill👍環境都好闊落，好似經典vip lounge 嘅裝修，幾舒服！Lunch set包左幾多野食，有餐包，有餐湯/沙律，有主食，餐飲同甜品~我地揀左甘荀湯，幾滑幾清甜😋✨美國頂級西冷配川式炒雜菜 - 上枱已經見到肉質好粉嫩，同埋冇筋，食落幾juicy! 炒雜菜幾惹味，食完好滿足~✨魷魚明太子扁意粉 - 足料份量都好足，蟹籽滿滿；魷魚好爽口，明太子味道剛好😋甜品有朱古力蛋糕同提子蛋卷，質地都好鬆軟！…查看更多