金鳳大餐廳 (中染大廈(8咪半))

大家好今晚去了荃灣中染大廈的金鳳大餐廳我之前己經去過位於太子既總店食物品質都唔錯今次過來荃灣店食美國德州頂級西冷餐和金鳳皇牌焗豬扒飯 相比起總店 荃灣店坐得比較闊絡首先上餐湯紅白湯各點了一個羅宋湯有少少辣 蕃茄味都好濃郁湯都比較多蔬菜忌廉湯就比較Creamy同有粟米和紅蘿蔔餐包上枱時都係熱而且都幾鬆軟跟住就上美國德州頂級西冷餐汁料選了黑椒汁同照舊加埋蒜蓉這個餐都是鐵板上並且在客人面上淋黑椒汁都幾有儀式感西冷扒我點了5成熟切開牛扒都係差唔多這個熟度牛扒都可以保持牛肉既纖維感加埋蒜蓉就更加惹味牛扒餐仲有薯格同翠肉瓜伴碟吸收牛扒汁同黑椒汁更加好味跟住就係金鳳皇牌焗豬扒飯這碟飯是即焗都幾多芝士芝士焗到燶燶地比較香仲有好多菠蘿豬扒都算厚同埋己經切開一件件飯底也都有炒過有蛋香最後餐茶凍檸茶同凍咖啡都好正常而且凍飲唔駛加錢總結荃灣金鳳食物質數都同總店差唔多不過空間大好多坐得比較闊絡…查看更多

跨越半世紀的本地老字號金鳳扒房絕對不會陌生。以前住在太子那邊，父母經常帶我去鋸扒，醬汁淋在鐵板上的JAR JAR聲實屬令人興奮。想不到多年後食物依然價廉物美之餘，質素更有所提升，荃灣分店更是寬敞舒適。貴族牛扒(美國牛肩肉) - $188港式鐵板絕對要鐵板上，保持新鮮熱度之餘，醬汁更有風味。牛肩肉厚切成兩兩大片，想不到脂肪那麼少，質地會那麼軟嫩，流出少許肉汁，入口牛肉風味極濃厚，還是選了較溫和的蒜蓉汁，底下的薯角及翠玉瓜好吸汁。美國德州頂級西冷餐 - $175西冷厚度雖不及牛肩肉，但整塊大過鐵板。西冷的脂肪更加少，絕對不會肥膩，幼嫩中帶少許咬口，牛肉味道同樣香濃。連外沿少許的肉筋也很軟嫩，略帶韌煙感。羅宋湯 & 餐包紅通通又酸酸甜甜的羅宋湯絕對醒胃，裡面很多煮軟的椰菜、西芹等蔬菜的甜味，又有很重的蕃茄酸香，略帶點微辛辣感。烘過的傳統港式小餐包外脆內軟，配上牛油好惹味。凍檸茶 & 凍檸水幸好習慣飲品最後才點，飽得快要捧腹離場了。本來想叫懷舊的特飲黑牛只需加$18，最後還是選擇較健康及解膩的檸檬類飲品幫助消化。…查看更多

搭巴士經過呢度N次，今晚終於有機會試😬👍🏻晚飯時間好多人等位，通常多人食都唔差，所以都值得一等😏叫左一人一個扒餐。晚餐非常抵食美國德州頂級西冷餐十分大塊扒！上菜時侍應會拎住兩款醬汁問你要蒜蓉汁定係黑椒汁，而我就揀咗黑椒汁，隨即聽到淋上鐵板的滋滋聲，啲汁真係彈得好勁，一定要拎張餐巾近啲塊鐵板咁先唔會彈到落自己度！呢塊西冷扒，肥瘦適中，每啖肉都帶有少少脂肪，配上黑椒汁，咬落又juicy 又林，正呀！每月晚餐都頗為抵食，事關$158 就有湯、餐包、蟹子沙律、主菜(扒)、甜品、餐飲！我哋就叫咗一份每月晚餐，再加左蒜蓉(+$2)呢個每月晚餐唔止剩係得牛扒，仲有三文魚扒，真係不得了😋淨係見到都覺得豐富呀！牛扒就正常水準，三文魚扒好厚肉又有肉汁，早知叫兩份每月晚餐🤔仲有甜品食，圓滿結束今餐晚飯。甜品有朱古力味或者雲呢拿味揀~…查看更多

話說荃灣開左間老字號扒房🥩哩間老字號相信好多人都食過，今次喺我地頭荃灣開，梗係要去幫襯下！餐廳裝修走懷舊風，大大隻霓虹燈1969喺牆身，50年歷史果然絕非浪得虛名！-☆ 美式什扒餐 HKD$92貪心既我梗係叫什扒餐，因為夠哂豐富，乜嘢都有😝 豬扒、牛扒、雞翼、香腸同火腿，我樣樣都鍾意食🤤 侍應淋上醬汁嗰下唧唧聲，永遠都係最治癒💕 成個餐每一樣嘢都好有質素，豬扒彈牙肉厚，牛扒大約7成熟，肉質嫩彈軟腍，不錯的👍-☆ 美國德州頂級西冷餐(5成熟) HKD$152朋友好鍾意食牛，叫左個頂級西冷🥩 西冷份量超大份，西冷切開唔會太血淋淋，肉質厚實有嚼勁，食肉獸既你一定要點！-跟餐仲包埋牛油餐包、中/西湯及餐飲，包保你捧住個肚走！餐廳十分旺場，6點幾已經要等位，所以提議你地早少少去攞位啦~…查看更多