✨人氣爆餡糯米糍 可惜皮太乾✨.星期六約1點左右去到驊記排遠近馳名嘅花生糯米糍，當時陰陰地天都已經有十幾人排緊，因為即叫即包，大概排咗1個鐘就到我，排咁耐就梗係買多少少，最後買咗2盒花生糯米糍同2隻茶果～佢捧場客真係好多，但人人口味唔同，呢間就唔太啱我口味😮💨.▫️花生糯米糍 $6粒（6/10）佢個餡其實幾好食(^^♪幾香花生味而且唔會過甜，亦係食過咁多間糯米糍入面皮最薄餡最多嘅一間，價錢亦非常實惠只係$6粒💓可惜個皮真係非常乾個人覺得幾難食，同煙韌扯唔上任何關係🥲我諗如果同我一樣鍾意食皮嘅會失望，但你鍾意食餡嘅相信好啱你！.▫️蘿蔔茶果 $6粒（7.5/10）個蘿白絲餡幾好食😋價錢又係好抵食，不過個皮都係硬咗少少，茶果都係鍾意附近個間多啲🤣（冇記錯附近個間就貴$3）.▫️眉豆茶果 $6粒（7/10）呢間真係好抵食(˶ˊᵕˋ˵)又係爆晒餡，眉頭都唔錯，不過皮同樣係硬咗少少🤏🏻順帶一提茶果係唔洗排可以直接買.❥…本身以為呢類人氣傳統小店姨姨會幾串，但又估唔到幾nice😳btw食完後我覺得呢間賣點可能係夠經濟實惠，同埋可能係食情懷，加上餡真係好多，價錢又咁平～不過我口味就偏向煙韌嘅皮，所以覺得糯米糍麻麻地🥺就算唔洗排隊我都未必再買，我自已鍾意荃灣個間多勁多！至於茶果平平地都可以再食嘅.如果鍾意我嘅𝐏𝐨𝐬𝐭 (˶ˊᵕˋ˵)希望你可以𝐅𝐨𝐥𝐥𝐨𝐰我…查看更多
