茶痴 (Eastmark)

呢間鋪頭小編支持左好耐，成日都會去幫襯😌 尤其飲季節限定會更加有新鮮感～上環同九龍灣兩間都飲過，質素一樣咁好～ 佢地仲用左玉米🌽製成既環保飲管，飲野耐啲都唔會好似有啲環保飲管咁腍左、爛左～ 奶蓋方面宜家好似有新既口味期間限定，不過小編前幾日依然買到白桃🍑既期間限定，所以就出左先啦😜 宜家季節限定變翻白桃🍑，證明過左一年😂 真係係時候要出post講下小編超鍾意飲奶蓋🥛，呢間係我最鍾意既奶蓋🥛鋪頭之一，首先講下好多奶蓋鋪頭既通病，之前飲過一啲一係太稀，放左15分鐘就已經同下面既野飲自動融埋，仲變埋細細粒既芝士🧀；一係就太杰太挺身，好似cream咁比較難吸到上黎，飲嗰陣同下面既野飲mix唔到一齊；仲有一啲係個質地都ok，但唔夠芝士🧀既鹹香味，無左鹹同甜既碰撞...呢間既奶蓋match翻個名，果然係綿芝，無落奶精，係用左4.3明治奶🥛加澳洲🦘芝士🧀，配埋海鹽🧂，口感細緻綿密好fluffy，而且有芝士🧀濃郁既鹹香，creamy得嚟唔覺得好heavy，甜度啱啱好，令人忍唔住一啖接一啖咁飲！同茶既比例大約係1:4算適中，唔會話奶蓋或者茶底搶左對方既味～下面有列翻我對唔同味道既排名，最愛都係白桃🍑😜(5 😍 係滿分，🤩係半分）綿芝日本白桃🧀🇯🇵🍑 (現時既期間限定) - $48 (好味指數：😍😍😍😍😍)呢杯暫時係小編覺得最好飲既，用左山梨縣白桃🍑，山梨縣被譽為桃之鄉🍑，比起日本🇯🇵其他地區好似和歌山、長野縣等出產既甜度較高，而且肉質纖細，飽滿多汁，清爽香甜，所以飲落真係好正，馥郁既果香感覺啖啖都食緊桃🍑咁～ 白桃🍑同奶蓋真係好夾，清香同creamy平衡得啱啱好，開頭要把握時間飲沙冰既部分，如果唔係融左就無左沙沙既口感ga la~ 下面仲有啲桃肉粒，有得咬下同埋更加真材實料！另外配埋四季春🍵做茶底綿芝白桃烏龍 🧀🍑☕️ - $34 (好味指數：😍😍😍😍🤩)作為Top 1既綿芝醇茶，受歡迎係有原因既😜 好多人以為白桃🍑同白桃烏龍🍑☕️差唔多，除左一個既茶底四季春，一個係烏龍之外，另一個分別係有冇果汁🍹同果肉，因為白桃烏龍🍑☕️係無果汁🍹同果肉，之所以有白桃🍑香味係源於個烏龍茶葉有用桃乾炒過，所以有桃既清香，會一路飲一路滲出黎，配埋香醇既烏龍茶香，口感輕盈，消暑解膩一流！無左果糖相對上亦相對上無咁甜，所以揀甜度既時候彈性大啲～ 如果想有啲野咬下既話，可能要加下其他配料～綿芝青森縣蘋果🧀🇯🇵🍎 (期間限定) - $45 (好味指數：😍😍😍😍)用左日本🇯🇵青森蘋果🍎加綠醇達成沙冰，氣味芬芳，酸甜適中，口感幼滑，最底一樣有啲果肉蓉，幾正～ 而且同綠茶🍵好夾，幾清新，不過有一樣唔好處，係打碎果肉之後，蘋果皮🍎依然比較大粒，雖然外表睇落有紅色一點點幾靚，但係有啲刮喉嚨，呢點扣左啲分綿芝日本蜜瓜🧀🇯🇵🍈 (期間限定) - $45 (好味指數：😍😍😍😍)用左甜度幾高既靜岡蜜瓜🍈，因為以一樹一瓜既方法種植，過程中會吸收全部營養和水份，因此果汁特別多，加上果肉纖維少，食落有啲入口即溶既感覺，帶啲麝香既味道，幾香甜不過相對上個香味無咁濃郁，個底有啲蜜瓜粒🍈，咬落有啲韌性幾正，證明係真材實料！蜜瓜🍈相對上比較creamy，所以飲耐左會漏啲，同埋同奶蓋無咁大碰撞綿芝草莓🧀🍓-$42 (好味指數：😍😍😍😍)唔知點解比較多莓類口味既飲品都會有藥水味，但係呢個無，個士多啤梨🍓味好清新自然，清甜微酸可以消濟，香味馥郁，而且啱啱好balance翻奶蓋比較heavy啲既感覺，不過茶既比例稍為多左啲，士多啤梨🍓既味再出啲就更加好～另外果肉可以再多啲，如果好似上面嗰啲咁就多啲咬口～綿芝芒果🧀🥭- $42 (好味指數：😍😍😍🤩)唔肯定係唔當造，定係用既芒果🥭品種問題，雖然夠甜，但係芒果獨有誘人既甜香比較淡，飲落無咁滿足同吸引，因為香味無預期咁濃郁，所以有啲失望，不過整體配搭係夾既，同樣係酸酸甜甜既生果，balance到個奶蓋，下面仲有啲芒果🥭果肉，口感唔錯～個人茶痴奶蓋排名：🥇綿芝日本白桃🧀🇯🇵🍑🥈綿芝白桃烏龍🧀🍑☕️🥉綿芝青森縣蘋果🧀🇯🇵🍎4️⃣綿芝日本蜜瓜🧀🇯🇵🍈&綿芝草莓🧀🍓5️⃣綿芝芒果🧀🥭好味指數：😍😍😍😍🤩推介指數：😍😍😍😍🤩…查看更多

武漢肺炎而家靜咗D, 條街都多咗人. 但係我地LUNCH 都係慣咗外賣, 出去食又限4 人, 又麻煩, 都係叫外賣返去食開心D~我地叫外賣, 有時會再另外叫茶飲~ 呢日又諗起茶痴既芝士茶, 即叫!!!! 上次飲咗綿芝芒果, 今次就輪到白桃, 叫咗綿芝日本白桃~ 諗起佢既綿芝奶蓋就興奮喇..... 真係好好好好好好好好好飲架!!!!我地叫咗4杯, 兩杯綿芝芒果, 一杯粒粒橙橙, 同埋我既綿芝日本白桃~ 第一啖飲我既綿芝日本白桃..... 我FEEL 到日本既味道呀~~~~ 真係好有鮮果既味道, 絶對唔係化學果汁, 仲食到好多白桃果肉添架, 真係超足料, 我估有成個桃響入面呀~~ 我最鍾意係佢上面既芝士奶蓋, 每次食都令我回味無窮, 食極都仲會卦住架真係~抖一抖, 遲D 又再叫過. (唔敢日日叫, 我驚會肥死.... HAHAHAHA)…查看更多

武漢肺炎仲未完，我地繼續食外賣。。。。 久唔久都要食餐好嘅~ 叫咗外賣飯， 配茶痴嚟飲簡直一流~ 諗起都正~ 今次引到其他同事都一齊飲茶痴~ 我地叫咗8 杯， 有台灣蜜柑四季春茶， 綿芝芒果， 粒粒紅柚，冬瓜茶，綿芝金萱烏龍， 紅玉鮮奶茶，粒粒水果~ 食晏再加杯茶痴真係perfect match!! 同事嘅台灣蜜柑四季春茶， 佢話好好飲， 好有台灣嘅味道~ d粒粒紅柚同粒粒水果真係超多生果， 飲完好似食果盤咁， 有得飲又有得食 我就繼續飲佢嘅綿芝芒果， 個綿芝真係無敵 鐘意到佢爆呀！！！ 下次再叫茶痴先~…查看更多

武漢肺炎搞到大家都減少出街，我而家返工都會叫外賣 or買take away返office食，費事響街食咁高危。。。 話說響d外賣app度揀lunch嘅時候，突然見到茶痴. 我以為我自己日有所思， 夜有所夢， 眼花。。。。 因為我明明記得茶痴係響上環， 冇理由送九龍灣架嘛 睇真d, 原來佢開咗新鋪， 響九龍灣. 我本來之前已經想寫食評， 但係佢連openrice account都未set up, 新到咁 我已經變咗佢地fans, 成日check住order完之後，好快送到，佢pack得好好呀！！ 我梗係飲芝士茶啦， 要咗綿芝芒果， 個同事就要粒粒橙橙~ 佢今次真係俾我導咗佢上癮，佢極愛呢間茶痴 介紹到俾人飲而佢地又真係好鐘意， 真係好有滿足感， 有人認同 我真係要講， 佢d芝士真係好正， 佢d芝士真係好正， 佢d芝士真係好正！！！！ 重要嘅嘢要講3 次！！！…查看更多