同撈同煲

今天傍晚時份在九龍城見完客收工，，隨即又話掛8號風球。按近年情況，應該都會是天文台和勞動一族對著干;明早又會是上班時間前或一會兒後，就會宣布中午前又要趕人返工。但無論如何，今晚肯定可以瞓晏D，所以索性就地進食。記憶中，我都好似約三年多沒有在此一帶食嘢。上一次好似是食泰國嘢，今晚就來個非泰國嘢做菜單。網絡搜索一下後，被此店的一個相片吸了，就是我孩童時好鐘意飲的綠寶汽水...衝咗入去…同撈同煲，原來在此區都薄有名氣。店內以昔日舊香港，我最懷念的上世紀香港，我的童年、少年、初熟成人的舊物作裝飾。對於一些喜歡邊食嘢，邊打卡的食客，應該好鐘意。我強烈推薦比即將永別香港的一些人，和朋友到此食過散水飯，聚舊和古董級的飾物合照下，是一件美事。當晚因為打8號風球，所以客人不多，我進食到一半之後，都只有4~5枱客，所以可以毫不客氣慢慢歎火鍋。由於我不吃辣和內臟，所以選了花雕醉美人鍋。待人先來個預熱咗的湯底，隨後再端上一小個標準煲仔飯沙鍋咁多份量的鮮雞件。雞件放鍋煮熟後，再飲少少湯，二個人食完雞件，都可以有四成飽架。火鍋又怎可以無牛肉，所以點了一份安格斯牛肉，268元咁大份，絕對抵食。邊食牛邊飲火鍋湯，又令我們到達七八成飽最意想不到的是美國桶蠔，其中一隻體積超巨型，我要分4至5口慢慢咀嚼，咁就去到九成啦。其餘則點了一些輕食，手工餃和即炸響鈴，全屬中上水準。埋單結賬，還端上一個昔日香港酒樓啫喱甜點必有裝飾，迷你紙傘一把，真係好開心。…查看更多

餐廳試食九龍城📍九龍城同撈同煲火鍋唔知大家有冇覺得最近好多關於食嘅嘢，叫「同撈同煲」「同煲同撈」之類嘅名，搞到我成日以為有關係😂原來係無嘅，呢間係銅鑼灣都有分店，九龍城係總店，就等我試試佢。👉胡椒豬肚少爺雞湯 $238一直都好鍾意飲胡椒豬肚嘅我，雖然係夏天，但係都要試試佢😂佢個雞係另上嘅，份量係半隻。另上嘅砂煲仔細細，落入爐嘅時候先覺得都幾多。值得一提嘅係佢用少爺雞，係無激素架！雞另上嘅好處係可以自己睇火，唔驚d雞overcook鞋晒咁。煲滾之後大家記得一定要裝碗未烚過食物嘅湯飲下先，我覺得好好飲，好有胡椒味，不過我覺得咸菜可以多d或者大件d，但係味道係好足夠嘅，好好飲，我飲咗2碗，飲完唔會口渴嘅（我用會唔會口渴黎定義味精嘅多少😂）👉黃金炸魚皮 $98打邊爐又點可以無炸魚皮呢，本身諗左好耐要shake shake麻辣好定呢個好，最尾都係揀左黃金。魚皮好大條同埋好厚，係新鮮炸嘅，好多咸蛋黃🤤如果就咁食可能會略嫌粉漿多左少少，但係點湯反而會更索湯。👉蜂巢豆腐 $28呢個超抵食！$28有6大件。飲完湯之後我就即刻落晒豆腐落去煮耐d，索晒湯好好味！推介鍾意索湯食物嘅大家一定要叫呢個！👉鴨血 $58如果鍾意食鴨血都推介大家叫呢個，因為佢唔係豬紅質地果d鴨血，佢係煙韌嘅，同埋建議大家都係要早落，滾耐d入味d，鴨血除咗質地緊要之外，入味都好緊要，呢個湯都襯到鴨血嘅，因為都有胡椒嘅辣味，如果係麻辣湯就一流啦！👉安格斯牛肉（大）$268呢個都好食，有牛味，仲有牛嘅油脂，烚完之後仲有油脂係肉面掛住。雖然唔會係入口即溶咁誇，但係都好軟好淋，好食！價錢方面同同類型嘅邊爐店相比係一般正常價錢咁。份量如果係3-4個女仔share都足夠。👉鴛鴦蚌 $148即係珊瑚蚌同桂花蚌。我本身好鍾意食珊瑚蚌，打親邊爐都會叫，我覺得呢個係正常質素😂無乜特別，鍾意食嘅可以叫下。👉肥美鵝腸 $88如其名，真係幾肥美😂大家記得唔好烚得太耐，如果唔係會無晒d肥。份量方面都ok，正常價錢。👉美國桶蠔 $188食開美國蠔嘅對蠔size應該都心裡有數，我呢次呢桶有5隻，所以都幾大隻，不過size唔係太平均有啲好大，有啲好細，烚完有啲細😂不過都明桶蠔係咁。都一樣，平時打邊爐叫開嘅，所以都會叫。🌟總括然而，湯好飲，我係一個鍾意飲湯嘅人，所以個人鐘意呢類真材實料湯底嘅邊爐多過任食火鍋。當然食物質素同價錢都唔會可以同任食火鍋比。如果想好抵食，食得好飽，對食物要求唔高嘅會建議去任食火鍋，如果唔係大食人士，想食好少少嘅會推介呢類型嘅火鍋。呢間係港式嘅湯，但係食材有蜂巢豆腐同鴨血揀，又有啲台式咁都幾好。🍧🍧🍧🍧🍧🍧🍧🍧🍧🍧🍧🍧🍧即刻follow埋IG睇更加美食分享啦🌟🌟🌟👉iamfoodienana…查看更多

早陣子聽朋友介紹在九龍城開了一間懷舊特色佈置的火鍋店，很想很想來試一下，剛剛約了表妹到九龍城換泰幣，好預備下月泰國之旅。真是順路可以試到這特色火鍋👍🏻👍🏻一到門口已覺得很有特色，好鍾意店面的裝飾，一個老香港的格調，有火水爐、煲仔飯、大紅雞茶壺茶杯碗碟，養海鮮的魚缸，更有趣寫上「賣魚勝」足見老闆是一個很花心思的人，每一個細節位都唔會放過，令食客十分回味老香港的獨有文化。而一進入店再一次的驚喜，由地板以至牆壁，也很有特色，好彩我非常早到，同已訂了枱，可以慢慢影下相，過了一陣已滿坐，建議想影下相的朋友仔一定要訂枱，及早一點入坐。:)一坐下馬上點餐先，湯底選了「冬甫美人鍋」，湯內有蟲草花、杞子、桃膠、花膠、大蔥、紅棗、竹笙、冬瓜、半隻雞、鮮淮山、旺菜、芹菜等。湯底很清甜，而桃膠據說有清血降脂，緩解壓力和抗皺嫩膚的功效，加上口感非常好👍🏻冬瓜煲一段時間後吸收曬雞及其他材料的精華，非常鮮味，是我的最愛。而火鍋配料方面都有不少的選擇，牛肉方面有日本飛驒牛、特級牛肉手切、本地牛肉手切、極級封門柳、安格斯牛肉、特級盛牛大拼盆、極級盛牛大拼盆、牛舌、牛胸爽、一口雪花牛粒、牛骨髓⋯⋯喜歡牛的朋友真係會大滿足，今次我哋選了安格斯牛肉，安格斯牛呈大理石花紋, 肉質因應鮮嫩無比。口感自然、柔嫩、肥美、多汁。另一配料美國桶蠔，美道鮮甜啖啖肉，一桶有五大隻，每隻都肥美肉厚，加上用冰鎮上碟，賣相也不錯👍🏻再叫了8吋長蟹柳，有四大條，每條足足有8吋長，放入海底後吸了湯的鮮味，加上蟹柳身唔會太散，熟後仍能保持長條形狀，口感同味道都好吃，大小朋友都會喜歡。蓮藕片也是我另一喜歡的火鍋配料，因為煮的時間容易控制，加上口感可因應每人各自的口味而決定煮多久，長時間煮都不會溶在鍋裡。最愛是蓮藕的有高的膳食纖維及黏蛋白，熱量卻不高。另一健康之選是芋絲，芋絲由蒟蒻製成，蒟蒻又稱魔芋，屬五穀類，但熱量不高，很適合愛美的女士, 尤其是我貪靚的表妹。而飲品方面有不少選擇，支裝汽水、啤酒都有，最特別是有自家制飲品，有冬瓜薏米水，山楂紫背天葵，我選了冬瓜薏米水，入口有清甜的冬瓜薏米味，是凍飲的，配上火鍋確能下下火👍🏻👍🏻😋…查看更多

天氣漸冷，感覺又是打邊爐的時候了但其實本人頗掙扎打邊爐這回事，因為食完喉嚨便痛但如果冬天不打邊爐，便會有種好像沒有過冬天的感覺於是在友人K和T的說服下，抱著「死就死」的心態便去馬了「同煲同撈」令人聯想十多年前三色台的一套劇集不出所料，店內的佈置也是充滿五、六十年代感覺以翡翠綠為主色調，門口擺放火水爐擺設、糖蔥薄餅小食和通花鐵閘還有花磚地下、吊扇和廣告海報女郎，很有特色冬甫美人鍋友人遷就體弱的本人，挑選了口味較清淡的「冬甫美人鍋」以清雞湯為基調，配上杞子、紅棗、准山等等的湯底飲起來有淡淡的藥材味，感覺養生日本飛驒牛本人已戒牛，但單是擺盤已相當吸睛據友人說口感軟綿，而且入口即融半價的話是抵食美國桶蠔肥美又耐煮，很適合打邊爐，煮久了口感仍滑溜入口沒有腥味很鮮甜貴妃蚌很大隻，烚完也沒有縮水肉質厚實又清甜，而且令火鍋湯底多了一份鮮味值得一試即炸響鈴即點即炸，上枱時仍是熱辣辣咬落很鬆脆，配上酸甜醬，微辣，很開胃SHAKE SHAKE手工炸魚皮(蜜糖味)入口甜甜而且脆卜卜，作為等食物熟時的小食，毫不過份鵝肝墨魚丸（半份）肉質彈牙，而且墨魚味很濃遺憾的是不太食到鵝肝味野生竹笙野生竹笙因稀有又美味成為清代十大貢品之一，時至今日仍是高級素菜食材在火鍋煮很久口感仍是相當爽脆而且吸盡了湯的味道，很正，是本人打邊爐必點素菜皇帝菜其實就是茼蒿，據說古時候是進貢給皇帝食，所以有「皇帝菜」的叫法小時候接受不了，覺得就是和莞荽一樣怪味可能人大了，接受能力高了，雖然還是有少許怪味，但覺得OK鴨血這是火鍋必點的吧，但可能不是麻辣鍋食落沒有平時的惹味，但配上如此清湯也食不到腥味，不錯懷舊糖不甩本來已經飽到食不下甜品，但店員誠意推介說是招牌必食都不好意思無謂拒人於千里之外錦鯉外型的麵團確是很精緻，而且花生香味撲鼻而來口感煙韌，果然是招牌甜品，很不錯總括而言，是一間食物相當高汁的火鍋店尤其是海鮮類，令本人回味無盡剛好在座有客人生日，突然將播放的懷舊廣東歌改成生日歌，全場氣氛高漲本身收工後因工作上不如意而鬱鬱寡歡，看到心情都轉好不枉本人山長水遠來到九龍城食這餐，食完這餐就算喉嚨痛也無怨言吧…查看更多

女朋友話好想打邊爐，於是喺OpenRice搵吓搵吓就搵到呢間裝修懷舊嘅同撈同煲，再望下食平又唔錯咁，於是就拍板去試吓佢。同撈同煲就喺九龍城角落頭果間黃珍珍轉入去嘅街尾對面，因為位置比較偏僻所以可能未係咁多人發掘到佢。坐底要揀個湯底就已經有啲困難，因為佢頭嗰三款都幾吸引，不過今日突然間好想食醉雞所以就揀咗個醉雞鍋。水滾後鍋底發出陣陣嘅花雕香味，咁就梗係即刻落個半隻醉雞落去啦，話咁快啲雞就熟咗，個夥計亦都好有心機咁提示我哋可以試吓個湯底。唔試還好，一試真係好飲到停唔到口。我從來都冇試過打邊爐會將個湯底當湯咁飲，飲落去一啲都唔覺喊，就好似飲緊熱sake咁美國筒蠔亦都好出色，唔單止有大半隻手掌咁大，淥熟咗之後唔會點樣縮水，鮮甜得黎仲好juice，真係必食推介。夥計仲推介左貴妃旁俾我哋，兩隻都係$58，見佢咁大隻冇理由唔食呀。夥計又好溫馨咁提醒我哋，肉一離殼就可以食。真係未試過咁鮮甜彈牙嘅貴妃蚌，真係好想食多幾隻啊。我哋重點左個鴛鴦手打滑，黑松露墨魚滑同蟹子蝦滑。蝦滑味濃郁，墨魚滑彈牙又重松露香。兩人一碟好快手就KO左成碟。養顏美人餃子用料特別，有豬肉、蟲草花之餘仲有桃膠，但你就估唔到幾樣野加埋個味道夾得來又好突出，出面真係食唔到。 咁啱我哋去嘅時候有個特別優惠，就係消費滿$500再買like埋佢Facebook就可以獲贈安格斯牛。分量唔算多，但好濃牛味又唔肥，晒我哋兩口子鍾意食瘦嘢。最後夥計送嘅甜品都為我地帶嚟驚喜，就係糖不甩。唔好以為佢係一般嘅糖不甩，佢係每日新鮮製成鯉魚型狀，然後再係你面前放入湯底煮冧佢。起初以為鹹湯配甜食會好奇怪，但原來煮出嚟只有軟熟而無湯嘅味道，配合花生砂糖撈埋一齊食真係為呢餐畫上一個完美嘅句號。夥計同我地講優惠會隨時變，遲啲會唔送糖不甩，睇嚟我哋要快啲再計劃幫襯佢先得喇！…查看更多

自從轉左工之後，真係少咗去九龍城覓食。趁住今晚難得嘅早收工再加上慶祝第n個拍拖記念月，就同男友去小泰國搵食。漫無目的嘅閒逛之下，我就俾同撈同煲呢間懷舊霓虹燈招牌嘅店舖吸引咗😂😂一望menu，無論湯底同食物種類都有好多選擇。店員都好好，見我哋無乜頭緒，好主動咁介紹有咩必食推介。最後我地叫左個比較養生嘅醉雞鍋。平時我都好少會飲湯，但見佢好足料而且晤油膩，所以喺開始打邊爐之前都飲咗幾啖。不得不讚下隻雞，肉質嫩滑，有雞味，我地竟然清曬成隻雞美國桶蠔都係必點嘅！淥完之後都仲係好大隻，佢好厚肉，內裡唔腥之餘，仲好夠鮮味一碟5大隻，好抵食🤩店員推薦我地食貴妃蚌，特價$58兩隻。好快已經甩殼食得，一啲都晤靭，好鮮甜而且咬落去嘅肉質好爽，啖啖肉可能因為張枱近魚缸，見佢d海鮮都好新鮮，所以我地繼續都係叫左d海鮮有關嘅食材🙊鴛鴦滑分別有黑松露墨魚滑同埋蟹子蝦滑，可以雙拼就啱晒我呢啲選擇困難症乜都想試嘅人。兩款滑都各有千秋，我就比較鍾意食墨魚滑，食到墨魚嘅鮮味同時亦都有淡淡嘅黑松露香味另外佢都有好多自家製手工餃，menu上有款美人餃係推薦菜式，一問之下，原來裡面嘅餡料都好特別，其中一樣係養顏嘅桃膠心目中呢一樣食材通常會出現係甜品裏面，所以當聽到店員話餃子裏面有塗膠，本住咩都試下嘅精神就二話不說落咗order嚕！不過果然相當有驚喜呀，除咗桃膠原來仲有冬蟲草同豬肉，幾樣野配合起上黎出奇地夾，口感仲好得意如果塊外皮薄d就更加好！食夠$500 Like佢地facebook，原來仲會送安格斯牛肉，店員話新開張所以零舍多優惠。原來佢地只係開咗一個月左右，仲預告定叫我地留肚有甜品送😎講番份牛肉，肥瘦適中，因為我好怕食太重油脂嘅肥牛，佢好有牛味，靚牛所以唔洗淥到全熟就可以擺落口🤙🏻🤙🏻魚樂無窮下的買一送一優惠🤩仲有另一個優惠就係佢自家製嘅飲品買一送一有冬瓜薏米水同埋紫貝天葵，成日有人話打邊爐熱氣，配埋依兩種健康下火飲品，仲唔係Prefect Match??!臨到尾聲嘅時候，店員就拎咗份好精緻嘅甜品岀黎，開頭仲以為係年糕，原來係糖不甩相機食飽之後，佢就將兩尾魚掉落個醉雞鍋到。開頭都擔心又咸又甜會唔會好怪嫁？點知原來係完全無問題，貼心嘅店員知我花生過敏，仲特登為我準備咗砂糖黎食呢個糖不甩添👍🏻煙煙靭靭食唔停口另一懷舊甜品，啫喱仲有把遮仔牙籤做點綴，令我諗起細個成日嚷著要係茶樓點啫喱糖食，呢樣簡單嘅甜品好有一種家的感覺🌻誤打誤撞俾我地試到一間好食嘅邊爐，佢用料新鮮，店員有禮貌service好好，食食下仲幫我地個鍋濾油，真係好貼心！舖頭內外都睇得岀係有heart嘅懷舊設計，啱曬我呢d相機食先黎打卡呃LIKE下次大班人黎聚會我都會推薦同撈同煲俾大家，雖然價錢唔算十分平，但佢用料新鮮，坐得舒服，多d人仲可以嗌多d食物試暈佢丫嘛🎊…查看更多