School Food (已結業)

School Food的韓式飯卷韓花卷，是每次去School Food都總要點1、2客來吃的item之一。最近原來School Food又再推出自選韓花卷外賣拼盤。外賣拼盤可自選4款韓花卷起($158起)。如果選6款和8款的話，就會用這個如外賣pizza般的外賣盒，攜帶起來亦很方便。帶韓花卷上朋友家gathering或開party，真是不錯的小食好選擇呢。這次我們的外賣拼盤選齊8 款韓花卷。一打開外賣盒，色彩繽紛的韓花卷就已經令大家忍不住要讓相機食先～8款韓花卷包括:（上行左至右）🍭花郎卷（牛肉、牛蒡、紅椰菜）🍭烏卒卒（墨魚）🍭哈哈卷（炸蝦）🍭紅葉花卷（蟹肉及紅菜頭）（下行左至右）🍭美人卷（牛油果及紅菜頭）🍭夏日香氣（菠蘿及紅椰菜）🍭深海炸彈（炸蠔及飛魚籽）🍭紳士先生（餐肉）每款韓花卷都各有擁躉，所以大家每人都可以揀到自己喜歡的口味，確是一班朋友開party齊齊開心share的好選擇呢  我個人最愛就始終是最經典的烏卒卒（墨魚）， 墨魚汁飯卷著煙韌鮮味的墨魚條，每口都滋味十足。我的其他心水推介還有蟹肉配紅菜頭的紅葉花卷，吃起來清甜又清新，以及用牛油果配紅菜頭的新口味美人卷。

今晚我們去咗旺角做完嘢之後，去咗附近嘅新世紀廣場行咗一陣，之後我們去咗「School Food」食晚飯！我們叫咗韓式醬燒牛仔骨鐵鍋飯及炸薯角嘅牛仔骨肉質非常鬆化軟滑，醬汁嘅味道相當惹味，但就略嫌醬汁嘅份量少咗啲，而炸薯角炸得都幾香脆！滑嘟嘟暖鍋嘅材料有鮮味嘅蜆肉、彈牙嘅魚板、滑溜嘅豆腐同煙煙韌韌嘅年糕，再加埋隻滑蛋喺面，令到香辣湯底嘅味道更加鮮甜！紅葉花卷嘅紫蘇味同薄荷葉味道太濃烈，所以唔係好食到蟹肉嘅鮮味！花郎卷因為有牛蒡，所以食落感覺好爽脆，再夾埋牛肉、蟹柳、生菜同紅椰菜一齊食，味道相當清新！火山梳乎蛋嘅份量超多，多到差唔多漏晒出嚟，頂層嘅蛋就好滑溜，仲有啲煎香咗煙肉條同飛魚籽，舖面，食到中間嘅蛋都幾軟熟，但去到最底層就有啲燶嘅味道，其實大至上都算幾好，但就因為有啲燶咗，所以喺呢度扣咗啲啲分！

第一次去這間在港有幾間分店的韓式料理試了幾款菜式！這裏的菜式的確是有D新意，和傳統韓式料理不同識得將傳統加以改良創出新派風格！感覺華麗！（需然不是每樣也改良得好）！室內裝修感覺良好！而餐枱夠大及算舒適！紅葉花卷丶一匙Pizza推介而個牛牛鐡鍋飯個蛋面做得好靚及柔滑但個石鍋梳乎蛋就感覺有煲窿粥味的感覺要改良啦尚官釜飯嗰幅圖片條人參和真實個一粒就真是大分別咗啲囉（我明白圖片只供參考）但...，出相睇吓原本想試甜品，但竟然話不夠材料做唔到

放工陪男友出旺角買電話，買完之後話不如去試下school food，之前見到多人要排隊都無去食；不過今年夏天同朋友去韓國旅行，咁啱去左school food度食，不過覺得一般。見男友有興趣加上係香港未試過，甘就去試下。可能已經係八點，所以一去到就有位坐綠野蒜烤豬肉八爪魚飯（$82）大量新鮮蔬菜，心心眼。底部是飯及其他配料，味道香濃，蔬菜大部分用上新鮮沙律菜，減少油膩感。秘密花園（$78）車厘茄、雜菇、蔬菜，健康之選，都幾好食又唔油。紅葉花卷（$78）蟹肉、紅菜頭、紫蘇賣相同味道都好，估唔到用紅菜頭會有驚喜，紫菜脆唔軟身，紅菜頭增加口感，紫蘇突出味道。食物味道加賣相加分不少，如果服務態度改善一下就更好。