珍一料理 (麗灣大廈) (已改名) 查看

疫情之下多咗買外賣返屋企食，加上炎炎夏日，經過見到珍一料理門口都幾多人排隊，原來賣緊冷盤涼拌菜，仲有好多唔同嘅選擇，加上好似係新開所以超想試吓！鋪面細細間，但俾人感覺都幾乾淨同光鮮，睇落好似幾衛生，所以都算放心。於是就買咗幾款返屋企加餸，加埋冰涼嘅啤酒一班人一齊食真係幾爽！🤣🤣 幾抵食又豐富😚個人特別鍾意佢嘅麻辣拼盤，牛柏葉同金錢肚都好爽口，加上個麻辣真係調得幾好越食越過癮，但又唔會太辛苦屋企長輩就特別鍾意個豬手，大讚炆得又淋又入味，得幾舊好似唔夠食🤣🤣

好耐無黎西灣河食野，今日經過就順便買外賣返屋企食。第一次幫襯呢間珍一料理。門面乾淨企理，明顯新裝。外賣等左幾分鐘就有得攞，包裝盒係好厚身嘅紙，好落本。紅燒豬手飯 $40餸同飯分開左兩層，豬手全部整到細細舊，好易食，炆得好稔但係仲有膠質咬吓，好啱火喉，味道都醃得好好。伴碟有豆腐結，正常。飯量好多。五香料理三拼 (牛腱，雞腎，四喜烤麩) $45$50可揀三款，揀一款素菜減$5。我揀左牛腱，雞腎，四喜烤麩，係凍嘅。牛腱好薄身，雞腎細細條，份量都可以。四喜烤麸甜甜哋，仲跟左好多雲耳同金針。下底墊左爽脆青瓜絲，上面灑上兩款脆口花生粒，白芝麻粒同香茜。川麻料理三拼 (辣鹵金錢肚，辣拌牛柏葉，藕片) $50$55可揀三款，揀素菜一樣減$5。我揀左辣鹵金錢肚，辣拌牛柏葉，藕片，係凍嘅。藕片超脆，金錢肚同牛柏葉都係細細條，份量唔少。下面同樣墊左青瓜絲，上面同樣灑上兩款脆口花生粒，白芝麻粒同香茜。辣度方面我覺得都幾麻，不過唔算太辣。聽店員講香港黃竹坑有新店自設中央厨房，食物係新鮮調拌。