金記冰室

今次同哩個八字高手師姐食飯，佢係銅鑼灣返工，所以我就佢，約係佢公司鄰近嘅餐廳食飯，因為.... 佢係一位超級大路盲！俾哂地址，手機定哂位，佢都行過龍! 其實佢穿過鵝頸街巿就到，我真係R哂頭..... 最好笑係.... 佢重問我有無行街嘅工介紹，返寫字樓工好悶! 除此之外，金記嘅餐又唔係貴，所以就成為幫襯嘅主因.先點菜後吹水，羅宋湯，韮黃滑蛋炒蝦仁，客家沙薑雞半隻.不得不提一下裝修設計，係6~70年代香港冰室風味，如果貼多D舊海報，播下D舊歌就更入味!女侍應著旗袍就更正! (咪玩啦!)羅宋湯寫明特濃，雖然無想像中咁濃郁，但其實已經濃郁過不少餐廳，起碼一定濃過D快餐連鎖店! 味道偏甜夾自己口味, 而且我食到有牛腩!韮黃滑蛋炒蝦仁每款材料都恰如其分，韮黃新鮮爽脆，雞蛋夠滑，蝦肉夠大隻而且彈牙，滿意.客家沙薑雞半隻係最驚喜，首先唔係得個雞殼，隻沙薑雞係有雞肉，因為依家好多時係餐廳食雞, D雞得個雞殼! 有皮有骨但無咩雞肉!不單只雞肉充足無偷工減料, 肉嫩無渣, 雞皮香滑, 再點上惹味沙薑汁, 一流!吹水期間先知道師姐由土瓜灣搬咗去九龍灣, 原因係租約夠期之餘想搬去D有地鐵站嘅地方, 路盲都有個地鐵站係屋企旁邊安心不少.…查看更多

入咗大埔探朋友,佢話要拉我去佢屋企附近新開張嘅<金記冰室>試下,聽個名就覺得同普通茶餐廳冇乜分別,呢度除咗新裝修所以格局份外乾淨光猛之外,所有擺設同埋餐具都富有七/八十年代嘅港式情懷,令人懷舊一番。嚟到咁老牌嘅港式茶記,當然要一人叫一份經典大廚嘅鐵板套餐滿足一下啦!!!鐵板西冷牛扒餐($88蚊)：鐵板整份送上往往係茶餐廳最令人感動嘅,尤其是係醬汁另上,喺你面前淋落塊扒度"滋滋炸炸"呢幾秒,確實應該係每一個八十後嘅成年人年少時嘅回憶,爸爸媽媽話帶你去食大餐,永遠就係記住呢一個moment,標哂煙,香噴噴嘅一塊鐵板餐實在吸引。牛扒唔係話乜嘢頂級級數嘅類別,不過就勝在size夠大,啖啖肉好滿足,配埋炒香咗嘅意粉仲有荷蘭豆做配菜,女士理應就冇理由唔飽囉~鐵板美式雜扒餐($80蚊)：雜扒永遠都受人歡迎因為就係裡面超級豐富,有牛扒+雞扒+豬扒仲有腸仔同煙肉,配埋薯菜仲有炸薯條食,本身唔係有番咁上下肚餓都真係唔好叫喇$80蚊呢個價錢喺而家咁嘅環境真係好難得,明正言順「抵食夾大件」!!!價錢雖然話係平,但味道又有水準喎,起碼啲肉扒都分別悉心調味過,煎香過,睇嚟我下次都要帶阿肥幫襯一下啦!~飽心未盡,食慾又起我朋友話不如叫個甜品開心share下啦~金粒西多配雪糕($36蚊)：餐牌上面話<圖片只供參考>但食物嚟到嘅時候我覺得實物比圖片更漂亮呀被炸到金黃色表面嘅西多士切成小正方磚塊方面入口,另外配上一小碟煉奶本身已經足以教我尖叫唔點煉奶嘅話就連同雲尼嗱雪糕一齊食,呢種冰火嘅感官刺激真係不得之了囉…查看更多

金記係灣仔開咗咁耐，今日係第一次食，等咗一陣位就有喇，入去見到有飯有意粉，即刻諗起某個飲食節目講唔同地方既便當，有一集訪問藝人冰室，問過冰室同茶餐廳分別，老闆話以前只係有冰室，而且只會提供簡單食物，而唔會有意粉同飯，後期D人覺得冰室唔夠多選擇，所以出現茶餐廳，會有飯同意粉，所以分別就係呢樣。入正題，本來想叫個招牌餐既沙爹牛肉麵，但係賣晒，咁唯有加多$7叫個午餐D(咖哩雞扒煎蛋飯+羅宋湯) , 同事叫咗個午餐C(燒汁豬扒司華力腸飯+中湯).同事話佢個餐OK. 我個餐既羅宋湯都幾好，夠味同少少辣，不過就得兩片仔菜，而個咖哩雞扒煎蛋飯，煎蛋係荷包蛋，我最愛半熟蛋既蛋黃, 有兩小塊雞扒，大約係雞翼去骨再片開蝴蝶雙飛咁大塊，仲有三粒薯仔，雞扒煎得外脆內軟，咖哩夠香而且唔太辣，適合普羅大眾。整體合格，只係對於我呢D打工仔黎講有點貴。…查看更多

朋友介紹話灣仔有間懷舊冰室我呢d vintage人梗係要試下去到見到個餐牌已覺得好得意先叫左杯滾水蛋試下好懷舊，但我發覺自己麻麻呢種味但朋友話好飲是日最喜歡係條唐曹魚我係魚怪，佢真係整得好好食！不過農夫包有飯係入面我就麻麻但都推介呢間野俾大家真心覺得好食價錢貴唔貴就好睇人喇始終係港島區…查看更多

亞視雖然弱，但偶有佳作，其中一個幾分鐘嘅資訊節目「當年今日」，顧名思意，就喺想當年嘅同一日，世界發生咗咩大事。今晚同朋友嚟到「金記」食餐便飯，睇見啲「西瓜波」就即刻想起當年今日撻拖鞋踢波嘅情景。晌西環重開嘅金記未有幫襯過，嚟新開嘅灣仔店就貪其就脚方便。一室裝修大賣懷舊風，亦喺唔少人特意去幫襯嘅誘因。我依等中佬，睇見咁多懷舊嘢，自不然回憶起唔少以前細細個嘅片段 。翻開盞鬼嘅「乒乓波拍」餐牌，第一版就見到金記嘅介紹，緣來緣去，晌度唔多寫，自己睇睇！以前啲冰室，都喺賣三、五、七類嘢，邊似依家嘅茶記，十項全能乜都有。所以，金記自詡為冰室，實質如茶記般有過百款食物選擇，由早餐、常餐、小菜套餐、沙律餐、懷舊套餐、馬來咖喱、公仔麵餐、懷舊學生餐、精選焗類、意粉、碟頭飯麵、薯條、三文治、多士、漢堡包、新鮮蒸魚套餐、小食、冷熱飲品，到懷舊特色飲品……等等 ，一應俱全，不愁無嘢啱食！本來試吓佢嘅炸雞髀、沙律，回味吓「銀禧小食店」年代嘅味道。不過，遇著佢有啲冬季新嘢，朋友就話要貪新鮮試新嘢 。廚師冬季精選，有4款小菜選擇（$88-$118），另外仲有一個臘味精選套餐，共5款臘味飯選擇（$55-$78），兩者都包中湯或西湯，跟茶啡，凍飲加$3，轉特飲加$10。小弟就甚鍾意食咖喱，所以，揀咗一客馬來咖喱，包是日例湯或羅宋湯，跟茶啡，凍飲加$3，轉特飲加$10。 西湯：羅宋湯（跟餐） 依家大多數飲到嘅羅宋湯色澤都比較清徹，但晌度飲到嘅就杰身啲，色澤較橙，蕃茄味偏重，似喺較落茄膏多，但酸香度都OK嘅，又有大量蔬菜，辣多少少就更合個人心水。 是日例湯：南瓜煲唐排（跟餐） 老友喺中湯粉絲，所以，揀是日餐湯。個中湯夠老火，足料無欺場喎。 馬來咖喱牛腩農夫一口包 $89 晌餐牌上，有一組叫農夫一口包，另一組叫農夫包，都喺咖喱菜式，好奇問吓店員有咩分別，佢都笑笑口話無分別，真搞嘢 。原個大農夫包裡面有炒飯，有牛腩，面頭有一朕咖喱汁及芝士，烘得賣相好吸引，唔使擔心唔夠咖喱汁，因為仲伴有一小兜任撈任點。最好嘅食法就梗喺先食個麵包頂，非常香脆，沾沾咖喱，咖喱帶有香料味，香濃好食 。而內裡牛腩炆得好腍，入口鬆化，貪得意夾埋啲麵包，再滔多少少咖喱，真喺超正 。 火噴噴鴛鴦雙雞煲 $88 有幾火噴噴，純粹因為煲仔上，夠晒滾熱辣。雙雞就喺雞件同田雞，前者有啲嚡，煮得過火咗 ，後者就好嫩滑，只可惜份量少，內裡仲有啲豬潤添。然而，以豉椒爆，夠晒惹味 。 黑松露臘味炒飯 $78 臘味炒飯向來油香惹味，加埋黑松露相信更添香。炒飯做得唔錯，飯粒爽身，充滿臘味香味，食落又唔太油 ，不過，黑松露味明顯被臘味所掩蓋，唔多突出，只喺隱約咁食到啲松露香，未有預期咁有層次。講明賣懷舊，當然唔少得好多懷舊嘢飲，如滾水雞蛋、杏霜、保衛爾牛肉汁、黑牛、白雪公主……等等，不過，少咗金牛喎（芒果雪糕加玉泉忌廉）！ 熱奶茶（跟餐）雖然咁多懐舊嘢，但嚟到茶記奶茶都喺小弟首選。杯奶茶幾夠茶香，可見茶膽不俗，奶同茶嘅比例亦恰到好處，只喺稍稍欠細滑。 熱菜蜜（跟餐）開始入冬，朋友就揀熱菜蜜潤一潤，好讓喉頭舒服一下。 保衛爾牛肉汁另一位朋友話未見識過咩喺牛肉汁，膽粗粗試番杯。淺嚐一小啖，味道就無牛味啦，反而有少少似飲無咗甘苦味嘅涼茶，咁即喺唔喺涼茶啦？真喺有少少難形容嗰陣味。香港近年多咗依類懷舊冰室，只可惜真正嘅舊冰室買少見少，執一間就少一間。真喺唔知幾多年後，冰室成為當年今日嘅事！補充多句，今餐飯嘅食物質素有好有唔好，介乎笑臉與OK之間，不過，懷舊嘅賣點加番少少分，所以，最終都俾個笑臉佢！…查看更多

的確甚少去冰室, 在我心目中, 冰室只供應一些懷舊食物, 如菠蘿包、蛋撻、西多士、奶醬多、奶茶、鴛鴦等等, 通通都不是我喜愛, 故走入冰室的機會少之又少, 但今次跟朋友來到這間冰室聚餐, 令我對冰室有另一番體會。金碧輝煌的門面配上金光閃閃的招牌, 極之搶眼, 透過落地的玻璃門窗可清楚看到冰室內裏的環境。推門而入, 內裏的裝潢與充滿霸氣的外表完全不同, 門口設有一個放滿玻璃樽汽水的大雪櫃、牆身畫上通卡公仔、以漫畫介紹冰室的食物, 還有掛了一些懷舊的玩具, 如西瓜波、波波池中的小膠波等等, 帶點淘氣和歡樂。冰室的地方不大, 設有一排卡座, 還有一些圓枱和方枱, 座位不算多, 今日七時多來到已差不多坐滿客人, 挺熱鬧。每枱已放好餐具、餐簿和一個懷舊的砂糖壺, 馬上已被那本色彩繽紛兼設計有趣的餐簿吸引着。乒乓球拍外型很有特色, 內有不少可愛的插圖, 分門別類編寫, 有懷舊特餐、沙律餐、秘製咖喱、公仔麵、中式小菜等等。除了乒乓球拍餐簿外, 牆上亦有冬季精選餐牌、臘味精選餐牌和是日晚餐牌, 的確選擇極多, 差不多想食乜都有乜, 總有一款合大家心水, 厲害!******************************竟然連冰室也有原隻即蒸鮮魚供應, 我是愛魚之人, 必然點來試試, 還包餐湯和飲咖啡/茶。先上一碗熱辣辣的羅宋湯 (跟餐$0), 呈深橙色, 湯身濃稠, 入口順滑, 散發着酸咪咪的香氣。舀幾舀, 見有紅蘿蔔、西芹、椰菜、薯仔、紅椒、洋蔥、蕃茄 等等, 相當足料, 難怪味道如此濃郁, 酸度十足, 亦有蔬菜的甜美, 令人越喝越醒胃。餐飲改了要一杯薑檸檬可樂 (跟餐+$10), 的確很懷念它的味道, 還要求勁加薑, 岩晒我口味。即叫即煲, 杯子也熱得燙手, 內有不少檸檬 和薑絲, 經煲過的可樂, 部份糖已蒸發, 故不會太甜, 因指定要勁薑, 所以薑味尚可, 但可能改用薑片會較適合。的確已有一段時間沒有喝過薑檸檬可樂, 趁入冬可買定材料回家"大顯身手"!待了不久, 主角出場啦! 即蒸鮮魚可選擇以豉汁、古法、果皮或是清蒸等, 的確顧及不同食客的需要。是日供應的鮮魚為盲曹, 吃魚總喜歡清蒸, 揀了清蒸盲曹 ($88, 跟白飯，湯和熱飲), 簡簡單單蘸上少許豉油, 為魚提一提味, 便能嚐到魚的鮮甜, 再伴上薑絲 和清香的鮮蔥段, 用來佐白飯已令人吃得滿足。蒸後魚眼凸起, 表示其相當新鮮, 而蒸弄的時間掌握得剛好, 保持鮮嫩, 魚背肉 片片分明, 肉質紮實, 而魚皮 和魚腩 則相當滑溜, 最為吸引。******************************點一客椰香海鮮原盅南瓜拼黑松露西蘭花 ($118) 就有齊兩款喜愛的菜式, 怎能錯過呢? 嘩! 份量真的不少, 分分鐘兩人都夠食。西蘭花 面層舖滿芝士忌廉醬汁, 焗至稍稍焦色。除了有爽口翠綠的西蘭花外, 還加入了爽甜的洋蔥 和菇菌, 全部緊緊沾上濃稠的醬汁, 鹹香的芝士中亦能嚐到黑松露 的幽香, 兩者味道取得平均, 份量合宜。把西蘭花吃清後還餘下不少醬汁, 用其來佐白飯簡直一流。大大個色彩鮮艷的南瓜盅滿載數款海鮮, 面層舖滿焗至帶點焦燶的芝士, 賣相吸引得很。海鮮主要有爽嫩的魷魚、爽彈的小蝦仁 和兩隻青口, 盅內則放滿蛋炒飯, 以鹹香的芝士焗製, 芝味十足。舀起一羹, 拉起長長的半溶的芝士, 相當誘惑。米飯 炒得乾身, 粒粒分明, 但略嫌味道不夠吸引, 若不只是單單面層舖滿芝士, 連飯內也混入芝士醬汁, 甚至南瓜醬, 相信更加美味。最欣賞是整個南瓜 也弄至粉綿香甜, 應是經先蒸後焗才可, 若然單單焗製, 南瓜肉必定生硬, 果然悉心烹調, 試把粉綿的南瓜肉與炒飯 拌勻, 味道會較吸引。此雙拼菜式的確又睇得又食得, 以此定價來說簡直是抵食之選。------------------------------現時的冰室又怎只是供應懷舊菜式那麼簡單, 但估不多有數之不盡的菜式, 懷舊小吃又有、中式小菜又有、臘味又有、粉麵又有, 通通都可全日供應給大家, 真的不能看少冰室的威力, 不知這裏的凍櫃是否超級巨大呢? 哈!…查看更多

今日又到了灣仔附近交收，之後會行去銅鑼灣，途經天樂里，又去金記醫肚，見到有廚師冬季精選，有臘味精選套餐，凍凍地，叫了一碟油香臘味飯，$55，送羅宋湯/中湯及熱飲，凍飲加$3。叫了羅宋湯，好重番茄味，又夠多雜菜，不錯。油香臘味飯，臘肉夠肥美，臘腸夠香口，更不可忽視是豉油汁，配白飯一流。凍檸茶，茶味算濃又夠凍。…查看更多

灣仔一間新開既冰室,門口已經夠吸引。我一個好鍾意食中菜的女人。又抵又好食的,必定會重複去食番同一樣野.念舊。呢到個設計令我回想起細細個公公係我一放假就帶我去舊式茶記進餐,這裡餐廳都越來越少了。久不久來回味1下都好。這個杯係我以前係婆婆屋企先見到既。金記就用來放沙糖。有趣。我先點了個羅宋湯,見到是非常足料,最重要是夠酸,我覺得金記做得不錯!再來滑牛福麵,這個麵大概是我來的目的,滑牛好鮮,好滑,有咬口..這麵好處你可見到味粉是放旁邊的,重口味的可放多些。令人回味的福麵。我們又點了個乾炒牛河。乾身,夠穫氣,火喉是牛河的重要之處.金記,做到了。黑牛,由於本人不好朱古力,又要求多多,所以要求朱古力改為雲行拿雪糕。好味!店員服務態度非常好,還很健談。…查看更多