滿堂樂滬京風味 (已搬遷)

食完飽餃店即刻過格離食埋滿堂樂我成日搞錯佢個名做滿樂堂就點都估唔到咁up dup既地方會係米芝蓮餐廳由22年開始上榜連續兩年必比登推介入面座位仲少過格離飽餃店成日都唔知門口排既人係等外賣定排緊隊入面得兩張大圓檯搭檯就係必定既事餐牌都係要睇番牆上面主要賣上海麵同小食真係好少野同格離重疊唔知係咪有deal過咸豆漿係豆漿大王中過伏以後都唔會再叫格離檯就有個阿叔係咁話個咸豆漿唔夠熱普通豆漿加5蚊就有冷熱同價熱豆漿成碗上淨係要熱既都夠佢無得揀豬扒擔擔麵要分開點所以要個普通擔擔麵算之前買外賣又好今次堂食佢都有叫你搞暈碗底先食呢個係我鍾意既味道花生味夠重又熱又暖肚唯一係個麵唔夠詠藜園鬥老店特色落單都係就咁大叫侍應就無機無紙去記低所以成日都會漏單呢度無北角麥記咁好記憶要再提下先識整個粢飯一開二粢飯就豆漿大王好食好多呢間無乜咬口油炸鬼都係乾乾地同格離一樣都係手寫單今次係一麵一飯兩杯野飲加埋75蚊價錢都OK擔擔麵加熱豆漿無得輸粢飯可以唔洗叫而且一舊25蚊同類型舖頭都係偏貴同埋圓凳搭檯都係坐得唔舒服試過個麵叫外賣都仲係熱到hihi都可以考慮下拎走食既…查看更多

早前見到這間米芝蓮推介上海小店，又未食過鹹豆漿，決定黎試一試。今次叫左好多人推介的鹹豆漿和粢飯。首先說說粢飯，雖然好大份，肉鬆都好多，但略嫌糯米太硬，而且包得好鬆散，食起來肉鬆油炸鬼糯米飯分開。再來說說鹹豆漿，之前從來沒有吃過鹹豆漿，這是第一次食覺得一般般。不知道是不是正宗的鹹豆漿也是這樣，但我覺得鹹豆漿真是太鹹了，喝一兩啖便不想再喝了，最後吃了半碗便放棄。這次的體驗，可能是因為我沒有吃過鹹豆漿的關係，比我想像中的鹹豆漿有出入，所以有點失望。…查看更多

今次朋友仔話帶小c妹去試下平民米芝蓮 機會難得 小c妹緊係要去試下啦😋擔擔麵 💰42麻醬好香 加埋啲䓤花幾惹味加辣絕對好食好多♨️各位豬仔記得加辣❗️加辣❗️小c妹今次蠢左 無加到辣只係試左朋友仔既一啖加左辣既湯原來都唔會好辣 唔食辣既豬仔都可以考慮下🤭粢飯 💰23好大舊 好足料比較細食既女仔基本上食一半都已經飽左8成🫣最好同朋友仔share啦可以試多啲唔同野呀嘛～😋鹹豆漿 💰12呢款鹹豆漿絕對岩鍾意重口味既豬仔😋香港好少地方有鹹豆漿可惜小c妹個人覺得咸得滯🫣…查看更多

紅磡粢飯店🧡🤞🏻 香港真係越來越少地方賣粢飯 可能工序比較麻煩🥲 通常都係d小店先會有😚 所以要好好幫襯 支持下！FYI 我去到先發現原來呢間係米芝蓮店⭐️粢飯配鹹豆漿($38)先講個粢飯😛❤️‍🔥個糯米飯唔會太厚太多 但我個人認為個飯黏左少少🤏 餡料方面 有油炸鬼 榨菜 肉鬆😍 油炸鬼夠脆 而且肉鬆榨菜份量都唔少 我仲聽到有客人要求多肉鬆🤓 鹹豆漿裡面有油炸鬼 蝦米🦐 同埋蔥 我個人就唔係好食得出豆味 反而係蝦米味比較出😗 我最鍾意係個豆漿比較厚 唔會好稀👍🏻📍滿堂樂滬京風味 (紅磡)地址：紅磡明安街4號…查看更多

#黃埔#滿堂樂#米芝蓮推介街頭小食路過見到好多人排隊買粢飯外賣，堂食反而啱啱有位。街邊小店格局，環境及衛生一般。鹹豆漿，走蝦米，$13，味道普普通通。粢飯$25，勁大個，糯米蒸得唔夠熟，好多米粒都係硬嘅，嚴重影響口感，咁都可以賣俾人？雖然即叫即包，但油條係淋嘅。榨菜粒和肉鬆份量正常，但糯米實在太多，顯得餸嘅比例偏少，好似係咁食白飯🙄套餐 $36，咁嘅質素真係好普通，唔知點解會係米芝蓮推介🤔🤔🤔…查看更多

鹹豆漿加粢飯先36蚊 抵食飽肚之選👍個飯系即叫即整 肉鬆夠多又夠大 老闆會好好咁問你需唔需要切開两半 所以當切開的時候 見到都飽左一半😂當两個人食的話已經好飽肚架啦雖然鹹豆漿加粢飯系招牌 但街坊都係點冬菇雞翼面嚟食 吾通呢個先系最好食？😂😂…查看更多

$25一個粢飯，一啲都唔平，睇返之前啲相好似$22-$23，加價都加得幾狼。 即管睇下食物質素對唔對得住個價錢先！首先去到間鋪十分混亂，門口一堆人，唔知邊到係隊尾。排到去同阿姐落單，落完無收我錢就走咗去。跟住繼續門口等，無耐其他人係到嘈唔知點排隊，唔知點落單，又無人招呼，等咗陣終於有個阿姐得閒幫佢地寫單，佢地叫完野食係即刻俾埋錢，我就問阿姐點解我叫完野食未收我錢，因為我驚其實我張單無落到，阿姐就話落咗單就等等啦... 咁就照等啦，最尾都成功攞到食物然後俾錢，安排極無系統同混亂，人手非常不足。好， 講番食物質素， 個粢飯係好大舊，但大部份都係糯米，料都有，但一般，油炸鬼有啲硬。糯米真是太多了，根本成舊野就係食糯米。食過上環一間粢飯，同樣好飽肚，佢糯米多得黎料都好多，所以每啖咬落去都有米同料，而且包得好實。而呢間係大部份時間都係到食糯米，包得又唔算實，總括黎講，食物質素對唔得住個價錢，試一次就好了😅…查看更多

⭐️ 滿堂樂滬京風味 (紅磡)📍 紅磡明安街4號自從米芝蓮必比登推介左呢間小店之後 人流就越來越多🏅️ 主要賣上海小食感覺實而不華🏮 小店位置不多而且人手有限 最好都係食外賣啦🥡 比起一般上海店冇咁重口味👍🏻比較推薦粢飯呢 ⭐️ 粢飯 🍙粢飯份量好飽滿😋飯粒咬落好軟糯唔會太散🍚 見到即叫即包喺熱辣辣嘅米桶攞出黎🔥油條好香脆💥 加埋榨菜同肉鬆充滿口感 🥓⭐️ 鹹豆漿 🍼第一次試口感好特別😛有點似豆花 餡料有蔥花油條等 蝦米點綴了鮮味🦐 也嚐到濃濃豆香⭐️ 雲吞水餃 🥟上海試雲吞同港式嘅鮮蝦雲吞唔同 以菜肉為主🥬 加上津白餃口味都偏清淡🍲 皮略顯有點厚 值得一讚係紫菜湯底好清👍🏻飲曬都唔會好口渴…查看更多

早前2022年《香港澳門米芝蓮指南》正式 宣布了，其中「必比登推介」中有間開業25年的紅磡小店「滿堂樂」係我已經光顧過不少次，真係估唔到呢個小店會榮獲此名。滿堂樂老闆說受晚市禁堂食困擾，加上不少公司推在家工作，生意受挫，希望「米芝連」可以幫到佢撐過疫情。滿堂樂的招牌粢飯屬即叫即做，酸辣湯與鹹豆漿亦都大受歡迎。好食嘅粢飯真係買少見少，呢度仲要$23就有大過拳頭嘅粢飯；鹹豆漿因為口味問題我就無試過；酸辣湯係經老闆改良，帶蕃茄味道，因為我上次拔到食1/3個蕃茄，所以越食越開胃。日前喺《米芝蓮》推出後，再次經過店舖外，人龍經常排到長長，老闆包粢飯真係無停過手😆😆…查看更多

過譽了~ 很想吃粢飯，但現在即叫即包的已經買少見少，網上看過文章，說這裏有，就決定來試一試。星期六下午五點去到那裏，發現長長的人龍。不論堂食還是外賣也是排同一條隊，我覺得這樣的安排比較混亂。排了大約35分鐘，終於排到，取到了最後的堂食位置。叫了一個「粢飯加豆漿」$27 同埋一碗炸豬扒麵$35豆漿正常，但唔算太熱。最想吃的就是粢飯，但我覺得只係一般，雖然是即叫即包，但包得比較鬆散，而且油炸鬼唔脆! 期望越大失望也越大，個人認為絕對唔值得為咗呢一個咁嘅質素嘅粢飯，排35分鐘。豬扒麵，豬扒跟面是分開上的。面不過不失，沒有什麼味道。豬扒反而做得不錯，很乾身，沒有很多油，味道亦調得很好。總括而言，路過可以一試，要排隊就不用了！…查看更多

我最鍾意食上海式嘅早餐，尤其係鹹豆漿，粢飯，油豆腐粉絲，大餅之類。但係因為呢啲食物係香港逐漸式微，舖頭執一間少一間， 要搵一間有齊呢啲嘢食嘅已經唔易，更加唔好提要搵一間好味嘅。難得有一間喺屋企附近，所以我都經常幫襯。入到去梗係要叫例牌既鹹豆漿粢飯啦。唔知道係咪近年舖頭嘅廚師轉咗風格，鹹豆漿越嚟越稀，同上年前年比簡直差天共地。 而且以前鹹豆漿裏面嘅油炸鬼，食嗰陣仲有少少脆，呢個一路係佢既賣點。但係近嗰幾個月已經食唔到鹹豆漿裏面嘅脆油鬼啦。至於粢飯 ，依間習慣用孖條，諗著食唔晒既當然可以要求用單條。但無論係孖條定單條，裡面嘅配料都係咁少，不過飯量就好多，好似變左油炸鬼飯糰咁。希望只係唔合我口味，願老舖振作。…查看更多

這天早上突然很想吃米飯，於是上班途中就在openrice search了這家上海菜小店買粢飯~我太久沒吃了吧...發現原來現在粢飯也要接近$20，有些店子更是20多塊...阿姨看見我就親切地問：「靚女，要咩呀？」我說要粢飯，另一位阿姨就在我面前那張小桌子上包呀包~期間兩位阿姨聊天都是用上海話(？)，感覺更加正宗哈哈...嘩！超有份量的粢飯，有我兩個拳頭大！裡面有榨菜、肉鬆，重點是油條！香香脆脆不油膩！我平常不太吃炸物也覺得好好吃！當作早餐也吃不完，可以留待午餐再吃呢！下次再買的話，我應該會跟阿姨說米飯要少一點吧~…查看更多