鐵牛台灣牛肉麵 (旺角中心第一座)

班底來自台灣，台籍大廚在當地亦有經營小食生意。牛肉選用美國特選級（U.S.Choice）的金錢腱，在集團的中央工場醃製，再交由店內燜製。 由台灣人主理的台灣食品專門店，招牌菜為主廚私房牛肉麵，湯底濃厚並有藥材香，口碑不錯。紅燒牛筋腩麵💰68🔸牛筋炆得幾淋又夠膠質🔸牛肉嫩滑🔸湯底有淡淡藥材味，而且湯底濃郁不易口渴🔸牛肉只有4舊，份量略小🔸麵質彈牙另外飲品方面，點了香芋珍珠奶茶，味道很差，感覺喝水一般，極力不推薦。…查看更多

去到旺角，如果想食台灣野，都有唔少選擇，但係鐵牛可以話係當中嘅數一數二 ❤️紅燒牛筋腩麵，湯底相當濃郁惹味，係成碗面嘅精髓所在。牛腩亦都相當出色，肉質柔軟又不失嚼口。牛根煮得啱啱好，睇得出佢細心挑選過，口感煙靭，不錯不錯👍🏻 🤎香酥排骨肉燥乾伴麵，排骨炸得外脆內軟，非常容易咬開，而且肥瘦適中，炸皮亦不會做到很厚。麵質煙靭彈牙，而且唔會非常乾 和肉操攪拌在一起 真的很有台灣的味道 💜肉燥小茄子，茄子鮮甜，大小恰當，一啖一舊，連埋肉燥同醬汁一齊放入口，味道配搭得相當完美，十分推介。 …查看更多

香港不乏台式餐廳，但更多的是「港式口味」台灣料理，尤其是正宗牛肉麵更是寥寥無幾。據說鐵牛班底均是台灣人，感覺上食物質素較有保證，而且身邊不少朋友都曾向我推薦，所以不時亦會光顧一下；晚市人流較中午多，雖然排隊人數眾多但等候時間不長。餐牌選擇多元化，湯麵拌麵都一應俱全，另外亦有多款小食及飲品，令人眼花繚亂。入座後需自行填寫點菜紙然後到收銀處付款，等候餐點送上。肉燥小茄子 ($36)小茄子煮得軟腍但不至過分糊爛，加上肉燥簡單卻滋味。魚酥皮蛋豆腐 ($36)皮蛋豆腐幾乎是每間台式餐廳都有的一道前菜，成本低且製作方便快捷，只需將現成豆腐加上皮蛋、肉鬆或魚酥以及醬汁，毋須加工或烹調經已完成，所以亦難以有何驚喜可言，而這份皮蛋豆腐的醬汁實在太鹹。好芝味芝士鹽酥雞 ($45)鹽酥雞炸得金黃酥脆，加上大量芝士醬濃郁可口，但受醬汁影響鹽酥雞軟化速度亦較快。香滷滑牛筋 ($49)牛筋煮得軟中帶韌，口感略黏並富膠質，但實際份量不多，底下大部分均為生菜。招牌紅燒牛肉麵 ($63)牛肉麵配上數件牛腱肉，肉質軟腍鬆化；湯底帶淡淡藥材味但鹹度偏高，麵質偏軟不夠煙韌。紅燒牛筋腩麵 ($63)相對之下個人認為牛筋腩較為出色，肥瘦均稱入口豐腴，但牛筋似乎較單點前菜遜色，口感稍軟不及前者煙韌富彈性。個人心中的牛肉麵之冠非台北林東芳莫屬，在香港實在難以覓得青出於藍的一間，而鐵牛固然談不上出類拔萃，口味似乎仍偏向港式而非正宗台灣風味，但勝在選擇多元化而且價格相宜，仍是我不時滿足牛肉麵癮的選擇之一。…查看更多

來到擠擁的旺角街頭， 亂打亂撞，竟然找到這間味道出色的台灣牛肉麵館，收取的是平民價錢 我是蕃茄控，見到凡有蕃茄的食品都想叫。。。有豐富茄红素， 記得要加熱才能發揮效果的 有抗氧化功能， 延遲衰老，邊個吾想鮮茄加大塊牛肉麵 ~ 茄汁湯底很夠味， 麵條也很爽滑， 吃得我津津有味 平時好多嘢講， 都變了鴉雀無聲， 呵呵紅燒牛筋腩麵 ~ 炆得夠霖，但又不會過爛或溶掉，牛筋夠彈牙，而且夠入味濃郁， 配上熱 Coffee, 真是人都醒哂! 雖然座位空間不多， 但在香港； 還有旺角。。。 容忍下吧 …查看更多

旺中地庫呢到已經成為左我嘅飯堂...每次諗唔到食咩就會落黎呢到。而鐵牛呢...平時嘅下午茶係抵食嘅，所以通常我放假嘅下午就會黎食...但奈何今日係星期日...無下午茶，得散叫。咁我叫左個紅燒牛筋腩麵同黑糖薑母茶...男人就叫左個蕃茄鹽酥雞麵。紅燒牛筋腩麵總共3、4塊牛腩，2舊牛筋筋腩都冧滑無渣...麵底唔會糊口...湯頭好味...好似帶有好少好少嘅藥材味🤔同埋好鍾意佢麵上的酸菜，妙筆生輝！黑糖薑母茶飲完個身熱晒，冬天飲佢一流，略嫌啲薑辣左啲，唔係人人頂得順蕃茄鹽酥雞麵蕃茄湯頭都係好味嘅...鹽酥雞 酥脆啖啖肉！不過今個午餐略嫌貴左少少，畢竟一個麵加飲品七十幾蚊，有更抵的選擇。下次我都係會留番下午茶先再食佢喇😛😛**值得一提嘅係，佢地出餐嘅速度係幾快嘅，揀好食物，出收銀俾錢，番埋位，兩三分鐘就出餐喇！…查看更多

在旺角有不少台式食品選擇，今次就食鐵牛吧！始終是質素保證，坐得又算舒服！.下單是先在座位填選食物，再自行到收銀處下單，上菜也得快，食了幾次都沒有失望過！.紅燒牛筋腩麵 湯底十分夠味，牛肉牛筋也很林，同個麵配合得好好，比較適合重口味的人，十分好味！.鹽酥雞麻辣麵雞既份量其實很足，只是影相冇影到麻辣食得十分過癮，也是味道偏濃，真的像在台灣食！.上菜快，飲品都很岀名，飲了珍珠奶茶及檸檬冬瓜茶，後者十分清甜，這個配搭是十分夾的呢！…查看更多

紅燒牛肉麵起源，是1949年國民黨把南京政府軍隊撒退至台灣，家眷住在眷村。由四川省來台的鐵血戰士，將來自家鄉成都的「小碗紅湯牛肉」改良，加上台灣的辣豆瓣醬，搭配當地麵條，以解思鄉之情。此麪代表台灣外省人的飲食文化，以台北為中心。擔仔麵發源為清末光緒年間台灣漁民洪先生的小販檔子，以台南為中心，代表本土。兩種麪店同樣在旺角中心營業（此店在地牢，一樓立食區有洪祖師），說出台灣人省籍差異的故事。紅燒牛肉麵分幾種:注重濃厚的口味，以豆瓣醬，醬油為主，在原先眷村發展出來。今次食牛筋腩肉，很大碗，偏咸，但筋是十分甘美的。貴一些的私房麪只是加了金錢和牛，並非更高質素。套餐選了木魚炸豆腐，醬汁稍酸。台式香腸有台灣風味，惜不是熱騰騰。鹽酥雞是常見的臺灣小吃， 發明於民國60年代臺南市。亦不是熱騰騰。滷肉飯（常被誤寫為魯肉）的滷者，用濃汁烹調食物也。臺灣美食作家朱振藩說，根據最早的字典漢朝《說文解字》判斷，「鹵」字是正寫，後來出現「滷」字，成為臺灣最常看見的寫法。臺灣滷肉飯通常是醬滷豬肉澆淋白飯，搭配筍乾或是醃蘿蔔乾等；在香港的臺式餐館，「滷肉飯」大多是使用滷五花肉塊，而台南式「肉燥飯」才是使用滷肉碎。 香港流行的是台南式。此店的滷肉飯 質素一般，與度小月相差太遠。總括來說，快餐店格局，侍者是台灣人，牛肉麵佳，其他一般。…查看更多

今日同屋企人行完旺角，行得太晏無煮飯，就係附近搵食喇。係毫無頭緒之下，經過旺中見到好大個鐵牛既招牌，第一眼以為係食日本野，望真啲見到下面有細字仔寫住「台灣牛肉麵」，我地就去左試喇。門口有侍應問我地幾位然後帶我地入去坐低，餐廳係半自助形式，店員叫你先揀好食物然後去返門口附近既收銀比錢，之後會有店員送上食物。第一個到既餐係呢個養生素食便當配黃金地瓜飯，呢個無加配飲品。初初以為半自助形式要自己拎餐具，點知原來有埋餐具。黃金地瓜飯煮得太腍，加上有地瓜碎，成個感覺食落好一pat野。碟菜煮得幾好，新鮮又唔油。上面三小碟有滷蛋半隻加菜圃，山根，茄子。呢三碟都好好味，尤其是茄子，唔會煮到好腍，個味道都好好，好似係茄汁味。紅燒牛筋腩麵加$16要左杯凍香芋珍珠奶茶，成個餐就$74。都係先試個湯先，好鹹，個係好香牛肉味。牛筋比牛腩好食，牛筋好腍，牛腩就有啲腍有啲韌。個麵份量好多，又唔會煮得太腍。凍香芋珍珠奶茶好好飲，珍珠好有咬感，唔會好硬。香芋同奶茶既份量控制得好好，飲落好清香。呢個好推介！好好味，個湯同啲麵同之前嗰碗一樣comment，不過呢個牛超正！每舊牛肉都有啲筋，每一舊食落都好腍，諗起都好回味。另外值得一提，店員服務態度好好，問佢攞暖水，佢本身話無，仲主動話得凍水然後幫我地斟凍水。跟住隔左一陣佢話有熱水仲幫我地加返啲熱水。抵讚！…查看更多